Jɔɔŋ 11:19 - WƖA TENIŊ

¹⁹ Juu tɩŋŋaa fa yʋga a lɩɩ Jerusalɛm kɔ Bɛtanɩ dɩ ba lɔllɛ Maata arɩ Mɛɛrɩ a tɩŋ ba dɩbaala sɩ sʋba wɩaa.

Jɔɔŋ 11:19 ပူးပေါင်းရင်းမြစ်များ

WƖAA DƖ-SUOMUŊ 37:35

Ŋɩɩ nɛ ʋ hambolibiisiŋ arɩ ʋ toloo kala pʋ kenyiri dɩ ʋ leŋ, ama ʋ vɩa aŋ yiyel aŋ bʋl, “Mɩ jaŋ yel ŋɩɩ a mʋ sʋʋ a mʋ mɩ bie teeŋ, aŋ ha yiyel ʋ wɩaa.”

2 SAMƲƐL 10:2

Devit bɩɩnɛ ʋ tʋɔŋ lɛ a bʋl, “Nahas fa dagɛ ʋ chonuŋ kɩŋkɛŋ mɩ lɛ, mɩ ma jaŋ dagɛ mɩ chonuŋ ʋ nanʋala lɛ.” Ŋɩɩ nɛ Devit sii a tɩŋ nɩaa dɩ ba mʋ lɔllɛ Hanuŋ a mʋ tɩgɛ ʋ nyɩmma sʋʋŋ lɛ. Devit nɩalɩŋ sɩ mʋ Amɔŋ tɩŋŋaa tinteeŋ,

1 IZIRAL TƖŊŊAA NAABARƖŊ 10:12

ba nɩalɩŋ sɩ kɛŋ nyuduoŋ sii a mʋ paa Sɔɔl arɩ ʋ hambolibiisiŋ kʋsʋʋnʋŋ a kaa mɩɩra mʋ Jabɛs a hugiba tɩɩ-bal kʋbala bʋbʋɔŋ, aŋ vɔɔ niiŋ tapʋlaa balɩpɛ.

JOB 2:11

Job fa kɛŋ nandɔnsʋŋ batori nɛ, dɔŋɔ yɩrɩŋ nɛ, Ɛlɩfas a lɩɩ taŋ-la ba sɩɩ yɩrɛ Tɛmaŋ, dɔŋɔ ma yɩrɩŋ nɛ Balɩdad a lɩɩ taŋ-la ba sɩɩ yɩrɛ Sʋa, dɔŋɔ ma yɩrɩŋ nɛ Zɔfa a lɩɩ taŋ-la ba sɩɩ yɩrɛ Naama. Ba nɩa dɩ wɩaa jʋʋ Job, ba ŋaa nii-bala a sii fá ʋ bunso kɔ dɩ ba nyagɛ ʋ bɔyɛ.

JOB 42:11

Ʋ naambiiriŋ kala arɩ nɩalɩŋ kala fa sɩ jɩmʋ kɔ ʋ teeŋ a dii kɩaa ʋ dɩa lɛ. Ba bʋl wɩaa nyagɛ ʋ bɔyɛ ʋ yaraa pɛ dɔŋɔ lɛ a mʋ tɩgɛ wʋwalɩmɩa-la kala La TƖƖNA sɩ joŋo hɛ ʋ lɛ. Ba kʋŋkala pʋ hɔpʋla arɩ sɛlɩmɛ nenii-pɩrɩŋ.

TƖƖCHA 7:2

Nʋʋ sɩ mʋ lee-la ba sɩɩ yel nɛ kpɩa nʋʋ sɩ mʋ lee-la ba sɩ dii kɩaa a gbigbieli, bɛɛ wɩaa sʋʋŋ ŋaa nuhuobiiŋ kala kʋŋ nɛ. Nʋʋkala sɩ weye maga dɩ ʋ jɩŋ ŋɩɩ lɛ.

AZAAYA 51:19

Wʋlɔrʋnʋŋ deemba balɩa sɩ jʋʋma, nʋʋ hɛ nɩmɛ sɩ jaŋ nyagɛ ma bɔyɛɛ? Laalɩŋ sɩ jʋa, ma taŋ tel a pɩŋ jikpeeŋ, losuŋ ma jʋʋ, nʋʋ hɛ nɩmɛ a nyagɛ ma bɔyɛɛ?

JEMBIEE 1:16

Ŋɩɩ nɛ tɩɩ mɩ yel, mɩ sɩaa kala pɩpɛllɛ sɩlɩɩrɩŋ. Nʋʋkala bɩ kpaga dɩ ʋ nyagɛ mɩ bɔyɛ, nʋʋ ma tuo dɩ ʋ ŋaa dɩ mɩ tʋɔŋ pɩŋ dɩ-bala. Mɩ biiriŋ bɩra bɩ kʋŋ kɛnɛ, bɛɛ wɩaa mɩ dʋndɔŋŋɔɔ yuo diiba nɛ.”

JEMBIEE 1:2

Ʋ chaasa yel nɛ tɩtaŋɩŋ, ʋ chaŋkpaŋŋaa kala ŋaa sɩlɩɩrɩŋ. Ʋ hɩɩlaa kala tʋɔŋ nʋʋkala tuo dɩ ʋ nyagɛ ʋ bɔyɛ. Ʋ tanlɔsʋŋ kala joŋu yallɛ nɛ, ba mɩɩra ŋaa ʋ dʋndɔmɔ nɛ.

JEMBIEE 1:21

Nɩaa nɩɩ mɩ huuno nɛ, ama nʋʋ tuo dɩ ʋ nyagɛ mɩ bɔyɛ. Mɩ dʋndɔŋŋɔɔ kala nɩɩ mɩ tʋɔ-cheeŋ wɩaa nɛ, a jʋjʋɔsɛ wɩɩ-la ŋ sɩ ŋaa lɛ. Leŋ dɩ tapʋlɩɩ-la wɩaa ŋ sɩ heele bʋl yi, dɩ ba ma na hɛɛŋ arɩ mɩ sɩ na ŋɩɩ.

JEMBIEE 1:9

Ʋ disiŋ-la mɛrɛ ʋ lɛ kieli nɛ, ʋ fa bɩ ʋ chie wɩaa bɩɩna. Ʋ sɩ tele ŋɩɩ kperi, ka nʋʋkala tuo dɩ ʋ nyagɛ ʋ bɔyɛ. “Mɩ Tɩɩna, bee na mɩ sɩɩ na hɛɛŋ ŋɩɩ, bɛɛ wɩaa mɩ dʋndɔmɔ yuo diimi nɛ.”

JEMBIEE 2:13

Jerusalɛm nɩaa, wʋbɛɛ nɛ mɩ jaŋ wuo bʋla pɩma? Bɛɛ kʋŋ nɛ mɩ jaŋ kɛmma kaa magɩsɛ? Ɛɛ nɛ mɩ jaŋ ŋaa nyagɛ ma bɔyɛ dɩ ma tʋɔŋ pɩŋ dɩ-bala? Ma naawɩɩlɩŋ luŋie a nagɛ mʋga nɛ. Kʋbɛɛ nɛ jaŋ wuo vaarɛma?

Luuk 10:39

Ʋ ŋaana ma fa hɛ nɩmɛ, baa yɩrʋ Mɛɛrɩ. Yesu sɩ hɔŋ dɩa-la tʋɔŋ, ʋ kʋ hɔŋ Yesu sɛmɛ a jegilee nɩɩ wɩalɩŋ ʋ sɩɩ bʋl,

Luuk 10:42

Ʋ maga dɩ ŋ chɛ wʋbala dʋndʋŋ nɛ. Wɩɩ-la tɩtɩa nɛ Mɛɛrɩ lɩɩsɛ ŋɩɩ. Wɩɩ-la ba sɩ bɩ jaŋ wuo kaa laa ʋ teeŋ.”

Jɔɔŋ 1:19

Juu tɩŋŋaa fa sɩ hɛ Jerusalɛm lɛ tɩŋ Wɩɩsʋllɩ sɩpaalaaraa arɩ Levi doho nɩaa, ba kɔ Jɔɔŋ teeŋ a pɩɛsʋ, “Kʋbɛɛ nɛ ŋ ŋaa?”

Jɔɔŋ 11:1

Baal kʋbala nɛ fa hɛ nɩmɛ baa yɩrɛ Lazarɔs, a lɩɩ Bɛtanɩ. Ʋ dɩhaalaa nɛ fa Mɛɛrɩ arɩ Maata.

Jɔɔŋ 11:31

Juu tɩmma-la arɩ Mɛɛrɩ fa sɩ hɛ dɩa lɛ baa nyagɛ ʋ bɔyɛ, ba na Mɛɛrɩ dɩ ʋ sii lɩma. Ba sɩ na ŋɩɩ, ba sii to ʋ harɩŋ, bɛɛ wɩaa ba fa bɩɩna ʋʋ chɛ dɩ ʋ mʋ ʋ dɩbaala vaamɩŋ leriŋ nɛ a yel.

Jɔɔŋ 11:33

Yesu sɩ na Mɛɛrɩ arɩ Juu tɩmma-la sɩ to ʋ harɩŋ kɔ dɩ baa yel, ʋ tʋɔŋ faasa chei. Ʋ yaraa ma faasa vɛŋ.

Jɔɔŋ 11:36

Juu tɩmma-la bʋl, “Má bee na ʋ sɩ chou ŋɩɩ.”

Jɔɔŋ 11:45

Juu tɩmma-la fa sɩ kɔ dɩ ba chʋɔlɛ Mɛɛrɩ, a to ʋ harɩŋ mʋ a na wɩɩ-la Yesu sɩ ŋaa, ba tʋɔŋ nɩaa yʋga a laa ʋ wɩaa dii.

Jɔɔŋ 11:8

Ŋɩɩ nɛ Yesu harɩ-tooroo bʋla pʋ, “La kʋhɩaŋ, Juu tɩŋŋaa faa chɛ dɩ ba paa tabɩaa yagɩŋ lee-la nɛ, ʋ bɩ diene, aŋ ka ŋ bɩraa chɛ dɩ ŋ mʋ nɩmɛɛ?”

Rom Tɩŋŋaa 12:15

Dɩ nɩaa tʋɔŋ nɛ tɔrɔ, ŋ ma leŋ dɩ ŋ tʋɔŋ tɔrɛ, dɩ nɩaa tʋɔŋ nɛ cheye, ŋ ma chɩl ba tʋɔ-cheeŋ wɩaa.

2 Kɔrɩntɩ Nɩaa 1:4

Dɩ wɩaa nɩɩ walɩmɛla, ʋ yie pɛ la lɛ nɛ a leŋ la tʋɔŋ tɔrɛ. Ʋ sɩ yie ŋaa la tʋɔŋ tɔrɛ ŋɩɩ, la ma yie ŋaa la naambiiriŋ ma wɩaa sɩɩ walɩmʋ tʋɔŋ tɔrɛ ŋɩɩ nɛ. Wɩa joŋ tʋɔtɔrʋŋ nɛ pɩla, ŋɩɩ nɛ tɩɩ la ma pɛ la naambiiriŋ lɛ dɩ ba ma na tʋɔtɔrʋ-la doho.

1 Tɛsalonaaka Nɩaa 4:18

Má bʋl wɩaa deemba a pɩ dɔŋɔ dɩ ma tʋɔŋ pɩŋ dɩ-bala.

1 Tɛsalonaaka Nɩaa 5:11

Ŋɩɩ wɩaa, má bʋl wɩaa a nyɩnyaasɛ dɔŋɔba nyuŋ, a pɩpɛ dɔŋɔ lɛ dɩ ma wasa waa Wɩa wɩaa lɛ, arɩ ma sɩ vɛnɛɛ ŋaa ŋɩɩ.

1 SAMƲƐL 31:13

Ŋɩɩ nɛ aŋ paa ba haŋgbelee hugi tɩa-la ba sɩɩ yɩrɛ tamarɛs bʋbʋɔŋ Jabɛs lɛ, aŋ vɔɔ niiŋ tapʋlaa balɩpɛ.