Jɔɔŋ 11:15 - WƖA TENIŊ

¹⁵ Yesu sɩ, “A tɩŋ ma wɩaa mɩ tʋɔŋ tɔrɔ arɩ bʋa-la lɛ Lazarɔs sɩ sʋba mɩ tuo lee-la. Ŋɩɩ lɛ nɛ ma jaŋ to a wuo laa mɩ wɩaa dii. Má leŋ dɩ la mʋ ʋ teeŋ.”

Jɔɔŋ 11:15 ပူးပေါင်းရင်းမြစ်များ

WƖAA DƖ-SUOMUŊ 26:24

Tɩtaŋ-la tɩtɩa nɛ Wɩa kɛŋ ʋ tɩtɩa kʋ dagʋ aŋ bʋl, “Mɩ nɛ ŋaa ŋ nyɩmma Abɩraham Wɩa. Sɩ́ leŋe dɩ fawʋllʋŋ kɛnɩŋ. Mɩ hɛ ŋ harɩŋ, mɩ jaŋ pɛ ŋ lɛ a leŋ dɩ ŋ doho nɩaa pʋŋ a tɩŋ mɩ tɩntɩnna Abɩraham wɩaa.”

WƖAA DƖ-SUOMUŊ 39:5

Bʋa-la lɛ ʋ sɩ joŋu hɛ ʋ bibeŋ ʋ dɩa arɩ ʋ kʋŋkala ʋ sɩ kɛnɛ, La TƖƖNA pɛ Ijipiti tɩɩna-la dɩa nɩaa kala lɛ a tɩŋ Josɛf wɩaa. La TƖƖNA leŋe Pɔtɩfa kʋŋkala wasɛ nɛ, ʋ dɩa arɩ ʋ baga kɩaa kala.

WƖA YƖƖLAA 105:14

Ʋ bɩ leŋe nʋʋkala dɔgɩsɛba, a tɩŋ ba wɩaa, ʋ dɔgɩsɛ kuoroo nɛ.

AZAAYA 54:15

Mɩ bɩ jaŋ hɛ nʋʋkala dɩ ʋ kʋ yuoŋ. Dɩ nɩa kala nɛ kɔ dɩ ba yuoŋ, ŋ jaŋ yuo diiba.”

AZAAYA 65:8

Wɩɩ-la La TƖƖNA sɩ bʋla nɛ ŋ-la: “A nagɛ girep nɛnɛɛ ha sɩ kɛŋ lɩɩŋ nɩaa pɔ dɩ ba sɩ́ pʋra ta ŋɩɩ, a tɩŋ ba chie sɩ jaŋ kaa ŋaa sɩnɩŋ wɩaa, ŋɩɩ tɩtɩa nɛ mɩ jaŋ ŋaa mɩ nɩaa lɛ mɩ bɩ jaŋ chei ba kala.

Jɔɔŋ 11:14

Ŋɩɩ nɛ Yesu chaasa bʋla pɩba arɩ Lazarɔs sʋba nɛ.

Jɔɔŋ 11:16

Yesu harɩ-tooroo tʋɔŋ dɔŋɔ yɩrɩŋ nɛ fa Tɔmas. Ba kɛnʋ yɩyɩrɛ daalɩarɩŋ ma nɛ, bɛɛ wɩaa ba fa ŋaa daalɩarɩŋ nɛ. Ŋɩɩ nɛ ʋ bʋla pɩ ʋ dɔnsʋŋ tɩmma-la, “Má leŋ dɩ la kala to Yesu harɩŋ, dɩ ʋ nɛ ŋaa sʋʋ ma, dɩ la kala sʋʋ.”

Jɔɔŋ 11:4

Yesu sɩ nɩɩ wɩɩŋ deeŋ, ʋ sɩ, “Nyanyalɩŋ deeŋ dee bɩ maga dɩ Lazarɔs wɩɩla sʋʋ, ama dɩ Wɩa yɩrɩŋ to ŋɩɩ lɛ a yɩrɛ, dɩ mɩ ma Wɩa Bie yɩrɩŋ to nɩmɛ yɩrɛ.”

Jɔɔŋ 12:30

Ŋɩɩ nɛ Yesu bʋla pɩba, “Ma wɩaa nɛ tɩɩ yikoro deeŋ bʋl ŋɩɩ, mɩ wɩaa dee.

Jɔɔŋ 17:19

Mɩ joŋ mɩ mɩɩsɩŋ nɛ a yɔɔ sʋʋŋ ba wɩaa. Mɩ ŋaa ŋɩɩ dɩ ba ma kɛŋ ba tɩtɩa hɛ dɔŋɔ dɩ ba joŋ ba mɩɩsɩŋ yɔɔ sʋʋŋ wʋtɩtɩɩ wɩaa nɛ.

Jɔɔŋ 2:11

Yesu sɩ ŋaa lɩɩŋ bɩrɩmɛ sɩnɩŋ Kena lɛ Galilii tinteeŋ nɛ ŋaa ʋ wʋmagɩl bumbuŋ ʋ sɩ ŋaa. Nɩmɛ nɛ ʋ dagɛ ŋɩɩ Wɩa doluŋ sɩ hɛ ʋ lɛ. Ʋ harɩ-tooroo sɩ na ŋɩɩ, ba laa ʋ wɩaa dii.

2 Kɔrɩntɩ Nɩaa 4:15

Ma wɩaa nɛ tɩɩ wɩaa deemba kala ŋaa, dɩ nɩaa wuo yʋgɛ a jʋʋ Wɩa lahɔrɩmɔ-la lɛ. Ŋɩɩ jaŋ leŋ dɩ nɩaa yʋgɛ a dɛnnɛ Wɩa, dɩ ʋ yɩrɩŋ yɩrɛ.

2 Timoti 2:10

Mɩ nyalɩma nɛ wɩɩkala lɛ a tɩŋ nɩalɩŋ Wɩa sɩ lɩɩsa wɩaa, dɩ Yesu Kirisito wuo laaba ta dɩ ba na ʋ tʋla a kaa mʋ deeŋ deeŋ.

1 Jɔɔŋ 5:13

Mɩ ŋmʋnsɛ wɩɩŋ deeŋ pɩpɩma dɩ ma nɩalɩŋ sɩ laa Wɩa Bie wɩaa dii ma wuo jɩŋ arɩ ma kɛŋ mɩɩsɩ-la sɩ bɩ dɛrɛ nɛ.