Jɔɔŋ 10:6 - WƖA TENIŊ

⁶ Yesu magɛ namaga deeŋ pɩba, ka ba bɩ wɩɩ-la ʋ sɩ bʋla pɩba bʋbʋɔŋ jɩŋ.

Jɔɔŋ 10:6 ပူးပေါင်းရင်းမြစ်များ

WƖA YƖƖLAA 106:7

Bʋa-la lɛ la naabalɩmaba sɩ hɛ Ijipiti tinteeŋ lɛ, ba bɩ wʋkpuŋkperisi-la ŋ sɩ ŋaa wɩaa liise. Ba bɩ ŋ chono-la sɩ bɩ dɛrɛ ma wɩaa liise, aŋ lɩɩ ŋ-na Wɩa sɩ kɩɩ kʋŋkala harɩŋ Mʋgʋ-fɩaŋ leriŋ.

WƖA YƖƖLAA 82:5

Ma bɩ wɩaa jɩŋ, a bɩ wɩaa bʋbʋɔŋ ma jɩŋ. Ma hɛ birimiŋ tʋɔŋ nɛ. Dʋnɩa gentine kala ka jigisi nɛ.

NAMAGABA 28:5

Nɩbɔŋŋɔɔ paala bɩ wʋtɩtɩɩ jɩŋ, ama nɩalɩŋ sɩɩ chɛ La Tɩɩna, ba-na jɩmʋ nɛ woruŋ.

AZAAYA 56:11

Ba nagɛ vasɩŋ sɩ kɛŋ luobiiŋ kɩŋkɛŋ nɛ, ba yie dii kɩaa ba bɩ vɔgɛ. Ba ŋaa sɩpaalaaraa sɩ bɩ wɩaa bʋbʋɔŋ jɩŋ nɛ. Ba kʋŋkala yie ŋɩŋaa ŋɩɩ ʋ sɩ cho nɛ, a tuto ba dʋndʋŋa tʋɔtɔrʋŋ harɩŋ.

DANƖƐL 12:10

Wɩa jaŋ chɛsɛ nɩ-daŋ a pɩɩsɛ ba disiniŋ ta, dɩ ba zɔŋ. Ama nɩbɔŋŋɔɔ ha jaŋ ŋɩŋaa wʋbɔŋŋɔɔ. Nɩbɔmɔ-la kʋŋkala bɩ jaŋ jɩŋ wɩaa sɩaa, ama nɩalɩŋ sɩ kɛŋ wʋjɩmɩŋ jaŋ jɩŋ ba sɩaa.

Matiu 13:34

Dɩ Yesu nɛ fa bʋl wɩɩkala pɩpɩ nɩ-daŋ-la, namaga nɛ ʋ yie magɛ. Ʋ bɩ jaŋ bʋl wɩɩ dɩ ʋ bɩ namaga maga.

Matiu 13:51

Ŋɩɩ nɛ Yesu pɩɛsɛ ʋ harɩ-tooroo a bʋl, “Ma jɩŋ wɩaa deemba kala bʋbʋɔŋ nɛɛ?” Ba sɩ, “Oo.”

Maak 4:34

Ʋ yie bɩ sɛɩ dɩ ʋ bʋl wɩɩkala polli see ʋ magɛ namaga. Ama ʋ dɩ ʋ harɩ-tooroo dʋndʋŋa nɛ hɔnɔ, ʋ yie dagɛ namagaba-la bʋbʋɔŋ a pɩba nɛ.

Jɔɔŋ 16:25

Wɩaa deemba kala mɩ sɩɩ bʋl, namagaba nɛ mɩɩ magɛ. Ama bʋa kʋbala jaŋ yi, mɩ bɩra bɩ jaŋ magɛ namagaba, mɩ jaŋ chaasa bʋl wɩaa pɩma a mʋ tɩgɛ mɩ Nyɩmma lɛ, dɩ ma jɩŋ ba bʋbʋɔŋ woruŋ.

Jɔɔŋ 16:29

Ŋɩɩ nɛ ʋ harɩ-tooro-la bʋla pʋ, “Lɛɛlɛ ŋ chaasaa bʋl wɩaa nɛ. Ŋ bɩra bɩ namagaba ka magɛ.

Jɔɔŋ 6:52

Yesu sɩ bʋl ŋɩɩ, Juu tɩŋŋaa suomo kɛŋ wɩɩ-la lɩlɛrɛ a bʋl, “Ɛɛ nɛ baala deeŋ jaŋ wuo ŋaa a joŋ ʋ yaraa nammɩa pɩla dɩ la chaŋ?”

Jɔɔŋ 6:60

Nɩaa yʋga a faa to Yesu harɩŋ, a nɩɩ wɩalɩŋ ʋ sɩ bʋla. Ba sɩ, “Wɩaa deemba ʋ sɩɩ dagʋ, ba hɛyɛ kɩŋkɛŋ nɛ. Kʋbɛɛ nɛ jaŋ wuo sɛɩba?”

Jɔɔŋ 7:36

Ʋ sɩ dɩ la jaŋ chɛʋ ka, a bɩra bʋl dɩ la bɩra bɩ jaŋ wuo mʋ lee-la ʋ sɩ jaŋ hɛ. Ʋ sɩ bʋl ŋɩɩ, ʋ bʋbʋɔŋ nɛ bɛɛ?”

Jɔɔŋ 8:27

Ʋ sɩɩ bʋl ŋɩɩ, nɩalɩŋ fa bɩ jɩŋ arɩ ʋ Nyɩmma wɩaa nɛ ʋ bʋlaa pɩba ŋɩɩ.

Jɔɔŋ 8:43

Bɛɛ nɛ saa tɩɩ ma bɩ wɩalɩŋ mɩ sɩ bʋla bʋbʋɔŋ jɩŋ? Ma bɩ chɛ dɩ ma jegile nɩɩ wɩalɩŋ mɩ sɩɩ bʋl. Ŋɩɩ nɛ tɩɩ ma bɩ ba bʋbʋɔŋ jɩŋ.

1 Kɔrɩntɩ Nɩaa 2:14

Nɩɩ-la kala sɩ bɩ Wɩa Dɩŋ-zɔmʋŋ kɛnɛ bɩ jaŋ laa kɩalɩŋ Wɩa sɩ joŋo pɩ nɩalɩŋ sɩ kɛŋ ʋ Dɩŋ-zɔŋ-la. Ʋ tɩɩna bɩ jaŋ wuo jɩmba. Ba yie ŋaa kʋpɛɩba nɛ ʋ teeŋ, bɛɛ wɩaa nʋʋ bɩ jaŋ wuo jɩmba, see dɩ ʋ kɛŋ Wɩa Dɩŋ-zɔŋ-la.

2 Pɩɩta 2:22

Wɩɩŋ deeŋ sɩ ŋaa nɩaa deemba lɛ daga arɩ namaga-la nɩaa sɩɩ magʋ ŋaa wʋtɩtɩɩ nɛ. Ba sɩ, “Vaha yie gbu kɩaa nɛ aŋ gʋra paa dii. Ba yie fo tooŋ ma lɩɩŋ, ka ʋ bɩra mʋ ŋmoo vʋchɔɔŋ.”

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.