Jɔɔŋ 10:4 - WƖA TENIŊ

⁴ Dɩ ʋ nɛ kɛŋ ʋ piesee kala lɩɩ, ʋ yie laa ba sɩpaaŋ nɛ, ka piesee tuto ʋ harɩŋ, bɛɛ wɩaa ba jɩŋ ʋ yikoro nɛ.

Jɔɔŋ 10:4 ပူးပေါင်းရင်းမြစ်များ

SOLOMOŊ YƖƖL-SƖMƖŊ 2:8

Mɩ nɩɩ mɩ hɩɩla yikoro. Bee na, ʋ nɩɩ kɔ a fɩla kikieli peelee arɩ dundolluŋ.

SOLOMOŊ YƖƖL-SƖMƖŊ 5:2

Mɩ pɩŋ doŋ nɛ, ama mɩ tʋɔŋ-na bɩ pɩna. Mɩ dɩgɩlɩŋ nɩa arɩ mɩ hɩɩla ka du boro. Mɩ dɩhaala, mɩ hɩɩla, mɩ kokomo, mɩ nɩɩ-la sɩ bɩ nyɔɔ kala kɛnɛ: Suri boiŋ pɩmɛ. Mɩ nyuŋ kala nɛ fɩɛla arɩ nyalɩŋ, bʋrʋŋ ma tele daŋ mɩ nyuŋ lɛ.

Matiu 16:24

Ŋɩɩ nɛ ʋ bʋla pɩ ʋ harɩ-tooroo, “Dɩ nʋʋkala nɩɩ chɛ dɩ ʋ tomi, see dɩ ʋ vɩa ʋ tɩtɩa wombiiŋ aŋ joŋ ʋ daagɛsɛ baasɛ a to mɩ harɩŋ.

Jɔɔŋ 10:16

Mɩ kɛŋ piesee dɔnsʋŋ ma, aŋ ka ba tuo piesee deemba tʋɔŋ. Mɩ jaŋ kɛŋ ba ma kaa kɔ. Ba ma jaŋ jɩŋ mɩ yikoro a kala ŋaa nɩbala piesee, ba pie-daara ma ŋaa kʋbala.

Jɔɔŋ 10:27

Mɩ piesee nɩɩ mɩ yikoro nɛ, mɩ ma jɩmba, ba tuto mɩ harɩŋ.

Jɔɔŋ 10:3

Pie-dɩa bibenne yie suri pie-dɩa boiŋ niiŋ nɛ a pʋ. Piese-la ma jɩŋ ʋ yikoro. Ʋ yie yɩyɩrɛba kʋbala kʋbala, a laa ba sɩpaaŋ a kɛmba lɩɩ.

Jɔɔŋ 10:5

Ba bɩ nʋhʋɔrʋ harɩŋ ka to, ba jaŋ mɩɩra fá ʋ harɩŋ, bɛɛ wɩaa ba bɩ ʋ yikoro jɩŋ.”

Jɔɔŋ 10:8

Nɩalɩŋ kala sɩ laa sɩpaaŋ kɔ mɩ lɛ ŋaa gaara nɛ, piese-la ma bɩ ba wʋbʋlʋŋ lɛ to.

Jɔɔŋ 12:26

Nɩɩ-la kala sɩ cho dɩ ʋ tɩma pɩpɩmɛ, maga ʋ to mɩ harɩŋ. Lee-la kala mɩ sɩ hɛ, ʋ tɩɩna ma jaŋ hɛ nɩmɛ. Dɩ nʋʋkala nɛ tɩma pɩpɩmɛ, mɩ Nyɩmma jaŋ zil ʋ tɩɩna.

Jɔɔŋ 13:15

Mɩ laa sɩpaaŋ ŋaa ma na nɛ, dɩ ma ma ŋɩŋaa ŋɩɩ dɔŋɔ lɛ.

Jɔɔŋ 18:37

Ŋɩɩ nɛ Paalɩt pɩɛsʋ, “Ŋ saa ŋaa kuoru nɛ koo?” Ŋɩɩ nɛ Yesu bʋl, “Wɩɩ-la ŋ sɩ bʋla ŋaa wʋtɩtɩɩ nɛ. Ba paala lʋlmɛ dɩ mɩ ŋaa kuoru nɛ. Mɩ kʋ tuu dʋnɩa dɩ mɩ dagɛ nɩaa dɩ ba jɩŋ wʋtɩtɩɩ nɛ. Nɩɩ-la kala sɩ cho dɩ ʋ jɩŋ wʋtɩtɩɩ yie jegile nɩɩ mɩ teeŋ nɛ.”

Jɔɔŋ 3:29

Ha-falɩŋ tɩɩna nɛ tɩɩ haala, ama dɩ ha-falɩŋ tɩɩna nandɔŋɔ nɛ chɩŋ nɩmɛ a jijegili wɩalɩŋ ba sɩɩ bʋl, ʋ tʋɔŋ yie tɔrɛ nɛ dɩ ʋ nɛ nɩɩ ha-falɩŋ tɩɩna-la yikoro. Ŋɩɩ tɩtɩa nɛ mɩ tʋɔŋ ma tɔrɛ woruŋ Yesu nyuŋ.

1 Kɔrɩntɩ Nɩaa 11:1

Má chesimi arɩ mɩ sɩɩ chesi Kirisito ŋɩɩ.

Ɛfɛsɩs Nɩaa 5:1

Ma ŋaa Wɩa bii-chooloo nɛ, ŋɩɩ wɩaa, má chichesi Wɩa wʋŋaalaa.

MOSIS BƖRA WULLI WƖA WOMBIIŊ 1:30

Ma TƖƖNA Wɩa sɩ laa ma sɩpaaŋ jaŋ yuo nɩalɩŋ a pɩma arɩ ʋ fa sɩ yuo Ijipiti tɩŋŋaa ŋɩɩ pɩma ma sɩɩŋ lɛ.

Hiburu TƖŊŊAA 12:2

Má leŋ la joŋ la sɩaa pɛ Yesu lɛ, bɛɛ wɩaa wɩalɩŋ la sɩ laa dii kala tɩgɛ ʋ lɛ nɛ a lɩɩ dɩ-suomuŋ a kaa mʋ dɩdɛrɩŋ. Ʋ fa jɩma arɩ ʋ jaŋ na hɛɛŋ, ama ʋ bɩ wɩɩ-la ʋ sɩ laa dii leŋe ta, bɛɛ wɩaa ʋ jɩma arɩ ʋ sɩ ŋaa ŋɩɩ, Wɩa jaŋ leŋ dɩ ʋ tʋɔŋ tɔrɛ. Ŋɩɩ nɛ tɩɩ ʋ sɛɩ ba kpaasʋ mɛrɛ daagɛsɛ nyuŋ. Ʋ sɩ dii hɩɩsɩŋ ŋɩɩ, ʋ sɩpaa tuo. Ʋ sɩ na hɛɛ-la a dɛrɛ, ʋ jɩl Wɩa-jaŋ a lɛɛlɛ hɔŋ Wɩa kuoru kpasa nadiiŋ, nɩduoŋ dɩhɔnʋŋ.

Hiburu TƖŊŊAA 6:20

Yesu nɛ laa sɩpaaŋ jʋʋ dɩ-zɔŋ-la a tɩŋ la wɩaa, dɩ la ma wuo to ʋ harɩŋ a jʋʋ. Yesu nɛ ŋaa nɩalɩŋ sɩ laa nɩaa nyuŋ a tɩma pɩpɩ Wɩa kʋhɩaŋ a kaa mʋ wuu, arɩ Mɛlɩkɩzɛdɛk fa sɩ ŋaa nɩalɩŋ sɩ laa nɩaa nyuŋ a tɩma pɩpɩ Wɩa kʋhɩaŋ ŋɩɩ.

1 Pɩɩta 2:21

Wɩa paala yɩrɛma dɩ ma na hɛɛŋ nɛ. Má liisi arɩ Yesu Kirisito tɩtɩa na hɛɛŋ nɛ ma wɩaa a dagɛma ŋɩɩ ma sɩ jaŋ to ʋ naabʋɔsʋŋ.

1 Pɩɩta 4:1

A tɩŋ Kirisito tɩtɩa sɩ na hɛɛŋ ŋɩɩ, má kɛŋ ma tɩtɩa woruŋ dɩ ma na hɛɛ-la doho ʋ sɩ na, bɛɛ wɩaa nɩɩ-la kala sɩ na hɛɛŋ, ʋ leŋ wʋbɔŋŋɔɔ nɛ.

1 Pɩɩta 5:3

Má sɩ́ doluŋ kaa beŋ nɩalɩŋ Wɩa sɩ joŋo hɛ ma nɩsɩŋ lɛ. Ama má leŋ dɩ ba na arɩ ma mɛlɛ zɔmɔ, dɩ ba tuto ma naabʋɔsʋŋ.