Jɔɔŋ 10:36 - WƖA TENIŊ

³⁶ Wɩa nɛ lɩɩsɛmɛ a tɩmmɛ mɩ kʋ tuu dʋnɩa, ɛɛ nɛ saa ma jaŋ bʋl mɩɩ tʋʋsɛ Wɩa joŋŋoo nɛ mɩ sɩ sɩ mɩ ŋaa Wɩa Bii nɛ?

Jɔɔŋ 10:36 ပူးပေါင်းရင်းမြစ်များ

WƖA YƖƖLAA 2:2

Tinteeŋ kuoroo kʋ hɛ dɔŋɔ lɛ nɛ dɩ ba yuo La Tɩɩna arɩ Nɩɩ-la ʋ sɩ lɩɩsa.

AZAAYA 42:1

La TƖƖNA sɩ, “Mɩ tɩntɩnna nɛ ŋ-la, mɩ nɛ leŋe ʋ kɛŋ doluŋ. Ʋ nɛ mɩ lɩɩsɛ mɩ tʋɔŋ tɔrɛ ʋ nyuŋ. Mɩ joŋ mɩ Dɩma a hɛ ʋ lɛ nɛ, dɩ ʋ leŋ dɩ wʋtɩtɩɩ chɩŋ tinteyee kala lɛ.

AZAAYA 42:3

Fuolo-ŋmʋl sɩ gʋɔra ma ʋ bɩ jaŋ kaa boro ta. Ʋ bɩ chaaŋ-la ma sɩ gʋala jaŋ dɩsɛ. Ʋ jaŋ kɛŋ tʋɔpʋla a leŋ dɩ wʋtɩtɩɩ chɩŋ.

AZAAYA 55:4

Mɩ fa leŋe ʋ ŋaa nɩaa sɩpaalaarʋ nɛ a ŋaa laalɩyuori-hɩaŋ. Ʋ lɛ nɛ mɩ to a dagɛ mɩ doluŋ.

JƐRƖMAAYA 1:5

“Ka dɩ mɩ-na ŋaaŋ a hɛ ŋ naaŋ luoruŋ tʋɔŋ, mɩ jɩmɩŋ nɛ. Ka dɩ ba-na lʋlʋŋ, mɩ lɩɩsɩŋ nɛ a leŋ ŋ ŋaa mɩ wʋlaabʋllʋ a pɩ tinteyee nɩaa.”

Matiu 27:43

Ʋ laa Wɩa dii nɛ a bʋl dɩ ʋ ŋaa Wɩa Bie nɛ. Tɔɔ, má leŋ dɩ la na dɩ Wɩa nɛ jaŋ laaʋ ta lɛɛlɛ.”

Matiu 27:54

Laalɩyuoroo zɔlɔ kʋhɩaŋ arɩ laalɩyuoro-la fa sɩ chɩŋ nɩmɛ a bibeŋ Yesu a na tinteeŋ sɩ zigili ŋɩɩ arɩ wɩalɩŋ kala sɩ ŋaa, fawʋllʋŋ kɛmba. Ŋɩɩ nɛ ba bʋl, “Wʋtɩtɩɩ, baala deeŋ sɛnɛ ŋaa Wɩa Bii nɛ.”

Luuk 1:35

Ŋɩɩ nɛ Wɩa tɩndaarʋ-la bʋla pʋ, “Wɩa Dɩŋ-zɔmʋŋ jaŋ kʋ hɛ ŋ lɛ. Ŋ jaŋ kɛŋ luoruŋ Wɩa doluŋ lɛ. Ŋɩɩ wɩaa bile jaŋ ŋaa tʋɔpʋl Tɩɩna. Ba kɛnʋ yɩyɩrɛ Wɩa Bie.

Jɔɔŋ 10:35

La jɩma wɩalɩŋ Wɩa teniŋ sɩ bʋla ŋaa wʋtɩtɩɩba nɛ, a kaa mʋ wuu. Wɩa bʋl wɩɩŋ deeŋ pɩ nɩalɩŋ ba sɩ ŋmʋnsɛ Wɩa teniŋ pa nɛ.

Jɔɔŋ 17:18

Ŋ nɛ tɩmmɛ dʋnɩa nɩaa teeŋ, ŋɩɩ tɩtɩa nɛ mɩ ma tɩmba dʋnɩa nɩaa teeŋ.

Jɔɔŋ 17:21

Mɩ Nyɩmma, mɩɩ sʋlʋŋ dɩ ba kala wuo ŋaa kʋbala, a nagɛ ŋ sɩ hɛ mɩ lɛ mɩ ma hɛ ŋ lɛ ŋɩɩ. Dɩ ŋ nɛ ŋaa ŋɩɩ, dʋnɩa nɩaa jaŋ wuo laa dii arɩ ŋ nɛ tɩmmɛ.

Jɔɔŋ 17:8

Mɩ bʋl ŋ niiŋ wɩalɩŋ ŋ sɩ bʋla pɩmɛ pɩba nɛ, ba laa dii. Ba jɩma arɩ wʋtɩtɩɩ nɛ, mɩ sɛnɛ lɩɩ ŋ teeŋ nɛ. Ba laa dii nɛ arɩ ŋ nɛ tɩmmɛ.

Jɔɔŋ 19:7

Ŋɩɩ nɛ Juu tɩmma-la bɩra bʋl, “Ʋ kɛŋ ʋ tɩtɩa yɩrɛ Wɩa Bii nɛ. La wombiiŋ daga arɩ nʋʋkala nɛ ŋaa ŋɩɩ, ʋ maga dɩ ba kpʋʋ nɛ.”

Jɔɔŋ 20:28

Ŋɩɩ nɛ Tɔmas yɩrʋ a bʋl, “Mɩ Tɩɩna, ŋ nɛ mɩ Wɩa.”

Jɔɔŋ 20:31

Ama mɩ ŋmʋnsɛ wɩaa deemba dɩ ma wuo laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa aŋ pɛ ŋaa Wɩa Bie ma. Dɩ ma nɛ laa wɩaa deemba dii, ma jaŋ kɛŋ mɩɩsɩŋ ʋ yɩrɩŋ lɛ.

Jɔɔŋ 3:17

Wɩa bɩ ʋ Bie ta dɩ ʋ kʋ tuu laa dʋnɩa nɩaa wɩaa jɩŋ, ama dɩ ʋ laa dʋnɩa nɩaa ta.

Jɔɔŋ 3:34

Mɩ-na Nɩɩ-la Wɩa sɩ tɩma, mɩɩ bʋl Wɩa niiŋ wɩaa nɛ, bɛɛ wɩaa Wɩa joŋ ʋ Dɩŋ-zɔmʋŋ doluŋ kala a pɩmɛ nɛ.

Jɔɔŋ 5:30

Ŋɩɩ nɛ Yesu bɩra bʋl, “Mɩ-na bɩ wɩɩkala wuo ŋaa mɩ tɩtɩa doluŋ lɛ. Mɩ yie dii sarɩya arɩ Wɩa sɩ sɩ mɩ dii ŋɩɩ nɛ. Ŋɩɩ wɩaa mɩ sɩ yie dii sarɩya-la ŋɩɩ, ʋ ŋaa wʋtɩtɩɩ nɛ, bɛɛ wɩaa mɩ bɩ chɛ dɩ mɩ ŋaa wɩɩ-la mɩ sɩɩ chɛ, ama wɩɩ-la nɩɩ-la sɩ tɩmmɛ sɩɩ chɛ.

Jɔɔŋ 6:27

Má sɩ́ ma doluŋ kala hɛ a chɛ kʋdiile-la sɩ jaŋ chei, ama má tɩma chɩchɛ kʋdiile-la sɩ jaŋ pɩma mɩɩsɩ-la sɩ bɩ dɛrɛ. Kʋdiilee deemba mɩ-na Nuhuobiine Bie nɛ jaŋ pɩma, bɛɛ wɩaa mɩ Nyɩmma Wɩa joŋ doluŋ hɛ mɩ lɛ nɛ dɩ mɩɩ ŋaa ŋɩɩ.”

Jɔɔŋ 6:38

bɛɛ wɩaa mɩ lɩɩ Wɩa-jaŋ kʋ tuu dɩ mɩ ŋaa wɩalɩŋ nɩɩ-la sɩ tɩmmɛ sɩɩ chɛ nɛ, mɩ tɩtɩa tʋɔtɔrɛ wɩaa dee.

Jɔɔŋ 6:57

Mɩ Nyɩmma-la sɩ kɛŋ mɩɩsɩŋ a tɩmmɛ ŋɩɩ, ʋ nɛ leŋe mɩ kɛŋ mɩɩsɩŋ. Ŋɩɩ tɩtɩa nɛ nɩɩ-la ma sɩ chaŋ mɩ yaraa nammɩa ma jaŋ kɛŋ mɩɩsɩŋ a tɩŋ mɩ wɩaa.

Jɔɔŋ 6:69

Lɛɛlɛ la laa dii a jɩŋ arɩ ŋ nɛ ŋaa Wɩa tʋɔpʋl Tɩɩna.”

Jɔɔŋ 8:42

Ŋɩɩ nɛ Yesu bʋla pɩba, “Dɩ Wɩa nɛ sɛnɛ fa ŋaa ma Nyɩmma, ma fa jaŋ chomi, bɛɛ wɩaa, Wɩa teeŋ nɛ mɩ lɩɩ a kɔ daha. Mɩ tɩtɩa doluŋ lɛ dee mɩ kɔ. Ʋ nɛ tɩmmɛ.

Rom Tɩŋŋaa 1:4

Ama Wɩa chɩsʋ sʋʋŋ lɛ nɛ, ŋɩɩ dagɛ arɩ ʋ ŋaa Wɩa Bii nɛ, a kɛŋ doluŋ a kɛŋ Wɩa Dɩŋ-zɔmʋŋ sɩ kɛŋ tʋɔpʋla ma.

Rom Tɩŋŋaa 8:3

Wɩalɩŋ Mosis fa sɩ bile bɩ la lɛ wuo pɛ, bɛɛ wɩaa la yaraa bɩ doluŋ kɛnɛ. Ama wɩalɩŋ ba sɩ bɩ wuo ŋaa, Wɩa wuo ŋaaba nɛ. Ba nɛ ŋ-la: Ʋ sɩɩ chɛ ʋ lɩɩsɛ nuhuobiine wʋbɔŋŋɔɔ lɛ, ʋ ta ʋ tɩtɩa Bie nɛ ʋ kʋ tuu. Ʋ yaraa nagɛ la yaraa, dɩ ʋ laa la wʋbɔŋŋɔɔ ta. Ʋ sɩ ŋaa ŋɩɩ, Wɩa lɩɩsɛ wʋbɔŋŋɔɔ doluŋ nuhuobiine lɛ nɛ.

Rom Tɩŋŋaa 9:5

Ba nɛ ŋaa la naabalɩmaba doho nɩaa Wɩa sɩ lɩɩsa. Kirisito sɩ bɩrɩmɛ nuhuobiiŋ, ʋ ma fa ŋaa la naabalɩmaba doho nʋʋ nɛ. Má leŋ dɩ la dɛnnɛ Wɩa, a kaa mʋ wuu, bɛɛ wɩaa ʋ nɩɩ beŋ kʋŋkala. Amɩɩ.

Galiisia Nɩaa 4:4

Ama bʋa-la tɩtɩa sɩ yie, Wɩa tɩŋ ʋ bie nɛ. Haal nɛ lʋlʋ. Ʋ ma faa to Juu tɩŋŋaa naabalɩmaba wombii-la nɛ,