Jɔɔŋ 10:32 - WƖA TENIŊ

³² Ŋɩɩ nɛ Yesu bʋla pɩba, “Mɩ ŋaa wʋzɔŋŋɔɔ yʋgɛ nɛ ma sɩpaaŋ dɩ ma na. Mɩ Nyɩmma nɛ pɩmɛ doluŋ mɩɩ ŋaa. Ba kʋbɛɛ wɩaa nɛ tɩɩ maa chɛ dɩ ma yagɛmɛ?”

Jɔɔŋ 10:32 ပူးပေါင်းရင်းမြစ်များ

WƖA YƖƖLAA 35:12

Ba joŋ wʋbɔŋŋɔɔ nɛ a tiŋ wʋzɔŋŋɔɔ chɩmɩŋ mɩ lɛ. Mɩ nagɛ mɩ bɩ nʋʋ kɛnɛ.

TƖƖCHA 4:4

Mɩ bɩra na dɩ tɩntɩmɩɩ-la kala nɩaa sɩɩ tɩŋ arɩ kɩalɩŋ kala ba sɩ yie na lɩɩ ba yaraa sɩɩ bieri ba dɔŋɔ nyuŋ nɛ. Wɩɩŋ deeŋ ma bɩ bʋbʋɔ kɛnɛ, ʋ nagɛ nʋʋ sɩɩ kiri peliŋ nɛ.

JƐRƖMAAYA 37:18

Ŋɩɩ nɛ Jɛrɩmaaya pɩɛsɛ kuoro Zedikaaya, “Wʋbɛɛ nɛ mɩ ŋaa a chei ŋ-na koo ŋ tɩntɩnnɩ-hɩasɩŋ koo nɩaa deemba, ma kɛmmɛ tɔ dɩa?

Matiu 11:5

Nyʋlɩmaa sɩaa ka suri nɛ, gbɛrɩgɛɛ vɩvɛŋ, gbegisiŋ ma duduori. Taŋŋaa nɩnɩɩ wɩaa, nɩalɩŋ sɩ sʋba sisii sʋʋŋ lɛ. Summoo ma wuo nɩnɩɩ Wɩa wʋzɔŋŋɔɔ.

Jɔɔŋ 10:25

Yesu bʋla pɩba, “Mɩ laa sɩpaaŋ bʋla pɩma nɛ, ka ma bɩ laa dii. Tɩntɩmɩɩ-la mɩ sɩɩ tɩŋ mɩ Nyɩmma doluŋ lɛ dagɛ nɩɩ-la mɩ sɩ ŋaa nɛ.

Jɔɔŋ 10:31

Yesu sɩ bʋl ŋɩɩ, Juu tɩmma-la bɩra paa tabɩaa dɩ ba yagʋ.

Jɔɔŋ 10:33

Juu tɩmma-la ma mɩɩra bʋl, “La bɩ chɛ dɩ la yagɩŋ a tɩŋ ŋ sɩ ŋaa wʋzɔmɔ-la wɩaa, ama ŋ ŋaa nuhuobiiŋ nɛ aŋ kɛŋ ŋ tɩtɩa a kaa bɩrɩmɛ Wɩa, a tʋtʋʋsɛ Wɩa joŋŋoo. Ŋɩɩ nɛ tɩɩ.”

Jɔɔŋ 10:37

Dɩ mɩ nɛ bɩ mɩ Nyɩmma tɩntɩŋŋaa ka tɩŋ, má sɩ́ mɩ wɩaa laa dii.

Jɔɔŋ 5:36

Ama wɩɩŋ dɔŋɔ hɛ nɩmɛ a laa mɩ nyuŋ a bʋbʋl wɩaa, ʋ nɛ kɩɩ Jɔɔŋ. Tɩntɩmɩɩ-la mɩ sɩɩ tɩŋ nɛ ŋɩɩ, tɩntɩmɩɩ-la mɩ Nyɩmma sɩ joŋo pɩmɛ dɩ mɩ tɩŋ. Ŋɩɩ daga arɩ mɩ Nyɩmma nɛ tɩmmɛ.

Tɩntɩŋŋaa 10:38

Ma nɩɩ Yesu wɩaa nɛ. Wɩa joŋ ʋ Dɩŋ-zɔmʋŋ hɛ ʋ lɛ nɛ a pʋ doluŋ. Ʋ sii mʋ lee-kala, a ŋɩŋaa wʋzɔŋŋɔɔ pɩpɩ nɩaa, aa vaarɛ nɩalɩŋ kala Sɩtaanɩ sɩ nyaga bil. Wɩa fa hɛ ʋ teeŋ, ŋɩɩ nɛ tɩɩ ʋ wuo ŋɩŋaa wɩaa deemba kala.

Tɩntɩŋŋaa 2:22

Ŋɩɩ nɛ Pɩɩta bɩra bʋl, “Iziral tɩmma, má jegile nɩɩ wɩaa deemba mɩ sɩɩ chɛ mɩ bʋla pɩma. Yesu sɩ lɩɩ Nazarɛt nɛ Wɩa lɩɩsa pɩma. Wʋmagɩlaa arɩ wʋkpuŋkperisiŋ Wɩa sɩ to ʋ lɛ ŋaa ma sɩɩŋ lɛ nɛ dagɛ ŋɩɩ. Ma ma jɩma nɛ.

1 Jɔɔŋ 3:12

Ʋ bɩ maga dɩ la nagɛ Keeŋ. Ʋ fa ŋaa Sɩtaanɩ nʋʋ nɛ a kpʋ ʋ ŋaana. Bɛɛ nɛ tɩɩ ʋ kpʋʋ? Keeŋ faa ŋaa wʋbɔŋŋɔɔ nɛ, aŋ ka ʋ ŋaana fa ŋɩŋaa wʋzɔŋŋɔɔ. Ŋɩɩ nɛ tɩɩ ʋ kpʋʋ.