Jɔɔŋ 10:3 - WƖA TENIŊ

³ Pie-dɩa bibenne yie suri pie-dɩa boiŋ niiŋ nɛ a pʋ. Piese-la ma jɩŋ ʋ yikoro. Ʋ yie yɩyɩrɛba kʋbala kʋbala, a laa ba sɩpaaŋ a kɛmba lɩɩ.

Jɔɔŋ 10:3 ပူးပေါင်းရင်းမြစ်များ

WƖA YƖƖLAA 80:1

Nɩɩ-la sɩɩ beŋ Iziral tɩŋŋaa a nagɛ pie-daara sɩɩ beŋ ʋ piesee, jegile nɩɩ la teeŋ. Ŋ nɛ laa Josɛf doho nɩaa sɩpaaŋ a bibemba. Ŋ hɔŋ kɩalɩŋ balɩa sɩ nagɛ Wɩa tɩndaaraa a kɛŋ kɩŋkɛnsɩŋ pɛgɛ nɛ, leŋ dɩ ŋ tʋla chaanɛ Efirem, Bɛnjamɩŋ

MOSIS KƐŊ IZIRAL TƖŊŊAA LƖƖ 33:17

Ŋɩɩ nɛ La TƖƖNA bʋla pɩ Mosis, “Wɩɩŋ deeŋ ŋ sɩ pɩɛsaa chɛ, mɩ jaŋ ŋaaʋ, bɛɛ wɩaa mɩ jɩmɩŋ nɛ, mɩ tʋɔŋ tɔrɛ ŋ nyuŋ.”

NAMAGABA 27:23

Jɩŋ ŋ piesee arɩ ŋ bʋʋnaa yarɩfɩɛlaa wɩaa a beŋ ba nyuŋ woruŋ,

SOLOMOŊ YƖƖL-SƖMƖŊ 8:13

Mɩ hɩɩla, ŋ hɛ lɩga tʋɔŋ nɛ, ŋ tanlɔsʋŋ golluŋ, leŋ dɩ mɩ nɩɩ ŋ yikoro.

AZAAYA 40:11

Ʋ jaŋ beŋ ʋ nɩaa nyuŋ arɩ pie-daara sɩɩ beŋ ʋ piesee nyuŋ ŋɩɩ. Ʋ jaŋ paa ʋ pie-biisiŋ a nɔgɛ aŋ fɩɛla dɩdaa pie-naamba-la sɩ kɛŋ biiriŋ.

AZAAYA 42:16

Mɩ jaŋ laa nɩalɩŋ sɩ nyʋlɩma sɩpaaŋ, a kɛmba vɛŋ wombii-la ba ha sɩ bɩ vɛnɛ aŋ ka lɛ. Mɩ jaŋ pɔba a leŋ dɩ birimiŋ bɩrɩmɛ pʋlʋmʋŋ ba sɩpaaŋ. Mɩ jaŋ leŋ dɩ lere-la kala sɩ ŋaa nyʋra nyʋra ŋaa mʋla mʋla. Wɩalɩŋ mɩ sɩ jaŋ ŋaa pɩba nɛ ŋɩɩ: Mɩ bɩ jaŋ vɩaba ta.

Jɔɔŋ 10:14

Mɩ nɛ ŋaa pie-daarɩ-zɔmʋŋ. Mɩ jɩŋ mɩ piesee, mɩ piesee ma jɩmmɛ.

Jɔɔŋ 10:16

Mɩ kɛŋ piesee dɔnsʋŋ ma, aŋ ka ba tuo piesee deemba tʋɔŋ. Mɩ jaŋ kɛŋ ba ma kaa kɔ. Ba ma jaŋ jɩŋ mɩ yikoro a kala ŋaa nɩbala piesee, ba pie-daara ma ŋaa kʋbala.

Jɔɔŋ 10:4

Dɩ ʋ nɛ kɛŋ ʋ piesee kala lɩɩ, ʋ yie laa ba sɩpaaŋ nɛ, ka piesee tuto ʋ harɩŋ, bɛɛ wɩaa ba jɩŋ ʋ yikoro nɛ.

Jɔɔŋ 10:9

Mɩ nɛ ŋaa boi-la, nɩɩ-la kala sɩ to mɩ lɛ jʋʋ, mɩ jaŋ laaʋ ta. Mɩ jaŋ leŋ ba lɩɩ dii yaŋ aŋ mɩɩra kʋʋ jʋʋ.

Jɔɔŋ 6:37

Nʋʋkala mɩ Nyɩmma sɩ joŋo pɩmɛ, ʋ jaŋ kɔ mɩ teeŋ. Nɩaa deemba kala sɩ kɔ mɩ teeŋ, mɩ bɩ jaŋ kɔ dɩ mɩ kiriba ta,

Jɔɔŋ 6:45

Ba ŋmʋnsɛ ŋ-la nɛ Wɩa wʋlaabʋllaa teniŋ tʋɔŋ. Ba sɩ, ‘Wɩa jaŋ dagɛ nɩaa kala.’ Nʋʋkala sɩ kɛŋ ʋ tɩtɩa hɛ dɔŋɔ dɩ ʋ jegile nɩɩ wɩalɩŋ mɩ Nyɩmma sɩɩ dagʋ a gʋnnɛ ʋ teeŋ, ʋ nɛ jaŋ kɔ mɩ teeŋ.

Rom Tɩŋŋaa 8:30

Wɩa yɩrɛ nɩalɩŋ ʋ fa sɩ laa sɩpaaŋ lɩɩsɛ dɩ ba ŋaa ʋ nɩaa nɛ. Ʋ sɩ yɩrɛba ŋɩɩ, ʋ leŋ ba kɛŋ tʋɔpʋla ʋ sɩpaaŋ. Nɩalɩŋ ma sɩ kɛŋ tʋɔpʋla ʋ sɩpaaŋ, ʋ leŋ ba ma pɛ laa ʋ yɩrɩŋ.

1 Kɔrɩntɩ Nɩaa 16:9

Wɩa pɩmɛ wombii-bal nɛ dɩ mɩ tɩŋ tɩntɩŋ zɔŋ daha, ka nɩalɩŋ sɩ bɩ chɛ dɩ mɩ tɩŋ tɩntɩŋŋaa daha yʋgɛ.

Fɩlɩpa Nɩaa 4:3

Ŋ-na mɩ tɩntɩnnɩ dɔŋ, mɩɩ chɛ dɩ ŋ pɛ haalaa deemba lɛ nɛ dɩ ba sɩŋ. Ba dɩ Kɩlɛmɛnt nɛ pɛ mɩ lɛ la bʋl Yesu wʋzɔmɔ-la a pɩ nɩaa, a saa pɛ mɩ tɩntɩnnɩ dɔnsʋ-la kala lɛ. Ba kala yɩraa nɛ hɛ mɩɩsɩŋ teŋ-la lɛ.

Koloosi Nɩaa 4:3

Má pɛ chʋɔlɛ Wɩa pɩpɩ la ma, dɩ Wɩa wuo suri wombiiŋ pɩla dɩ la wuo bʋl Kirisito wɩalɩŋ fa sɩ faa. Ba wɩaa nɛ tɩɩ ba kɛmmɛ tɔ dɩa.

2 Timoti 2:19

Ama dɩa gentiŋ-duo-la Wɩa sɩ bile pɩ ʋ nɩaa, ʋ bɩ jaŋ wuo jigisi. Wɩalɩŋ ba sɩ ŋmʋnsa hɛ ʋ lɛ nɛ ŋ-la: “La Tɩɩna Wɩa jɩŋ nɩalɩŋ sɩ ŋaa ʋ nɩaa nɛ.” Ba bɩra ŋmʋnsa arɩ ʋ maga dɩ nɩɩ-la kala sɩ sɩ ʋ ŋaa Wɩa nʋʋ nɛ, dɩ ʋ leŋ wʋbɔŋŋɔɔ ŋaanɩŋ.

1 Pɩɩta 1:12

Wɩa joŋo dagɛba arɩ ma wɩaa nɛ tɩɩ ba faa bʋl wɩaa deemba, ba tɩtɩa wɩaa dee. Lɛɛlɛ nɩalɩŋ sɩ bʋl Wɩa wʋzɔmɔ-la pɩpɩma, ba dagɛma bumbuŋ wɩaa deemba kala nɛ. Wɩa Dɩŋ-zɔmʋŋ sɩ lɩɩ Wɩa-jaŋ kʋ tuu hɛba lɛ nɛ pɩba doluŋ deeŋ. Wɩa tɩndaaraa ma fa cho dɩ ba na wɩaa deemba nɛ.

1 Jɔɔŋ 4:6

Ama la-na ŋaa nɩalɩŋ Wɩa sɩ tɩɩ nɛ. Nɩɩ-la kala sɩ jɩŋ Wɩa, ʋ tɩɩna ma jegilee nɩɩ la teeŋ nɛ. Nɩalɩŋ ma sɩ bɩ Wɩa jɩŋ, ba bɩ la teeŋ jegili. Ŋ-la lɛ nɛ la jaŋ wuo to jɩŋ wʋtɩtɩɩ tɩŋŋaa arɩ wʋnyɩɛraa.

3 Jɔɔŋ 1:14

Mɩɩ chɛ dɩ mɩ kɔ ŋ teeŋ nɛ ʋ bɩ dieni, dɩ la hɔnɔ bʋl wɩaa.

Jɔɔŋ Wʋnaalaa 20:15

Dɩ nʋʋkala yɩrɩŋ nɛ tuo mɩɩsɩŋ teŋ-la tʋɔŋ, ba yie joŋu yuo hɛ nyiŋ-bal-la tʋɔŋ nɛ.

Jɔɔŋ Wʋnaalaa 3:20

Má bee-na, mɩ chɩŋ boiŋ niiŋ nɛ aa ŋmoo boro. Nɩɩ-la kala sɩ nɩɩ mɩ yikoro a kɛŋ boro suri, mɩ jaŋ kʋ jʋʋ ʋ teeŋ, dɩ la dɩ ʋ kala dii kɩaa.

Jɔɔŋ Wʋnaalaa 7:17

Wɩɩkala bɩ jaŋ ŋaaba, bɛɛ wɩaa Pie-bie-la sɩ chɩŋ Wɩa kuoru kpasa-la sɩpaaŋ nɛ jaŋ bibeŋ ba nyuŋ, a nagɛ pie-daara. Ʋ nɛ jaŋ kɛmba kaa mʋ lɩɩ-bulo leriŋ, lɩɩ-la sɩɩ pɩ nɩaa mɩɩsɩŋ. Wɩa ma jaŋ fɩɩsɛ sɩ-lɩɩrɩ kala sɩ hɛ ba sɩaa lɛ ta.”