Jɔɔŋ 10:28 - WƖA TENIŊ

²⁸ Ŋɩɩ nɛ mɩ pɩba mɩɩsɩ-la sɩ bɩ dɛrɛ, ba bɩ jaŋ kɔ dɩ ba sʋba. Nʋʋ ma saa bɩ jaŋ wuo kɛmba kaa laa mɩ nɩsɩŋ lɛ da.

Jɔɔŋ 10:28 ပူးပေါင်းရင်းမြစ်များ

JOB 17:9

Ama tʋɔpʋl tɩŋŋaa ha jaŋ chɩŋ ba tʋɔpʋl wʋŋaalaa naaŋ lɛ. Nɩalɩŋ sɩ bɩ wʋbɔŋŋɔɔ ka ŋaa doluŋ jaŋ pʋŋa pɩpɛ.

WƖA YƖƖLAA 31:5

Mɩ joŋ mɩ tɩtɩa kala a hɩhɛ ŋ nɩsɩŋ lɛ nɛ. Mɩ Tɩɩna Wɩa, ŋ nɛ kɛŋ wʋtɩtɩɩ, laamɛ ta.

WƖA YƖƖLAA 37:28

La Tɩɩna cho nɩalɩŋ sɩ kɛŋ wʋtɩtɩɩ, ʋ bɩ jaŋ vɩa nɩalɩŋ sɩ laaʋ dii ta. Ʋ yie chu tɔ ba lɛ nɛ bʋa na-kala, ama ʋ jaŋ keri nɩbɔŋŋɔɔ doho nɩaa ta.

NAMAGABA 24:16

Wɩaa yie wuo jʋʋ tʋɔpʋl tɩɩna a yi naansɩɩŋ bʋlɩpɛ nɛ, ka ʋ lɩlɩɩ ba lɛ bʋa na-kala. Ama wʋjʋʋlaa jaŋ yigi nɩbɔmʋŋ-na lo.

NAMAGABA 4:18

Tʋɔpʋl tɩŋŋaa wombiiŋ nagɛ taŋ sɩ pʋlaa kɔ leriŋ pʋpʋllɛ nɛ, a pʋllɛ ŋɩɩ a mʋ yi bʋa-la lɛ leriŋ sɩ chaasa pʋlla dɛrɛ.

AZAAYA 27:3

“Mɩ beŋ ʋ nyuŋ nɛ, a ŋaa lɩɩŋ hɩhɛ ʋ lɛ bʋa na-kala. Mɩ yie pɔʋ nɛ tɩtaŋɩŋ arɩ wɩɩhɛyɛ kala, dɩ nʋʋ sɩ́ wʋbɔŋ joŋo ŋaa ʋ lɛ.

AZAAYA 45:17

Ama La TƖƖNA jaŋ laa Iziral tɩŋŋaa ta, a laa ba ta a kaa mʋ wuu. Ba bɩ jaŋ dii hɩɩsɩŋ, a kaa mʋ deeŋ deeŋ, hɩɩsɩŋ bɩ jaŋ diiba.

AZAAYA 54:17

Dɩ nʋʋ nɛ joŋ laalɩyuori kʋŋkala a yuoŋ ma, ʋ bɩ ŋ lɛɛ dii. Nɩalɩŋ kala sɩɩ bʋl ŋ teeŋ, ŋ jaŋ wuoba. Wɩɩ-la mɩ-na ma TƖƖNA sɩ joŋo pɩ mɩ tɩntɩnnaa nɛ ŋɩɩ, ba kaa yuo didii laalɩŋ.”

AZAAYA 55:3

Má jegile nɩɩ woruŋ a kɔ mɩ teeŋ, má nɩɩ woruŋ, ŋɩɩ nɛ ma jaŋ kɛŋ mɩɩsɩŋ. Mɩ jaŋ hɛ nii-la sɩ bɩ jaŋ dɛrɛ mɩ dɩ ma pɛgɛ a choma arɩ wʋtɩtɩɩ a nagɛ ŋɩɩ mɩ fa sɩ cho kuoro Devit.

JƐRƖMAAYA 23:4

Mɩ jaŋ lɩɩsɛ sɩpaalaaraa pɩba dɩ ba bemba. Fawʋllʋŋ bɩra bɩ jaŋ kɛmba, ba bɔyɛ ma bɩ jaŋ joŋ. Ba kʋŋkala bɩ jaŋ lɛl. Mɩ-na ma TƖƖNA nɛ bʋla.”

JƐRƖMAAYA 31:3

La TƖƖNA fa kɛŋ ʋ tɩtɩa dagɛla nɛ a bʋl, “Mɩ choma nɛ, chono-la bɩ dɩdɛrɩŋ kɛnɛ. Mɩ kɛmma kʋ kpagɛ mɩ tɩtɩa nɛ, a kɛŋ zile arɩ kenyiri ma teeŋ.

JƐRƖMAAYA 31:34

Nʋʋkala bɩra bɩ jaŋ dagɛ ʋ dɔŋɔ tɩɩna koo ʋ naambii ŋɩɩ ʋ sɩ jaŋ ŋaa a jɩmmɛ, bɛɛ wɩaa ba kala jaŋ jɩmmɛ, a chɩŋ nɩbiisiŋ lɛ a kaa jɩl nɩbalaa. Mɩ jaŋ joŋ ba wʋbɔŋŋɔɔ chɛba. Mɩ bɩra bɩ jaŋ liliisi ba wʋbɔŋŋɔɔ wɩaa. Mɩ-na ma Tɩɩna nɛ bʋla.”

JƐRƖMAAYA 32:40

Mɩ jaŋ hɛ niiŋ sɩ bɩ dɩdɛrɩŋ kɛnɛ mɩ dɩ ba pɛgɛ. Mɩ bɩ jaŋ kɔ dɩ mɩ vɩa dɩ mɩ ŋaa wʋzɔŋŋɔɔ a pɩba. Mɩ jaŋ ŋaa dɩ ba fɩfámɛ, dɩ ŋɩɩ leŋ dɩ ba sɩ́ mɩ harɩŋ mɩɩrʋ.

Maak 13:22

Nɩaa dɔnsʋŋ jaŋ sii fugo bʋl dɩ ba nɛ ŋaa Kirisito, Nɩɩ-la Wɩa sɩ lɩɩsa. Dɔnsʋŋ ma jaŋ sii fugo bʋl dɩ ba ŋaa Wɩa wʋlaabʋllaa nɛ. Ba jaŋ ŋaa wʋmagɩlaa arɩ wʋkpuŋkperisiŋ a chɩchɛ dɩ ba nyɩsɛ nɩalɩŋ Wɩa sɩ lɩɩsa dɩ baa tou.

Luuk 23:46

Ŋɩɩ nɛ ka Yesu faasa yɩrɛ a bʋl, “Mɩ Nyɩmma, mɩ joŋ mɩ tɩtɩa a hɛ ŋ nɩsɩŋ lɛ.” Ʋ bʋl ŋɩɩ nɛ aŋ wiesi ʋ wiesi katɩɩ aŋ sʋʋ.

Jɔɔŋ 10:29

Mɩ Nyɩmma-la sɩ jomba pɩmɛ, ʋ nɛ kɩɩ kʋŋkala. Nʋʋkala bɩ jaŋ wuo kɛmba kaa laa mɩ Nyɩmma-la nɩsɩŋ lɛ.

Jɔɔŋ 11:25

Ŋɩɩ nɛ Yesu bʋla pʋ, “Mɩ nɛ ŋaa Nɩɩ-la sɩ jaŋ sii sʋʋŋ lɛ, a chɩsɛ nɩaa sʋʋŋ lɛ dɩ ba kɛŋ mɩɩsɩŋ. Nʋʋkala sɩ laa mɩ wɩaa dii, dɩ ŋ sʋba ma, ŋ jaŋ sii a kɛŋ mɩɩsɩŋ.

Jɔɔŋ 14:19

Ʋ ka mʋa dʋnɩa nɩaa bɩra bɩ jaŋ namɛ, ama ma-na jaŋ namɛ. Mɩ sɩ jaŋ kɛŋ mɩɩsɩŋ ŋɩɩ, ma ma jaŋ kɛŋ mɩɩsɩŋ.

Jɔɔŋ 17:2

Ŋ nɛ joŋ doluŋ pɩmɛ dɩ mɩ bibeŋ nuhuobiinee kala, a joŋ mɩɩsɩ-la sɩ bɩ dɛrɛ a pɩ nɩalɩŋ kala ŋ sɩ lɩɩsa pɩmɛ.

Jɔɔŋ 18:9

(Ʋ bʋl ŋɩɩ dɩ wɩɩ-la ʋ fa sɩ bʋla, dɩ ʋ sɛnɛ ŋaa wʋtɩtɩɩ nɛ. Ʋ fa sɩ, “Nɩalɩŋ kala Wɩa sɩ lɩɩsa pɩmɛ, ba kʋŋkala bɩ lɛlɛ).”

Jɔɔŋ 3:36

Nɩɩ-la kala sɩ laa mɩ-na Wɩa Bie wɩaa dii, ʋ kɛŋ mɩɩsɩ-la sɩ bɩ dɛrɛ, ama nɩɩ-la kala sɩ bɩ mɩ-na Wɩa Bie wɩalɩŋ ka to, ʋ bɩ jaŋ kɔ dɩ ʋ kɛŋ mɩɩsɩ-la sɩ bɩ dɛrɛ, ama Wɩa jaŋ na baanɩŋ ʋ tɩɩna nyuŋ a kaa mʋ wuu.

Jɔɔŋ 4:14

Ama nɩɩ-la kala sɩ jaŋ nyʋa lɩɩ-la mɩ sɩ jaŋ pʋ, lɩɩnyʋasʋŋ bɩra bɩ jaŋ kɛnʋ da. Lɩɩ-la mɩ sɩ jaŋ pʋ jaŋ bɩrɩmɛ lɩɩ-bulo ʋ tʋɔŋ lɛ a bubul, a pʋ mɩɩsɩŋ sɩ bɩ dɛrɛ.”

Jɔɔŋ 5:24

Wʋtɩtɩɩ nɛ mɩ bʋla pɩpɩma, nɩɩ-la kala sɩ jegile nɩɩ mɩ niiŋ wɩaa a laa nɩɩ-la ma sɩ tɩmmɛ wɩaa dii, ʋ jaŋ kɛŋ mɩɩsɩ-la sɩ bɩ dɛrɛ. Sarɩya bɩ jaŋ dii tɩɩna, ʋ lɩɩ sʋʋŋ bʋa lɛ nɛ a kɛŋ mɩɩsɩŋ.

Jɔɔŋ 6:27

Má sɩ́ ma doluŋ kala hɛ a chɛ kʋdiile-la sɩ jaŋ chei, ama má tɩma chɩchɛ kʋdiile-la sɩ jaŋ pɩma mɩɩsɩ-la sɩ bɩ dɛrɛ. Kʋdiilee deemba mɩ-na Nuhuobiine Bie nɛ jaŋ pɩma, bɛɛ wɩaa mɩ Nyɩmma Wɩa joŋ doluŋ hɛ mɩ lɛ nɛ dɩ mɩɩ ŋaa ŋɩɩ.”

Jɔɔŋ 6:37

Nʋʋkala mɩ Nyɩmma sɩ joŋo pɩmɛ, ʋ jaŋ kɔ mɩ teeŋ. Nɩaa deemba kala sɩ kɔ mɩ teeŋ, mɩ bɩ jaŋ kɔ dɩ mɩ kiriba ta,

Jɔɔŋ 6:47

Wʋtɩtɩɩ nɛ mɩ bʋlaa pɩma, nɩɩ-la kala sɩ laa mɩ wɩaa dii, ʋ jaŋ kɛŋ mɩɩsɩ-la sɩ bɩ dɛrɛ.

Jɔɔŋ 6:68

Saamɔŋ Pɩɩta bʋl, “La Tɩɩna, kʋbɛɛ teeŋ nɛ saa la ma jaŋ mʋ? Wɩalɩŋ ŋ sɩɩ bʋl nɩɩ pɩ nɩaa mɩɩsɩ-la sɩ bɩ dɛrɛ.

Tɩntɩŋŋaa 7:59

Baa yagɛ Sɩtɩɩvɩŋ ŋɩɩ nɛ arɩ tabɩaa, ka ʋ yɩrɛ La Tɩɩna Yesu a sʋlʋ, “Mɩ Tɩɩna Yesu, laamɛ kaa mʋ ŋ teeŋ.”

Rom Tɩŋŋaa 5:17

Nɩbala wʋbɔmʋŋ wɩaa nɛ leŋe sʋʋŋ laa dʋnɩa tɩɩ. Wɩɩ-la Yesu Kirisito sɩ ŋaa pɩ nɩaa nɛ yʋga kɩɩ nɩbala-la wʋbɔŋ-la. Nɩalɩŋ kala sɩ jʋʋ Wɩa lahɔrɩmɔ sɩ yʋga lɛ, ʋ leŋ ba kɛŋ tʋɔpʋla chɔgɩta ʋ sɩpaaŋ, ba jaŋ to Yesu lɛ a dii kuoruŋ ba mɩɩsɩŋ lɛ.

Rom Tɩŋŋaa 5:2

La sɩ laa Yesu Kirisito wɩaa dii ŋɩɩ, ʋ leŋe la jʋʋ Wɩa lahɔrɩmɔ nɛ. Nɩmɛ nɛ la hɛ lɛɛlɛ aa jʋɔsɛ, a kɛŋ yɩɛlaa arɩ la jaŋ kpaa Wɩa yɩrɩ-la chɛɛ dɔŋ.

Rom Tɩŋŋaa 5:21

Wʋbɔŋŋɔɔ sɩ kɛŋ doluŋ a laa dʋnɩa nɩaa tɩɩ ŋɩɩ, ŋɩɩ nɛ kɛŋ sʋʋŋ kaa kɔ. Ŋɩɩ tɩtɩa nɛ Wɩa lahɔrɩmɔ-la ma to tʋɔpʋla-la Wɩa sɩ leŋe la kɛŋ lɛ a yuo dii dʋnɩa. Ŋɩɩ leŋ la to La Tɩɩna Yesu Kirisito lɛ a kɛŋ mɩɩsɩ-la sɩ bɩ dɛrɛ.

Rom Tɩŋŋaa 5:9

Kirisito sɩ sʋʋ ŋɩɩ a leŋ la kɛŋ tʋɔpʋla ʋ teeŋ, ŋɩɩ-na ʋ jaŋ bɩra laala ta tapʋlɩɩ-la Wɩa sɩ jaŋ na baanɩŋ dʋnɩa nɩaa nyuŋ.

Rom Tɩŋŋaa 6:23

Wʋbɔŋŋɔɔ time nɛ sʋʋŋ. Ama Wɩa zile kʋ-la ʋ sɩ joŋo pɩla nɛ ŋaa mɩɩsɩ-la sɩ bɩ dɛrɛ, a tɩŋ La Tɩɩna Yesu Kirisito wɩaa.

Rom Tɩŋŋaa 8:1

Dɩ la dɩ Kirisito kala nɛ ŋaa kʋbala, Wɩa bɩra bɩ jaŋ dii la sarɩya a joŋ cheeriŋ pɩla.

Rom Tɩŋŋaa 8:29

Nɩalɩŋ Wɩa sɩ laa sɩpaaŋ lɩɩsɛ, ʋ lɩɩsɛba dɩ ʋ kɛmba bɩrɩmɛ dɩ ba nagɛ ʋ tɩtɩa Bie nɛ, a leŋ ʋ Bie ŋaa ba kala kʋhɩaŋ.

MOSIS BƖRA WULLI WƖA WOMBIIŊ 33:3

Wʋtɩtɩɩ, La TƖƖNA cho ʋ nɩaa nɛ. Nɩalɩŋ kala sɩ kɛŋ tʋɔpʋla hɛ ʋ nɩsɩŋ lɛ nɛ, ʋ sɩpaaŋ nɛ ba kala kpirimi a laa wɩalɩŋ ʋ sɩ daga,

Fɩlɩpa Nɩaa 1:6

Mɩ laa dii arɩ Wɩa sɩ pɛ ma lɛ ma tɩŋ tɩntɩŋ-zɔmɔ-la ŋɩɩ, ʋ jaŋ pɛ ma lɛ dɩ ma tɩma mʋ yi tapʋlɩɩ-la La Tɩɩna Yesu Kirisito sɩ jaŋ kɔ.

2 Tɛsalonaaka Nɩaa 2:13

La naambiiri, ʋ maga dɩ la lɔllɛ Wɩa bʋa na-kala lɛ pɩpɩma nɛ, ma nɩalɩŋ La Tɩɩna Yesu sɩ cho. Ma nɛ Wɩa lɩɩsɛ bumbuŋ kala dɩ ʋ laama ta. Wɩa to ʋ Dɩŋ-zɔmʋŋ doluŋ lɛ dɩ ʋ leŋ dɩ ma ŋaa tʋɔpʋl tɩmma a tɩŋ ma sɩ laa wʋtɩtɩɩ-la dii wɩaa.

1 Timoti 1:16

Ama ŋɩɩ wɩaa nɛ tɩɩ Wɩa fá mɩ-na Pɔɔl sɩ chaasa ŋaa wʋbɔŋŋɔɔ a kɩɩ nʋʋkala nenige. Ʋ ŋaa ŋɩɩ dɩ Kirisito Yesu wuo tomi lɛ a dagɛ nɩaa ŋɩɩ ʋ sɩ kɛŋ kenyiri, dɩ ba ma wuo laa ʋ wɩaa dii, a kɛŋ mɩɩsɩ-la sɩ bɩ dɛrɛ.

2 Timoti 1:12

Mɩ sɩɩ bʋl wɩalɩŋ nɛ tɩɩ mɩ nɩna hɛɛŋ. Ama hɩɩsɩŋ bɩ mɩ kɛnɛ a tɩŋ hɛɛ-la mɩ sɩ na wɩaa. Mɩ jɩŋ nɩɩ-la mɩ sɩɩ to nɛ. Mɩ sɩ joŋ mɩ tɩtɩa hɛ ʋ nɩsɩŋ lɛ ŋɩɩ, mɩ laa dii arɩ ʋ jaŋ wuo bemmi woruŋ halɩɩ a kaa mʋ yi tapʋlɩɩ-la Kirisito Yesu sɩ jaŋ mɩɩra kɔ.

Hiburu TƖŊŊAA 7:25

Ŋɩɩ wɩaa, ʋ jaŋ wuo laa nɩalɩŋ sɩ to ʋ lɛ a kɔ Wɩa teeŋ ta. Ʋ jaŋ wuo laaba ta, bɛɛ wɩaa ʋ jaŋ hɛ nɩmɛ bʋa na-kala a sʋl Wɩa pɩpɩba.

1 Pɩɩta 1:5

A tɩŋ ma sɩ laa ʋ wɩaa dii ŋɩɩ, Wɩa ka pɔma nɛ arɩ ʋ doluŋ. Dɩ dʋnɩa nɛ kʋ dɩdɛrɛ, ʋ jaŋ dagɛ nɩaa ŋɩɩ ʋ sɩ laama ta.

1 Jɔɔŋ 1:2

Wɩɩ-la sɩ kʋ ŋaa nuhuobiine, la naʋ nɛ a laaʋ dii, a bʋl ʋ wɩaa pɩpɩma. Wɩɩ-la nɛ ŋ-la: Mɩɩsɩ-la sɩ bɩ dɛrɛ, ʋ fa hɛ la Nyɩmma teeŋ nɛ a kʋ lɩɩ la teeŋ la naʋ. Yesu Kirisito nɛ ŋɩɩ.

1 Jɔɔŋ 2:19

Ba lɩɩ la tʋɔŋ nɛ, ama la dɩ ba fa bɩ kʋbala ŋaa. Dɩ la dɩ ba nɛ fa ŋaa kʋbala, ba ma fa ha jaŋ hɛ la tʋɔŋ. Ama ba sɩ lɩɩ la tʋɔŋ nɛ daga arɩ la dɩ ba bɩ kʋbala ŋaa.

1 Jɔɔŋ 2:25

Wɩɩ-la Kirisito tɩtɩa sɩ bʋla dɩ ʋ jaŋ ŋaa pɩla nɛ ŋ-la: Ʋ sɩ ʋ jaŋ joŋ mɩɩsɩ-la sɩ bɩ dɛrɛ a pɩla.

1 Jɔɔŋ 5:11

Wɩɩ-la Wɩa sɩ bʋla nɛ ŋ-la: dɩ ʋ pɩla mɩɩsɩ-la sɩ bɩ dɛrɛ nɛ. Mɩɩsɩ-la hɛ ʋ Bie teeŋ nɛ.

Juud 1:1

Mɩ-na Juud nɛ ŋmʋnsɛ teniŋ deeŋ. Mɩ ŋaa Yesu Kirisito tɩntɩnnʋ nɛ a ŋaa Jeems naambii ma. Mɩ ŋmʋnsɛ teniŋ deeŋ a pɩpɩ nɩalɩŋ Wɩa sɩ yɩra, nɩalɩŋ la Nyɩmma Wɩa sɩ cho, nɩalɩŋ Yesu Kirisito sɩɩ pɔ.

Juud 1:21

Wɩa sɩ choma ŋɩɩ, má chɩŋ ŋɩɩ lɛ kpaŋ kpaŋ, a gbɛrɛ La Tɩɩna Yesu Kirisito dɩ ʋ kɔ, Nɩɩ-la sɩ jaŋ fá ma nenige a pɩma mɩɩsɩ-la sɩ bɩ dɛrɛ.

Juud 1:24

Má leŋ la zizil Wɩa. Ʋ nɛ kɛŋ doluŋ, ʋ jaŋ wuo pɛ ma lɛ dɩ ma sɩ́ wʋbɔŋŋɔɔ ŋaa, a pɛ ma lɛ dɩ ma sɩ́ wʋcheeli kala kɛŋ ʋ sɩpaaŋ, a kɛŋ tʋɔtɔrʋŋ woruŋ.

1 SAMƲƐL 2:9

Ʋ jaŋ pɔ nɩalɩŋ sɩɩ tou arɩ wʋtɩtɩɩ. Ama nɩbɔŋŋɔɔ-na jaŋ lɛl birimiŋ tʋɔŋ. Nuhuobiine bɩ jaŋ wuo kɛŋ ʋ tɩtɩa doluŋ a ŋaa wɩɩkala.