Jɔɔŋ 10:18 - WƖA TENIŊ

¹⁸ Nʋʋkala dee bɩ leŋe mɩ joŋ mɩ mɩɩsɩŋ yɔɔ sʋʋŋ, mɩ tɩtɩa tʋɔtɔrʋŋ lɛ nɛ. Mɩ kɛŋ doluŋ dɩ mɩ joŋ mɩ mɩɩsɩŋ a yɔɔ sʋʋŋ, a bɩra kɛŋ doluŋ dɩ mɩ laa mɩ mɩɩsɩŋ ma. Wɩɩ-la mɩ Nyɩmma sɩ sɩ mɩ ŋaa nɛ ŋɩɩ.”

Jɔɔŋ 10:18 ပူးပေါင်းရင်းမြစ်များ

Jɔɔŋ 10:11

Yesu bɩra bʋl, “Mɩ nɛ ŋaa pie-daarɩ-zɔmʋŋ. Pie-daarɩ-zɔmʋŋ yie joŋ ʋ mɩɩsɩŋ yɔɔ sʋʋŋ nɛ ʋ piesee wɩaa.

Jɔɔŋ 10:15

Ŋɩɩ tɩtɩa nɛ mɩ Nyɩmma jɩmmɛ, mɩ ma jɩmʋ. Mɩ joŋ mɩ mɩɩsɩŋ yɔɔ sʋʋŋ mɩ piesee wɩaa.

Jɔɔŋ 10:17

Mɩ joŋ mɩ mɩɩsɩŋ nɛ yɔɔ sʋʋŋ mɩ piesee wɩaa, ka dɩ mɩ bɩra laa. Ŋɩɩ nɛ tɩɩ mɩ Nyɩmma cho mɩ wɩaa ŋɩɩ.

Jɔɔŋ 14:31

Ama mɩɩ chɛ dɩ dʋnɩa nɩaa jɩŋ arɩ mɩ cho mɩ Nyɩmma nɛ, ŋɩɩ nɛ tɩɩ mɩ ŋɩŋaa wɩalɩŋ kala ʋ sɩ sɩ dɩ mɩ ŋaa. Má kɔ dɩ la mʋ.”

Jɔɔŋ 15:10

Dɩ ma nɩɩ to mɩ niiŋ wɩaa, mɩ jaŋ choma, arɩ mɩ sɩɩ to mɩ Nyɩmma niiŋ wɩaa a mɛrɛ ʋ lɛ ʋ chomi ŋɩɩ.

Jɔɔŋ 19:11

Ŋɩɩ nɛ Yesu bʋla pʋ, “Dɩ Wɩa nɛ fa bɩŋ doluŋ pa, ŋ fa bɩ jaŋ kɛŋ dol kala mɩ lɛ. Ama nɩɩ-la sɩ jommi hɛ ŋ nɩsɩŋ lɛ nɛ kɛŋ cheeriŋ a kɩɩŋ, ʋ wʋbɔmʋŋ nɛ bɩ magɩa kɛnɛ.”

Jɔɔŋ 5:26

Mɩ Nyɩmma sɩ kɛŋ doluŋ dɩ ʋ pɩ nɩaa mɩɩsɩŋ ŋɩɩ, ŋɩɩ nɛ ʋ ŋaa mɩ ma ʋ Bie kɛŋ doluŋ dɩ mɩ pɩ nɩaa mɩɩsɩŋ.

Jɔɔŋ 5:30

Ŋɩɩ nɛ Yesu bɩra bʋl, “Mɩ-na bɩ wɩɩkala wuo ŋaa mɩ tɩtɩa doluŋ lɛ. Mɩ yie dii sarɩya arɩ Wɩa sɩ sɩ mɩ dii ŋɩɩ nɛ. Ŋɩɩ wɩaa mɩ sɩ yie dii sarɩya-la ŋɩɩ, ʋ ŋaa wʋtɩtɩɩ nɛ, bɛɛ wɩaa mɩ bɩ chɛ dɩ mɩ ŋaa wɩɩ-la mɩ sɩɩ chɛ, ama wɩɩ-la nɩɩ-la sɩ tɩmmɛ sɩɩ chɛ.

Jɔɔŋ 6:38

bɛɛ wɩaa mɩ lɩɩ Wɩa-jaŋ kʋ tuu dɩ mɩ ŋaa wɩalɩŋ nɩɩ-la sɩ tɩmmɛ sɩɩ chɛ nɛ, mɩ tɩtɩa tʋɔtɔrɛ wɩaa dee.

Tɩntɩŋŋaa 2:24

Ama Wɩa chɩsʋ sʋʋŋ lɛ nɛ, a lɩɩsɛ hɛɛ-la ʋ sɩ na bʋa-la lɛ ʋ sɩɩ sʋʋ. Sʋʋŋ fa bɩ ʋ wuo kaa bibil.

Tɩntɩŋŋaa 2:32

Yesu deeŋ nɛ Wɩa chɩsɛ sʋʋŋ lɛ ʋ kɛŋ mɩɩsɩŋ. La kala na wɩɩŋ deeŋ nɛ a jɩŋ ʋ lɛ.

Tɩntɩŋŋaa 3:15

aŋ leŋ ba kpʋ nɩɩ-la sɩɩ pɩ nɩaa mɩɩsɩŋ. Ama Wɩa chɩsʋ sʋʋŋ lɛ nɛ. La ŋaa wɩɩŋ deeŋ pɛ-naaraa nɛ.

Taatɩs 2:14

La wɩaa nɛ tɩɩ ʋ sʋʋ, dɩ ʋ laala ta la wʋbɔŋŋɔɔ lɛ a pɩɩsɛ la disiniŋ ta, dɩ la ŋaa ʋ nɩaa. Ʋʋ chɛ dɩ la ŋaa nɩa sɩ joŋ la nyuŋ hɛ wʋzɔŋŋɔɔ ŋaanɩŋ lɛ.

Hiburu TƖŊŊAA 2:9

La na arɩ Wɩa fa leŋe Wɩa tɩndaaraa nɛ kɩɩ Yesu mʋa. Ama lɛɛlɛ Wɩa zilu nɛ a leŋ ʋ kɛŋ doluŋ arɩ yɩrɩŋ, bɛɛ wɩaa ʋ na hɛɛŋ nɛ a sʋʋ. Wɩa lahɔrɩmɔ lɛ nɛ ʋ fa ŋaa ŋɩɩ, dɩ ʋ wuo laa nuhuobiinee kala nyuŋ a sʋʋ.