Jɔɔŋ 10:16 - WƖA TENIŊ

¹⁶ Mɩ kɛŋ piesee dɔnsʋŋ ma, aŋ ka ba tuo piesee deemba tʋɔŋ. Mɩ jaŋ kɛŋ ba ma kaa kɔ. Ba ma jaŋ jɩŋ mɩ yikoro a kala ŋaa nɩbala piesee, ba pie-daara ma ŋaa kʋbala.

Jɔɔŋ 10:16 ပူးပေါင်းရင်းမြစ်များ

WƖAA DƖ-SUOMUŊ 49:10

Kuori-dantɩga-la bɩ jaŋ kɔ dɩ ʋ lɩɩ ŋ nɩsɩŋ lɛ koo dɩ ʋ paala sʋrɩsɛ ŋ naasɩŋ bʋbʋɔŋ, a mʋʋ yi nɩɩ-la sɩ maga dɩ ʋ tɩɩʋ. Tinteyee kala jaŋ tuto ŋ niiŋ.

WƖA YƖƖLAA 86:9

Ŋ nɛ ta tinteyee nɩaa kala, La Tɩɩna, ba jaŋ kʋ kpirimi ŋ sɩpaaŋ a dɛnnɩŋ, ba jaŋ yɩrɛ ŋ yɩrɩ-balɩŋ.

TƖƖCHA 12:11

Wɩalɩŋ wʋjɩnna sɩ bʋla nagɛ daaŋ niiŋ sɩ ŋaa chʋla chʋla nɛ, kʋdaaraa kori a kaa daa pʋsʋŋ. Namagaba-la ba sɩ kaa hɛ dɔŋɔ lɛ ka dienu a nagɛ ba sɩ joŋ hɛŋŋɛɛ ŋmoo hɛ kʋa lɛ ʋ chɩŋ kpaŋkpaŋ nɛ. Wɩa nɛ joŋo pɩla, nɩɩ-la sɩɩ daa la kala.

AZAAYA 11:10

Tapʋlɩɩ-la nɛ yie, kuoru-la sɩ jaŋ lɩɩ Jesi gentine lɛ jaŋ chɩŋ a nagɛ tuuta nɩaa teeŋ, tinteyee jaŋ kɔ ʋ teeŋ a zilu.

AZAAYA 43:6

Mɩ jaŋ bʋla pɩ wɩɩpɔsʋŋ nadiiŋ nɩaa: ‘Má jomba tɩa,’ a bʋla pɩ wɩɩpɔsʋŋ nagʋa nɩaa: ‘Má sɩ́ ba lɛrɛ bil.’ Má jomba ta dɩ ba lɩɩ dʋnɩa sɛmɛ na-kala a kɔ.

AZAAYA 49:6

La TƖƖNA bɩra sɩ, “Ŋ bɩ jaŋ ŋaa mɩ tɩntɩnnʋ, a kɛŋ Iziral doho doho-la dʋndʋŋ mɩɩra kɔ mɩ teeŋ Jekɔb doho nɩkaana-la sɩ bɩ sʋba, ama mɩ ha jaŋ leŋ dɩ ŋ nɛ ŋaa nɩalɩŋ sɩ bɩ Juu tɩŋŋaa ŋaa ma pʋlʋmʋŋ, dɩ mɩ laatanɩŋ wuo yi dʋnɩa sɛmɛ na-kala.”

AZAAYA 52:10

La TƖƖNA jaŋ dagɛ ʋ doluŋ dɩ tinteyee kala na. Dʋnɩa sɛmɛ na-kala nɩaa jaŋ na ŋɩɩ, la Wɩa sɩ laa ʋ nɩaa ta.

AZAAYA 56:8

La TƖƖNA Wɩɩjarɩbakɔ, ʋ nɛ kɛŋ Iziral tɩmma-la ba sɩ kɛsɛ mʋ tintee-wogusuŋ mɩɩra kɔ ŋɩɩ, ʋ sɩ, “Mɩ ha jaŋ kɛsɛ nɩaa dɔnsʋŋ kʋ pɛ nɩalɩŋ mɩ sɩ laa sɩpaaŋ kɛsɛ kʋ hɛ dɔŋɔ lɛ.”

ƐZƖKƖƐL 34:12

A nagɛ pie-daara piesee sɩ pɩsa ʋ kire hɛ dɔŋɔ a beŋ ba nyuŋ ŋɩɩ, ŋɩɩ nɛ mɩ jaŋ beŋ mɩ nɩaa. Mɩ jaŋ lorigo laaba a lɩɩ lere-la kala ba sɩ pɩsa mʋ tapʋlɩɩ-la duoŋ-bɩlɩmbaanaa arɩ birimiŋ sɩ tɔ.

ƐZƖKƖƐL 34:23

Mɩ jaŋ lɩɩsɛ kuoro pɩba dɩ ʋ nagɛ mɩ tɩntɩnna Devit a ŋaa ba pie-daara a bibemba. Ʋ nɛ jaŋ ŋaa ba pie-daara a dɩdaaba.

ƐZƖKƖƐL 34:6

Mɩ piesee gɔllɔɔ baarɛ peelee arɩ dundolluŋ nyuŋ kala nɛ. Ba fá pɩsa su dʋnɩa lee-kala nɛ, ka nʋʋkala bɩ bee chɛba.

ƐZƖKƖƐL 37:22

Mɩ jaŋ kɛŋ ba kala hɛ dɔŋɔ dɩ ba ŋaa tintee bala nɩaa tintee-la lɛ, Iziral peelee nyuŋ. Ba jaŋ kɛŋ kuoru bala dɩ ʋ bibemba. Ba bɩra bɩ jaŋ pɔrɛ dɔŋɔ lɛ a ŋaa tinteyee balɩa koo a ŋaa kuoru gentisiŋ balɩa.

ƐZƖKƖƐL 37:24

Mɩ tɩntɩnna Devit nɛ jaŋ ŋaa ba kuoro, dɩ ba kala pie-daara ŋaa kʋbala. Ba kala jaŋ tuto wombie-la mɩ sɩ bile dɩ ba tuto, a fɩɛlɛ ba sɩaa a tuto mɩ wʋdagaa ma.

HOSIA 1:10

Ama bʋa kʋbala jaŋ yi dɩ Iziral tɩŋŋaa pʋŋ a nagɛ hagɩla sɩ pɩŋ mʋgʋ-balɩŋ niiŋ nʋʋ sɩ bɩ jaŋ wuo magɩsɛ koo a dɩɩsɛ. Lee-la ba sɩ bʋla pɩba arɩ ba bɩ mɩ nɩaa ŋaa, ba jaŋ bɩra kɛmba yɩrɛ ‘Wɩa sɩ weye biiriŋ’.

ZƐKARƖYA 2:11

Tinteyee jaŋ yʋgɛ dɩ ba nɩaa kɔ La TƖƖNA teeŋ bʋa-la lɛ, a ŋaa ʋ nɩaa. Mɩ jaŋ hɛ ma tʋɔŋ, dɩ ma jɩŋ arɩ La TƖƖNA doluŋ kala Tɩɩna nɛ tɩmmɛ ma teeŋ.

Matiu 17:5

Pɩɩta fa ha sɩɩ bʋl wɩaa ŋɩɩ, dɩ duoŋ-bɩlɩmbaanɩŋ kʋ tɔba, ka yikoro kʋbala lɩɩ duoŋ-bɩlɩmbaaŋ-la tʋɔŋ a bʋbʋl, “Mɩ Bii-chooluŋ nɛ ŋ-la. Mɩ tʋɔŋ tɔrɛ ʋ nyuŋ. Má jegile nɩɩ ʋ teeŋ.”

Luuk 15:8

La joŋ arɩ haal nɛ hɛ nɩmɛ a kɛŋ sɛlɩmɛ moribii-biiŋ fii, dɩ dɔŋɔ lɛl. Ɛɛ nɛ ʋ jaŋ ŋaa? Ʋ jaŋ nyɩgɛ nyiniŋ a tii ʋ dɩa kala a beŋ woruŋ see dɩ ʋ naʋ.

Jɔɔŋ 10:11

Yesu bɩra bʋl, “Mɩ nɛ ŋaa pie-daarɩ-zɔmʋŋ. Pie-daarɩ-zɔmʋŋ yie joŋ ʋ mɩɩsɩŋ yɔɔ sʋʋŋ nɛ ʋ piesee wɩaa.

Jɔɔŋ 10:2

Ama nɩɩ-la sɩ to pie-dɩa boiŋ niiŋ jʋʋ, ʋ nɛ ŋaa piese-la pie-daara.

Jɔɔŋ 10:27

Mɩ piesee nɩɩ mɩ yikoro nɛ, mɩ ma jɩmba, ba tuto mɩ harɩŋ.

Jɔɔŋ 10:3

Pie-dɩa bibenne yie suri pie-dɩa boiŋ niiŋ nɛ a pʋ. Piese-la ma jɩŋ ʋ yikoro. Ʋ yie yɩyɩrɛba kʋbala kʋbala, a laa ba sɩpaaŋ a kɛmba lɩɩ.

Jɔɔŋ 10:4

Dɩ ʋ nɛ kɛŋ ʋ piesee kala lɩɩ, ʋ yie laa ba sɩpaaŋ nɛ, ka piesee tuto ʋ harɩŋ, bɛɛ wɩaa ba jɩŋ ʋ yikoro nɛ.

Jɔɔŋ 10:5

Ba bɩ nʋhʋɔrʋ harɩŋ ka to, ba jaŋ mɩɩra fá ʋ harɩŋ, bɛɛ wɩaa ba bɩ ʋ yikoro jɩŋ.”

Jɔɔŋ 11:52

tinteeŋ deeŋ nɩaa ma dʋndʋŋa wɩaa dee, ama dɩ ʋ wuo pɛ kɛsɛ Wɩa biiri-la sɩ pɩsa hɛ leree dɔnsʋŋ ma a hɛ dɔŋɔ lɛ.

Jɔɔŋ 17:20

Mɩ bɩŋ sʋla pɩpɩ ba dʋndʋŋ, mɩ pɛ sʋlaa pɩ nɩalɩŋ ma sɩ jaŋ nɩɩ ba niiŋ wɩaa a laa dii nɛ.

Jɔɔŋ 6:37

Nʋʋkala mɩ Nyɩmma sɩ joŋo pɩmɛ, ʋ jaŋ kɔ mɩ teeŋ. Nɩaa deemba kala sɩ kɔ mɩ teeŋ, mɩ bɩ jaŋ kɔ dɩ mɩ kiriba ta,

Tɩntɩŋŋaa 15:14

Saamɔŋ Pɩɩta bʋla pɩma ŋɩɩ Wɩa sɩ laa sɩpaaŋ cho nɩalɩŋ sɩ bɩ Juu tɩŋŋaa ŋaa, a lɩɩsɛ nɩaa ba tʋɔŋ dɩ ba ŋaa ʋ nɩaa.

Tɩntɩŋŋaa 18:10

Mɩ chɩŋ ŋ harɩŋ nɛ. Nʋʋkala bɩ jaŋ wuo kɛnɩŋ a ŋaaŋ wʋbɔŋ kala, bɛɛ wɩaa mɩ nɩaa yʋga taŋ deeŋ lɛ.”

Tɩntɩŋŋaa 22:14

Ŋɩɩ nɛ Ananɩas bʋla pɩmɛ, ‘Wɩa-la la dɩ la naabalɩmaba sɩɩ to nɛ lɩɩsɩŋ dɩ ŋ jɩŋ wɩɩ-la ʋ sɩɩ chɛ dɩ ŋ ŋaa. Ʋ leŋ ŋ na Wɩa tʋɔpʋl Tɩɩna a nɩɩ ʋ yikoro ma ʋ sɩ bʋl wɩaa pɩŋ.

Rom Tɩŋŋaa 11:25

Mɩ naambiiriŋ, wɩaa nɛ hɛ nɩmɛ Wɩa fa joŋo faama, mɩɩ chɛ dɩ ma jɩŋ. Wɩɩ-la jaŋ ŋaa dɩ ma sɩ́ bɩɩna bʋl arɩ ma kɛŋ wʋjɩmɩŋ a bibigisi ma tɩtɩa lɛ. Wɩɩ-la nɛ ŋ-la: Iziral tɩŋŋaa sɩ kɛŋ nyu-duo-la, ba bɩ jaŋ kɛnʋ wuu. Bʋa-la lɛ dɩ nɩalɩŋ sɩ bɩ Juu tɩŋŋaa ŋaa nɛ kʋ yʋgɛ a laa Wɩa wɩaa dii, Iziral tɩŋŋaa nyu-duo-la jaŋ dɛrɛ.

2 Tɛsalonaaka Nɩaa 2:13

La naambiiri, ʋ maga dɩ la lɔllɛ Wɩa bʋa na-kala lɛ pɩpɩma nɛ, ma nɩalɩŋ La Tɩɩna Yesu sɩ cho. Ma nɛ Wɩa lɩɩsɛ bumbuŋ kala dɩ ʋ laama ta. Wɩa to ʋ Dɩŋ-zɔmʋŋ doluŋ lɛ dɩ ʋ leŋ dɩ ma ŋaa tʋɔpʋl tɩmma a tɩŋ ma sɩ laa wʋtɩtɩɩ-la dii wɩaa.

Hiburu TƖŊŊAA 13:20

A leŋ dɩ Wɩa sɩɩ pɩ nɩaa fɩɛlɩŋ pɛ ma lɛ. Ʋ nɛ chɩsɛ La Tɩɩna Yesu Kirisito sʋʋŋ lɛ. Yesu Kirisito nagɛ pie-daarɩ-duo nɛ aa beŋ ʋ nɩaa nyuŋ woruŋ. Ʋ chalɩŋ nɛ Wɩa kaa bil nii-la sɩ jaŋ hɛ nɩmɛ a kaa mʋ wuu ʋ dɩ ʋ nɩaa pɛgɛ.

1 Pɩɩta 2:10

Bumbuŋ-la ma fa bɩ kʋŋkala ŋaa, ama lɛɛlɛ ma ŋaa Wɩa nɩaa nɛ. Wɩa fa bɩ ma nenige fá, ama lɛɛlɛ ʋ fá ma nenige nɛ.

1 Pɩɩta 2:25

Ma fa nagɛ piesee sɩ yeŋŋe nɛ, ama lɛɛlɛ ma mɩɩra kɔ Pie-daarɩ-la teeŋ nɛ, nɩɩ-la sɩɩ beŋ ma mɩɩsɩŋ.

1 Pɩɩta 5:4

Dɩ ma nɛ ŋaa ŋɩɩ, tapʋlɩɩ-la Yesu Kirisito sɩ jaŋ mɩɩra kɔ, Nɩɩ-la sɩ ŋaa Pie-daaraa kala Kʋhɩaŋ, ʋ jaŋ joŋ kʋ-la sɩ zɔmɔ a kɩɩ kʋŋkala pɩma. Ʋ-na bɩ jaŋ chei.

Jɔɔŋ Wʋnaalaa 3:20

Má bee-na, mɩ chɩŋ boiŋ niiŋ nɛ aa ŋmoo boro. Nɩɩ-la kala sɩ nɩɩ mɩ yikoro a kɛŋ boro suri, mɩ jaŋ kʋ jʋʋ ʋ teeŋ, dɩ la dɩ ʋ kala dii kɩaa.