Jɔɔŋ 10:15 - WƖA TENIŊ

¹⁵ Ŋɩɩ tɩtɩa nɛ mɩ Nyɩmma jɩmmɛ, mɩ ma jɩmʋ. Mɩ joŋ mɩ mɩɩsɩŋ yɔɔ sʋʋŋ mɩ piesee wɩaa.

Jɔɔŋ 10:15 ပူးပေါင်းရင်းမြစ်များ

AZAAYA 53:10

La TƖƖNA chonuŋ lɛ nɛ ʋ dɔgɩsʋ, a leŋ ʋ na hɛɛŋ. Ʋ sʋʋŋ ŋaa Wɩɩsʋlɩɩ nɛ sɩ leŋe La TƖƖNA joŋ la wʋbɔŋŋɔɔ chɛ la. Ʋ mɩɩsɩŋ jaŋ duomi. Ʋ jaŋ na ʋ doho nɩaa. Ʋ lɛ nɛ La TƖƖNA jaŋ to a ŋaa wɩalɩŋ kala ʋ sɩ cho.

AZAAYA 53:8

Ba kɛnʋ nɛ a dɔgɩsʋ, a dii ʋ sarɩya, aŋ kɛnʋ mʋ kpʋ. Ʋ nɩaa tɩtɩa bɩ jɩŋ bʋa-la lɛ arɩ ba wʋbɔŋŋɔɔ wɩaa nɛ ʋ sʋʋ.

DANƖƐL 9:26

Jɩsɩŋ zɔɔ-banɛsɛ arɩ mahɩŋ banɛsɛ arɩ batori-la harɩŋ lɛ, ba jaŋ kpʋ sɩpaalaarʋ-la ba sɩ lɩɩsa arɩ ʋ kʋŋkala ta. Sɩpaalaara dɔŋɔ ma arɩ ʋ laalɩyuoroo jaŋ kʋ lɩɩ a chei tabal-la arɩ Wɩa dɩɩ-balɩŋ, a nagɛ lɩɩŋ sɩ pɛllɛ paa nɩaa. Laalɩŋ arɩ leriŋ cheyiŋ ha jaŋ hɛ nɩmɛ a kaa mʋ dɩdɛrɩŋ arɩ ŋɩɩ Wɩa sɩ daga.

ZƐKARƖYA 13:7

La TƖƖNA doluŋ kala Tɩɩna sɩ, “Tokobiiŋ, sii chɩŋ mɩ pie-daara lɛ, sii chɩŋ nɩɩ-la sɩ kpagɛmɛ lɛ. Kpʋ pie-daarʋ-la, piese-la jaŋ pɩsɛ, ka dɩ mɩ joŋ sɩaa chaasɛ pie-biisi-la.”

Matiu 11:27

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma sɩ naga. Nʋʋkala bɩra bɩ ʋ jɩŋ, see nɩalɩŋ mɩ sɩ cho dɩ mɩ daga pa.”

Matiu 20:28

Mɩ-na Nuhuobiine Bie, mɩ bɩ kɔ dɩ mɩ chɛ nɩaa dɩ ba tɩma pɩmɛ, mɩ kɔ dɩ mɩ tɩma pɩba nɛ a sʋʋ a laa nɩ-daŋ mɩɩsɩŋ pɩba.”

Luuk 10:21

Bʋa-la tɩtɩa lɛ Yesu tʋɔŋ tɔrɛ Wɩa Dɩŋ-zɔmʋŋ doluŋ lɛ ʋ bʋl, “Mɩ Nyɩmma, ŋ nɛ ŋaa wɩa-nyuŋ arɩ tinteeŋ kala Tɩɩna. Mɩɩ lɔllʋŋ arɩ ŋ sɩ kɛŋ wɩalɩŋ ŋ sɩ joŋo faa a dagɛ nɩalɩŋ sɩ bɩ wɩaa jɩŋ, aŋ bɩ joŋo dagɛ nɩalɩŋ sɩ kɛŋ wʋjɩmɩŋ. Mɩ Nyɩmma, mɩɩ lɔllʋŋ. Ŋ tɩtɩa tʋɔtɔrʋŋ lɛ nɛ ŋ ŋaa ŋɩɩ.”

Luuk 10:22

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma ma sɩ naga. Nʋʋkala bɩra bɩ ʋ jɩŋ, see nɩalɩŋ dʋndʋŋa mɩ sɩ cho dɩ mɩ daga.”

Jɔɔŋ 1:18

Nʋʋkala ha bɩ Wɩa na. Ʋ dɩ ʋ Bii-bala-la sɩ ŋaa kʋbala a hɔŋ ʋ sɛmɛ nɛ dagɛla ʋ wɩaa.

Jɔɔŋ 10:11

Yesu bɩra bʋl, “Mɩ nɛ ŋaa pie-daarɩ-zɔmʋŋ. Pie-daarɩ-zɔmʋŋ yie joŋ ʋ mɩɩsɩŋ yɔɔ sʋʋŋ nɛ ʋ piesee wɩaa.

Jɔɔŋ 15:13

Dɩ nʋʋ nɛ kɛŋ ʋ tɩtɩa hɛ dɔŋɔ dɩ ʋ joŋ ʋ mɩɩsɩŋ yɔɔ sʋʋŋ ʋ nandɔsʋŋ wɩaa, ʋ choba nɛ woruŋ. Nʋʋkala bɩ nɩɩ-la cho a magɛ nɩa deeŋ.

Jɔɔŋ 17:25

Mɩ Nyɩmma, ŋ ŋaa tʋɔpʋl Tɩɩna nɛ. Dʋnɩa nɩaa bɩŋ jɩŋ, ama mɩ-na jɩmɩŋ nɛ. Nɩaa deemba ma jɩŋ arɩ ŋ nɛ tɩmmɛ.

Jɔɔŋ 6:46

Ʋ ŋɩɩ ma saa bɩ nagɛ arɩ nʋʋkala na mɩ Nyɩmma Wɩa nɛ, see mɩ-na Nɩɩ-la sɩ lɩɩ Wɩa teeŋ. Mɩ dʋndʋŋa nɛ naʋ.

Jɔɔŋ 8:55

Ma bɩ ʋ jɩŋ, ama mɩ-na jɩmʋ nɛ. Dɩ mɩ nɛ jaŋ bʋl arɩ mɩ bɩ ʋ jɩŋ, mɩ jaŋ ŋaa wʋnyɩɛrʋ, arɩ ma sɩ ŋaa wʋnyɩɛra ŋɩɩ. Mɩ saa jɩmʋ nɛ a tuto ʋ niiŋ.

Galiisia Nɩaa 1:4

Yesu Kirisito joŋ ʋ tɩtɩa pa nɛ ba kpʋʋ a tɩŋ la wʋbɔŋŋɔɔ wɩaa, dɩ ʋ lɩɩsɛla wʋbɔmɔ-la sɩ hɛ dʋnɩa deeŋ lɛ lɛɛlɛ. Ʋ to la Nyɩmma Wɩa tʋɔtɔrʋŋ lɛ nɛ a ŋaa ŋɩɩ pɩla.

Galiisia Nɩaa 3:13

Ama Wɩa sɩ ŋmɩɛsa hɛ nɩalɩŋ sɩ nɩɩ wɩalɩŋ Mosis sɩ ŋmʋnsa bil aŋ bɩ ba wuo tuto, Kirisito lɩɩsɛla wɩaa deemba lɛ nɛ. Ba kpaasʋ mɛrɛ daagɛsɛ nyuŋ nɛ. Ba sɩ ŋaa ŋɩɩ, Wɩa ŋmɩɛsa hɛ ʋ lɛ a tɩŋ la wɩaa, bɛɛ wɩaa ba ŋmʋnsɛ Wɩa teniŋ tʋɔŋ a bʋl, “Nɩɩ-la kala ba sɩ kpaasa mɛrɛ daaŋ nyuŋ, Wɩa ŋmɩɛsa hɛ ʋ lɛ nɛ.”

Ɛfɛsɩs Nɩaa 5:2

Má cho dɔŋɔ arɩ Kirisito sɩ chola ŋɩɩ a sʋʋ la wɩaa. Ʋ joŋ ʋ tɩtɩa a pɩ Wɩa nɛ, ba kpʋʋ arɩ ba sɩ yie kpʋ pʋsʋŋ a nyɩga pɩ Wɩa ŋɩɩ, ʋ sʋɔra sɩŋ.

Taatɩs 2:14

La wɩaa nɛ tɩɩ ʋ sʋʋ, dɩ ʋ laala ta la wʋbɔŋŋɔɔ lɛ a pɩɩsɛ la disiniŋ ta, dɩ la ŋaa ʋ nɩaa. Ʋʋ chɛ dɩ la ŋaa nɩa sɩ joŋ la nyuŋ hɛ wʋzɔŋŋɔɔ ŋaanɩŋ lɛ.

1 Pɩɩta 2:24

Yesu Kirisito tɩtɩa nɛ laa la wʋbɔŋŋɔɔ a chʋŋ, ba kpaasʋ mɛrɛ daagɛsɛ nyuŋ dɩ la joŋ harɩŋ yɩa wʋbɔŋŋɔɔ aŋ ŋɩŋaa tʋɔpʋl wɩaa. Ba vɩɩrʋ ʋ yaraa ŋaa naawɩɩlaa, ŋɩɩ nɛ leŋe la nyanyalaa kala dɛrɛ.

1 Pɩɩta 3:18

Yesu Kirisito sʋʋ la wʋbɔŋŋɔɔ wɩaa bala nɛ. Ʋ fa ŋaa tʋɔpʋl tɩɩna nɛ, a sʋʋ wʋbɔŋ ŋaaraa wɩaa, dɩ ʋ wuo kɛnla kaa mʋ Wɩa teeŋ. Nuhuobiinee nɛ kpʋ ʋ yaraa, ama Wɩa leŋ ʋ dɩma wei.

1 Jɔɔŋ 2:2

Ʋ nɛ joŋ ʋ mɩɩsɩŋ a yɔɔ sʋʋŋ la wʋbɔŋŋɔɔ wɩaa, dɩ Wɩa joŋ la wʋbɔŋŋɔɔ a chɛla. La dʋndʋŋa wʋbɔŋŋɔɔ wɩaa dee, ama dʋnɩa nɩaa kala wʋbɔŋŋɔɔ wɩaa nɛ.