Jɔɔŋ 10:14 - WƖA TENIŊ

¹⁴ Mɩ nɛ ŋaa pie-daarɩ-zɔmʋŋ. Mɩ jɩŋ mɩ piesee, mɩ piesee ma jɩmmɛ.

Jɔɔŋ 10:14 ပူးပေါင်းရင်းမြစ်များ

WƖA YƖƖLAA 1:6

Wɩa jɩŋ tʋɔpʋl tɩŋŋaa wombiiŋ wɩaa nɛ aa pɔba, ama nɩbɔŋŋɔɔ-na wombiiŋ jaŋ cheiba.

AZAAYA 40:11

Ʋ jaŋ beŋ ʋ nɩaa nyuŋ arɩ pie-daara sɩɩ beŋ ʋ piesee nyuŋ ŋɩɩ. Ʋ jaŋ paa ʋ pie-biisiŋ a nɔgɛ aŋ fɩɛla dɩdaa pie-naamba-la sɩ kɛŋ biiriŋ.

AZAAYA 53:11

Hɛɛ-la ʋ sɩ na harɩŋ lɛ, ʋ jaŋ kɛŋ tʋɔtɔrʋŋ. Ʋ jaŋ jɩŋ arɩ hɛɛ-la ʋ sɩ na bɩ pɛɩ ŋaa. Mɩ tɩntɩnna sɩ ŋaa tʋɔpʋl tɩɩna wɩaa, ʋ jaŋ laa nɩ-daŋ wʋbɔŋŋɔɔ ta.

NAHUM 1:7

La TƖƖNA wɩaa zɔmɔ, ʋ nɛ nɩaa yie mʋ yuori dɩ wɩaa nɛ jʋʋba. Ʋʋ beŋ nɩalɩŋ kala sɩ laaʋ dii nyuŋ nɛ,

Jɔɔŋ 10:11

Yesu bɩra bʋl, “Mɩ nɛ ŋaa pie-daarɩ-zɔmʋŋ. Pie-daarɩ-zɔmʋŋ yie joŋ ʋ mɩɩsɩŋ yɔɔ sʋʋŋ nɛ ʋ piesee wɩaa.

Jɔɔŋ 10:13

Ʋ yie fá, bɛɛ wɩaa ʋ daa piese-la, ka ba titimu nɛ. Ʋ sɩpaa kala tuo piese-la lɛ.

Jɔɔŋ 10:27

Mɩ piesee nɩɩ mɩ yikoro nɛ, mɩ ma jɩmba, ba tuto mɩ harɩŋ.

Jɔɔŋ 17:3

Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ.

Jɔɔŋ 17:8

Mɩ bʋl ŋ niiŋ wɩalɩŋ ŋ sɩ bʋla pɩmɛ pɩba nɛ, ba laa dii. Ba jɩma arɩ wʋtɩtɩɩ nɛ, mɩ sɛnɛ lɩɩ ŋ teeŋ nɛ. Ba laa dii nɛ arɩ ŋ nɛ tɩmmɛ.

2 Kɔrɩntɩ Nɩaa 4:6

Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.

Ɛfɛsɩs Nɩaa 1:17

Mɩ yie sʋl Wɩa, La Tɩɩna Yesu Kirisito Nyɩmma, Nɩɩ-la sɩ kɛŋ yɩrɩŋ, dɩ ʋ pɩma wʋjɩmɩŋ, a bɩra kɛŋ ʋ tɩtɩa ma kaa dagɛma ʋ Dɩŋ-zɔmʋŋ doluŋ lɛ dɩ ma wuo jɩmʋ.

Ɛfɛsɩs Nɩaa 3:19

Ama nʋʋkala bɩ jaŋ wuo jɩŋ Kirisito chono-la sɩ magɛ ŋɩɩ. Ʋ nɛ kɩɩ wɩalɩŋ kala la sɩ wuo jɩŋ. Mɩɩ sʋl Wɩa dɩ ʋ leŋ dɩ ma nagɛ ŋɩɩ Wɩa sɩ naga.

Fɩlɩpa Nɩaa 3:8

Mɩ sɩ kʋ jɩŋ mɩ Tɩɩna Yesu Kirisito, mɩ na arɩ mɩ tele nɛ wɩaa deemba lɛ. Mɩ chaasa jɩŋ arɩ ʋ nɛ kɛŋ nyʋʋrʋŋ a kɩɩ wɩaa deemba kala mɩ fa sɩɩ to. A tɩŋ Yesu wɩaa mɩ joŋ wɩɩkala yuo ta nɛ. Mɩ na arɩ ba kala nagɛ nɩsʋrʋŋ nɛ. Mɩ ŋaa ŋɩɩ dɩ mɩ wuo na nyʋʋrʋŋ nɛ Kirisito teeŋ, aŋ pɛ kɛŋ ʋ tʋɔpʋla-la,

2 Timoti 1:12

Mɩ sɩɩ bʋl wɩalɩŋ nɛ tɩɩ mɩ nɩna hɛɛŋ. Ama hɩɩsɩŋ bɩ mɩ kɛnɛ a tɩŋ hɛɛ-la mɩ sɩ na wɩaa. Mɩ jɩŋ nɩɩ-la mɩ sɩɩ to nɛ. Mɩ sɩ joŋ mɩ tɩtɩa hɛ ʋ nɩsɩŋ lɛ ŋɩɩ, mɩ laa dii arɩ ʋ jaŋ wuo bemmi woruŋ halɩɩ a kaa mʋ yi tapʋlɩɩ-la Kirisito Yesu sɩ jaŋ mɩɩra kɔ.

2 Timoti 2:19

Ama dɩa gentiŋ-duo-la Wɩa sɩ bile pɩ ʋ nɩaa, ʋ bɩ jaŋ wuo jigisi. Wɩalɩŋ ba sɩ ŋmʋnsa hɛ ʋ lɛ nɛ ŋ-la: “La Tɩɩna Wɩa jɩŋ nɩalɩŋ sɩ ŋaa ʋ nɩaa nɛ.” Ba bɩra ŋmʋnsa arɩ ʋ maga dɩ nɩɩ-la kala sɩ sɩ ʋ ŋaa Wɩa nʋʋ nɛ, dɩ ʋ leŋ wʋbɔŋŋɔɔ ŋaanɩŋ.

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.

Jɔɔŋ Wʋnaalaa 2:13

Mɩ jɩŋ lee-la ma sɩ hɛ nɛ, nɩmɛ nɛ Sɩtaanɩ dii kuoruŋ. Ama ma ha kɛŋ wʋtɩtɩɩ nɛ a mʋ tɩgɛ mɩ yɩrɩŋ lɛ. Ma bɩ wɩalɩŋ ma sɩ laa dii joŋo ta bʋa-la lɛ ba sɩ kpʋ Antɩpas sɩ ŋaa wʋtɩtɩɩ tɩɩna a bʋl wɩaa a tɩgɛ mɩ lɛ. Ba kpʋʋ ma tabalɩŋ lɛ nɛ, lee-la Sɩtaanɩ sɩ hɛ.

Jɔɔŋ Wʋnaalaa 2:19

Bʋla pɩba dɩ mɩ jɩŋ wɩalɩŋ kala ba sɩɩ ŋaa nɛ. Mɩ jɩŋ ŋɩɩ ma sɩ cho nɩaa nɛ, arɩ ŋɩɩ ma sɩ laa Wɩa dii, arɩ ŋɩɩ ma sɩɩ pɛ nɩaa lɛ, arɩ ŋɩɩ ma sɩ kɛŋ kenyiri. Lɛɛlɛ ma paala ŋaa wɩaa deemba aa kɩɩ ŋɩɩ ma fa sɩɩ ŋaa nɛ bumbuŋ-la.

Jɔɔŋ Wʋnaalaa 2:2

Mɩ jɩŋ wɩalɩŋ kala ma sɩ ŋaa nɛ. Mɩ na ŋɩɩ ma sɩ tɩma arɩ sɩɩfɩɛsɩŋ nɛ, a dii kenyiri wɩɩkala lɛ. Mɩ jɩma ma dɩ nɩbɔŋŋɔɔ bɩ dɔŋɔ lɛ wuo. Nɩaa dɔnsʋŋ joŋ ba tɩtɩa arɩ ba ŋaa Wɩa nanzɔɔba nɛ, ama ma magɩsɛ nɩaa deemba nɛ a na dɩ baa nyɩɛ nɛ.

Jɔɔŋ Wʋnaalaa 2:9

Mɩ jɩŋ wɩalɩŋ sɩɩ walɩmɛma nɛ, a jɩŋ ŋɩɩ ma sɩ summo, ama Wɩa teeŋ, ma ŋaa kuoroo nɛ. Nɩaa dɔnsʋŋ hɛ nɩmɛ aa chei ma yɩrɩŋ. Nɩaa deemba joŋ ba tɩtɩa arɩ ba ŋaa Juu tɩmma nɛ aŋ bɩ Juu tɩmma ŋaa. Baa to Sɩtaanɩ harɩŋ nɛ.

Jɔɔŋ Wʋnaalaa 3:1

Bɩra ŋmʋnsɛ wɩaa deemba a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Saadɩs lɛ. Bʋla pɩba: Mɩ-na Nɩɩ-la sɩ kori Wɩa Dɩnsɩŋ balɩpɛ-la aŋ pɛ kɛŋ chɛnwʋlaa balɩpɛ-la nɛ bʋl wɩaa deemba pɩba. Mɩ jɩŋ ma Saadɩs nɩaa tɩntɩŋŋaa kala nɛ. Ma laa yɩrɩŋ arɩ ma weye nɛ, ama ma sʋba nɛ.

Jɔɔŋ Wʋnaalaa 3:15

Mɩ jɩŋ ma wʋŋaalaa nɛ. Ma ŋaa tɔlɔ tɔlɔ nɛ. Ma bɩ fɩɛla, ma bɩra bɩ lɩŋ ma. Mɩ fa cho dɩ ma fɩɛla nɛ koo dɩ ma lɩŋ.

Jɔɔŋ Wʋnaalaa 3:8

Mɩ jɩŋ ma wʋŋaalaa nɛ. Má bee na, mɩ kɛŋ boro kaa suri nɛ a pɩma. Nʋʋkala bɩ wuo kaa tɔ. Mɩ jɩma arɩ ma doluŋ bɩ yʋgɛ, ama ma haa to mɩ niiŋ wɩaa a bɩ mɩ vɩa.