Jɔɔŋ 10:12 - WƖA TENIŊ

¹² Ama nɩɩ-la sɩ bɩ piesee tɩɩ aŋ dɩdaa, ka ba titimu, ʋ nɛ yie na guŋguro dɩ ʋʋ kɔ, ʋ leŋ piese-la aŋ fá. Guŋguro-la kʋ kɛsɛ ba dɔnsʋŋ aŋ ŋaa dɔnsʋŋ pɩsɛ.

Jɔɔŋ 10:12 ပူးပေါင်းရင်းမြစ်များ

Matiu 10:16

Ŋɩɩ nɛ Yesu bɩra bʋl, “Má jegile nɩɩ, ma nagɛ piesee nɛ, mɩɩ tɩmma dɩ ma mʋ guoli guŋgurusuŋ tʋɔŋ. Má saa kɛŋ wʋjɩmɩŋ a nagɛ dɩŋŋaa sɩ kɛŋ wʋjɩmɩŋ ŋɩɩ, aŋ leŋ dɩ ma sɩaa fɩɛlɛ a nagɛ kokosuŋ sɩaa sɩ fɩɛla ŋɩɩ.

Matiu 7:15

Má pɔ ma tɩtɩa lɛ arɩ wʋnyɩɛrɩ Wɩa wʋlaabʋllaa. Ba jaŋ kɔ ma teeŋ a nagɛ nɩzɔmɔ ba sɩaa lɛ, ama ba tʋɔŋ lɛ, ba ŋaa nɩbɔmɔ nɛ a nagɛ guŋgurusuŋ sɩ yie kɛsɛ kɩaa chɩchaŋ.

Jɔɔŋ 10:13

Ʋ yie fá, bɛɛ wɩaa ʋ daa piese-la, ka ba titimu nɛ. Ʋ sɩpaa kala tuo piese-la lɛ.

Jɔɔŋ 10:2

Ama nɩɩ-la sɩ to pie-dɩa boiŋ niiŋ jʋʋ, ʋ nɛ ŋaa piese-la pie-daara.

Jɔɔŋ 10:3

Pie-dɩa bibenne yie suri pie-dɩa boiŋ niiŋ nɛ a pʋ. Piese-la ma jɩŋ ʋ yikoro. Ʋ yie yɩyɩrɛba kʋbala kʋbala, a laa ba sɩpaaŋ a kɛmba lɩɩ.

Tɩntɩŋŋaa 20:29

Mɩ jɩma, dɩ mɩ nɛ lemma, nɩbɔŋŋɔɔ jaŋ kʋ jʋʋ ma tʋɔŋ, a nagɛ guŋgurusuŋ sɩ yie jʋʋ pʋsʋŋ tʋɔŋ ŋɩɩ. Nɩbɔmɔ-la bɩ jaŋ lemma, ba jaŋ walɩmɛma.

1 Timoti 3:3

Ʋ bɩ maga dɩ ʋ ŋaa sɩ-nyʋarʋ, a sɩ́ baaŋ tɩɩna ma ŋaa. Ama ʋ maga dɩ ʋ ŋaa nɩ-chɩm-chɩm nɛ a sɩ́ yuo-hɛɛrʋ ŋaa. Ʋ bɩ maga dɩ ʋ cho moribiee kɩŋkɛŋ.

1 Timoti 3:8

Nɩalɩŋ sɩɩ pɛ Wɩa nɩaa nɩhɩasɩŋ ma lɛ, ba maga dɩ ba ma kɛŋ mɛl-zɔmʋŋ nɛ, a kɛŋ wʋtɩtɩɩ. Ʋ bɩ maga dɩ ba faasaa nyʋa sɩnɩŋ koo dɩ ba cho moribiee kɩŋkɛŋ.

2 Timoti 4:10

bɛɛ wɩaa Dɩmas vɩamɛ nɛ. Ʋ cho dʋnɩa kɩaa nɛ. Ŋɩɩ nɛ tɩɩ ʋ vɩamɛ ta aŋ mʋ Tɛsalonaaka. Kɩrɛsɩsɛŋ ma mʋ Galiisia, Taatɩs ma mʋ Dalɩmatɩa.

Taatɩs 1:7

Nɩɩ-la sɩɩ beŋ Wɩa nɩaa ŋaa Wɩa tɩntɩnnɩ-hɩaŋ nɛ. Ʋ bɩ maga dɩ ʋ kɛŋ wʋcheelee nɩaa teeŋ. Ʋ bɩra bɩ maga dɩ ʋ dɩdagɛ ʋ tɩtɩa, a sɩ́ baaŋ tɩɩna koo sɩ-nyʋarʋ koo nii-jɩgɩ tɩɩna koo nɩɩ-la sɩ cho moribiee kɩŋkɛŋ ŋaa.

1 Pɩɩta 5:2

dɩ ma beŋ Wɩa nɩalɩŋ ʋ sɩ joŋo hɛ ma nɩsɩŋ lɛ, arɩ pie-daaraa sɩɩ beŋ ba piesee nyuŋ ŋɩɩ. Má sɩ́ leŋe dɩ ʋ nagɛ arɩ baa fʋgɛma nɛ dɩ ma bemba, ama má bemba ma tɩtɩa tʋɔtɔrʋŋ lɛ arɩ Wɩa sɩɩ chɛ ŋɩɩ. Má cho tɩntɩmɩɩ-la, aŋ sɩ́ naga arɩ moribiee nɛ maa chɛ.

2 Pɩɩta 2:3

Wʋnyɩɛrɩ kerichi deemba jaŋ kɛŋ tʋɔ-luŋuŋ. Ba jaŋ kɛŋ nii-sɩma a nyɩnyɩsɛma a lɩlaa ma kɩaa ma. Faafaa kala nɛ Wɩa dagɛ arɩ ʋ jaŋ dii nɩaa deemba doho sarɩya. Nɩɩ-la sɩ jaŋ cheiba bɩ doŋ pɩna.