Jɔɔŋ 10:10 - WƖA TENIŊ

¹⁰ Gaara-na yie kɔ dɩ ʋ gaa nɛ, a kpʋ, a chei kɩaa, ama mɩ-na kɔ dɩ nɩaa wuo kɛŋ mɩɩsɩŋ, dɩ ba tʋɔŋ tʋtɔrɛ woruŋ bʋa na-kala lɛ.”

Jɔɔŋ 10:10 ပူးပေါင်းရင်းမြစ်များ

AZAAYA 56:11

Ba nagɛ vasɩŋ sɩ kɛŋ luobiiŋ kɩŋkɛŋ nɛ, ba yie dii kɩaa ba bɩ vɔgɛ. Ba ŋaa sɩpaalaaraa sɩ bɩ wɩaa bʋbʋɔŋ jɩŋ nɛ. Ba kʋŋkala yie ŋɩŋaa ŋɩɩ ʋ sɩ cho nɛ, a tuto ba dʋndʋŋa tʋɔtɔrʋŋ harɩŋ.

HOSIA 7:1

Dɩ mɩ nɩɩ chɛ dɩ mɩ vaarɛ Iziral tɩŋŋaa na-kala, Efirem wʋbɔŋŋɔɔ yie chaasa lɩɩ chɩŋ nɛ kporo, Samarɩa ma nɩbɔŋ wɩaa chɩŋ kporo. Baa nyɩsɛ nɩaa nɛ, gaaraa boro jʋjʋʋ nɩaa dɩɩsɩŋ wɛŋ-boruroo gurigoo laa nɩaa kɩaa womporunuŋ lɛ.

Matiu 18:10

Ŋɩɩ nɛ Yesu bɩra sɩ, “Má fɩɛlɛ ma sɩaa a sɩ́ bee gʋʋnɛ hambiisiŋ deemba kʋŋkala. Mɩ bʋlaa pɩma, Wɩa ta ʋ tɩndaaraa nɛ dɩ ba bibemba. Ba hɛ Wɩa-jaŋ bʋa na-kala lɛ, mɩ Nyɩmma sɩ hɛ lee-la. [

Matiu 18:11

Mɩ-na Nuhuobiine Bie kɔ dɩ mɩ chɛ a laa nɩalɩŋ sɩ lɛlɛ nɛ a ta.]”

Matiu 20:28

Mɩ-na Nuhuobiine Bie, mɩ bɩ kɔ dɩ mɩ chɛ nɩaa dɩ ba tɩma pɩmɛ, mɩ kɔ dɩ mɩ tɩma pɩba nɛ a sʋʋ a laa nɩ-daŋ mɩɩsɩŋ pɩba.”

Matiu 21:13

Ŋɩɩ nɛ Yesu bʋla pɩba, “Ba ŋmʋnsa Wɩa teniŋ tʋɔŋ arɩ Wɩa sɩ ʋ dɩa jaŋ ŋaa lee-la nɩaa sɩ jaŋ chʋchʋɔlʋ, aŋ ka ma-na mɩɩra kaa bɩrɩmɛ gaarɩ-dɩa.”

Matiu 23:13

Ma Wɩa teniŋ kerichiba arɩ ma Farisii tɩŋŋaa, ma kanfugi tɩmma-la, ma jaŋ na hɛɛŋ. Ma kɛŋ Wɩa kuorii-la dɩa-boro yagɛ nɛ dɩ nɩaa sɩ́ jʋʋ, bɛɛ wɩaa ma tɩtɩa bɩ chɛ dɩ ma jʋʋ, aŋ bɩra pɔ dɩ nɩalɩŋ sɩɩ walɩmɛ dɩ ba jʋʋ, dɩ ba ma sɩ́ jʋʋ. [

Maak 11:17

Ŋɩɩ nɛ Yesu dagɛba a bʋl, “Ba ŋmʋnsɛ Wɩa teniŋ tʋɔŋ arɩ Wɩa sɩ, ‘Mɩ dɩa jaŋ ŋaa lee tinteyee nɩaa kala sɩ jaŋ chʋchʋɔlɛmɛ, aŋ ka ma-na mɩɩra kaa bɩrɩmɛ gaarɩ-dɩa.’ ”

Luuk 19:10

bɛɛ wɩaa mɩ-na Nuhuobiine Bie kɔ dɩ mɩ chɛ a laa nɩalɩŋ sɩ lɛlɛ nɛ a ta.”

Jɔɔŋ 10:1

Ŋɩɩ nɛ Yesu magɛ namaga a bʋl, “Wʋtɩtɩɩ nɛ mɩ bʋlaa pɩma, nɩɩ-la kala sɩ bɩ boiŋ niiŋ to jʋʋ pie-dɩa, aŋ wule to kɛrɛ jʋʋ, ʋ tɩɩna ŋaa gaarʋ nɛ.

Jɔɔŋ 10:11

Yesu bɩra bʋl, “Mɩ nɛ ŋaa pie-daarɩ-zɔmʋŋ. Pie-daarɩ-zɔmʋŋ yie joŋ ʋ mɩɩsɩŋ yɔɔ sʋʋŋ nɛ ʋ piesee wɩaa.

Jɔɔŋ 12:47

Nɩɩ-la kala sɩ nɩɩ mɩ wʋbʋlaa aŋ bɩ baa to, mɩ bɩ ʋ tɩɩna sarɩya ka dii, bɛɛ wɩaa mɩ bɩ kɔ dɩ mɩ dii dʋnɩa nɩaa sarɩya. Mɩ kɔ dɩ mɩ laa dʋnɩa nɩaa ta nɛ.

Jɔɔŋ 12:6

Ʋ sɩ bʋl ŋɩɩ, ʋ bɩ naga dɩ ʋ cho summo-la nɛ tɩɩ, ama ʋ fa ŋaa gaarʋ nɛ. Ʋ nɛ faa kori ba moribiee a yie lɩlɩɩsɛ moribie-la a kaa ŋaa ʋ tɩtɩa wɩaa.

Jɔɔŋ 3:17

Wɩa bɩ ʋ Bie ta dɩ ʋ kʋ tuu laa dʋnɩa nɩaa wɩaa jɩŋ, ama dɩ ʋ laa dʋnɩa nɩaa ta.

Jɔɔŋ 5:40

Ka ma vɩa dɩ ma kɔ mɩ teeŋ a wuo kɛŋ mɩɩsɩŋ.

Jɔɔŋ 6:33

Boroboro-la Wɩa sɩ ta, ʋ lɩɩ Wɩa-jaŋ nɛ a kʋ tuu. Ʋ nɛ pɩ dʋnɩa nɩaa mɩɩsɩŋ.”

Jɔɔŋ 6:51

Mɩ-na nɛ ŋaa kʋdiile-la sɩ kɛŋ mɩɩsɩŋ a lɩɩ Wɩa-jaŋ kʋ tuu. Dɩ nʋʋ nɛ dii kʋdiilee deemba, ʋ jaŋ kɛŋ mɩɩsɩ-la sɩ bɩ dɛrɛ. Mɩ yaraa nammɩa nɛ ŋaa kʋdiile-la mɩ sɩ jaŋ joŋo pɩ dʋnɩa nɩaa dɩ ba kɛŋ mɩɩsɩŋ.”

Rom Tɩŋŋaa 2:21

Ŋ-na nɩɩ-la sɩɩ dagɛ nɩaa, ŋ bɩ ŋ tɩtɩa ka dagɛɛ? Ŋŋ dagɛ nɩaa dɩ ba sɩ́ gaa, aŋ tɩtɩa gɩgaa.

1 Timoti 1:15

Wɩɩŋ deeŋ mɩ sɩɩ chɛ dɩ mɩ bʋl chaasa ŋaa wʋtɩtɩɩ nɛ a maga dɩ nʋʋkala laa dii. Ʋ nɛ ŋ-la: Kirisito Yesu kʋ tuu dʋnɩa nɛ dɩ ʋ laa wʋbɔŋ ŋaaraa ta. Mɩ nɛ saa paala ŋaa ba tʋɔŋ nɩbɔmʋŋ.

Hiburu TƖŊŊAA 6:17

Ŋɩɩ tɩtɩa nɛ Wɩa fa sɩ bʋla pɩ ʋ nɩaa arɩ ʋ jaŋ joŋ kɩaa pɩba, ʋ fa sɩɩ chɛ dɩ ba chaasa jɩŋ arɩ ʋ bɩ jaŋ kɛŋ ʋ niiŋ bɩrɩmɛ, ʋ ŋmɩɛsa daŋ nɛ.

Hiburu TƖŊŊAA 7:25

Ŋɩɩ wɩaa, ʋ jaŋ wuo laa nɩalɩŋ sɩ to ʋ lɛ a kɔ Wɩa teeŋ ta. Ʋ jaŋ wuo laaba ta, bɛɛ wɩaa ʋ jaŋ hɛ nɩmɛ bʋa na-kala a sʋl Wɩa pɩpɩba.

2 Pɩɩta 1:11

Dɩ ma chɩŋ wɩalɩŋ lɛ woruŋ, ma jaŋ na wombiiŋ a jʋʋ La Tɩɩna arɩ la Laataara Yesu Kirisito kuorii-la sɩ jaŋ hɛ nɩmɛ deeŋ deeŋ tʋɔŋ.