Jɔɔŋ 1:51 - WƖA TENIŊ

⁵¹ Ŋɩɩ nɛ Yesu bʋla pʋ, “Wʋtɩtɩɩ nɛ mɩ bʋlaa pɩŋ, ma jaŋ na wɩa-nyuŋ dɩ ʋ suro, dɩ Wɩa tɩndaaraa lɩɩ nɩmɛ a kʋʋ tuu mɩ-na Nuhuobiine Bie teeŋ, aŋ mɩɩra jɩjɩl.”

Jɔɔŋ 1:51 ပူးပေါင်းရင်းမြစ်များ

WƖAA DƖ-SUOMUŊ 28:12

Ʋ duoso na lusuŋ-chol duduoŋ kʋbala dɩ ʋ chɩŋ tinteeŋ aŋ jɩla tɩgɛ wɩa-nyuŋ. Wɩa tɩndaaraa to ʋ lɛ a tutuu aŋ jɩjɩl.

ƐZƖKƖƐL 1:1

Ba sɩ yuo kɛsɛ Juu tɩŋŋaa kaa mʋ yoŋ-baga Babɩlɔŋ lɛ, ʋ jɩsɩŋ mara arɩ fii, chɛŋ-nɛsɩmɩŋ tapʋl-nɔŋ chɛɛŋ, dɩ mɩ-na Ɛzɩkɩɛl sɩ ŋaa Wɩɩsʋllɩ sɩpaalaara, a ŋaa Buzi nanʋala, fa hɛ Juu tɩmma-la ba sɩ kɛsɛ mʋ Babɩlɔŋ tʋɔŋ. La fa hɛ fuo-la ba sɩɩ yɩrɛ Keba niiŋ nɛ. Ŋɩɩ nɛ wɩa-nyuŋ suri, Wɩa kɛŋ wɩaa dagɛmɛ a nagɛ duosoo tʋɔŋ.

ZƐKARƖYA 13:7

La TƖƖNA doluŋ kala Tɩɩna sɩ, “Tokobiiŋ, sii chɩŋ mɩ pie-daara lɛ, sii chɩŋ nɩɩ-la sɩ kpagɛmɛ lɛ. Kpʋ pie-daarʋ-la, piese-la jaŋ pɩsɛ, ka dɩ mɩ joŋ sɩaa chaasɛ pie-biisi-la.”

Matiu 25:31

Dɩ mɩ-na Nuhuobiine Bie nɛ dii mɩ kuoruŋ a kɔ, mɩ dɩ Wɩa tɩndaaraa kala jaŋ kɔ. Ŋɩɩ nɛ mɩ jaŋ hɔŋ mɩ kuoru kpasa nyuŋ a chaanɛ.

Matiu 26:24

Mɩ-na Nuhuobiine Bie jaŋ sʋʋ arɩ ba sɩ ŋmʋnsɛ ŋɩɩ a tɩgɛ mɩ lɛ. Ama nɩɩ-la sɩ jaŋ joŋ mɩ-na Nuhuobiine Bie yallɛ, aa, ʋ jaŋ na hɛɛŋ yʋgɛ. Ba fa sɩ bɩ ʋ lʋla nɛ kpɩa.”

Matiu 3:16

Jɔɔŋ sɩ fo Yesu Wɩɩchʋɔlɛ lɩɩŋ dɛrɛ, ʋ guu lɩɩ lɩɩ-la tʋɔŋ kʋ lɩɩ, wɩa-nyuŋ kpaa balɩa. Ʋ na Wɩa Dɩŋ-zɔmʋŋ dɩ ʋ kʋ tuu a nagɛ kokomo a togili ʋ lɛ.

Matiu 4:11

Ŋɩɩ nɛ Sɩtaanɩ viiri aŋ ka Yesu, Wɩa tɩndaaraa kʋ pɛ ʋ lɛ.

Matiu 8:20

Ŋɩɩ nɛ Yesu bʋla pʋ, “Jolluŋ kɛŋ bʋɔsʋŋ nɛ a jʋjʋʋ, diibiisiŋ ma kɛŋ dɛllɩŋ a jʋjʋʋ, ama mɩ-na Nuhuobiine Bie bɩ dɩpɩnɩŋ kɛnɛ dɩ mɩ pɩna wiesi.”

Matiu 9:6

Mɩ jaŋ dagɛma arɩ mɩ-na Nuhuobiine Bie kɛŋ doluŋ dʋnɩa lɛ dɩ mɩ joŋ wʋbɔŋŋɔɔ chɛ nɩaa.” Ŋɩɩ nɛ ʋ bʋla pɩ gbɛrɩgʋ-la, “Sii a joŋ ŋ bɔsɔ a mʋ dɩa.”

Maak 1:10

Ʋ sɩ mɩɩra kʋʋ lɩɩ fuo-la tʋɔŋ, ʋ wʋla beŋ dɩ wɩa-nyuŋ guu kpaa balɩa. Ŋɩɩ nɛ Wɩa Dɩŋ-zɔmʋŋ kʋ tuu a nagɛ kokomo a togili ʋ lɛ.

Maak 14:62

Ŋɩɩ nɛ Yesu bʋl, “Mɩ-na nɛ. Ma jaŋ na mɩ-na Nuhuobiine Bie dɩ mɩ hɔŋ Wɩa doluŋ kala Tɩɩna nadiiŋ sɛmɛ, nɩduoŋ dɩhɔnʋŋ, a to duoŋ-bɩlɩmbaanaa tʋɔŋ a kʋʋ tuu.”

Luuk 2:13

Ŋɩɩ nɛ Wɩa tɩndaaraa yʋgɛ a guu lɩɩ a pɛ Wɩa tɩndaarʋ-la lɛ, ba yɩɩ yɩɩlaa a dɛnnɛ Wɩa a bʋl,

Luuk 2:9

Ŋɩɩ nɛ Wɩa tɩndaarʋ kʋbala kɔ ba teeŋ. Ʋ sɩ kɔ ŋɩɩ, Wɩa pʋlʋmʋŋ chaana hɛ ba lɛ. Fawʋllʋŋ kɛmba.

Luuk 22:43

Ŋɩɩ nɛ Wɩa tɩndaara lɩɩ wɩa-nyuŋ a kʋ tuu ʋ teeŋ a pʋ doluŋ.

Luuk 22:69

ama a lɩɩ lɛɛlɛ a kaa mʋ mɩ-na Nuhuobiine Bie jaŋ hɔŋ Wɩa doluŋ kala Tɩɩna nadiiŋ, nɩduoŋ dɩhɔnʋŋ.”

Luuk 24:4

Ba chɩŋ nɩmɛ a bɩ jɩŋ wɩɩ-la kala ba sɩ jaŋ ŋaa. Ba ŋaa dɩ ba beŋ, dɩ baalaa balɩa nɛ chɩŋ ba sɛmɛ ŋɩɩ. Ba gɛnnɩŋ faasa tʋtʋl.

Luuk 3:21

Bʋa-la lɛ Jɔɔŋ sɩɩ fo nɩaa kala Wɩɩchʋɔlɛ lɩɩŋ, ʋ fo Yesu ma Wɩɩchʋɔlɛ lɩɩŋ nɛ. Ʋ sɩ fou dɛrɛ, ʋ chʋchʋɔlɛ Wɩa, ŋɩɩ nɛ wɩa-nyuŋ kpaa balɩa,

Jɔɔŋ 1:50

Ŋɩɩ nɛ Yesu pɩɛsʋ, “Mɩ sɩ bʋla arɩ mɩ naŋ dɩ ŋ hɔŋ tutogo bʋbʋɔŋ nɛ tɩɩ, ŋ laa mɩ wɩaa dii koo? Ŋ jaŋ na wʋkpuŋkperisiŋ a kɩɩ ŋ-la.”

Jɔɔŋ 10:1

Ŋɩɩ nɛ Yesu magɛ namaga a bʋl, “Wʋtɩtɩɩ nɛ mɩ bʋlaa pɩma, nɩɩ-la kala sɩ bɩ boiŋ niiŋ to jʋʋ pie-dɩa, aŋ wule to kɛrɛ jʋʋ, ʋ tɩɩna ŋaa gaarʋ nɛ.

Jɔɔŋ 10:7

Ŋɩɩ nɛ Yesu bɩra bʋla pɩba, “Wʋtɩtɩɩ nɛ mɩ bʋlaa pɩma, mɩ nɛ ŋaa pie-dɩa-la boiŋ niiŋ.

Jɔɔŋ 13:16

Wʋtɩtɩɩ nɛ mɩ bʋlaa pɩma, tɩntɩnnʋ kala bɩ ʋ kʋhɩaŋ kɩɩ, nɩɩ-la ma ba sɩ tɩma, ʋ ma bɩ nɩɩ-la sɩ tɩmʋ kɩɩ.

Jɔɔŋ 13:38

Ŋɩɩ nɛ Yesu pɩɛsʋ, “Ŋ sɛnɛ kɛŋ ŋ tɩtɩa hɛ dɔŋɔ nɛ dɩ ŋ joŋ ŋ mɩɩsɩŋ yɔɔ sʋʋŋ nɛ mɩ wɩaa? Wʋtɩtɩɩ nɛ mɩ bʋlaa pɩŋ, ka dɩ ji-bele-na yel, ŋ jaŋ bʋl naansɩɩŋ butori arɩ ŋ bɩ mɩ jɩŋ.”

Jɔɔŋ 14:12

Wʋtɩtɩɩ nɛ mɩ bʋlaa pɩma, nɩɩ-la kala sɩ laa mɩ wɩaa dii, ʋ jaŋ wuo ŋɩŋaa wɩalɩŋ mɩ sɩɩ ŋaa. Ʋ jaŋ paala wuo ŋaa kɩɩ wɩalɩŋ mɩ sɩɩ ŋaa, bɛɛ wɩaa mɩ jaŋ mɩɩra mʋ mɩ Nyɩmma teeŋ.

Jɔɔŋ 16:20

Wʋtɩtɩɩ nɛ mɩ bʋlaa pɩma, ma jaŋ ŋmuŋmoo niiŋ ka dɩ dʋnɩa nɩaa tʋɔŋ tɔrɛ, ma tʋɔŋ jaŋ chei, ama ma tʋɔ-chei-la jaŋ mɩɩra bɩrɩmɛ tʋɔtɔrʋŋ.

Jɔɔŋ 16:23

Dɩ tapʋlɩɩ-la nɛ yie, ma bɩ jaŋ pɩɛsɛmɛ chɩchɛ kʋŋkala. Wʋtɩtɩɩ nɛ mɩ bʋlaa pɩma, mɩ Nyɩmma jaŋ pɩma kʋŋkala ma sɩ pɩɛsʋ chɩchɛ mɩ yɩrɩŋ lɛ.

Jɔɔŋ 21:18

Wʋtɩtɩɩ nɛ mɩ bʋlaa pɩŋ, ŋ fa sɩ ŋaa hambie, ŋ tɩtɩa nɛ yie laalɛ ŋ gɛnnɩŋ a mʋmʋ lee-la kala ŋ sɩ cho. Ama dɩ ŋ nɛ kʋ hɩɛsɛ, ŋ jaŋ kɛŋ ŋ nɩsaa je, aŋ ka dɩ nʋʋ dɔŋ nɛ joŋ ŋ gɛnnɩŋ a laalɩŋ aŋ kɛnɩŋ mʋ lee-la ŋ sɩ bɩ cho dɩ ŋ mʋa.”

Jɔɔŋ 3:3

Ŋɩɩ nɛ Yesu bʋla pʋ, “Wʋtɩtɩɩ nɛ mɩ bʋlaa pɩŋ, nʋʋkala bɩ jaŋ wuo jʋʋ Wɩa kuorii-la tʋɔŋ, see dɩ ba wasa lʋl tɩɩna.”

Jɔɔŋ 3:5

Yesu bʋl, “Wʋtɩtɩɩ nɛ mɩ bʋlaa pɩŋ, nʋʋkala bɩ jaŋ wuo jʋʋ Wɩa kuorii-la tʋɔŋ, see dɩ Wɩa joŋ ʋ Dɩŋ-zɔmʋŋ hɛ tɩɩna lɛ, dɩ tɩɩna ma pɛ fo Wɩɩchʋɔlɛ lɩɩŋ.

Jɔɔŋ 5:19

Ŋɩɩ nɛ Yesu bʋla pɩba, “Mɩ bʋl wʋtɩtɩɩ nɛ a pɩpɩma, mɩ-na Wɩa Bie bɩ wɩɩkala wuo ŋaa mɩ tɩtɩa doluŋ lɛ. Mɩ yie ŋɩŋaa wɩalɩŋ mɩ sɩ na dɩ mɩ Nyɩmma ŋaa nɛ. Wɩɩ na-kala ʋ sɩɩ ŋaa nɛ mɩ ma ʋ Bie ŋɩŋaa,

Jɔɔŋ 5:27

Ʋ saa pɩ mɩ-na ʋ Bie doluŋ nɛ dɩ mɩ dii nɩaa sarɩya, bɛɛ wɩaa mɩ nɛ ŋaa Nuhuobiine Bie.

Jɔɔŋ 6:26

Ŋɩɩ nɛ Yesu bʋla pɩba, “Wʋtɩtɩɩ nɛ mɩ bʋlaa pɩma, maa chɛmɛ a tɩŋ boroboro-la ma sɩ dii vɔgɛ wɩaa nɛ, ama wʋmagɩla-la ma sɩ na dɩ mɩ ŋaa wɩaa dee.

Jɔɔŋ 6:32

Ŋɩɩ nɛ Yesu bʋl, “Mɩ bʋl wʋtɩtɩɩ nɛ a pɩpɩma, kɩalɩŋ Mosis sɩ pɩma, ʋ dee bɩ ma pa, Wɩa nɛ pɩma. Kʋdiile-la bɩ ma mɩɩsɩ-la sɩ bɩ dɛrɛ ka pa. Mɩ Nyɩmma nɩɩ pɩ nɩaa boroboro tɩtɩɩ-la sɩ lɩɩ Wɩa-jaŋ.

Jɔɔŋ 6:47

Wʋtɩtɩɩ nɛ mɩ bʋlaa pɩma, nɩɩ-la kala sɩ laa mɩ wɩaa dii, ʋ jaŋ kɛŋ mɩɩsɩ-la sɩ bɩ dɛrɛ.

Jɔɔŋ 6:53

Ŋɩɩ nɛ Yesu bʋla pɩba, “Wʋtɩtɩɩ nɛ mɩ bʋlaa pɩma, dɩ ma nɛ bɩ mɩ-na Nuhuobiine Bie yaraa nammɩa chaŋa, a nyʋa mɩ chalɩŋ ma, ma bɩ jaŋ kɛŋ mɩɩsɩŋ.

Jɔɔŋ 8:34

Ŋɩɩ nɛ Yesu bʋla pɩba, “Wʋtɩtɩɩ nɛ mɩ bʋlaa pɩma, nʋʋ na-kala sɩ ŋaa wʋbɔŋ, ʋ tɩɩna ŋaa wʋbɔmʋŋ yoŋ nɛ.

Jɔɔŋ 8:51

Wʋtɩtɩɩ nɛ mɩ bʋlaa pɩma, nɩɩ-la kala sɩɩ to mɩ niiŋ wɩaa, ʋ bɩ jaŋ sʋʋ.”

Jɔɔŋ 8:58

Ŋɩɩ nɛ Yesu bʋla pɩba, “Wʋtɩtɩɩ nɛ mɩ bʋlaa pɩma, ka dɩ ba-na lʋl Abɩraham, mɩ fa hɛ nɩmɛ nɛ.”

Tɩntɩŋŋaa 10:11

dɩ wɩa-nyuŋ kpaa. Ka kʋŋ nagɛ gɛrɩ-balɩŋ a lɩɩ wɩa-nyuŋ kʋ tuu tinteeŋ. Ba kɛŋ ʋ niipinee banɛsɛ lɛ.

Tɩntɩŋŋaa 7:56

Ŋɩɩ nɛ Sɩtɩɩvɩŋ bʋl, “Má bee na, mɩ na Wɩa-jaŋ boiŋ niiŋ dɩ ʋ suro, ka Nuhuobiine Bie hɔŋ Wɩa nadiiŋ, nɩduoŋ dɩhɔnʋŋ.”

2 Tɛsalonaaka Nɩaa 1:7

Ʋ jaŋ pɩ ma nɩalɩŋ sɩɩ na hɛɛŋ wiese, a pɩ la ma wiese. Wɩɩŋ deeŋ jaŋ ŋaa bʋa-la lɛ La Tɩɩna Yesu sɩ jaŋ kɔ arɩ ʋ tɩndaara-la sɩ kɛŋ doluŋ.

2 Tɛsalonaaka Nɩaa 1:9

Wɩa jaŋ cheiba a kaa mʋ wuu. Ba bɩ jaŋ wuo mʋ La Tɩɩna Yesu teeŋ. Ba bɩra bɩ jaŋ wuo na ʋ tʋla arɩ ʋ doluŋ.

1 Timoti 3:16

Wʋtɩtɩɩ, Wɩɩchʋɔlɛ wombii-la la sɩɩ to ŋaa wʋbal nɛ nʋʋkala bɩ jaŋ wuo kaa lɛrɛ. Wɩɩ-la fa faa nɛ ka Wɩa joŋo dagɛla lɛɛlɛ. Ʋ nɛ ŋ-la: Wɩa bɩrɩmɛ nuhuobiine nɛ a kʋ tuu dʋnɩa. Wɩa Dɩŋ-zɔmʋŋ ma dagɛ arɩ ʋ ŋaa tʋɔpʋl Tɩɩna nɛ. Wɩa tɩndaaraa ma naʋ. Nɩaa bʋl ʋ wɩaa dʋnɩa sɛmɛ-na kala lɛ. Dʋnɩa nɩaa laa ʋ wɩaa dii nɛ, aŋ ka Wɩa joŋu kaa jɩl Wɩa-jaŋ, ʋ laa yɩrɩŋ.

Hiburu TƖŊŊAA 1:14

Wɩa tɩndaara-la kala ŋaa Wɩa tɩntɩnnaa nɛ. Wɩa yie tɩmba ba mʋ pɛ nɩalɩŋ ʋ sɩɩ chɛ ʋ laa ta lɛ nɛ.

Juud 1:14

Baal kʋbala ba sɩɩ yɩrɛ Ɛnɔk fa bʋl wɩaa Wɩa doluŋ lɛ faafaa kala nɛ a tɩgɛ nɩaa deemba lɛ. Ʋ fa ŋaa Adam nihi-lɩɛrɩ-pɛmɩŋ nɛ. Ʋ sɩ, “Má bee na, La Tɩɩna Wɩa ka kɔ nɛ arɩ ʋ tɩndaaraa bʋɩ fii fiiba sɩ bɩ disiniŋ kɛnɛ,

Jɔɔŋ Wʋnaalaa 19:11

Ŋɩɩ nɛ mɩ na Wɩa-jaŋ dɩ ʋ suro. Mɩ beŋ a na ja-pʋla dɩ nʋʋ jɩla. Nɩɩ-la sɩ jɩla yɩrɩŋ nɛ Nɩtɛŋɛ arɩ Wʋtɩtɩɩ Tɩɩna. Ʋ dii nɩaa sarɩya arɩ wʋtɩtɩɩ nɛ, aa yuo laalɩŋ ma arɩ wʋtɩtɩɩ.

Jɔɔŋ Wʋnaalaa 4:1

Wɩaa deemba kala sɩ ŋaa harɩŋ, mɩ beŋ wɩa-nyuŋ a na dɩ Wɩa-jaŋ boro suro. Ŋɩɩ nɛ mɩ nɩɩ yikoro-la fa sɩ laa sɩpaaŋ bʋl wɩaa mɩ teeŋ a nagɛ ba sɩɩ ŋmʋʋ nyile, dɩ ʋ sɩ, “Kʋ jɩl daha dɩ mɩ dagɩŋ wɩalɩŋ sɩ jaŋ ŋaa wɩaa deemba harɩŋ lɛ.”