Jɔɔŋ 1:45 - WƖA TENIŊ

⁴⁵ Ŋɩɩ nɛ Fɩlɩp na Natanɩal a bʋla pʋ, “Nɩɩ-la wɩaa Mosis fa sɩ ŋmʋnsa wombie-la Wɩa sɩ bile dɩ la tuto tʋɔŋ, la naʋ nɛ. Wɩa wʋlaabʋllaa ma fa bʋl ʋ wɩaa nɛ. Ʋ nɛ Yesu, Josɛf nanʋala a lɩɩ Nazarɛt.”

Jɔɔŋ 1:45 ပူးပေါင်းရင်းမြစ်များ

WƖAA DƖ-SUOMUŊ 22:18

A tɩŋ ŋ sɩ sɛɩ mɩ niiŋ wɩaa, mɩ jaŋ to ŋ doho nɩaa lɛ a pɛ dʋnɩa nɩaa kala lɛ.”

WƖAA DƖ-SUOMUŊ 3:15

Mɩ jaŋ joŋ dʋndɔnnʋŋ hɛ ŋ dɩ haal-la pɛgɛ. Ŋ biiriŋ arɩ ʋ biiriŋ jaŋ ŋaa dʋndɔmɔ. Adam doho nʋʋ jaŋ ŋmoo ŋ nyuŋ yɛrɛ, ka dɩ ŋ ma ta ʋ naatilimiŋ lɛ.”

WƖAA DƖ-SUOMUŊ 49:10

Kuori-dantɩga-la bɩ jaŋ kɔ dɩ ʋ lɩɩ ŋ nɩsɩŋ lɛ koo dɩ ʋ paala sʋrɩsɛ ŋ naasɩŋ bʋbʋɔŋ, a mʋʋ yi nɩɩ-la sɩ maga dɩ ʋ tɩɩʋ. Tinteyee kala jaŋ tuto ŋ niiŋ.

AZAAYA 4:2

Wɩaa deemba kala harɩŋ, La TƖƖNA jaŋ leŋ dɩ Iziral tinteeŋ zɔŋ a pɩ nɩalɩŋ sɩ bɩ sʋba. Ba tʋɔŋ jaŋ tɔrɛ dɩ ba bibigisi a tɩŋ kɩalɩŋ ba sɩ pɛrɛ sɩ jaŋ wasɛ tintee-la lɛ.

AZAAYA 53:2

La TƖƖNA sɩɩŋ lɛ nɛ ka ʋ tɩntɩnna wʋwaa, a nagɛ jɩnjaaŋ-bʋgʋŋ sɩ tɔsɔ lɩlɩɩ tintee-hɩlɩŋ lɛ. Ʋ bɩ tʋla kɛnɛ sɩ jaŋ leŋ dɩ nʋʋ bɩbagɩsʋ a kɔ ʋ teeŋ, kʋŋkala tuo ʋ lɛ sɩ jaŋ ŋaa dɩ la chou.

AZAAYA 7:14

Ŋɩɩ wɩaa, La TƖƖNA tɩtɩa jaŋ leŋ dɩ ma na magɩlɩŋ. Hatolo ha sɩ bɩ baal jɩŋ jaŋ kɛŋ luoruŋ a lʋl hambolibie, a hɛ ʋ yɩrɩŋ Ɩmanʋɛl.

AZAAYA 9:6

bɛɛ wɩaa ba lʋl bii nɛ a pɩla, hambolibie nɛ ba joŋo pɩla, ʋ nɛ jaŋ bibenla. Ba jaŋ yɩyɩrʋ: Nɩɩ-la sɩ jɩŋ nɩaa chagɩlɩŋ ʋ dɔŋ tuo, Wɩa sɩ kɛŋ doluŋ, Nyɩmma-la sɩ jaŋ hɛ nɩmɛ deeŋ deeŋ, Kuori-bile sɩ kɛŋ fɩɛlɩŋ kʋkɔ.

MƖKA 5:2

Bɛtɩlɛhɛm Ɛfɩrata, Juda tinteeŋ tasɩŋ kala tʋɔŋ ŋ nɛ muuro. Ama La TƖƖNA sɩ ʋ jaŋ lɩɩsɛ kuoro ŋ lɛ dɩ ʋ bibeŋ Iziral, nɩɩ-la doho nɩaa sɩɩ dii kuoruŋ faafaa kala.

ZƐKARƖYA 6:12

Bʋla pʋ wɩɩ-la mɩ-na ma TƖƖNA doluŋ kala Tɩɩna sɩ bʋla nɛ ŋ-la: “Baal-la ba sɩɩ yɩrɛ Naakeliŋ nɛ ŋ-la. Ʋ jaŋ kele lɩɩ ʋ lee-la ʋ sɩ hɛ, a saa mɩ-na ma TƖƖNA dɩɩ-bal-la.

ZƐKARƖYA 9:9

Zaayɔŋ nɩaa, má faasa jʋɔsɛ. Jerusalɛm nɩaa, má ŋaa goŋ. Ma kuoro ka kɔ ma teeŋ nɛ. Ʋ kɛŋ tʋɔpʋla nɛ a laa nɩaa tɩta, ʋ kɛŋ ʋ tɩtɩa muuri nɛ a jɩl kakumo, a sagɛ kaku-pɔrʋŋ nyuŋ.

Matiu 10:3

Ʋ bɩra lɩɩsɛ Fɩlɩp, arɩ Batolomi, arɩ Tɔmas, arɩ Matiu lampoo laarʋ-la, arɩ Alɩfɩyas nanʋala Jeems, arɩ Tadɩyas,

Matiu 13:55

Josɛf, kapɩnta-la bie dee ŋɩɩ? Mɛɛrɩ dee bɩ ʋ naaŋ ŋaa? Jeems arɩ Josɛf arɩ Saamɔŋ arɩ Judas, ʋ naambiiriŋ dee ŋɩɩ?

Matiu 2:23

Ʋ sɩ mʋ Galilii tinteeŋ, ʋ mʋ hɔŋ taŋ kʋbala lɛ baa yɩrɛ Nazarɛt. Ʋ ŋaa ŋɩɩ dɩ wɩalɩŋ Wɩa wʋlaabʋllaa fa sɩ bʋla kʋ ŋaa wʋtɩtɩɩ nɛ. Ba fa bʋla: “Ba jaŋ kɛnʋ yɩrɛ Nazarɛt tɩɩna.”

Matiu 21:11

Nɩ-daŋ-la bʋl, “Yesu sɩ lɩɩ Nazarɛt sɩ hɛ Galilii tinteeŋ lɛ nɛ Wɩa wʋlaabʋllʋ-la.”

Maak 14:67

a na Pɩɩta dɩ ʋ hɔnɔ a wiwieni nyiniŋ. Ʋ benu woruŋ aŋ bʋla pʋ, “Ŋ ma faa to Yesu harɩŋ nɛ, baal-la sɩ lɩɩ Nazarɛt.”

Maak 6:3

Kapɩnta-la dee ŋɩɩ? Mɛɛrɩ nanʋala dee? Jeems arɩ Josɛf arɩ Judas arɩ Saamɔŋ naambie dee? Ʋ dɩhaalaa na dee bɩ la tʋɔŋ hɛ ŋ-laa?” Ŋɩɩ nɛ ba vɩaʋ.

Luuk 18:37

Ŋɩɩ nɛ ba bʋla pʋ arɩ Yesu sɩ lɩɩ Nazarɛt nɩɩ bal.

Luuk 2:4

Josɛf ma sii Nazarɛt Galilii tinteeŋ lɛ a mʋ Judiya tinteeŋ, a mʋ jʋʋ taŋ kʋbala baa yɩrɛ Bɛtɩlɛhɛm. Lee-la nɛ ba fa lʋl kuoro Devit. Josɛf fa ŋaa kuoro Devit doho nʋʋ nɛ. Ŋɩɩ nɛ tɩɩ ʋ mʋ nɩmɛ.

Luuk 2:48

Ʋ nyɩmma arɩ ʋ naaŋ sɩ naʋ, ʋ ŋaaba ma wʋkpuŋkpere. Ŋɩɩ nɛ ʋ naaŋ pɩɛsʋ, “Mɩ bii, bɛɛ nɛ tɩɩ ŋ ŋaala ŋ-la? Mɩ dɩ ŋ nyɩmma gɔllɔ chɛŋ ka nɛ.”

Luuk 24:27

Ŋɩɩ nɛ Yesu dagɛ wɩalɩŋ kala ba sɩ ŋmʋnsa Wɩa teniŋ tʋɔŋ a tɩgɛ ʋ lɛ bʋbʋɔŋ a pɩba. Ʋ suomi teniŋ-la Mosis sɩ ŋmʋnsa a kaa mʋ tenni-la kala Wɩa wʋlaabʋllaa sɩ ŋmʋnsa lɛ.

Luuk 24:44

Ŋɩɩ nɛ ʋ bʋla pɩba, “Mɩ fa sɩ hɛ ma teeŋ, mɩ bʋla pɩma arɩ wɩɩ-na kala ba fa sɩ ŋmʋnsa a tɩgɛ mɩ lɛ jaŋ kʋ ŋaa wʋtɩtɩɩ: Wɩalɩŋ Mosis fa sɩ ŋmʋnsa bil dɩ nɩaa tuto arɩ wɩalɩŋ Wɩa wʋlaabʋllaa fa sɩ ŋmʋnsa, arɩ Wɩa teniŋ sɛmɛ dɔŋɔ ba sɩɩ yɩrɛ Wɩa yɩɩlaa tʋɔŋ.”

Luuk 3:23

Yesu fa sɩ suomo a tɩtɩŋ ʋ tɩntɩŋŋaa, ʋ fa yi jɩsɩŋ mara arɩ fii nɛ. Ʋ doho nɩaa nɛ ŋ-la: Josɛf nɛ fa ŋaa ʋ nyɩmma. Ʋ nɛ nɩaa fa bɩɩnɛ arɩ ʋ nɛ lʋl Yesu. Josɛf nyɩmma yɩrɩŋ nɛ fa Hɛlɩ.

Luuk 4:22

Ŋɩɩ nɛ nɩaa kala tʋɔŋ tɔrɛ ʋ nyuŋ. Wʋzɔmɔ-la kala ʋ sɩ bʋla pɩba ŋaaba wʋkpuŋkpere. Ba pɩpɩɛsɛ dɔŋɔ, “Josɛf bile dee ŋ-laa?”

Jɔɔŋ 1:44

Fɩlɩp fa lɩɩ Bɛtɩsaada nɛ, taŋ-la Anduru arɩ Pɩɩta ma sɩ lɩa.

Jɔɔŋ 12:21

Ŋɩɩ nɛ nɩaa deemba mʋ Fɩlɩp teeŋ. Fɩlɩp fa lɩɩ Bɛtɩsaada nɛ, Galilii tinteeŋ. Ba bʋla pɩ Fɩlɩp arɩ baa chɛ dɩ ba na Yesu nɛ.

Jɔɔŋ 14:8

Ŋɩɩ nɛ Fɩlɩp bʋla pʋ, “Mɩ Tɩɩna, dagɛla la Nyɩmma, wɩɩ-la kala la sɩɩ chɛ nɛ ŋɩɩ.”

Jɔɔŋ 18:5

Ŋɩɩ nɛ ba sɩ, “Yesu sɩ lɩɩ Nazarɛt nɛ la chɩchɛ.” Ŋɩɩ nɛ ʋ bʋla pɩba, “Mɩ nɛ ŋ-la.” Judas, nɩɩ-la fa sɩ jaŋ joŋu yallɛ, ʋ ma fa hɛ ba tʋɔŋ nɛ.

Jɔɔŋ 18:7

Ŋɩɩ nɛ Yesu bɩra pɩɛsɛba, “Kʋbɛɛ nɛ maa chɛ?” Ba sɩ, “Yesu sɩ lɩɩ Nazarɛt.”

Jɔɔŋ 19:19

Ŋɩɩ nɛ Paalɩt ŋmʋnsa mɛrɛ daagɛsɛ-la lɛ a bʋl, “JUU TƖŊŊAA KUORO YESU A LƖƖ NAZARƐT.”

Jɔɔŋ 21:2

Saamɔŋ Pɩɩta arɩ Tɔmas, nɩɩ-la ba fa sɩ kaa yɩrɛ daalɩarɩŋ ma, arɩ Natanɩal fa sɩ lɩɩ taŋ kʋbala baa yɩrɛ Kena a hɛ Galilii tinteeŋ. Zebidi biiriŋ balɩa ma fa hɛ nɩmɛ, arɩ Yesu harɩ-tooroo balɩa ma dɔnsʋŋ.

Jɔɔŋ 6:42

Ŋɩɩ nɛ ba pɩɛsɛ: “Baala deeŋ dee Josɛf bie Yesu? La jɩŋ ʋ nyɩmma arɩ ʋ naaŋ kala nɛ. Ɛɛ nɛ saa lɛɛlɛ ʋ sɩ dɩ ʋ lɩɩ Wɩa-jaŋ nɛ a kʋ tuu?”

Jɔɔŋ 6:5

Ba sɩ hɔŋ nɩmɛ nɛ, Yesu na dɩ nɩ-daŋ nɩɩ kɔ ʋ teeŋ ŋɩɩ. Ʋ pɩɛsɛ Fɩlɩp, “Nɩɩ nɛ la jaŋ na kʋdiilee a yɔɔ pɩ nɩaa deemba kala dɩ ba dii?”

Jɔɔŋ 6:7

Ŋɩɩ nɛ Fɩlɩp bʋla pʋ, “Dɩ la nɛ yɔɔ boroboro a yi warɩpʋla zɔɔ-balɩa ma, ʋ bɩ nɩaa deemba wɩɩkala wuo ŋaa, mʋa mʋa nɛ ba kʋŋkala jaŋ na.”

Tɩntɩŋŋaa 10:38

Ma nɩɩ Yesu wɩaa nɛ. Wɩa joŋ ʋ Dɩŋ-zɔmʋŋ hɛ ʋ lɛ nɛ a pʋ doluŋ. Ʋ sii mʋ lee-kala, a ŋɩŋaa wʋzɔŋŋɔɔ pɩpɩ nɩaa, aa vaarɛ nɩalɩŋ kala Sɩtaanɩ sɩ nyaga bil. Wɩa fa hɛ ʋ teeŋ, ŋɩɩ nɛ tɩɩ ʋ wuo ŋɩŋaa wɩaa deemba kala.

Tɩntɩŋŋaa 2:22

Ŋɩɩ nɛ Pɩɩta bɩra bʋl, “Iziral tɩmma, má jegile nɩɩ wɩaa deemba mɩ sɩɩ chɛ mɩ bʋla pɩma. Yesu sɩ lɩɩ Nazarɛt nɛ Wɩa lɩɩsa pɩma. Wʋmagɩlaa arɩ wʋkpuŋkperisiŋ Wɩa sɩ to ʋ lɛ ŋaa ma sɩɩŋ lɛ nɛ dagɛ ŋɩɩ. Ma ma jɩma nɛ.

Tɩntɩŋŋaa 22:8

Ŋɩɩ nɛ mɩ pɩɛsɛ, ‘Kʋbɛɛ nɛ, mɩ Tɩɩna?’ Yikoro-la bʋl, ‘Mɩ-na Yesu sɩ lɩɩ Nazarɛt nɛ, nɩɩ-la ŋ sɩ to naasɩŋ a dʋdɔgɩsɛ.’

Tɩntɩŋŋaa 26:9

Mɩ ma tɩtɩa fa laa dii arɩ ʋ maga dɩ mɩ ŋaa wɩɩ-la kala mɩ sɩ jaŋ wuo ŋaa a chei Yesu sɩ lɩɩ Nazarɛt yɩrɩŋ nɛ.

Tɩntɩŋŋaa 3:6

Ŋɩɩ nɛ Pɩɩta bʋla pʋ, “Mɩ bɩ moribii kala kɛnɛ mɩ sɩ jaŋ joŋo pɩŋ, ama mɩ jaŋ joŋ kʋ-la mɩ sɩ kɛnɛ a pɩŋ. Yesu Kirisito sɩ lɩɩ Nazarɛt yɩrɩŋ lɛ, sii a vɛŋ.”