Jɔɔŋ 1:34 - WƖA TENIŊ

³⁴ Ŋɩɩ nɛ Jɔɔŋ bɩra bʋl, “Mɩ sɛnɛ naʋ nɛ, a bʋlaa pɩma arɩ ʋ nɛ ŋaa Wɩa Bie.”

Jɔɔŋ 1:34 ပူးပေါင်းရင်းမြစ်များ

WƖA YƖƖLAA 2:7

Kuoru-la sɩ, “Mɩ jaŋ heele bʋl wɩɩ-la La Tɩɩna sɩ bʋla. Ʋ bʋla pɩmɛ, ‘Ŋ ŋaa mɩ Bii nɛ, jɩnɩŋ mɩ nɛ lʋlʋŋ.

Matiu 11:27

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma sɩ naga. Nʋʋkala bɩra bɩ ʋ jɩŋ, see nɩalɩŋ mɩ sɩ cho dɩ mɩ daga pa.”

Matiu 16:16

Ŋɩɩ nɛ Saamɔŋ Pɩɩta bʋl, “Ŋ nɛ ŋaa Kirisito, Wɩa-la sɩ weye Bie.”

Matiu 17:5

Pɩɩta fa ha sɩɩ bʋl wɩaa ŋɩɩ, dɩ duoŋ-bɩlɩmbaanɩŋ kʋ tɔba, ka yikoro kʋbala lɩɩ duoŋ-bɩlɩmbaaŋ-la tʋɔŋ a bʋbʋl, “Mɩ Bii-chooluŋ nɛ ŋ-la. Mɩ tʋɔŋ tɔrɛ ʋ nyuŋ. Má jegile nɩɩ ʋ teeŋ.”

Matiu 26:63

Yesu tɔrɛ ʋ niiŋ. Ŋɩɩ nɛ Wɩɩsʋllɩ sɩpaalaaraa kʋhɩaŋ bʋla pʋ, “Wɩa-la sɩ weye yɩrɩŋ lɛ, bʋla pɩla, ŋ nɛ ŋaa Kirisito, nɩɩ-la Wɩa sɩ lɩɩsaa? Ŋ nɛ Wɩa Biee?”

Matiu 27:40

a bʋl, “Oi, ŋ nɛ ŋaa nɩɩ-la sɩ sɩ ŋ jaŋ ŋmoo la Wɩa dɩɩ-balɩŋ lo aŋ bɩra wuo saaʋ tapʋlaa batori pɛgɛ. Ŋ sɩ ŋaa Wɩa Bie, lɩɩ daagɛsɛ-la nyuŋ a laa ŋ tɩtɩa ta.”

Matiu 27:43

Ʋ laa Wɩa dii nɛ a bʋl dɩ ʋ ŋaa Wɩa Bie nɛ. Tɔɔ, má leŋ dɩ la na dɩ Wɩa nɛ jaŋ laaʋ ta lɛɛlɛ.”

Matiu 27:54

Laalɩyuoroo zɔlɔ kʋhɩaŋ arɩ laalɩyuoro-la fa sɩ chɩŋ nɩmɛ a bibeŋ Yesu a na tinteeŋ sɩ zigili ŋɩɩ arɩ wɩalɩŋ kala sɩ ŋaa, fawʋllʋŋ kɛmba. Ŋɩɩ nɛ ba bʋl, “Wʋtɩtɩɩ, baala deeŋ sɛnɛ ŋaa Wɩa Bii nɛ.”

Matiu 3:17

Ka ʋ nɩɩ nʋʋ yikoro wɩa-nyuŋ sɩ bʋla, “Mɩ Bii-chooluŋ nɛ ŋ-la, mɩ tʋɔŋ tɔrɛ ʋ nyuŋ.”

Matiu 4:3

Ŋɩɩ nɛ Sɩtaanɩ kɔ ʋ teeŋ a bʋla pʋ, “Dɩ ŋ nɛ ŋaa Wɩa Bie, leŋ dɩ tabɩaa deemba bɩrɩmɛ kʋdiilee.”

Matiu 4:6

aŋ bʋla pʋ, “Dɩ ŋ nɛ ŋaa Wɩa Bie, joŋ ŋ tɩtɩa yuo daha a tuu chigisi tinteeŋ. Ba ŋmʋnsɛ Wɩa teniŋ tʋɔŋ a bʋl, ‘Wɩa jaŋ leŋ dɩ ʋ tɩndaaraa kʋ cheme kɛnɩŋ, dɩ ŋ sɩ́ ŋ naaŋ joŋo ŋmoo tabɩɩŋ.’ ”

Matiu 8:29

Ba sɩ na Yesu, ba guu ŋmoo niiŋ a pɩɛsʋ, “Bɛɛ nɛ ŋ chɩchɛ dɩ ŋ ŋaa la lɛ Wɩa Bii? Ŋ kɔ dɩ ŋ dɔgɩsɛla nɛɛ, ka bʋa-la ha bɩ yiee?”

Maak 1:1

Wɩa wʋzɔŋŋɔɔ dɩ-suomuŋ nɛ ŋ-la. Wɩaa deemba ŋaa Wɩa Bie Yesu Kirisito wʋzɔŋŋɔɔ wɩaa nɛ.

Maak 1:11

Ʋ nɩɩ yikoro dɩ ʋ lɩɩ wɩa-nyuŋ a bʋla pʋ, “Ŋ nɛ mɩ Bii-chooluŋ. Mɩ tʋɔŋ tɔrɛ ŋ nyuŋ.”

Luuk 1:35

Ŋɩɩ nɛ Wɩa tɩndaarʋ-la bʋla pʋ, “Wɩa Dɩŋ-zɔmʋŋ jaŋ kʋ hɛ ŋ lɛ. Ŋ jaŋ kɛŋ luoruŋ Wɩa doluŋ lɛ. Ŋɩɩ wɩaa bile jaŋ ŋaa tʋɔpʋl Tɩɩna. Ba kɛnʋ yɩyɩrɛ Wɩa Bie.

Luuk 3:22

Wɩa Dɩŋ-zɔmʋŋ kʋ tuu a nagɛ kokomo a togili ʋ lɛ. Ʋ nɩɩ yikoro dɩ ʋ lɩɩ wɩa-nyuŋ a bʋla pʋ, “Ŋ nɛ mɩ Bii-chooluŋ. Mɩ tʋɔŋ tɔrɛ ŋ nyuŋ.”

Jɔɔŋ 1:18

Nʋʋkala ha bɩ Wɩa na. Ʋ dɩ ʋ Bii-bala-la sɩ ŋaa kʋbala a hɔŋ ʋ sɛmɛ nɛ dagɛla ʋ wɩaa.

Jɔɔŋ 1:49

Ŋɩɩ nɛ Natanɩal bʋla pʋ, “Kʋhɩaŋ, ŋ nɛ ŋaa Wɩa Bie. Ŋ nɛ ŋaa Iziral tɩŋŋaa kuoro ma.”

Jɔɔŋ 10:30

Mɩ dɩ mɩ Nyɩmma kala ŋaa kʋbala nɛ.”

Jɔɔŋ 10:36

Wɩa nɛ lɩɩsɛmɛ a tɩmmɛ mɩ kʋ tuu dʋnɩa, ɛɛ nɛ saa ma jaŋ bʋl mɩɩ tʋʋsɛ Wɩa joŋŋoo nɛ mɩ sɩ sɩ mɩ ŋaa Wɩa Bii nɛ?

Jɔɔŋ 11:27

Ŋɩɩ nɛ Maata bʋl, “Oo, mɩ Tɩɩna. Mɩ laa dii arɩ ŋ nɛ ŋaa Kirisito, Wɩa Bie, Nɩɩ-la sɩ maga dɩ ʋ kɔ dʋnɩa deeŋ.”

Jɔɔŋ 19:7

Ŋɩɩ nɛ Juu tɩmma-la bɩra bʋl, “Ʋ kɛŋ ʋ tɩtɩa yɩrɛ Wɩa Bii nɛ. La wombiiŋ daga arɩ nʋʋkala nɛ ŋaa ŋɩɩ, ʋ maga dɩ ba kpʋʋ nɛ.”

Jɔɔŋ 20:28

Ŋɩɩ nɛ Tɔmas yɩrʋ a bʋl, “Mɩ Tɩɩna, ŋ nɛ mɩ Wɩa.”

Jɔɔŋ 20:31

Ama mɩ ŋmʋnsɛ wɩaa deemba dɩ ma wuo laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa aŋ pɛ ŋaa Wɩa Bie ma. Dɩ ma nɛ laa wɩaa deemba dii, ma jaŋ kɛŋ mɩɩsɩŋ ʋ yɩrɩŋ lɛ.

Jɔɔŋ 6:69

Lɛɛlɛ la laa dii a jɩŋ arɩ ŋ nɛ ŋaa Wɩa tʋɔpʋl Tɩɩna.”

Rom Tɩŋŋaa 1:4

Ama Wɩa chɩsʋ sʋʋŋ lɛ nɛ, ŋɩɩ dagɛ arɩ ʋ ŋaa Wɩa Bii nɛ, a kɛŋ doluŋ a kɛŋ Wɩa Dɩŋ-zɔmʋŋ sɩ kɛŋ tʋɔpʋla ma.

2 Kɔrɩntɩ Nɩaa 1:19

Ma bɩra jɩma arɩ mɩ-na Pɔɔl, mɩ dɩ la naambiiriŋ Sɩlɩvaanʋs arɩ Timoti nɛ bʋl Wɩa Bie Yesu Kirisito wɩaa pɩma. Yesu wɩɩ-wɩɩkala ŋaa wʋtɩtɩɩ nɛ. Ʋ bɩ niiriŋ balɩa ka bʋl.

Hiburu TƖŊŊAA 7:3

Mɛlɩkɩzɛdɛk fa bɩ nyɩmma kɛnɛ, ʋ bɩ naaŋ ma kɛnɛ. Nʋʋkala fa bɩ ʋ doho jɩŋ, a bɩ bʋa-la ba sɩ lʋlʋ arɩ bʋa-la lɛ ʋ sɩ sʋba ma jɩŋ. Ama ʋ fa nagɛ Wɩa Bie nɛ. Ʋ ŋaa Wɩɩsʋllɩ sɩpaalaarʋ nɛ a kaa mʋ wuu.

1 Jɔɔŋ 2:23

Nɩɩ-la kala sɩ vɩa Wɩa Bie, ʋ bɩ ʋ Nyɩmma ma jɩŋ. Nɩɩ-la ma kala sɩ sɛɩ Wɩa Bie, ʋ sɛɩ ʋ Nyɩmma ma nɛ.

1 Jɔɔŋ 3:8

Ama nɩɩ-la kala ha sɩɩ ŋaa wʋbɔŋŋɔɔ, ʋ ŋaa Sɩtaanɩ nʋʋ nɛ. Sɩtaanɩ ŋaa wʋbɔŋŋɔɔ bumbuŋ kala nɛ a kaa kɔ arɩ jɩnɩŋ kala. Wɩɩ-la sɩ tɩɩ Wɩa Bie kɔ dʋnɩa nɛ ŋ-la: Ʋ kɔ dɩ ʋ chei Sɩtaanɩ tɩntɩŋŋaa nɛ.

1 Jɔɔŋ 4:9

Ŋ-la nɛ Wɩa dagɛla arɩ ʋ chola nɛ: Ʋ joŋ ʋ Bii-bala dɩ ʋ kʋ tuu dʋnɩa, dɩ la to ʋ lɛ a kɛŋ mɩɩsɩ-la sɩ bɩ dɛrɛ.

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.

2 Jɔɔŋ 1:9

Nɩɩ-la kala sɩ bɩ wɩalɩŋ Kirisito sɩ daga dʋndʋŋa ka to, ʋ tɩɩna bɩ Wɩa teeŋ hɛ. Ama nɩɩ-la kala sɩɩ to wɩalɩŋ Kirisito sɩ daga dʋndʋŋa, ʋ tɩɩna kɛŋ Wɩa arɩ ʋ Bie kala nɛ.

Jɔɔŋ Wʋnaalaa 2:18

Bɩra ŋmʋnsɛ wɩaa deemba nɛ a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi taŋ-la ba sɩɩ yɩrɛ Taataya lɛ. Mɩ-na Wɩa Bie nɛ bʋl wɩaa deemba. Mɩ sɩaa nagɛ nyiŋgeliŋ nɛ, ka mɩ naasɩŋ ma nagɛ kɔlɩɩŋ ba sɩ chɛsɛ ʋ faasa tʋtʋl.