Jɔɔŋ 1:31 - WƖA TENIŊ

³¹ Mɩ fa bɩ jɩŋ nɩɩ-la kala ʋ sɩ ŋaa. Ama mɩ ta kʋ fufo nɩaa Wɩɩchʋɔlɛ lɩɩŋ nɛ, dɩ Iziral tɩŋŋaa kʋ jɩmʋ.”

Jɔɔŋ 1:31 ပူးပေါင်းရင်းမြစ်များ

MALAKAƖ 3:1

La TƖƖNA doluŋ kala Tɩɩna sɩ, “Mɩ jaŋ tɩŋ mɩ tɩndaara dɩ ʋ kʋ wasɛ wombiiŋ a bil mɩ lɛ. Ŋɩɩ harɩŋ nɛ ma Tɩɩna-la ma sɩ bee chɩchɛ jaŋ guu kʋ jʋʋ ʋ dɩɩ-balɩŋ. Tɩndaarʋ-la ma sɩɩ yɩɛlʋ nɛ jaŋ kɛŋ nii-la sɩ hɛ mɩ dɩ ma pɛgɛ wɩaa polli.”

Matiu 3:13

Bʋa-la lɛ Jɔɔŋ fa sɩɩ fo nɩaa Wɩɩchʋɔlɛ lɩɩŋ ŋɩɩ, Yesu sii lɩɩ Galilii tinteeŋ a kɔ Jɔɔŋ teeŋ dɩ ʋ fou Wɩɩchʋɔlɛ lɩɩŋ Jɔdaŋ fuo-la lɛ.

Matiu 3:6

a dagɛ ba wʋbɔŋŋɔɔ aŋ tuu Jɔdaŋ fuo-la, ʋ foba Wɩɩchʋɔlɛ lɩɩŋ.

Luuk 1:17

Ʋ jaŋ ŋaa Wɩa tɩntɩnnʋ a kɛŋ doluŋ arɩ Ɩlaaja fa sɩ kɛŋ doluŋ ŋɩɩ. (Ɩlaaja fa ŋaa Wɩa wʋlaabʋllʋ nɛ.) Ʋ jaŋ ŋaa dɩ biiriŋ arɩ ba nyɩmmaba kala mɩɩra sɩŋ. Ʋ jaŋ ŋaa dɩ nɩalɩŋ sɩ bɩ Wɩa niiŋ wɩaa ka to, dɩ ba bɩrɩmɛ a to tʋɔpʋl tɩŋŋaa wombiiŋ a leŋ dɩ nɩaa ŋaa siri a gbɛrɛ ba Tɩɩna.”

Jɔɔŋ 1:30

Baala deeŋ wɩaa nɛ mɩ faa bʋl ŋɩɩ, arɩ nʋʋ nɛ jaŋ kɔ mɩ harɩŋ. Ʋ nɛ kɩɩmɛ, ʋ hɛ nɩmɛ nɛ ka ba-na lʋlmɛ.

Jɔɔŋ 1:32

Wɩalɩŋ Jɔɔŋ sɩ bʋla pɩ nɩaa a tɩgɛ ʋ lɛ nɛ ŋ-la: “Mɩ na Wɩa Dɩŋ-zɔmʋŋ dɩ ʋ lɩɩ wɩa-nyuŋ a nagɛ kokomo, a kʋ tuu togili ʋ lɛ.

Jɔɔŋ 1:33

Mɩ ma tɩtɩa fa bɩ ʋ jɩŋ. Ama Wɩa sɩ tɩmmɛ dɩ mɩ fo nɩaa Wɩɩchʋɔlɛ lɩɩŋ, ʋ nɛ bʋla pɩmɛ, ‘Ŋ jaŋ na mɩ Dɩŋ-zɔmʋŋ dɩ ʋ kʋ tuu a hɛ nʋʋ lɛ, tɩɩna nɛ jaŋ joŋ mɩ Dɩŋ-zɔŋ-la a hɛ nɩaa lɛ.’ ”

Jɔɔŋ 1:7

Ʋ nɛ kɔ dɩ ʋ bʋl pʋlʋŋ-la wɩaa pɩ nɩaa. Ʋ ŋaa ŋɩɩ dɩ nʋʋkala wuo nɩɩ a to ʋ lɛ a laa pʋlʋŋ-la wɩaa dii.

Tɩntɩŋŋaa 19:4

Ŋɩɩ nɛ Pɔɔl bɩra bʋl, “Nɩalɩŋ sɩ bɩrɩma lɩɩ ba wʋbɔŋŋɔɔ lɛ nɛ, Jɔɔŋ fufo Wɩɩchʋɔlɛ lɩɩŋ. Ʋ fa bʋla pɩba arɩ nʋʋ jaŋ kɔ ʋ harɩŋ, ʋ yɩrɩŋ nɛ Yesu, dɩ ʋ nɛ kɔ ba laa ʋ wɩaa dii.”