Jɔɔŋ 1:29 - WƖA TENIŊ

²⁹ Ʋ taŋ sɩ pʋla, Jɔɔŋ na Yesu dɩ ʋ tʋʋlʋ kʋkɔ. Ʋ bʋl, “Má bee na, Wɩa Pie-bie-la nɛ ŋɩɩ. Ʋ nɛ laa dʋnɩa wʋbɔŋŋɔɔ ta.

Jɔɔŋ 1:29 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 28:38

Arɔŋ jaŋ joŋo vɔɔ ʋ tile lɛ, dɩ ŋɩɩ dagɛ dɩ Iziral tɩŋŋaa nɛ ŋaa wɩɩ chei a mʋʋ tɩgɛ ba Wɩɩsʋllɩ kɩaa lɛ, aŋ kaa mʋ La TƖƖNA sɩpaaŋ bʋa na-kala, ʋ ha jaŋ laa ba sʋla.

AZAAYA 53:10

La TƖƖNA chonuŋ lɛ nɛ ʋ dɔgɩsʋ, a leŋ ʋ na hɛɛŋ. Ʋ sʋʋŋ ŋaa Wɩɩsʋlɩɩ nɛ sɩ leŋe La TƖƖNA joŋ la wʋbɔŋŋɔɔ chɛ la. Ʋ mɩɩsɩŋ jaŋ duomi. Ʋ jaŋ na ʋ doho nɩaa. Ʋ lɛ nɛ La TƖƖNA jaŋ to a ŋaa wɩalɩŋ kala ʋ sɩ cho.

AZAAYA 53:11

Hɛɛ-la ʋ sɩ na harɩŋ lɛ, ʋ jaŋ kɛŋ tʋɔtɔrʋŋ. Ʋ jaŋ jɩŋ arɩ hɛɛ-la ʋ sɩ na bɩ pɛɩ ŋaa. Mɩ tɩntɩnna sɩ ŋaa tʋɔpʋl tɩɩna wɩaa, ʋ jaŋ laa nɩ-daŋ wʋbɔŋŋɔɔ ta.

AZAAYA 53:7

Ba fa dɔgɩsʋ nɛ, ʋ na hɛɛŋ kɩŋkɛŋ, ama ʋ bɩ ʋ niiŋ suro. Ba fa kɛnʋ a nagɛ pie-bie nɛ a kaa mʋ dɩ ba kpʋ koo a nagɛ piese ba sɩɩ chɛ dɩ ba kɛ ʋ pʋna, ka ʋ tɔrɛ ʋ niiŋ, ʋ bɩ ʋ niiŋ suro.

HOSIA 14:2

Má kɛŋ ma tɩtɩa hɛ dɔŋɔ aŋ mɩɩra mʋ La TƖƖNA teeŋ, a bʋla pʋ, “Fá la nenige aŋ joŋ la wʋbɔŋŋɔɔ kala chɛla, aŋ chaga laala dɩ la wuo suri la niiŋ a dɛnnɩŋ.

LEVI DOHO NƖAA 10:17

“Bɛɛ nɛ tɩɩ ma bɩ wʋbɔŋŋɔɔ joŋo chɛnɩŋ Wɩɩsʋlʋŋ nammɩa-la chaŋa Wɩa dɩ-zɔŋ-la lɛ? Ʋ ŋaa kʋzɔŋ sɩ bɩ magɩa kɛnɛ nɛ La TƖƖNA joŋo pɩma dɩ ʋ tɩɩgɛ wɩalɩŋ ma Iziral tɩŋŋaa kala sɩ ŋaa chei ta aŋ pɩɩsɛ ma disiniŋ ta.

ZƐKARƖYA 13:1

La TƖƖNA sɩ, “Tapʋlɩɩ-la mɩ jaŋ suri lɩɩ-bul-sɩɩŋ a pɩ Devit doho nɩaa arɩ Jerusalɛm nɩaa, a chɛsɛ ba wʋbɔŋŋɔɔ arɩ ba disiniŋ ta.

NAMBABA 18:1

La TƖƖNA bʋla pɩ Arɔŋ, “Ŋ dɩ ŋ hambolibiisiŋ arɩ ma Levi doho nɩaa nɛ jaŋ laa cheeriŋ dɩ ba nɩɩ tɩŋ tɩntɩŋŋaa mɩ dɩ-zɔŋ-la lɛ a chei wɩɩ. Ama dɩ wɩɩ nɛ cheye a mʋʋ tɩgɛ Wɩɩsʋllɩ sɩpaalaaraa lɛ, ŋ dɩ ŋ hambolibiisiŋ dʋndʋŋa nɛ jaŋ laa cheeriŋ.

NAMBABA 18:23

Levi doho nɩaa dʋndʋŋa nɛ jaŋ tɩtɩŋ lɛbɩ-la lɛ mɩ sɩ yie kɔ Iziral tɩŋŋaa teeŋ tɩntɩŋŋaa, a bibeŋ ʋ nyuŋ. Dɩ wɩɩkala nɛ bɩ woruŋ vɛnɛ nɩmɛ, ba nɛ jaŋ laa cheeriŋ. Wɩɩŋ deeŋ jaŋ pɩŋ a pɩ ba dɩ ba doho kala, a kaa mʋ wuu. Ba bɩ jaŋ laa kpaalɩŋ Iziral tɩŋŋaa tʋɔŋ.

NAMBABA 21:9

Ŋɩɩ nɛ Mosis kɛŋ kɔlɩɩŋ libi dɩmɩŋ a joŋo mɛrɛ daaterige lɛ a joŋo pɛ. Dɩ dɩma-la kʋŋ nɛ dɩŋ nɩalɩŋ dɔŋɔ, ʋ yie wʋla beŋ kɔlɩɩŋ dɩŋ-la nɛ a duori.

NAMBABA 7:27

nɛ-bel-pɔrʋŋ, pie-bele arɩ pie-bel-pɔrʋŋ sɩ yi jɩna dɩ ba kaa sʋl kʋnyɩgaa Wɩɩsʋlʋŋ,

NAMBABA 7:39

a pɛ nɛ-bel-pɔrʋŋ, pie-bele arɩ pie-bel-pɔrʋŋ sɩ yi jɩna dɩ ba kaa sʋl kʋnyɩgaa Wɩɩsʋlʋŋ,

Matiu 1:21

Ʋ jaŋ lʋl baal, ŋ jaŋ hɛ ʋ yɩrɩŋ Yesu, bɛɛ wɩaa ʋ nɛ jaŋ laa ʋ nɩaa wʋbɔŋŋɔɔ ta.”

Matiu 20:28

Mɩ-na Nuhuobiine Bie, mɩ bɩ kɔ dɩ mɩ chɛ nɩaa dɩ ba tɩma pɩmɛ, mɩ kɔ dɩ mɩ tɩma pɩba nɛ a sʋʋ a laa nɩ-daŋ mɩɩsɩŋ pɩba.”

Jɔɔŋ 1:35

Ʋ taŋ sɩ pʋla, Jɔɔŋ arɩ ʋ harɩ-tooroo balɩa bɩra chɩŋ lee-la,

Jɔɔŋ 1:36

a na Yesu dɩ ʋʋ bal. Jɔɔŋ sɩ naʋ dɩ ʋʋ bal, ŋɩɩ nɛ ʋ bʋl, “Má bee na, Wɩa Pie-bie-la nɛ ŋ-la.”

Jɔɔŋ 1:43

Ʋ taŋ sɩ pʋla, Yesu sii dɩ ʋ mʋ Galilii tinteeŋ. Ŋɩɩ nɛ ʋ na Fɩlɩp a bʋla pʋ, “Kʋ to mɩ harɩŋ.” Ŋɩɩ nɛ Fɩlɩp to ʋ harɩŋ.

Jɔɔŋ 2:1

Tapʋlaa balɩa sɩ bala, baa chɛ dɩ ba gbieli hajaarɩ gbiele taŋ kʋbala lɛ baa yɩrɛ Kena, a hɛ Galilii tinteeŋ lɛ. Yesu naaŋ ma fa hɛ nɩmɛ.

Jɔɔŋ 3:16

Wɩa cho dʋnɩa nɩaa a mʋ kieli, ŋɩɩ nɛ tɩɩ ʋ joŋ ʋ Bii-bala a pɩla, dɩ nɩɩ-la kala sɩ laa ʋ wɩaa dii, ŋ bɩ jaŋ lɛl, ama ŋ jaŋ kɛŋ mɩɩsɩ-la sɩ bɩ dɛrɛ.

Jɔɔŋ 4:42

Ŋɩɩ nɛ nɩalɩŋ bʋla pɩ haal-la, “Lɛɛlɛ la laa ʋ wɩaa dii a tɩŋ la tɩtɩa sɩ nɩɩ ʋ niiŋ wɩaa nɛ, ʋ bɩ naga wɩɩ-la ŋ sɩ bʋla pɩla nɛ tɩɩ. La jɩma arɩ ʋ nɛ sɛnɛ ŋaa dʋnɩa Laataara.”

Jɔɔŋ 6:51

Mɩ-na nɛ ŋaa kʋdiile-la sɩ kɛŋ mɩɩsɩŋ a lɩɩ Wɩa-jaŋ kʋ tuu. Dɩ nʋʋ nɛ dii kʋdiilee deemba, ʋ jaŋ kɛŋ mɩɩsɩ-la sɩ bɩ dɛrɛ. Mɩ yaraa nammɩa nɛ ŋaa kʋdiile-la mɩ sɩ jaŋ joŋo pɩ dʋnɩa nɩaa dɩ ba kɛŋ mɩɩsɩŋ.”

Tɩntɩŋŋaa 13:39

Nʋʋkala sɩ laa ʋ wɩaa dii, ʋ laa ʋ wʋbɔŋŋɔɔ kala ta nɛ, wʋbɔmɔ-la kala wɩalɩŋ Mosis fa sɩ ŋmʋnsa bil dɩ nɩaa tuto sɩ bɩ wuo laa ta.

Tɩntɩŋŋaa 8:32

Wɩa niiŋ wɩalɩŋ bafere-la fa sɩɩ karɩmʋ nɛ ŋ-la: “Ʋ tɔrɛ ʋ niiŋ a nagɛ piese ba sɩ kaa mʋ dɩ ba kpʋ, a bɩra nagɛ pie-bie ma sɩ tɔrɛ ʋ niiŋ, ka ba kɩkɛ ʋ pʋnaa nɛ. Ʋ bɩ ʋ niiŋ suro.

1 Kɔrɩntɩ Nɩaa 15:3

Wɩalɩŋ mɩ sɩ nɩa, ba nɛ mɩ bʋla pɩma. Wɩalɩŋ wʋnyuŋ nɛ ŋ-la, arɩ Yesu sʋʋ la wʋbɔŋŋɔɔ wɩaa nɛ, arɩ ba sɩ ŋmʋnsɛ ŋɩɩ Wɩa teniŋ tʋɔŋ.

2 Kɔrɩntɩ Nɩaa 5:21

Kirisito fa bɩ wʋbɔŋ kɛnɛ, ama a tɩŋ la wɩaa, Wɩa leŋe ʋ sʋʋ a nagɛ wʋbɔŋ ŋaarʋ. Wɩa ŋaa ŋɩɩ dɩ la wuo to Kirisito lɛ nɛ a kɛŋ tʋɔpʋla ʋ teeŋ.

Galiisia Nɩaa 1:4

Yesu Kirisito joŋ ʋ tɩtɩa pa nɛ ba kpʋʋ a tɩŋ la wʋbɔŋŋɔɔ wɩaa, dɩ ʋ lɩɩsɛla wʋbɔmɔ-la sɩ hɛ dʋnɩa deeŋ lɛ lɛɛlɛ. Ʋ to la Nyɩmma Wɩa tʋɔtɔrʋŋ lɛ nɛ a ŋaa ŋɩɩ pɩla.

Galiisia Nɩaa 3:13

Ama Wɩa sɩ ŋmɩɛsa hɛ nɩalɩŋ sɩ nɩɩ wɩalɩŋ Mosis sɩ ŋmʋnsa bil aŋ bɩ ba wuo tuto, Kirisito lɩɩsɛla wɩaa deemba lɛ nɛ. Ba kpaasʋ mɛrɛ daagɛsɛ nyuŋ nɛ. Ba sɩ ŋaa ŋɩɩ, Wɩa ŋmɩɛsa hɛ ʋ lɛ a tɩŋ la wɩaa, bɛɛ wɩaa ba ŋmʋnsɛ Wɩa teniŋ tʋɔŋ a bʋl, “Nɩɩ-la kala ba sɩ kpaasa mɛrɛ daaŋ nyuŋ, Wɩa ŋmɩɛsa hɛ ʋ lɛ nɛ.”

1 Timoti 2:6

Ʋ joŋ ʋ mɩɩsɩŋ yɔɔ sʋʋŋ nɛ dɩ ʋ laa nʋʋkala ta. Ʋ nɛ dagɛla ŋɩɩ arɩ bʋa-la yie nɛ, dɩ Wɩa laa nʋʋkala ta.

Taatɩs 2:14

La wɩaa nɛ tɩɩ ʋ sʋʋ, dɩ ʋ laala ta la wʋbɔŋŋɔɔ lɛ a pɩɩsɛ la disiniŋ ta, dɩ la ŋaa ʋ nɩaa. Ʋʋ chɛ dɩ la ŋaa nɩa sɩ joŋ la nyuŋ hɛ wʋzɔŋŋɔɔ ŋaanɩŋ lɛ.

Hiburu TƖŊŊAA 1:3

Wɩa sɩ kɛŋ tʋla-la, ʋ nɛ ʋ Bie ma kɛŋ. Ŋɩɩ Wɩa sɩ naga, ŋɩɩ tɩtɩa nɛ ʋ Bie ma nagɛ. Wɩalɩŋ ʋ sɩɩ bʋl kɛŋ doluŋ, dol-la nɛ ʋ kaa beŋ kʋŋkala sɩ hɛ dʋnɩa lɛ. Ʋ sɩ pɩɩsɛ nɩaa disiniŋ ta dɛrɛ, ʋ jɩla hɔŋ Wɩa nadiiŋ, nɩduoŋ dɩhɔnʋŋ.

Hiburu TƖŊŊAA 2:17

Ŋɩɩ nɛ tɩɩ ʋ bɩrɩmɛ nuhuobiine a ma nagɛ ʋ naambiiri-la, ba wɩɩ-wɩɩkala lɛ. Ʋ ŋaa ŋɩɩ dɩ ʋ wuo kʋ ŋaa nɩalɩŋ sɩ tɩma pɩpɩ Wɩa nɩaa nyuŋ kʋhɩaŋ ʋ naambiiriŋ tʋɔŋ a ŋaa nʋʋ sɩɩ fa nɩaa nenige, a kɛŋ wʋtɩtɩɩ Wɩa tɩntɩŋŋaa lɛ, dɩ ŋɩɩ leŋ dɩ Wɩa joŋ nɩaa wʋbɔŋŋɔɔ chɛba.

Hiburu TƖŊŊAA 9:28

Ŋɩɩ tɩtɩa nɛ ba kpʋ Kirisito balá dɩ ʋ laa nɩ-daŋ wʋbɔŋŋɔɔ ta. Dɩ ʋ nɛ mɩɩra kɔ, ʋ bɩra bɩ jaŋ laa nɩaa wʋbɔŋŋɔɔ ta, ama ʋ jaŋ laa nɩalɩŋ sɩ kɛŋ ba tɩtɩa hɛ dɔŋɔ a gbɛrʋ ta.

1 Pɩɩta 1:19

Ama Yesu Kirisito chalɩŋ sɩ kɛŋ yuŋuŋ kɩɩ kʋŋkala nɛ ʋ joŋo time laama. Yesu nagɛ pie-bie sɩ bɩ nyɔɔ kala kɛnɛ nɛ.

1 Pɩɩta 2:24

Yesu Kirisito tɩtɩa nɛ laa la wʋbɔŋŋɔɔ a chʋŋ, ba kpaasʋ mɛrɛ daagɛsɛ nyuŋ dɩ la joŋ harɩŋ yɩa wʋbɔŋŋɔɔ aŋ ŋɩŋaa tʋɔpʋl wɩaa. Ba vɩɩrʋ ʋ yaraa ŋaa naawɩɩlaa, ŋɩɩ nɛ leŋe la nyanyalaa kala dɛrɛ.

1 Pɩɩta 3:18

Yesu Kirisito sʋʋ la wʋbɔŋŋɔɔ wɩaa bala nɛ. Ʋ fa ŋaa tʋɔpʋl tɩɩna nɛ, a sʋʋ wʋbɔŋ ŋaaraa wɩaa, dɩ ʋ wuo kɛnla kaa mʋ Wɩa teeŋ. Nuhuobiinee nɛ kpʋ ʋ yaraa, ama Wɩa leŋ ʋ dɩma wei.

1 Jɔɔŋ 2:2

Ʋ nɛ joŋ ʋ mɩɩsɩŋ a yɔɔ sʋʋŋ la wʋbɔŋŋɔɔ wɩaa, dɩ Wɩa joŋ la wʋbɔŋŋɔɔ a chɛla. La dʋndʋŋa wʋbɔŋŋɔɔ wɩaa dee, ama dʋnɩa nɩaa kala wʋbɔŋŋɔɔ wɩaa nɛ.

1 Jɔɔŋ 3:5

Ma kala jɩma arɩ Kirisito kɔ dɩ ʋ laa la wʋbɔŋŋɔɔ ta nɛ. Ʋ-na bɩ wʋbɔŋ kala ŋaa.

1 Jɔɔŋ 4:10

Ŋ-la nɛ chonuŋ nagɛ: Ʋ bɩ naga la nɛ laa sɩpaaŋ cho Wɩa, ama Wɩa nɛ laa sɩpaaŋ chola. Ʋ tɩŋ ʋ Bie ʋ kʋ tuu sʋʋ la wɩaa, dɩ Wɩa joŋ ʋ baanɩŋ ta ʋ fa sɩ kɛnɛ a tɩŋ la wʋbɔŋŋɔɔ wɩaa, a joŋ la wʋbɔŋŋɔɔ chɛla.

Jɔɔŋ Wʋnaalaa 1:5

arɩ Yesu Kirisito teeŋ. Ʋ nɛ ŋaa wɩalɩŋ sɩada tɩɩna a kɛŋ wʋtɩtɩɩ. Ʋ nɛ ŋaa Nɩɩ-la sɩ sʋba aŋ laa sɩpaaŋ sii sʋʋŋ lɛ. Ʋ nɛ kɛŋ dʋnɩa kuoroo kala doluŋ. Má leŋ dɩ la dɛnnʋ, a tɩŋ ʋ sɩ chola ŋɩɩ a joŋ ʋ chalɩŋ a jaasɛ, a lɩɩsɛla wʋbɔŋŋɔɔ lɛ.

Jɔɔŋ Wʋnaalaa 12:11

Ba yuo dii Sɩtaanɩ a tɩŋ Pie-bie-la chalɩŋ wɩaa nɛ, arɩ Wɩa niiŋ wɩalɩŋ ba fa sɩ bʋla pɩpɩ nɩaa. Ba fa kɛŋ ba tɩtɩa dɩ ba kpʋba a tɩŋ Wɩa wɩalɩŋ wɩaa nɛ.

Jɔɔŋ Wʋnaalaa 13:8

Nɩɩ-la kala yɩrɩŋ sɩ tuo mɩɩsɩŋ teŋ-la lɛ a lɩɩ dʋnɩa dɩ-suomuŋ, jaŋ dɛnnɛ baga kʋ-la. Pie-bie-la ba sɩ kpʋa nɛ tɩɩ teŋ-la.

Jɔɔŋ Wʋnaalaa 14:1

Ŋɩɩ nɛ mɩ beŋ a na Pie-bie-la dɩ ʋ chɩŋ peel-la ba sɩɩ yɩrɛ Zaayɔŋ nyuŋ. Ʋ dɩ nɩaa bʋɩba zɔlɔ arɩ mahɩŋ balɩa arɩ banɛsɛ nɛ fa chɩŋ peel-la nyuŋ. Ba ŋmʋnsɛ Pie-bie-la yɩrɩŋ arɩ ʋ Nyɩmma yɩrɩŋ nɛ a hɛ nɩaa deemba tilliŋ lɛ.

Jɔɔŋ Wʋnaalaa 14:10

Wɩa jaŋ na baanɩŋ kɩŋkɛŋ ʋ tɩɩna nyuŋ. Wɩa jaŋ faasa na baanɩŋ ʋ nyuŋ a dɔgɩsʋ woruŋ dɩ ʋ na hɛɛŋ a nagɛ nɩa sɩ nyʋa sɩ-duoŋ a bugi. Ba jaŋ joŋ jiribiiŋ nyiniŋ a dɔgɩsɛ tɩɩna. Ba jaŋ ŋaa ŋɩɩ Wɩa tɩndaara-la sɩ bɩ disiniŋ kɛnɛ arɩ Pie-bie-la sɩpaaŋ.

Jɔɔŋ Wʋnaalaa 14:4

Nɩaa deemba nɛ ŋaa nɩalɩŋ sɩ bɩ wʋlɩɩlɩŋ ŋaa, a lɩɩsɛ ba tɩta disiŋ kala lɛ. Ba nɩɩ to Pie-bie-la harɩŋ lee-na kala ʋ sɩɩ mʋ. Ba nɛ Wɩa laa sɩpaaŋ lɩɩsɛ nuhuobiinee tʋɔŋ, dɩ ba ŋaa Wɩa arɩ Pie-bie-la tʋɔpʋl tɩŋŋaa.

Jɔɔŋ Wʋnaalaa 15:3

a yɩyɩɩ Wɩa tɩntɩnna Mosis yɩɩlɩŋ arɩ Pie-bie-la yɩɩlɩŋ. Yɩɩla-la ba sɩ yɩa nɛ ŋ-la: “La Tɩɩna Wɩa doluŋ kala Tɩɩna, wʋkpuŋkperisiŋ arɩ tɩntɩŋ-duoruŋ nɛ ŋ tɩtɩŋ. Ŋ kɛŋ wʋtɩtɩɩ nɛ a ŋɩŋaa wɩaa ba bʋa lɛ. Ŋ nɛ kuoro a kaa mʋ wuu.

Jɔɔŋ Wʋnaalaa 17:14

Ba dɩ Pie-bie-la jaŋ yuo dɔŋɔ, ama Pie-bie-la jaŋ yuo diiba, bɛɛ wɩaa ʋ nɛ ŋaa nɩalɩŋ kala sɩɩ beŋ nɩaa Kʋhɩaŋ, a kɛŋ kuoroo kala ma doluŋ. Ʋ dɩ ʋ harɩ-tooroo nɛ jaŋ yuo diiba. Nɩaa deemba nɛ ŋaa nɩalɩŋ Wɩa sɩ yɩra aŋ lɩɩsɛ, ba ŋaa nɩaa sɩ kɛŋ wʋtɩtɩɩ.”

Jɔɔŋ Wʋnaalaa 19:7

Má leŋ dɩ la jʋjʋɔsɛ a yɩrɛ ʋ yɩrɩ-balɩŋ a dɛnnʋ woruŋ. Bʋa-la Pie-bie-la sɩ jaŋ jaa haala yie nɛ. Haal-la ma sɩ jaŋ jaaʋ kɛŋ ʋ tɩtɩa hɛ dɔŋɔ nɛ.

Jɔɔŋ Wʋnaalaa 19:9

Ŋɩɩ nɛ Wɩa tɩndaarʋ-la bʋla pɩmɛ, “Ŋmʋnsɛ wɩɩŋ deeŋ, ‘Wɩa jaŋ pɛ nɩalɩŋ ba sɩ yɩra dɩ ba kʋ gbieli Pie-bie-la hajaarɩ gbiele a dii kʋdiilee nɩmɛ.’ ” Ŋɩɩ nɛ Wɩa tɩndaarʋ-la bʋla pɩmɛ, “Wɩa niiŋ wɩaa wʋtɩtɩɩba nɛ ŋɩɩ.”

Jɔɔŋ Wʋnaalaa 21:14

Kɛrɛ-la gentine lɛ, ba bil tabɩaa fii arɩ balɩa nɛ. Tabɩa-la lɛ nɛ ba ŋmʋnsɛ Pie-bie-la nanzɔɔba fii arɩ balɩa-la yɩraa hɛ.

Jɔɔŋ Wʋnaalaa 21:27

Ama kʋŋkala sɩ kɛŋ disiniŋ, koo nɩɩ-la kala sɩ ŋaa nɩbɔŋ, koo wʋnyɩɛrʋ kala bɩ jaŋ jʋʋ taŋ-la, see nɩalɩŋ Pie-bie-la sɩ ŋmʋnsɛ ba yɩraa hɛ mɩɩsɩŋ teŋ-la lɛ nɛ jaŋ jʋʋ nɩmɛ.

Jɔɔŋ Wʋnaalaa 21:9

Ŋɩɩ nɛ Wɩa tɩndaaraa balɩpɛ-la sɩ kori gbansɩŋ balɩpɛ-la sɩ suo arɩ dɩdɛrɩŋ wʋbɔmɔ-la balɩpɛ kʋ bʋla pɩmɛ, “Kɔ dɩ mɩ dagɩŋ haal-la Pie-bie-la sɩ jaŋ jaa.”

Jɔɔŋ Wʋnaalaa 5:6

Ŋɩɩ nɛ mɩ beŋ a na Pie-bie dɩ ʋ chɩŋ kuoru kpasa-la arɩ kɩalɩŋ banɛsɛ-la sɩ weye arɩ nɩhɩasɩ-la tʋtʋɔbaanɩŋ. Pie-bie-la fa naga ba sɩ kpʋa nɛ. Ʋ fa kɛŋ nyilliŋ balɩpɛ nɛ, sɩaa ma balɩpɛ. Sɩa-la balɩpɛ nɛ ŋaa Wɩa Dɩnsɩŋ balɩpɛ-la Wɩa sɩ ta ba kʋ tuu dʋnɩa sɛmɛ na-kala.

Jɔɔŋ Wʋnaalaa 5:8

Ʋ sɩ laa teŋ-la, kɩalɩŋ banɛsɛ-la sɩ weye arɩ nɩhɩasɩŋ mara arɩ banɛsɛ-la, ba kala tuu kpirimi Pie-bie-la sɩpaaŋ a chʋɔlʋ. Nɩhɩasɩ-la kala kori chenniŋ arɩ sɛlɩmɛ gbansɩŋ. Gbansɩ-la su arɩ kʋsʋɔrʋsʋ-la ba sɩ nyɩga pɩ Wɩa. Wɩa nɩaa Wɩɩ-chʋɔlʋŋ nɛ ŋaa kʋsʋɔrʋsʋ-la.

Jɔɔŋ Wʋnaalaa 6:1

Ŋɩɩ nɛ mɩ na dɩ Pie-bie-la kɛŋ kelli-la ba fa sɩ kaa mɛrɛ teŋ-la dɔŋɔ lɛrɛ. Ŋɩɩ nɛ mɩ nɩɩ kɩalɩŋ sɩ weye banɛsɛ-la dɔŋɔ dɩ ʋ faasa yɩrɛ. Ʋ yikoro nagɛ duonuŋ sɩɩ kpɩa a bʋl, “Kɔ.”

Jɔɔŋ Wʋnaalaa 6:16

Ŋɩɩ nɛ ba yɩyɩrɛ peele-la arɩ bʋsʋ-la a bʋl, “Má tele tɔla dɩ Pie-bie-la arɩ Nɩɩ-la sɩ hɔŋ kuoru kpasa-la nyuŋ sɩ́ la na, dɩ baaŋ-la Pie-bie-la sɩ na la nyuŋ sɩ́ la yi.

Jɔɔŋ Wʋnaalaa 7:14

Ŋɩɩ nɛ mɩ bʋla pʋ, “Ŋ nɛ jɩma, mɩ kʋhɩaŋ.” Ŋɩɩ nɛ ʋ bʋla pɩmɛ, “Nɩaa deemba nɛ Wɩa lɩɩsɛ hɛɛ-bal-la tʋɔŋ. Ba chɛsɛ ba gɛnnɩŋ Pie-bie-la chalɩŋ lɛ nɛ, ba lɩɩ a pʋllɛ.

Jɔɔŋ Wʋnaalaa 7:17

Wɩɩkala bɩ jaŋ ŋaaba, bɛɛ wɩaa Pie-bie-la sɩ chɩŋ Wɩa kuoru kpasa-la sɩpaaŋ nɛ jaŋ bibeŋ ba nyuŋ, a nagɛ pie-daara. Ʋ nɛ jaŋ kɛmba kaa mʋ lɩɩ-bulo leriŋ, lɩɩ-la sɩɩ pɩ nɩaa mɩɩsɩŋ. Wɩa ma jaŋ fɩɩsɛ sɩ-lɩɩrɩ kala sɩ hɛ ba sɩaa lɛ ta.”