Jɔɔŋ 1:17 - WƖA TENIŊ

¹⁷ Wɩa to Mosis lɛ nɛ a bil wombie-la sɩ maga la tuto pɩla. Ama Yesu Kirisito lɛ nɛ Wɩa to a fá la nenige, a dagɛla wʋtɩtɩɩ.

Jɔɔŋ 1:17 ပူးပေါင်းရင်းမြစ်များ

WƖAA DƖ-SUOMUŊ 22:18

A tɩŋ ŋ sɩ sɛɩ mɩ niiŋ wɩaa, mɩ jaŋ to ŋ doho nɩaa lɛ a pɛ dʋnɩa nɩaa kala lɛ.”

WƖAA DƖ-SUOMUŊ 3:15

Mɩ jaŋ joŋ dʋndɔnnʋŋ hɛ ŋ dɩ haal-la pɛgɛ. Ŋ biiriŋ arɩ ʋ biiriŋ jaŋ ŋaa dʋndɔmɔ. Adam doho nʋʋ jaŋ ŋmoo ŋ nyuŋ yɛrɛ, ka dɩ ŋ ma ta ʋ naatilimiŋ lɛ.”

WƖA YƖƖLAA 85:10

Chonuŋ arɩ wʋtɩtɩɩ jaŋ cheŋ dɔŋɔ, dɩ tʋɔpʋla arɩ yarɩ-fɩɛlɩŋ ma guori dɔŋɔ.

WƖA YƖƖLAA 98:3

Ʋ liise yi ʋ chono-la arɩ wʋtɩtɩɩ-la ʋ sɩ kɛnɛ Iziral tɩŋŋaa lɛ nɛ. Dʋnɩa nɩaa kala na ŋɩɩ la Wɩa sɩ laa nɩaa tɩta nɛ.

MƖKA 7:20

Ŋ jaŋ kɛŋ wʋtɩtɩɩ Jekɔb teeŋ, a fá Abɩraham doho nɩaa nenige, a nagɛ ŋ sɩ hɛ niiŋ pɩ la naabalɩmaba ŋɩɩ faafaa kala.

Jɔɔŋ 1:14

Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

Jɔɔŋ 14:6

Ŋɩɩ nɛ Yesu bʋla pʋ, “Mɩ nɛ ŋaa wombiiŋ a mʋmʋ Wɩa-jaŋ. Mɩ nɛ bɩra wʋtɩtɩɩ Tɩɩna ma, a bɩraa pɩ nɩaa ma mɩɩsɩŋ. Nʋʋkala bɩ mɩ Nyɩmma teeŋ wuo mʋ, see dɩ ʋ to mɩ lɛ.

Jɔɔŋ 18:37

Ŋɩɩ nɛ Paalɩt pɩɛsʋ, “Ŋ saa ŋaa kuoru nɛ koo?” Ŋɩɩ nɛ Yesu bʋl, “Wɩɩ-la ŋ sɩ bʋla ŋaa wʋtɩtɩɩ nɛ. Ba paala lʋlmɛ dɩ mɩ ŋaa kuoru nɛ. Mɩ kʋ tuu dʋnɩa dɩ mɩ dagɛ nɩaa dɩ ba jɩŋ wʋtɩtɩɩ nɛ. Nɩɩ-la kala sɩ cho dɩ ʋ jɩŋ wʋtɩtɩɩ yie jegile nɩɩ mɩ teeŋ nɛ.”

Jɔɔŋ 5:45

Má sɩ́ bɩɩna arɩ mɩ jaŋ joŋ cheeriŋ pɩma mɩ Nyɩmma sɩpaaŋ. Mosis nɛ jaŋ joŋ cheeriŋ pɩma. Ma yɩɛlaa kala hɛ ʋ lɛ nɛ.

Jɔɔŋ 7:19

Mosis bil wombie-la sɩ maga dɩ maa to pɩma nɛ. Ama ma kʋŋkala bɩ wɩalɩŋ ka to. Bɛɛ nɛ tɩɩ maa chɛ dɩ ma kpʋmɛ?”

Jɔɔŋ 8:32

Ma jaŋ jɩŋ wʋtɩtɩɩ. Wʋtɩtɩɩ-la saa jaŋ laama ta dɩ ma tɩɩ ma tɩtɩa.”

Jɔɔŋ 9:29

La jɩma arɩ Wɩa fa bʋl wɩaa pɩ Mosis nɛ, ama baala deeŋ-na, la bɩ jɩŋ ʋ sɩ lɩɩ lee-la kala.”

Tɩntɩŋŋaa 28:23

Ŋɩɩ nɛ ba hɛ tapʋlʋŋ pɩ Pɔɔl. Tapʋlɩɩ-la sɩ yie, nɩaa yʋga a kɔ lee-la Pɔɔl sɩɩ jʋʋ. Pɔɔl bʋl Wɩa kuorii-la wɩaa a pɩpɩba sɩɩfɩɛsɩŋ a lɩɩ chʋchʋɔŋ kala a kaa mʋmʋ dɩdaanɩŋ. Ʋ karɩmɛ wɩalɩŋ Mosis fa sɩ ŋmʋnsa bil dɩ nɩaa tuto, arɩ wɩalɩŋ Wɩa wʋlaabʋllaa fa sɩ ŋmʋnsa bil Wɩa teniŋ tʋɔŋ. Ʋ dagɛba ŋɩɩ a bʋl Yesu wɩaa pɩba, a wʋwalɩmɛ dɩ ba laa Yesu wɩaa dii.

Tɩntɩŋŋaa 7:38

Ŋɩɩ nɛ Sɩtɩɩvɩŋ bɩra suomo bʋbʋl, “Mosis arɩ la naabalɩmaba nɛ fa hilimi tintee-hɩlɩŋ tʋɔŋ. Nɩmɛ nɛ Wɩa tɩndaara fa bʋl wɩaa pʋ peel kʋbala nyuŋ baa yɩrɛ Sɩnaɩ lɛ. Ʋ joŋ Wɩa niiŋ wɩalɩŋ sɩ kɛŋ mɩɩsɩŋ pʋ dɩ ʋ laa bʋla pɩla.

Rom Tɩŋŋaa 6:14

Wʋbɔŋŋɔɔ bɩra bɩ ma wuo, bɛɛ wɩaa Wɩa lahɔrɩmɔ lɛ nɛ ma kɛŋ mɩɩsɩŋ, wɩalɩŋ Mosis fa sɩ bile dɩ nɩaa tuto dee.

2 Kɔrɩntɩ Nɩaa 1:20

Wɩa bʋla arɩ ʋ jaŋ ŋaa wɩaa yʋgɛ a pɩla. Ʋ jaŋ to Yesu lɛ nɛ a leŋ dɩ wɩalɩŋ kʋ ŋaa wʋtɩtɩɩ. Ŋɩɩ wɩaa nɛ tɩɩ, dɩ la nɛ chʋɔlɛ Wɩa dɛrɛ-na kala, la yie bʋl, “Yesu yɩrɩŋ lɛ, Amɩɩ.” La yie bʋl ŋɩɩ dɩ Wɩa yɩrɩŋ wuo yɩrɛ nɛ.

Galiisia Nɩaa 3:17

Wɩɩ-la mɩ sɩ bʋla nɛ ŋ-la: Wɩa sɩ hɛ nii-la a pɩ Abɩraham, ʋ ŋaa jɩsɩŋ zɔɔ-banɛsɛ arɩ mara arɩ fii nɛ, aŋ ka Mosis-na bil wɩalɩŋ dɩ nɩaa tuto. Ŋɩɩ wɩaa Mosis sɩ bil wɩalɩŋ bɩ jaŋ wuo chei nii-la Wɩa sɩ laa sɩpaaŋ hɛ.

MOSIS BƖRA WULLI WƖA WOMBIIŊ 33:4

arɩ wombie-la Mosis sɩ daga dɩ ba tuto. Ʋ ŋaa Jekɔb doho nɩaa kʋŋ nɛ.

MOSIS BƖRA WULLI WƖA WOMBIIŊ 4:44

Wɩa wombie-la arɩ ʋ wɩalɩŋ Mosis sɩ joŋo dagɛ Iziral tɩŋŋaa dɩ ba tuto nɛ ŋ-la:

MOSIS BƖRA WULLI WƖA WOMBIIŊ 5:1

Ŋɩɩ nɛ Mosis yɩrɛ Iziral tɩŋŋaa kala kʋ hɛ dɔŋɔ a bʋla pɩba: Iziral tɩmma, má jegile nɩɩ niiri-la arɩ wombie-la mɩ sɩɩ dagɛma jɩnɩŋ. Má gʋnnɛba woruŋ a kɛmba kaa tɩŋ.

Hiburu TƖŊŊAA 9:22

Wʋtɩtɩɩ, wɩalɩŋ Mosis sɩ ŋmʋnsa bil dɩ nɩaa tuto tʋɔŋ, chalɩŋ nɛ ba yie kaa pɩɩsɛ kɩaa jesiŋ kala disiniŋ ta. Dɩ ba nɛ bɩ kʋŋ chalɩŋ lɩɩsa, Wɩa bɩ jaŋ wuo joŋ nʋʋkala wʋbɔŋŋɔɔ a chɛʋ.