Jɔɔŋ 1:16 - WƖA TENIŊ

¹⁶ Kʋ-la kala ʋ sɩ kɛnɛ, la ma na kpaalɩŋ ʋ tʋɔŋ nɛ. Ʋ yie fá la nenige aa pɛ la lɛ bʋa na-kala.

Jɔɔŋ 1:16 ပူးပေါင်းရင်းမြစ်များ

WƖA YƖƖLAA 84:7

Ba doluŋ fa pʋŋa pɛ nɛ a mʋmʋ bʋa-la lɛ ba sɩ mʋ chɩŋ ŋ-na Wɩa sɩpaaŋ Zaayɔŋ lɛ.

ZƐKARƖYA 4:7

Peel-duo, ŋ nɛ kʋbɛɛ? Ŋ jaŋ bɩrɩmɛ tintee-taala Zerubabɛl sɩpaaŋ. Ŋɩɩ nɛ ʋ jaŋ joŋ tiebii-katɩɩ a daŋ, ka dɩ nɩaa ŋaa goŋ a bʋl, ‘Wɩa jaŋ pɛ! Wɩa jaŋ pɛ!’ ”

Matiu 13:12

Nɩɩ-la kala sɩ to Wɩa niiŋ wɩaa, Wɩa jaŋ faasa pɛ ʋ lɛ woruŋ. Nɩɩ-la ma sɩ bɩ Wɩa niiŋ wɩaa ka to, Wɩa bɩ jaŋ pɛ ʋ lɛ. Ʋ sɩ pɛ ʋ lɛ mʋa-la ma, ʋ jaŋ laa ʋ kʋa.

Matiu 3:11

Mɩ-na foma Wɩɩchʋɔlɛ lɩɩŋ a dagɛ arɩ ma bɩrɩma lɩɩ ma wʋbɔŋŋɔɔ lɛ nɛ, ama nɩɩ-la sɩ jaŋ to mɩ harɩŋ kɔ, ʋ nɛ jaŋ joŋ Wɩa Dɩŋ-zɔmʋŋ hɛ ma dɔnsʋŋ lɛ aŋ joŋ nyiniŋ hɛ dɔnsʋŋ ma lɛ. Ʋ nɛ faasa kɛŋ doluŋ kɩɩmɛ. Ʋ paala bɩ maga dɩ mɩ kori ʋ nɛntɛŋŋɛɛ ma.

Matiu 3:14

Ama Jɔɔŋ wʋwalɩmɛ dɩ Yesu kɛŋ ʋ tʋɔbɩɩnaa bɩrɩmɛ. Ŋɩɩ nɛ Jɔɔŋ bʋla pʋ, “Ŋ nɛ maga dɩ ŋ fomi Wɩɩchʋɔlɛ lɩɩŋ, aŋ ka ŋ kɔ dɩ mɩ nɛ foŋ Wɩɩchʋɔlɛ lɩɩŋ ŋɩɩ.”

Luuk 21:15

bɛɛ wɩaa mɩ jaŋ joŋ wʋjɩmɩŋ a hɛ ma nyuŋ lɛ dɩ ma bʋl wɩalɩŋ ma dʋndɔŋŋɔɔ sɩ bɩ jaŋ wuo kaalɛrɛ arɩ wʋtɩtɩɩ dee.

Jɔɔŋ 3:34

Mɩ-na Nɩɩ-la Wɩa sɩ tɩma, mɩɩ bʋl Wɩa niiŋ wɩaa nɛ, bɛɛ wɩaa Wɩa joŋ ʋ Dɩŋ-zɔmʋŋ doluŋ kala a pɩmɛ nɛ.

Rom Tɩŋŋaa 5:17

Nɩbala wʋbɔmʋŋ wɩaa nɛ leŋe sʋʋŋ laa dʋnɩa tɩɩ. Wɩɩ-la Yesu Kirisito sɩ ŋaa pɩ nɩaa nɛ yʋga kɩɩ nɩbala-la wʋbɔŋ-la. Nɩalɩŋ kala sɩ jʋʋ Wɩa lahɔrɩmɔ sɩ yʋga lɛ, ʋ leŋ ba kɛŋ tʋɔpʋla chɔgɩta ʋ sɩpaaŋ, ba jaŋ to Yesu lɛ a dii kuoruŋ ba mɩɩsɩŋ lɛ.

Rom Tɩŋŋaa 5:2

La sɩ laa Yesu Kirisito wɩaa dii ŋɩɩ, ʋ leŋe la jʋʋ Wɩa lahɔrɩmɔ nɛ. Nɩmɛ nɛ la hɛ lɛɛlɛ aa jʋɔsɛ, a kɛŋ yɩɛlaa arɩ la jaŋ kpaa Wɩa yɩrɩ-la chɛɛ dɔŋ.

Rom Tɩŋŋaa 5:20

Wɩalɩŋ Mosis fa sɩ bile dɩ nɩaa tuto nɛ kʋ wasa leŋ wʋbɔŋŋɔɔ pʋrɩgɛ dʋnɩa lɛ. Ama wʋbɔmɔ-la sɩ kʋ wasa pʋrɩgɛ, ŋɩɩ nɛ Wɩa lahɔrɩmɔ ma faasa yʋgɛ woruŋ la lɛ.

Rom Tɩŋŋaa 8:9

Ama Wɩa Dɩŋ-zɔŋ-la sɩ hɛ ma lɛ ŋɩɩ, ma-na bɩ ma yaraa wʋŋaalaa lɛ ka to, maa to wɩalɩŋ Wɩa Dɩŋ-zɔŋ-la sɩ daga nɛ. Dɩ Wɩa Dɩŋ-zɔŋ-la nɛ tuo nʋʋkala lɛ, tɩɩna bɩ Kirisito nʋʋ ŋaa.

Ɛfɛsɩs Nɩaa 1:23

Nɩalɩŋ sɩ laa Yesu wɩaa dii aa hilimi nɛ ŋaa Yesu yaraa. Nɩalɩŋ nɛ leŋe Kirisito ŋaa nɩ-piliŋ, ʋ ma leŋ kʋŋkala ŋaa kʋpiliŋ wɩɩkala lɛ.

Ɛfɛsɩs Nɩaa 3:19

Ama nʋʋkala bɩ jaŋ wuo jɩŋ Kirisito chono-la sɩ magɛ ŋɩɩ. Ʋ nɛ kɩɩ wɩalɩŋ kala la sɩ wuo jɩŋ. Mɩɩ sʋl Wɩa dɩ ʋ leŋ dɩ ma nagɛ ŋɩɩ Wɩa sɩ naga.

Koloosi Nɩaa 1:19

Wɩa cho dɩ Yesu nagɛ ʋ-na Wɩa nagɩsɩŋ kala nɛ.

Koloosi Nɩaa 2:3

Ʋ dʋndʋŋa lɛ nɛ Wɩa joŋ wʋjɩmɩŋ arɩ jɩma kala faa.

1 Pɩɩta 1:11

Yesu Kirisito Dɩŋ-zɔmʋŋ fa sɩ hɛ ba lɛ, ʋ nɛ bʋla pɩba ŋɩɩ Kirisito sɩ jaŋ na hɛɛŋ, ka dɩ nɩaa-na zizilu. Ŋɩɩ nɛ ba nɩnɛrɩgɛ dɩ ba na bʋa-la lɛ wɩaa deemba sɩ jaŋ ŋaa arɩ ŋɩɩ ba sɩ jaŋ ŋaa.

1 Pɩɩta 1:2

Faafaa kala nɛ la Nyɩmma Wɩa bɩɩnɛ arɩ ʋ maga dɩ ma ŋaa ʋ nɩaa, ŋɩɩ nɛ tɩɩ ʋ lɩɩsɛma a joŋ ʋ Dɩŋ-zɔmʋŋ a hɛ ma lɛ, dɩ ma ŋaa tʋɔpʋl tɩmma ʋ teeŋ a tuto Yesu Kirisito niiŋ. Ʋ nɛ joŋ ʋ chalɩŋ jaasɛ ma wɩaa dɩ ma sɩ́ disiniŋ kɛŋ Wɩa teeŋ. La Tɩɩna Wɩa lahɔrɩmɔ lɛ, fɩɛlɩŋ jaŋ yʋgɛ ma teeŋ.