Jɔɔŋ 1:15 - WƖA TENIŊ

¹⁵ Jɔɔŋ bʋl ʋ wɩaa pɩla. Wɩalɩŋ ʋ sɩ heele bʋl nɛ ŋ-la: “Nɩɩ-la sɩ jaŋ to mɩ harɩŋ kɔ, ʋ nɛ kɩɩmɛ, bɛɛ wɩaa ʋ hɛ nɩmɛ nɛ ka ba-na lʋlmɛ.”

Jɔɔŋ 1:15 ပူးပေါင်းရင်းမြစ်များ

NAMAGABA 8:22

Mɩ-na wʋjɩmɩŋ nɛ La Tɩɩna laa sɩpaaŋ ŋaa, aŋ-na ŋaa wɩalɩŋ ʋ sɩ ŋaa faafaa kala.

AZAAYA 9:6

bɛɛ wɩaa ba lʋl bii nɛ a pɩla, hambolibie nɛ ba joŋo pɩla, ʋ nɛ jaŋ bibenla. Ba jaŋ yɩyɩrʋ: Nɩɩ-la sɩ jɩŋ nɩaa chagɩlɩŋ ʋ dɔŋ tuo, Wɩa sɩ kɛŋ doluŋ, Nyɩmma-la sɩ jaŋ hɛ nɩmɛ deeŋ deeŋ, Kuori-bile sɩ kɛŋ fɩɛlɩŋ kʋkɔ.

MƖKA 5:2

Bɛtɩlɛhɛm Ɛfɩrata, Juda tinteeŋ tasɩŋ kala tʋɔŋ ŋ nɛ muuro. Ama La TƖƖNA sɩ ʋ jaŋ lɩɩsɛ kuoro ŋ lɛ dɩ ʋ bibeŋ Iziral, nɩɩ-la doho nɩaa sɩɩ dii kuoruŋ faafaa kala.

Matiu 3:11

Mɩ-na foma Wɩɩchʋɔlɛ lɩɩŋ a dagɛ arɩ ma bɩrɩma lɩɩ ma wʋbɔŋŋɔɔ lɛ nɛ, ama nɩɩ-la sɩ jaŋ to mɩ harɩŋ kɔ, ʋ nɛ jaŋ joŋ Wɩa Dɩŋ-zɔmʋŋ hɛ ma dɔnsʋŋ lɛ aŋ joŋ nyiniŋ hɛ dɔnsʋŋ ma lɛ. Ʋ nɛ faasa kɛŋ doluŋ kɩɩmɛ. Ʋ paala bɩ maga dɩ mɩ kori ʋ nɛntɛŋŋɛɛ ma.

Maak 1:7

Ʋ yie bʋl Wɩa wɩaa pɩpɩ nɩaa a bʋl, “Nʋʋ dɔŋ jaŋ to mɩ harɩŋ kɔ. Ʋ nɛ jaŋ faasa kɛŋ doluŋ kɩɩmɛ. Mɩ paala bɩ maga dɩ mɩ kpagʋ a kɛŋ ʋ nɛntɛŋŋɛɛ ŋmɛsɩŋ ma kaa puri.

Luuk 3:16

Ŋɩɩ nɛ Jɔɔŋ bʋla pɩba, “Mɩ dee. Lɩɩŋ dʋndʋŋa nɛ mɩ-na kaa foma. Ama nɩɩ-la sɩ jaŋ kɔ, ʋ nɛ jaŋ faasa kɛŋ doluŋ kɩɩmɛ. Mɩ paala bɩ maga dɩ mɩ kpagʋ a kɛŋ ʋ nɛntɛŋŋɛɛ ŋmɛsɩŋ ma kaa puri. Ʋ nɛ jaŋ joŋ Wɩa Dɩŋ-zɔmʋŋ hɛ ma dɔnsʋŋ lɛ aŋ joŋ nyiniŋ ma hɛ dɔnsʋŋ ma lɛ.

Jɔɔŋ 1:27

Ʋ nɛ to mɩ harɩŋ kɔ. Mɩ paala bɩ maga dɩ mɩ kɛŋ ʋ nɛntɛŋŋɛɛ ŋmɛsɩŋ ma kaa puri.”

Jɔɔŋ 17:5

Oo, mɩ Nyɩmma, leŋ dɩ mɩ yɩrɩŋ yɩrɛ ŋ sɩpaaŋ lɛɛlɛ, yɩrɩ-la mɩ dɩŋ kala fa sɩ kɛnɛ, aŋ-na ŋaa dʋnɩa.

Jɔɔŋ 8:58

Ŋɩɩ nɛ Yesu bʋla pɩba, “Wʋtɩtɩɩ nɛ mɩ bʋlaa pɩma, ka dɩ ba-na lʋl Abɩraham, mɩ fa hɛ nɩmɛ nɛ.”

Koloosi Nɩaa 1:17

Ʋ nɛ laa sɩpaaŋ hɛ nɩmɛ, ka kʋŋkala-na hɛ nɩmɛ. Ʋ nɩɩ beŋ kɩaa kala ba chɩŋ ba dɩchɩnaa.

Hiburu TƖŊŊAA 13:8

Yesu Kirisito sɩ nagɛ ŋɩɩ, ʋ bɩ jaŋ kɔ dɩ ʋ bɩrɩma. Faafaa ʋ sɩ nagɛ ŋɩɩ, ŋɩɩ nɛ ʋ haa nagɛ arɩ jɩnɩŋ kala. Ʋ jaŋ nagɛ ŋɩɩ a kaa mʋ wuu.

Jɔɔŋ Wʋnaalaa 1:11

Ŋɩɩ nɛ yikoro-la bʋla pɩmɛ, “Ŋmʋnsɛ wɩalɩŋ kala ŋ sɩ na, a joŋo tɩŋ dɩ ba kaa mʋ pɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Ba nɛ ŋ-la: Ɛfɛsɩs, Sɩmɩɩna, Pɛgamɔm, Taataya, Saadɩs, Fɩladɛlɩfɩa arɩ Laadisiya.”

Jɔɔŋ Wʋnaalaa 2:8

Bɩra ŋmʋnsɛ wɩaa deemba a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Sɩmɩɩna lɛ. Wɩaa deemba lɩɩ mɩ-na Nɩɩ-la fa sɩ hɛ nɩmɛ bumbuŋ kala teeŋ nɛ, aŋ ha jaŋ hɛ nɩmɛ dʋnɩa dɩdɛrɩŋ. Mɩ sʋba nɛ, aŋ bɩra sii sʋʋŋ lɛ.