Jɔɔŋ 1:14 - WƖA TENIŊ

¹⁴ Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

Jɔɔŋ 1:14 ပူးပေါင်းရင်းမြစ်များ

WƖA YƖƖLAA 2:7

Kuoru-la sɩ, “Mɩ jaŋ heele bʋl wɩɩ-la La Tɩɩna sɩ bʋla. Ʋ bʋla pɩmɛ, ‘Ŋ ŋaa mɩ Bii nɛ, jɩnɩŋ mɩ nɛ lʋlʋŋ.

WƖA YƖƖLAA 45:2

Ŋ nɛ ŋaa baalaa tʋɔŋ nɩzɔmʋŋ. Wɩa lahɔrɩmɔ hɛ ŋ lɛ nɛ ŋ jɩŋ wɩaa bʋlʋŋ woruŋ, bɛɛ wɩaa ʋ pɛ ŋ lɛ nɛ a kaa mʋ wuu.

WƖA YƖƖLAA 85:9

Ʋ ŋaa siri nɛ dɩ ʋ laa nɩalɩŋ sɩɩ fáʋ a ta, dɩ ŋɩɩ leŋ dɩ ʋ tʋla wuo hɛ la tinteeŋ lɛ.

AZAAYA 40:5

Ŋɩɩ lɛ nɛ La TƖƖNA jaŋ dagɛ ʋ tʋla dɩ nuhuobiinee kala naʋ. La TƖƖNA tɩtɩa nɛ bʋla.”

AZAAYA 53:2

La TƖƖNA sɩɩŋ lɛ nɛ ka ʋ tɩntɩnna wʋwaa, a nagɛ jɩnjaaŋ-bʋgʋŋ sɩ tɔsɔ lɩlɩɩ tintee-hɩlɩŋ lɛ. Ʋ bɩ tʋla kɛnɛ sɩ jaŋ leŋ dɩ nʋʋ bɩbagɩsʋ a kɔ ʋ teeŋ, kʋŋkala tuo ʋ lɛ sɩ jaŋ ŋaa dɩ la chou.

AZAAYA 7:14

Ŋɩɩ wɩaa, La TƖƖNA tɩtɩa jaŋ leŋ dɩ ma na magɩlɩŋ. Hatolo ha sɩ bɩ baal jɩŋ jaŋ kɛŋ luoruŋ a lʋl hambolibie, a hɛ ʋ yɩrɩŋ Ɩmanʋɛl.

ƐZƖKƖƐL 37:27

Mɩ dɩjʋʋlʋŋ jaŋ hɛ ba tʋɔŋ, dɩ mɩ ŋaa ba Wɩa, dɩ ba ma ŋaa mɩ nɩaa.

Matiu 1:16

Jekɔb ma sii lʋl Josɛf, Josɛf nɛ saa jaa Mɛɛrɩ. Mɛɛrɩ nɛ lʋl Yesu, Nɩɩ-la ba sɩɩ yɩrɛ Kirisito.

Luuk 2:11

Tɩtaŋɩŋ deeŋ ba lʋl ma Laataara nɛ Devit jaŋ lɛ. Baa yɩrʋ La Tɩɩna Kirisito, Nɩɩ-la Wɩa sɩ lɩɩsa.

Luuk 2:7

aŋ ka ba bɩ leriŋ na nʋhʋɔraa dɩa lɛ dɩ ba jʋʋ. Ŋɩɩ nɛ tɩɩ ba mʋ jʋʋ ja-dɩa. Nɩmɛ nɛ Mɛɛrɩ lʋl ʋ bii-bumbuŋ, hambolibie, a kɛŋ gɛrɩŋ bɛʋ a joŋu bil yaŋ nyuŋ.

Luuk 9:32

Pɩɩta arɩ ʋ nandɔnsʋŋ fa pɩŋ doŋ nɛ, ama ba hirige sii a na Yesu sɩɩ tʋl ŋɩɩ, a na nɩalɩŋ balɩa ma sɩ chɩŋ ʋ teeŋ.

Jɔɔŋ 1:1

Ka dɩ Wɩa-na ŋaa dʋnɩa, wɩɩ-la fa hɛ nɩmɛ nɛ, ʋ fa hɛ Wɩa teeŋ nɛ. Ʋ dɩ Wɩa kala fa ŋaa kʋbala nɛ.

Jɔɔŋ 11:40

Ŋɩɩ nɛ Yesu bʋla pʋ, “Mɩ bɩ bʋla pɩŋ arɩ ŋ nɛ laa mɩ wɩaa dii, ŋ jaŋ na ŋɩɩ Wɩa sɩ kɛŋ doluŋ?”

Jɔɔŋ 14:6

Ŋɩɩ nɛ Yesu bʋla pʋ, “Mɩ nɛ ŋaa wombiiŋ a mʋmʋ Wɩa-jaŋ. Mɩ nɛ bɩra wʋtɩtɩɩ Tɩɩna ma, a bɩraa pɩ nɩaa ma mɩɩsɩŋ. Nʋʋkala bɩ mɩ Nyɩmma teeŋ wuo mʋ, see dɩ ʋ to mɩ lɛ.

Jɔɔŋ 14:9

Ŋɩɩ nɛ Yesu pɩɛsʋ, “Fɩlɩp, mɩ dɩ ma hɛ nɩmɛ a dieni ŋɩɩ, ka ŋ ha bɩ mɩ jɩŋŋ? Nɩɩ-la kala sɩ namɛ, ʋ na mɩ Nyɩmma ma nɛ. Bɛɛ nɛ saa tɩɩ ŋ bʋl dɩ mɩ dagɛma mɩ Nyɩmma?

Jɔɔŋ 17:22

Ŋ sɩ leŋe mɩ laa yɩrɩŋ ŋɩɩ, ŋɩɩ nɛ mɩ ma leŋ ba laa yɩrɩŋ. Mɩ ŋaa ŋɩɩ dɩ ba kala wuo ŋaa kʋbala nɛ, arɩ mɩ dɩŋ kala sɩ ŋaa kʋbala ŋɩɩ.

Jɔɔŋ 17:24

Mɩ Nyɩmma, ŋ paala chomi nɛ a leŋ mɩ laa yɩrɩŋ, ka dʋnɩa-na suomi. Mɩ saa chɛ dɩ ŋ leŋ dɩ nɩalɩŋ ŋ sɩ lɩɩsa pɩmɛ, dɩ ba hɛ mɩ teeŋ lee na-kala mɩ sɩ jaŋ hɛ nɛ, dɩ ba wuo na ŋɩɩ ŋ sɩ leŋe mɩ laa yɩrɩŋ.

Jɔɔŋ 18:37

Ŋɩɩ nɛ Paalɩt pɩɛsʋ, “Ŋ saa ŋaa kuoru nɛ koo?” Ŋɩɩ nɛ Yesu bʋl, “Wɩɩ-la ŋ sɩ bʋla ŋaa wʋtɩtɩɩ nɛ. Ba paala lʋlmɛ dɩ mɩ ŋaa kuoru nɛ. Mɩ kʋ tuu dʋnɩa dɩ mɩ dagɛ nɩaa dɩ ba jɩŋ wʋtɩtɩɩ nɛ. Nɩɩ-la kala sɩ cho dɩ ʋ jɩŋ wʋtɩtɩɩ yie jegile nɩɩ mɩ teeŋ nɛ.”

Jɔɔŋ 2:11

Yesu sɩ ŋaa lɩɩŋ bɩrɩmɛ sɩnɩŋ Kena lɛ Galilii tinteeŋ nɛ ŋaa ʋ wʋmagɩl bumbuŋ ʋ sɩ ŋaa. Nɩmɛ nɛ ʋ dagɛ ŋɩɩ Wɩa doluŋ sɩ hɛ ʋ lɛ. Ʋ harɩ-tooroo sɩ na ŋɩɩ, ba laa ʋ wɩaa dii.

Jɔɔŋ 3:16

Wɩa cho dʋnɩa nɩaa a mʋ kieli, ŋɩɩ nɛ tɩɩ ʋ joŋ ʋ Bii-bala a pɩla, dɩ nɩɩ-la kala sɩ laa ʋ wɩaa dii, ŋ bɩ jaŋ lɛl, ama ŋ jaŋ kɛŋ mɩɩsɩ-la sɩ bɩ dɛrɛ.

Jɔɔŋ 3:18

Nʋʋ na-kala sɩ laa Yesu wɩaa dii, ʋ bɩ jaŋ dii ʋ tɩɩna sarɩya a joŋ cheeriŋ pʋ, ama nɩɩ-la kala sɩ bɩ ʋ wɩaa laa dii, ʋ paala dii ʋ tɩɩna sarɩya a joŋ cheeriŋ pʋ nɛ, bɛɛ wɩaa ʋ bɩ Wɩa Bii-bala-la wɩaa laa dii.

Jɔɔŋ 6:51

Mɩ-na nɛ ŋaa kʋdiile-la sɩ kɛŋ mɩɩsɩŋ a lɩɩ Wɩa-jaŋ kʋ tuu. Dɩ nʋʋ nɛ dii kʋdiilee deemba, ʋ jaŋ kɛŋ mɩɩsɩ-la sɩ bɩ dɛrɛ. Mɩ yaraa nammɩa nɛ ŋaa kʋdiile-la mɩ sɩ jaŋ joŋo pɩ dʋnɩa nɩaa dɩ ba kɛŋ mɩɩsɩŋ.”

Jɔɔŋ 8:32

Ma jaŋ jɩŋ wʋtɩtɩɩ. Wʋtɩtɩɩ-la saa jaŋ laama ta dɩ ma tɩɩ ma tɩtɩa.”

Tɩntɩŋŋaa 13:33

Lɛɛlɛ ʋ ŋaa wɩɩ-la pɩla nɛ, la nɩalɩŋ sɩ ŋaa ba doho nɩaa. Wɩa chɩsɛ Yesu sʋʋŋ lɛ nɛ ʋ kɛŋ mɩɩsɩŋ. Ba fa ŋmʋnsɛ ŋɩɩ nɛ Wɩa teniŋ sɛmɛ dɔŋɔ lɛ ba sɩɩ yɩrɛ Wɩa yɩɩlaa teniŋ tʋɔŋ. Ba ŋmʋnsa a tɩgɛ Yesu lɛ a bʋl, ‘Ŋ ŋaa mɩ Bii nɛ. Mɩ nɛ lʋlʋŋ jɩnɩŋ.’

Rom Tɩŋŋaa 8:3

Wɩalɩŋ Mosis fa sɩ bile bɩ la lɛ wuo pɛ, bɛɛ wɩaa la yaraa bɩ doluŋ kɛnɛ. Ama wɩalɩŋ ba sɩ bɩ wuo ŋaa, Wɩa wuo ŋaaba nɛ. Ba nɛ ŋ-la: Ʋ sɩɩ chɛ ʋ lɩɩsɛ nuhuobiine wʋbɔŋŋɔɔ lɛ, ʋ ta ʋ tɩtɩa Bie nɛ ʋ kʋ tuu. Ʋ yaraa nagɛ la yaraa, dɩ ʋ laa la wʋbɔŋŋɔɔ ta. Ʋ sɩ ŋaa ŋɩɩ, Wɩa lɩɩsɛ wʋbɔŋŋɔɔ doluŋ nuhuobiine lɛ nɛ.

Rom Tɩŋŋaa 9:5

Ba nɛ ŋaa la naabalɩmaba doho nɩaa Wɩa sɩ lɩɩsa. Kirisito sɩ bɩrɩmɛ nuhuobiiŋ, ʋ ma fa ŋaa la naabalɩmaba doho nʋʋ nɛ. Má leŋ dɩ la dɛnnɛ Wɩa, a kaa mʋ wuu, bɛɛ wɩaa ʋ nɩɩ beŋ kʋŋkala. Amɩɩ.

1 Kɔrɩntɩ Nɩaa 15:47

Nuhuobiiŋ bumbuŋ-la, dʋnɩa tɩarɩŋ nɛ Wɩa lɔgɛ mɛʋ. Nɩɩ-la sɩ to harɩŋ kɔ-na lɩɩ Wɩa-jaŋ nɛ.

2 Kɔrɩntɩ Nɩaa 12:9

Ŋɩɩ nɛ Wɩa bʋla pɩmɛ, “Mɩ zile yʋga kɩŋkɛŋ ŋ teeŋ, dɩ ŋ nɛ bɩ doluŋ kɛnɛ ŋɩɩ nɛ mɩ doluŋ yie faasa tɩŋ ŋ lɛ.” Ŋɩɩ wɩaa mɩ tʋɔŋ tɔrɔ nɛ, mɩ jaŋ bigisi mɩ tɩtɩa lɛ a tɩŋ mɩ sɩ bɩ doluŋ kɛnɛ wɩaa, dɩ Kirisito dol-la wuo hɛ mɩ lɛ a tɩtɩŋ.

Galiisia Nɩaa 4:4

Ama bʋa-la tɩtɩa sɩ yie, Wɩa tɩŋ ʋ bie nɛ. Haal nɛ lʋlʋ. Ʋ ma faa to Juu tɩŋŋaa naabalɩmaba wombii-la nɛ,

Ɛfɛsɩs Nɩaa 3:8

Wɩa nɩaa kala tʋɔŋ, mɩ nɛ ŋaa ba kʋbie, aŋ ka ʋ lɩɩsɛmɛ ʋ lahɔrɩmɔ lɛ dɩ mɩ bʋl ʋ wʋzɔmɔ-la wɩaa a pɩ nɩalɩŋ sɩ bɩ Juu tɩŋŋaa ŋaa, dɩ ba jɩŋ Kirisito dʋa-la sɩ bɩ dɩdɛrɩ kɛnɛ wɩaa,

Koloosi Nɩaa 1:19

Wɩa cho dɩ Yesu nagɛ ʋ-na Wɩa nagɩsɩŋ kala nɛ.

Koloosi Nɩaa 2:3

Ʋ dʋndʋŋa lɛ nɛ Wɩa joŋ wʋjɩmɩŋ arɩ jɩma kala faa.

Koloosi Nɩaa 2:9

Wɩa nagɩsɩŋ kala hɛ Yesu nuhuobiiŋ yara-la lɛ nɛ.

1 Timoti 3:16

Wʋtɩtɩɩ, Wɩɩchʋɔlɛ wombii-la la sɩɩ to ŋaa wʋbal nɛ nʋʋkala bɩ jaŋ wuo kaa lɛrɛ. Wɩɩ-la fa faa nɛ ka Wɩa joŋo dagɛla lɛɛlɛ. Ʋ nɛ ŋ-la: Wɩa bɩrɩmɛ nuhuobiine nɛ a kʋ tuu dʋnɩa. Wɩa Dɩŋ-zɔmʋŋ ma dagɛ arɩ ʋ ŋaa tʋɔpʋl Tɩɩna nɛ. Wɩa tɩndaaraa ma naʋ. Nɩaa bʋl ʋ wɩaa dʋnɩa sɛmɛ-na kala lɛ. Dʋnɩa nɩaa laa ʋ wɩaa dii nɛ, aŋ ka Wɩa joŋu kaa jɩl Wɩa-jaŋ, ʋ laa yɩrɩŋ.

Hiburu TƖŊŊAA 1:3

Wɩa sɩ kɛŋ tʋla-la, ʋ nɛ ʋ Bie ma kɛŋ. Ŋɩɩ Wɩa sɩ naga, ŋɩɩ tɩtɩa nɛ ʋ Bie ma nagɛ. Wɩalɩŋ ʋ sɩɩ bʋl kɛŋ doluŋ, dol-la nɛ ʋ kaa beŋ kʋŋkala sɩ hɛ dʋnɩa lɛ. Ʋ sɩ pɩɩsɛ nɩaa disiniŋ ta dɛrɛ, ʋ jɩla hɔŋ Wɩa nadiiŋ, nɩduoŋ dɩhɔnʋŋ.

Hiburu TƖŊŊAA 1:5

Wɩalɩŋ Wɩa sɩ bʋla a tɩgɛ ʋ lɛ nɛ ŋ-la: “Ŋ ŋaa mɩ Bii nɛ, mɩ nɛ lʋlʋŋ jɩnɩŋ.” Ʋ saa bɩra bʋla a tɩgɛ ʋ lɛ: “Mɩ jaŋ ŋaa ŋ Nyɩmma, ŋ ma jaŋ ŋaa mɩ Bii.” Wɩa tɩndaarɩ bɛɛ lɛ nɛ Wɩa ha bʋl wɩɩŋ deeŋ?

Hiburu TƖŊŊAA 10:5

Ŋɩɩ nɛ tɩɩ Kirisito bʋl wɩaa deemba a pɩ Wɩa bʋa-la lɛ ʋ sɩ kʋ tuu dʋnɩa. Ʋ sɩ, “Ŋ-na bɩ pʋsʋ-la ba sɩ yie kpʋ ŋaa Wɩɩsʋlʋŋ arɩ Wɩɩsʋlʋŋ kɩalɩŋ nɛ cho, ama ŋ lɩɩsɛmɛ nɛ dɩ mɩ joŋ mɩ tɩtɩa kala a pɩŋ.

Hiburu TƖŊŊAA 2:11

Yesu, nɩɩ-la sɩ pɩɩsɛ nɩaa disiniŋ ta, arɩ nɩalɩŋ disiniŋ ʋ sɩ pɩɩsa ta, ba kala nyɩmma ŋaa kʋbala nɛ. Ŋɩɩ nɛ tɩɩ ʋ ŋaa ŋɩɩ a wuo yɩrɛ ba kala ʋ naambiiriŋ, ka hɩɩsɩŋ bɩ ʋ kɛnɛ.

Hiburu TƖŊŊAA 5:5

Ŋɩɩ tɩtɩa nɛ Kirisito ma bɩ ʋ tɩtɩa kaa yʋgɛ dɩ ʋ tɩŋ tɩntɩmɩɩ-la Wɩɩsʋllɩ sɩpaalaaraa kʋhɩaŋ sɩɩ tɩŋ. Ama wɩɩ-la Wɩa sɩ bʋla pʋ nɛ ŋ-la: Ʋ sɩ, “Ŋ ŋaa mɩ Bii nɛ, jɩnɩŋ mɩ nɛ lʋlʋŋ.”

1 Jɔɔŋ 4:14

La tɩtɩa na nɛ a laa dii arɩ Wɩa ta ʋ Bie dɩ ʋ kʋ tuu ŋaa dʋnɩa nɩaa Laataara nɛ.

1 Jɔɔŋ 4:9

Ŋ-la nɛ Wɩa dagɛla arɩ ʋ chola nɛ: Ʋ joŋ ʋ Bii-bala dɩ ʋ kʋ tuu dʋnɩa, dɩ la to ʋ lɛ a kɛŋ mɩɩsɩ-la sɩ bɩ dɛrɛ.

2 Jɔɔŋ 1:7

Nɩaa yʋga a hɛ lee-kala dʋnɩa lɛ dɩ ba nyɩsɛ nɩaa. Nɩaa deemba bɩ sɛyɛ arɩ Yesu Kirisito kʋ ŋaa nuhuobiiŋ nɛ a kʋ tuu dʋnɩa. Nʋʋkala sɩ nagɛ nɩaa deemba ŋaa nɩnyɩsɛrʋ nɛ a ŋaa Kirisito dʋndɔŋ-balɩŋ ma.

Jɔɔŋ Wʋnaalaa 19:13

Ʋ laalɛ gɛrɩŋ chalɩŋ sɩ mɩsa nɛ. Baa yɩrɛ nɩɩ-la yɩrɩŋ Wɩa Niiŋ Wɩaa nɛ.

Jɔɔŋ Wʋnaalaa 21:3

Ŋɩɩ nɛ aŋ ka mɩ nɩɩ nʋʋ yikori-balɩŋ dɩ ʋ lɩɩ kuoru kpasa-la sɛmɛ a bʋl, “Má bee na, lɛɛlɛ Wɩa kɔ nuhuobiine teeŋ nɛ. Ʋ jaŋ hɔŋ ba tʋɔŋ. Ba nɛ jaŋ ŋaa ʋ nɩaa. Wɩa tɩtɩa jaŋ hɔŋ ba teeŋ a ŋaa ba Wɩa.