Jɔɔŋ 1:12 - WƖA TENIŊ

¹² Ama nɩaa dɔnsʋŋ-na laaʋ, a laa ʋ wɩaa dii. Ŋɩɩ nɛ ʋ pɩba wombiiŋ dɩ ba wuo ŋaa Wɩa biiriŋ.

Jɔɔŋ 1:12 ပူးပေါင်းရင်းမြစ်များ

2 SAMƲƐL 7:24

Ŋ leŋe Iziral tɩŋŋaa chaasa chɩŋ nɛ a ŋaa ŋ nɩaa a kaa mʋ wuu. Ŋ-na La TƖƖNA nɛ lɛɛlɛ ŋaa ba Wɩa.

AZAAYA 56:5

mɩ jaŋ leŋ dɩ ma yɩrɩŋ hɛ mɩ dɩɩ-balɩŋ lɛ dɩ nɩaa liliisu a kaa mʋ wuu, a kɩɩ ma fa sɩ jaŋ kɛŋ hambolibiisiŋ arɩ hantolibiisiŋ dɩ ba liliisi ma wɩaa. Ma yɩrɩŋ bɩ jaŋ lɛl.

JƐRƖMAAYA 3:19

Mɩ-na tɩtɩa nɛ fa sɩ, “Mɩ tʋɔŋ fa jaŋ tɔrɛ dɩ mɩ kɛmma a nagɛ mɩ biiriŋ, a joŋ tinteeŋ sɩ zɔmɔ woruŋ a pɩma. Tintee-la nɛ zɔmɔ kɩɩ tintee kala dʋnɩa lɛ. Mɩ fa bɩɩna ma jaŋ kɛmmɛ yɩrɛ ‘Ma Nyɩmma’, aŋ bɩra bɩ jaŋ mɩɩrɛ mɩ harɩŋ.

HOSIA 1:10

Ama bʋa kʋbala jaŋ yi dɩ Iziral tɩŋŋaa pʋŋ a nagɛ hagɩla sɩ pɩŋ mʋgʋ-balɩŋ niiŋ nʋʋ sɩ bɩ jaŋ wuo magɩsɛ koo a dɩɩsɛ. Lee-la ba sɩ bʋla pɩba arɩ ba bɩ mɩ nɩaa ŋaa, ba jaŋ bɩra kɛmba yɩrɛ ‘Wɩa sɩ weye biiriŋ’.

Matiu 10:40

Nɩɩ-la kala sɩ kɛmma woruŋ, ʋ tɩɩna kɛŋ mɩ ma woruŋ nɛ. Nɩɩ-la ma kala sɩ kɛmmɛ woruŋ, ʋ kɛŋ Tɩɩna ma sɩ tɩmmɛ woruŋ nɛ.

Matiu 12:21

Ʋ lɛ nɛ dʋnɩa nɩaa kala jaŋ joŋ ba yɩɛlaa hɛ.”

Matiu 18:5

Dɩ nʋʋ nɛ kɛŋ bii-bie deeŋ yiri woruŋ a tɩŋ mɩ wɩaa, mɩ nɛ ʋ kɛŋ woruŋ ŋɩɩ.

Jɔɔŋ 1:11

Ʋ kɔ ʋ tɩtɩa jáŋ, ama ʋ jáŋ nɩaa bɩ ʋ laa.

Jɔɔŋ 1:7

Ʋ nɛ kɔ dɩ ʋ bʋl pʋlʋŋ-la wɩaa pɩ nɩaa. Ʋ ŋaa ŋɩɩ dɩ nʋʋkala wuo nɩɩ a to ʋ lɛ a laa pʋlʋŋ-la wɩaa dii.

Jɔɔŋ 11:52

tinteeŋ deeŋ nɩaa ma dʋndʋŋa wɩaa dee, ama dɩ ʋ wuo pɛ kɛsɛ Wɩa biiri-la sɩ pɩsa hɛ leree dɔnsʋŋ ma a hɛ dɔŋɔ lɛ.

Jɔɔŋ 2:23

Yesu fa sɩ hɛ Jerusalɛm lɛ, dɩɩsɩŋ kiele bal gbiele-la lɛ, nɩaa yʋga a laa ʋ wɩaa dii a tɩŋ ba sɩ na wʋmagɩla-la ʋ sɩɩ ŋaa.

Jɔɔŋ 20:31

Ama mɩ ŋmʋnsɛ wɩaa deemba dɩ ma wuo laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa aŋ pɛ ŋaa Wɩa Bie ma. Dɩ ma nɛ laa wɩaa deemba dii, ma jaŋ kɛŋ mɩɩsɩŋ ʋ yɩrɩŋ lɛ.

Jɔɔŋ 3:18

Nʋʋ na-kala sɩ laa Yesu wɩaa dii, ʋ bɩ jaŋ dii ʋ tɩɩna sarɩya a joŋ cheeriŋ pʋ, ama nɩɩ-la kala sɩ bɩ ʋ wɩaa laa dii, ʋ paala dii ʋ tɩɩna sarɩya a joŋ cheeriŋ pʋ nɛ, bɛɛ wɩaa ʋ bɩ Wɩa Bii-bala-la wɩaa laa dii.

Tɩntɩŋŋaa 3:16

Yesu yɩrɩŋ lɛ nɛ baala deeŋ ma sɩ na a jɩmʋ duori. La sɩ laa Yesu wɩaa dii nɛ wuo ŋaa baala deeŋ na yarɩfɩɛlaa woruŋ ma kala sɩɩŋ lɛ ŋɩɩ.

Rom Tɩŋŋaa 8:14

Nɩalɩŋ kala sɩɩ to Wɩa Dɩŋ-zɔŋ-la niiŋ wɩaa, ba ŋaa Wɩa biiriŋ nɛ.

Rom Tɩŋŋaa 8:16

Wɩa Dɩŋ-zɔŋ-la arɩ la tʋɔbɩɩnaa kala yie dagɛ arɩ la ŋaa Wɩa biiriŋ nɛ.

Rom Tɩŋŋaa 8:19

Dʋnɩa kʋŋkala nɩɩ gbɛrʋ a chaarɛ sɩaa dɩ ba na bʋa-la lɛ Wɩa biiriŋ sɩ jaŋ laa yɩrɩŋ.

Galiisia Nɩaa 3:26

A tɩŋ ma sɩ laa Yesu Kirisito dii nɛ tɩɩ ma kala ŋaa Wɩa biiriŋ ŋɩɩ.

Galiisia Nɩaa 4:6

A tɩŋ la sɩ ŋaa Wɩa biiriŋ nɛ tɩɩ ʋ joŋ ʋ Bie Dɩŋ-zɔmʋŋ hɛ la lɛ. Dɩŋ-zɔŋ-la sɩ hɛ la tʋɔŋ, ʋ yie ŋaa la kɛŋ Wɩa kaa yɩrɛ “La Nyɩmma.”

Koloosi Nɩaa 2:6

Ma sɩ sɛyɛ arɩ Yesu Kirisito nɛ ŋaa ma Tɩɩna, má leŋ dɩ wɩɩ na-kala ma sɩɩ ŋaa lɛ, dɩ ʋ nagɛ ma dɩ ʋ ŋaa kʋbala nɛ.

2 Pɩɩta 1:4

Wɩaa deemba kala lɛ nɛ Wɩa to a ŋaa wʋbal-la ʋ fa sɩ sɩ ʋ jaŋ ŋaa pɩla. Wɩalɩŋ zɔmɔ kɩŋkɛŋ la teeŋ. Ʋ joŋ wɩaa deemba pɩla dɩ la wuo lɩɩsɛ la tɩtɩa wʋbɔmɔ-la dʋnɩa nɩaa sɩɩ to ba tʋɔtɔrɛ wʋŋaalaa lɛ a ŋɩŋaa, ka dɩ la kʋ nagɛ ŋɩɩ Wɩa sɩ naga.

1 Jɔɔŋ 3:1

Ma na ŋɩɩ la Nyɩmma Wɩa sɩ chola. Ʋ chola kieli, ŋɩɩ nɛ tɩɩ ʋ kɛnla yɩyɩrɛ ʋ biiriŋ. Wʋtɩtɩɩ, la sɛnɛ ŋaa ʋ biiriŋ nɛ. Dʋnɩa nɩaa bɩ Wɩa jɩŋ, ŋɩɩ nɛ tɩɩ ba bɩ la ma jɩŋ ŋɩɩ.

1 Jɔɔŋ 3:10

Ŋ-la lɛ nɛ ma jaŋ wuo to jɩŋ Wɩa biiriŋ arɩ Sɩtaanɩ biiriŋ. Nɩɩ-la kala sɩ bɩ wɩaa ŋaa ba bʋa lɛ, koo nɩɩ-la kala sɩ bɩ ʋ dɔŋɔ tɩɩna cho, ʋ tɩɩna bɩ Wɩa bii ŋaa.

1 Jɔɔŋ 3:2

Mɩ nandɔŋ-kpɩanaba, lɛɛlɛ la ŋaa Wɩa biiriŋ nɛ. Ama Wɩa ha bɩ chaasa daga pʋllɛ ŋɩɩ la sɩ jaŋ nagɛ. Ama wɩɩ-la la sɩ jɩma nɛ ŋ-la: Bʋa-la lɛ Kirisito sɩ jaŋ kɔ, la ma jaŋ nagɛ ŋɩɩ ʋ sɩ naga, bɛɛ wɩaa la jaŋ na ʋ sɩ nagɛ ŋɩɩ kala.

1 Jɔɔŋ 3:23

Wɩɩ-la ʋ sɩ daga nɛ: dɩ la laa ʋ Bie Yesu Kirisito wɩaa dii a cho dɔŋɔ, arɩ ŋɩɩ ʋ sɩ dagɛla.