Jɔɔŋ 1:1 - WƖA TENIŊ

¹ Ka dɩ Wɩa-na ŋaa dʋnɩa, wɩɩ-la fa hɛ nɩmɛ nɛ, ʋ fa hɛ Wɩa teeŋ nɛ. Ʋ dɩ Wɩa kala fa ŋaa kʋbala nɛ.

Jɔɔŋ 1:1 ပူးပေါင်းရင်းမြစ်များ

WƖAA DƖ-SUOMUŊ 1:1

Dɩ-suomuŋ Wɩa ŋaa wɩa-nyuŋ arɩ tinteeŋ nɛ.

WƖA YƖƖLAA 45:6

Kuori-la Wɩa sɩ joŋo pɩŋ jaŋ hɛ nɩmɛ a kaa mʋ deeŋ deeŋ, wʋtɩtɩɩ nɛ jaŋ ŋaa ŋ kuoru dantɩga dɩ ŋ kaa beŋ ŋ nɩaa.

AZAAYA 7:14

Ŋɩɩ wɩaa, La TƖƖNA tɩtɩa jaŋ leŋ dɩ ma na magɩlɩŋ. Hatolo ha sɩ bɩ baal jɩŋ jaŋ kɛŋ luoruŋ a lʋl hambolibie, a hɛ ʋ yɩrɩŋ Ɩmanʋɛl.

AZAAYA 9:6

bɛɛ wɩaa ba lʋl bii nɛ a pɩla, hambolibie nɛ ba joŋo pɩla, ʋ nɛ jaŋ bibenla. Ba jaŋ yɩyɩrʋ: Nɩɩ-la sɩ jɩŋ nɩaa chagɩlɩŋ ʋ dɔŋ tuo, Wɩa sɩ kɛŋ doluŋ, Nyɩmma-la sɩ jaŋ hɛ nɩmɛ deeŋ deeŋ, Kuori-bile sɩ kɛŋ fɩɛlɩŋ kʋkɔ.

Matiu 1:23

Wɩalɩŋ ʋ fa sɩ bʋla nɛ ŋ-la: “Hatolo kʋbala ha sɩ bɩ baal jɩŋ jaŋ kɛŋ luoruŋ a lʋl hambolibie. Ba jaŋ hɛ ʋ yɩrɩŋ Ɩmanʋɛl.” (Ʋ yɩrɩ-la bʋbʋɔŋ nɛ Wɩa hɛ la teeŋ.)

Luuk 24:53

Ba yie jʋʋ Wɩa dɩɩ-bal-la bʋa na-kala lɛ a chʋchʋɔlɛ Wɩa.

Jɔɔŋ 1:14

Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

Jɔɔŋ 1:18

Nʋʋkala ha bɩ Wɩa na. Ʋ dɩ ʋ Bii-bala-la sɩ ŋaa kʋbala a hɔŋ ʋ sɛmɛ nɛ dagɛla ʋ wɩaa.

Jɔɔŋ 1:2

Bumbuŋ kala nɛ ʋ fa hɛ Wɩa teeŋ.

Jɔɔŋ 16:28

Mɩ lɩɩ mɩ Nyɩmma teeŋ nɛ a kʋ tuu dʋnɩa. Lɛɛlɛ mɩ saa jaŋ leŋ dʋnɩa aŋ mɩɩra mʋ mɩ Nyɩmma teeŋ.”

Jɔɔŋ 17:5

Oo, mɩ Nyɩmma, leŋ dɩ mɩ yɩrɩŋ yɩrɛ ŋ sɩpaaŋ lɛɛlɛ, yɩrɩ-la mɩ dɩŋ kala fa sɩ kɛnɛ, aŋ-na ŋaa dʋnɩa.

Jɔɔŋ 20:28

Ŋɩɩ nɛ Tɔmas yɩrʋ a bʋl, “Mɩ Tɩɩna, ŋ nɛ mɩ Wɩa.”

Jɔɔŋ 8:58

Ŋɩɩ nɛ Yesu bʋla pɩba, “Wʋtɩtɩɩ nɛ mɩ bʋlaa pɩma, ka dɩ ba-na lʋl Abɩraham, mɩ fa hɛ nɩmɛ nɛ.”

Rom Tɩŋŋaa 9:5

Ba nɛ ŋaa la naabalɩmaba doho nɩaa Wɩa sɩ lɩɩsa. Kirisito sɩ bɩrɩmɛ nuhuobiiŋ, ʋ ma fa ŋaa la naabalɩmaba doho nʋʋ nɛ. Má leŋ dɩ la dɛnnɛ Wɩa, a kaa mʋ wuu, bɛɛ wɩaa ʋ nɩɩ beŋ kʋŋkala. Amɩɩ.

Ɛfɛsɩs Nɩaa 3:9

a bɩra leŋ dɩ nʋʋkala jɩŋ ŋɩɩ Wɩa sɩ jaŋ to a ŋaa ʋ wɩalɩŋ kala sɩ faa. Wɩa nɛ Nɩɩ-la sɩ ta kʋŋkala, ʋ fa joŋ wɩalɩŋ faa faafaa kala nɛ.

Fɩlɩpa Nɩaa 2:6

Ʋ fa kɛŋ Wɩa nagɩsɩŋ nɛ, ama ʋ fa bɩ ʋ tɩtɩa joŋo arɩ ʋ dɩ Wɩa magɛ dɔŋɔ nɛ.

Koloosi Nɩaa 1:15

Kirisito nɛ nagɛ Wɩa nagɩsɩŋ kala kala, Wɩa-la la sɩ bɩ na. Ʋ nɛ ŋaa Wɩa bii-bumbuŋ a kɩɩ kʋŋkala ʋ sɩ ŋaa.

Koloosi Nɩaa 1:17

Ʋ nɛ laa sɩpaaŋ hɛ nɩmɛ, ka kʋŋkala-na hɛ nɩmɛ. Ʋ nɩɩ beŋ kɩaa kala ba chɩŋ ba dɩchɩnaa.

1 Timoti 3:16

Wʋtɩtɩɩ, Wɩɩchʋɔlɛ wombii-la la sɩɩ to ŋaa wʋbal nɛ nʋʋkala bɩ jaŋ wuo kaa lɛrɛ. Wɩɩ-la fa faa nɛ ka Wɩa joŋo dagɛla lɛɛlɛ. Ʋ nɛ ŋ-la: Wɩa bɩrɩmɛ nuhuobiine nɛ a kʋ tuu dʋnɩa. Wɩa Dɩŋ-zɔmʋŋ ma dagɛ arɩ ʋ ŋaa tʋɔpʋl Tɩɩna nɛ. Wɩa tɩndaaraa ma naʋ. Nɩaa bʋl ʋ wɩaa dʋnɩa sɛmɛ-na kala lɛ. Dʋnɩa nɩaa laa ʋ wɩaa dii nɛ, aŋ ka Wɩa joŋu kaa jɩl Wɩa-jaŋ, ʋ laa yɩrɩŋ.

Taatɩs 2:13

La sɩ hɛ dʋnɩa deeŋ lɛ ŋɩɩ, laa gbɛrɛ tapʋlɩɩ-la la Wɩɩ-balɩŋ arɩ la Laataara Yesu Kirisito sɩ jaŋ mɩɩra kɔ arɩ ʋ tʋla nɛ.

Hiburu TƖŊŊAA 13:8

Yesu Kirisito sɩ nagɛ ŋɩɩ, ʋ bɩ jaŋ kɔ dɩ ʋ bɩrɩma. Faafaa ʋ sɩ nagɛ ŋɩɩ, ŋɩɩ nɛ ʋ haa nagɛ arɩ jɩnɩŋ kala. Ʋ jaŋ nagɛ ŋɩɩ a kaa mʋ wuu.

Hiburu TƖŊŊAA 7:3

Mɛlɩkɩzɛdɛk fa bɩ nyɩmma kɛnɛ, ʋ bɩ naaŋ ma kɛnɛ. Nʋʋkala fa bɩ ʋ doho jɩŋ, a bɩ bʋa-la ba sɩ lʋlʋ arɩ bʋa-la lɛ ʋ sɩ sʋba ma jɩŋ. Ama ʋ fa nagɛ Wɩa Bie nɛ. Ʋ ŋaa Wɩɩsʋllɩ sɩpaalaarʋ nɛ a kaa mʋ wuu.

2 Pɩɩta 1:1

Mɩ-na Saamɔŋ Pɩɩta nɛ ŋmʋnsɛ teniŋ deeŋ pɩpɩma. Mɩ ŋaa Yesu Kirisito tɩntɩnnʋ nɛ a ŋaa ʋ nanzɔɔ ma. Mɩ ŋmʋnsɛ teniŋ deeŋ pɩpɩ ma nɩalɩŋ ma sɩ laa Yesu Kirisito wɩaa dii arɩ la ma sɩ laa ʋ wɩaa dii ŋɩɩ. La dɩ ma kala ŋaa tʋɔpʋl tɩmma nɛ a tɩŋ Wɩa arɩ la Laataara Yesu Kirisito wɩaa.

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.

1 Jɔɔŋ 5:7

Kɩaa batori nɛ hɛ nɩmɛ a dɩdagɛ wɩɩŋ deeŋ.

Jɔɔŋ Wʋnaalaa 1:11

Ŋɩɩ nɛ yikoro-la bʋla pɩmɛ, “Ŋmʋnsɛ wɩalɩŋ kala ŋ sɩ na, a joŋo tɩŋ dɩ ba kaa mʋ pɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Ba nɛ ŋ-la: Ɛfɛsɩs, Sɩmɩɩna, Pɛgamɔm, Taataya, Saadɩs, Fɩladɛlɩfɩa arɩ Laadisiya.”

Jɔɔŋ Wʋnaalaa 1:17

Mɩ sɩ naʋ ŋɩɩ, mɩ tuu tel ʋ sɩpaaŋ a pɩŋ nɩmɛ chɩm a nagɛ dɩ mɩ sʋba. Ŋɩɩ nɛ ʋ joŋ ʋ nadiiŋ nɩsɩŋ daŋ mɩ lɛ aŋ bʋla pɩmɛ, “Sɩ́ fawʋllʋŋ fá, mɩ nɛ ŋaa Nɩɩ-la fa sɩ hɛ nɩmɛ bumbuŋ arɩ Nɩɩ-la sɩ jaŋ hɛ nɩmɛ dʋnɩa dɩdɛrɩŋ.

Jɔɔŋ Wʋnaalaa 1:2

Ŋɩɩ nɛ Jɔɔŋ bʋl wɩalɩŋ kala ʋ sɩ na, wɩalɩŋ Wɩa sɩ dagʋ arɩ wɩalɩŋ kala Yesu Kirisito sɩ bʋla pʋ.

Jɔɔŋ Wʋnaalaa 1:8

La Tɩɩna Wɩa sɩ, “Mɩ nɛ ŋaa Alɩfa arɩ Omega. Mɩ-na Wɩa doluŋ kala Tɩɩna, mɩ nɛ ŋaa Nɩɩ-la sɩ hɛ nɩmɛ arɩ Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ.”

Jɔɔŋ Wʋnaalaa 19:13

Ʋ laalɛ gɛrɩŋ chalɩŋ sɩ mɩsa nɛ. Baa yɩrɛ nɩɩ-la yɩrɩŋ Wɩa Niiŋ Wɩaa nɛ.

Jɔɔŋ Wʋnaalaa 2:8

Bɩra ŋmʋnsɛ wɩaa deemba a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Sɩmɩɩna lɛ. Wɩaa deemba lɩɩ mɩ-na Nɩɩ-la fa sɩ hɛ nɩmɛ bumbuŋ kala teeŋ nɛ, aŋ ha jaŋ hɛ nɩmɛ dʋnɩa dɩdɛrɩŋ. Mɩ sʋba nɛ, aŋ bɩra sii sʋʋŋ lɛ.

Jɔɔŋ Wʋnaalaa 21:6

Ŋɩɩ nɛ ʋ bʋla pɩmɛ, “Wɩɩkala dɛrɛ nɛ. Mɩ nɛ ŋaa Alɩfa arɩ Omega, mɩ nɛ dɩ-suomuŋ arɩ dɩdɛrɩŋ. Nɩɩ-la kala lɩɩnyʋasʋŋ sɩ kɛnɛ, mɩ jaŋ ŋaa lɩɩ-bulo lɩɩ-la sɩɩ pɩ nɩaa mɩɩsɩŋ a pʋ dɩ ʋ nyʋa pɛɩ.

Jɔɔŋ Wʋnaalaa 22:13

Mɩ nɛ ŋaa Alɩfa arɩ Omega, mɩ nɛ ŋaa Nɩɩ-la fa sɩ hɛ nɩmɛ bumbuŋ arɩ Nɩɩ-la sɩ jaŋ hɛ nɩmɛ dʋnɩa dɩdɛrɩŋ. Mɩ nɛ ŋaa dɩ-suomuŋ, mɩ nɛ ŋaa dɩdɛrɩŋ ma.

Jɔɔŋ Wʋnaalaa 3:14

Bɩra ŋmʋnsɛ wɩaa deemba pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Laadisiya taŋ-la lɛ. Mɩ-na nɛ Nɩɩ-la ba sɩɩ yɩrɛ “Amɩɩ,” a kɛŋ wʋtɩtɩɩ a didii dansɩa arɩ wʋtɩtɩɩ, Nɩɩ-la lɛ Wɩa sɩ to a ŋaa dʋnɩa, mɩ nɩɩ bʋl wɩaa deemba.