Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JƐRƖMAAYA 9:8 - WƖA TENIŊ

8 Ba niiree nagɛ to-hɛmɩŋ sɩ kɛŋ huoŋ nɛ, a nyɩnyɩɛ wɩaa. Ba yie kɛŋ ba niiree bʋl wʋzɔŋŋɔɔ a pɩpɩ dɔŋɔ, ama wʋbɔŋŋɔɔ nɛ hɛ ba tʋɔŋ lɛ ba kaa gbɛrɛ dɔŋɔ.

အခန်းကိုကြည့်ပါ။ ကော်ပီ




JƐRƖMAAYA 9:8
21 ပူးပေါင်းရင်းမြစ်များ  

Abɩna sɩ mɩɩra kɔ Hɛbʋrɔŋ, Jʋab kɛnʋ a bal boi-baalɩŋ niiŋ a nagɛ ʋʋ chɛ ʋ dɩ ʋ dʋndʋŋa bʋl wɩaa nɛ. Nɩmɛ nɛ ʋ joŋ ʋ naambie Asahɛl, Abɩna sɩ kpʋa chɩmɩŋ a tiŋ ʋ lɛ, a tɔɔ ʋ luoruŋ lɛ ʋ sʋʋ.


Nʋʋkala ka nyɩɛ wɩaa nɛ ʋ naambie teeŋ, a kɛŋ nii-sɩma nyɩnyɩsɛ dɔŋɔ.


La Tɩɩna, leŋ dɩ nɩalɩŋ sɩ kɛŋ nii-sɩma arɩ babiibal wʋbʋllaa niiŋ tɔ.


Wʋnyɩɛraa, wʋbɛɛ nɛ Wɩa jaŋ ŋaa ma lɛ? Ɛɛ nɛ ʋ jaŋ dɔgɩsɛ ma nɩalɩŋ sɩɩ nyɩsɛ nɩaa?


Sɩ́ mɩ kaa pɛ nɩbɔŋŋɔɔ lɛ a kirimi ta, nɩalɩŋ sɩ yie ŋaa wʋbɔŋŋɔɔ, nɩalɩŋ sɩɩ bʋl wʋsɩŋŋaa aŋ bɩbɩɩnɛ wʋbɔŋŋɔɔ.


Baa bʋl tʋɔ-cheeri wɩaa nɛ, a nyɩɛ wɩaa pɩpɩ nɩalɩŋ sɩ hɔnɔ arɩ fɩɛlɩŋ.


Ʋ wʋbʋlaa sɩma a nagɛ tʋʋŋ, ama ʋ tʋɔŋ lɛ ʋ bɛrɛ nɩaa nɛ. Ʋ wʋbʋlaa ma pʋnyɛ nɛ a nagɛ nʋʋŋ, aŋ kikeri nɩaa a nagɛ tokobiiŋ sɩ kɛŋ niiŋ.


Dʋndɔŋŋɔɔ gollimi nɛ a nagɛ naachigee losuŋ sɩ kɛnɛ, ba chɩchɛ nɩaa dɩ ba chaŋ. Ba nyɩlaa nagɛ tiŋŋee arɩ to-hɛŋŋɛɛ nɛ. Ba nandelimee ma nagɛ tokobiee sɩ kɛŋ niiŋ.


Wɩa dʋndʋŋa lɛ nɛ mɩ yie na wiese. Mɩ yɩɛlaa kala hɛ ʋ lɛ nɛ.


Ba niiŋ wʋbʋlɩa-la tɩtɩa nɛ ʋ jaŋ kaa gʋra cheiba. Dɩ nʋʋkala nɛ naba, ʋ jaŋ vigisi nyuŋ.


Dɩ ŋ nɛ nyɩɛ wɩaa a pɩ ŋ dɔŋɔ tɩɩna, ʋ nagɛ ŋ sɩ joŋ toŋguluŋ a ŋmobu nɛ, koo ŋ sɩ joŋ tokobiiŋ koo to-hɛmɩŋ sɩ kɛŋ niiŋ woruŋ a tɔbʋ.


Nɩbɔŋŋɔɔ hɛ mɩ nɩaa tʋɔŋ nɛ, a faa gbɛrɛ dɩ ba kɛsɛ nɩaa a nagɛ nɩaa sɩ yie bɛrɛ kɛsɛ diibiisiŋ ŋɩɩ. Ba nagɛ nɩaa sɩ bɛrɛ bɛrɩsɩŋ dɩ ba kɛsɛ nɩaa nɛ.


Bɛɛ nɛ tɩɩ mɩ bɩ jaŋ dɔgɩsɛba a tɩŋ wɩɩŋ deeŋ wɩaa? Mɩ-na ma TƖƖNA nɛ pɩɛsa. Bɛɛ nɛ jaŋ tɩɩ mɩ bɩ jaŋ joŋ mɩ baanɩŋ fɩɩsɛ tintee doho deeŋ nɩaa lɛ?


Ŋɩɩ nɛ La TƖƖNA bʋl, “Ba kɛŋ ba tɩtɩa nɛ a nagɛ toŋ ba sɩ lɛrɛ hɛ, baa chɛ dɩ ba nyɩɛ wɩaa nɛ. Ba wʋtɩtɩɩ dee bɩ leŋe ba kɛŋ doluŋ tintee-la lɛ. Ba wʋbɔŋŋɔɔ ŋaanɩŋ lɩa aŋ ka pɩpɩ dɔŋɔ nɛ. Ba bɩ mɩ kaa tɩtɩŋ.


Má kɛŋ ma tɩtɩa arɩ ma nandɔnsʋŋ. Má sɩ́ ma naambiiriŋ laa dii. Naambii kala ka nyɩsɛ ʋ dɔŋɔ tɩɩna nɛ. Nandɔŋ ma kala ŋaa yɩrɩ-cheeru.


Nandɔŋɔ yie nyɩsɛ ʋ nandɔŋɔ. Ba kʋŋkala bɩ wʋtɩtɩɩ ka bʋl. Ba niiree mal wʋnyɩɛrɩŋ nɛ. Baa lɔl ba tɩtɩa nɛ wʋbɔŋŋɔɔ ŋaanɩŋ lɛ.


Ma kɩaa tɩŋŋaa ŋaa yuo-hɛɛrɛ nɛ, a ŋaa wʋnyɩɛra ma. Ma wɩɩŋ nɛ dɩ ma nyɩnyɩsɛ nɩaa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ