JƐRƖMAAYA 9:7 - WƖA TENIŊ

⁷ Ŋɩɩ wɩaa, wɩɩ-la La TƖƖNA, doluŋ kala Tɩɩna sɩ bʋla nɛ ŋ-la: “Mɩ jaŋ joŋ nyiniŋ hɛ ba lɛ a magɩsɛba na a lɩɩsɛ ba disiniŋ ta a nagɛ ba sɩ yie joŋ hɔpʋla hɛ nyiniŋ lɛ a lɩɩsɛ disiniŋ ŋɩɩ. Wʋbɛɛ nɛ mɩ jaŋ bɩra wuo ŋaa a tɩŋ mɩ nɩaa wʋbɔŋŋɔɔ wɩaa?

JƐRƖMAAYA 9:7 ပူးပေါင်းရင်းမြစ်များ

2 SAMƲƐL 13:26

Ŋɩɩ nɛ Abɩsalɔm bʋl, “Dɩ ŋ nɛ bɩ jaŋ wuo kɔ, leŋ dɩ mɩ naambie Amɩnɔŋ kɔ.” Kuoro pɩɛsʋ, “Bɛɛ nɛ tɩɩ ŋ cho dɩ ʋ kɔ?”

2 IZIRAL TƖŊŊAA NAABARƖŊ 36:15

Ŋɩɩ nɛ La TƖƖNA ba naabalɩmaba Wɩa fá ba nenige a to ʋ wʋlaabʋllaa lɛ a bʋl wɩaa pɩba bʋlɩa bʋlɩa, bɛɛ wɩaa ʋ fa bɩ chɛ ʋ chei nɩalɩŋ arɩ ʋ dɩɩ-bal-la.

WƖA YƖƖLAA 120:4

Ʋ jaŋ kɛŋ bayuoro to-hɛŋŋɛɛ sɩ kɛŋ niiŋ woruŋ arɩ nyiŋ-halaa a dɔgɩsɛma.

WƖA YƖƖLAA 55:22

Joŋ ŋ wʋwalɩmaa hɛ Wɩa nɩsɩŋ lɛ, ʋ jaŋ beŋ ŋ nyuŋ. Ʋ bɩ jaŋ kɔ dɩ ʋ leŋe dɩ tʋɔpʋl tɩŋŋaa tel.

WƖA YƖƖLAA 62:5

Wɩa dʋndʋŋa lɛ nɛ mɩ yie na wiese. Mɩ yɩɛlaa kala hɛ ʋ lɛ nɛ.

AZAAYA 1:25

Mɩ jaŋ ŋaa wɩaa a jʋʋ ma lɛ, a lɩɩsɛ disiŋ-la kala sɩ hɛ ma lɛ a nagɛ hɔɔ-bɩnɩŋ, a nagɛ ba sɩ yie lɩɩsɛ hɔɔŋ disiniŋ ŋɩɩ.

AZAAYA 48:10

Mɩ joŋ hɛɛŋ sɩ nagɛ nyiniŋ nɛ a hɛ ma lɛ a magɩsɛ ma, arɩ ba sɩ joŋ hɔpʋla a chɔ dɩ ba lɩɩsɛ hɔɔ-bɩnɩŋ ŋɩɩ.

AZAAYA 59:3

Ma ŋaa nɩkpʋʋra nɛ, ma nɩsaa kala nɛ fo arɩ chalɩŋ. Ma ŋaa wʋnyɩɛra nɛ, a bʋbʋl wʋbɔŋŋɔɔ.

JƐRƖMAAYA 31:20

Efirem nɛ mɩ hambolibii-chooluŋ, mɩ tʋɔŋ tɔrɛ ʋ nyuŋ. Mɩ yie bʋl wɩaa a jʋʋ ʋ lɛ ma nɛ, ama mɩ haa liisi ʋ wɩaa nɛ. Mɩ tʋɔŋ kɛnʋ woruŋ, mɩ chaasaa fá ʋ nenige. Mɩ-na ma TƖƖNA nɛ bʋla.

JƐRƖMAAYA 5:1

La Tɩna sɩ, “Joŋ Jerusalɛm womporunuŋ kala gɔllɛ, beŋ ba kala lɛ fii a gollo bala na, nyilimi ba dɩ-hɔnɔɔ kala. Dɩ ŋ nɛ na nɩbala ma sɩɩ ŋaa wɩaa ba bʋa lɛ a chɩchɛ wʋtɩtɩɩ, mɩ jaŋ joŋo chɛ tabal-la nɩaa.

JƐRƖMAAYA 6:27

Jɛrɩmaaya magɩsɛ mɩ nɩaa a nagɛ ŋɩɩ nɩa sɩ jaŋ magɩsɛ hɔɔnʋŋ a nɩna ŋɩɩ ba sɩ naga nɛ.

HOSIA 4:1

Iziral tɩmma, má nɩɩ wɩɩ-la La TƖƖNA sɩ bʋla, La TƖƖNA kɛŋ wɩɩ nɛ a kʋkɔ dɩ ʋ hɛ ma nɩalɩŋ sɩ hɛ tintee-la lɛ. Ʋ sɩ, “Ma bɩ wʋtɩtɩɩ kɛnɛ, a bɩ dɔŋɔ cho. Tintee-la lɛ, ma bɩ jɩŋ arɩ mɩ nɛ Wɩa.

ZƐKARƖYA 13:9

Kʋbala deeŋ ma, mɩ jaŋ joŋu hɛ nyiniŋ lɛ. Mɩ jaŋ wasɛba ta a nagɛ ba sɩ yie joŋ hɔpʋla hɛ nyiniŋ lɛ a lɩɩsɛ ʋ hɔɔ-bɩnɩŋ ta ŋɩɩ. Mɩ jaŋ magɩsɛba na a nagɛ ba sɩ yie joŋ sɛlɩmɛ hɛ nyiniŋ lɛ a magɩsa na ʋ zɔmʋŋ ŋɩɩ. Ba jaŋ yɩrɛmɛ dɩ mɩ sɛɩ. Mɩ jaŋ bʋl, ‘Ba ŋaa mɩ nɩaa nɛ,’ dɩ ba ma bʋl, ‘La TƖƖNA nɛ la Wɩa.’ ”

MALAKAƖ 3:3

Tɩndaarʋ-la jaŋ kʋ chɛsɛ Levi doho nɩaa dɩ ba lɩɩ a nagɛ sɛlɩmɛ koo hɔpʋla ba sɩ joŋo hɛ nyiniŋ lɛ a lɩɩsɛ hɔɔ-bɩnɩŋ. Ŋɩɩ lɛ nɛ La TƖƖNA jaŋ kɛŋ tʋɔpʋl tɩŋŋaa dɩ ba kɛŋ kɩaa kʋ ŋaa Wɩɩsʋlʋŋ a pʋ,

1 Pɩɩta 1:7

Wɩaa deemba jʋʋma dɩ ba magɩsɛ ŋɩɩ ma sɩ laa Wɩa dii nɛ, a leŋ nɩaa wuo na arɩ ʋ sɛnɛ ŋaa wʋtɩtɩɩ nɛ. Ʋ nagɛ sɛlɩmɛ ba sɩ joŋo chɔ a yʋgɩlɛ dɩ ba na ʋ sɛnɛ ŋaa sɛlɩmɛ nɛɛ? Ba sɩ joŋ sɛlɩmɛ chɔ ŋɩɩ ma kala, ʋ bɩ dieni ka dɩ ʋ chei. Ma Wɩa laa diiniŋ nɛ yuŋŋie a kɩɩ sɛlɩmɛ. Ba sɩ magɩsɛma na ŋɩɩ, tapʋlɩɩ-la Yesu Kirisito sɩ jaŋ mɩɩra kɔ, nɩaa jaŋ dɛnnɛ Wɩa a zizilu dɩ ʋ yɩrɩŋ yɩrɛ a tɩŋ wɩalɩŋ ma sɩ laa dii wɩaa.

1 Pɩɩta 4:12

Mɩ naambii-kpɩanaba, má sɩ́ leŋe dɩ hɛɛ-la ma sɩ faasa nɩna ŋaa wʋkpuŋkpere ma lɛ. Wɩaa deemba kala ka magɩsɛma nɛ. Má sɩ́ leŋe dɩ wɩɩŋ deeŋ ŋaa wʋfalɩɩ ma teeŋ.