JƐRƖMAAYA 9:4 - WƖA TENIŊ

⁴ Má kɛŋ ma tɩtɩa arɩ ma nandɔnsʋŋ. Má sɩ́ ma naambiiriŋ laa dii. Naambii kala ka nyɩsɛ ʋ dɔŋɔ tɩɩna nɛ. Nandɔŋ ma kala ŋaa yɩrɩ-cheeru.

JƐRƖMAAYA 9:4 ပူးပေါင်းရင်းမြစ်များ

WƖAA DƖ-SUOMUŊ 32:28

Ŋɩɩ nɛ baal-la bʋl, “Ŋ yɩrɩŋ bɩra bɩ jaŋ ŋaa Jekɔb. Ŋ yɩrɩŋ nɛ Iziral, bɛɛ wɩaa ŋ kɛŋ Wɩa arɩ nuhuobiinee loo nɛ a lobo dii.”

WƖA YƖƖLAA 101:5

Mɩ jaŋ chei nɩɩ-la kala sɩ lʋara bʋl wʋbɔmʋŋ a tɩgɛ nʋʋ lɛ. Mɩ jaŋ ŋmobu hɛ pɛgɛ lɛ. Mɩ bɩ jaŋ sɛɩ pɩ sɩɩ-duo tɩŋŋaa arɩ nɩalɩŋ sɩɩ dagɛ ba tɩtɩa.

WƖA YƖƖLAA 15:3

a bɩ nɩaa harɩŋ ka gaa, a bɩ wɩɩ ŋaa chei ba dɔnsʋŋ tɩŋŋaa, a bɩ wʋbɔŋŋɔɔ ma bʋla a tɩtɩgɛ ba lɛ.

NAMAGABA 10:18

Nʋʋkala sɩ bɛrɛ nɩaa aŋ kaa fɩfaa ŋaa wʋnyɩɛrʋ nɛ. Nʋʋ na-kala sɩ gɔllɔɔ bɛ zɛmbɛ ŋaa nɩyaarɩ nɛ.

NAMAGABA 25:18

Dɩ ŋ nɛ nyɩɛ wɩaa a pɩ ŋ dɔŋɔ tɩɩna, ʋ nagɛ ŋ sɩ joŋ toŋguluŋ a ŋmobu nɛ, koo ŋ sɩ joŋ tokobiiŋ koo to-hɛmɩŋ sɩ kɛŋ niiŋ woruŋ a tɔbʋ.

NAMAGABA 4:16

Nɩbɔŋŋɔɔ-na bɩ doŋ ka pɩŋ, see dɩ ba ŋaa wʋbɔŋ. Ba bɩ doŋ ka pɩŋ see dɩ ba ŋaa wɩɩ jʋʋ nʋʋ lɛ.

NAMAGABA 4:17

Bɔnsʋŋ nagɛ kʋdiilee nɛ ba teeŋ, doluŋ diiniŋ ma nagɛ sɩnɩŋ ba teeŋ.

NAMAGABA 6:16

Wɩaa balɩdʋ nɛ hɛ nɩmɛ La Tɩɩna bɛrɛ, wɩaa balɩpɛ nɛ hɛ nɩmɛ ʋ faasa bɛrɛ:

NAMAGABA 6:19

wʋnyɩɛrɩ wʋpɛ-naara, arɩ nɩalɩŋ sɩ cho dɩa nɩaa nyuŋ kaa yagɛ dɔŋɔ lɛ.

AZAAYA 59:13

La TƖƖNA, la vɩa ŋ niiŋ wɩaa nɛ a joŋ harɩŋ yɩa la Wɩa. La dɔgɩsɛ nɩaa nɛ woruŋ aŋ joŋ harɩŋ yɩaŋ. La tʋɔbɩɩnaa kala ŋaa kʋbɔmɔ nɛ, la nyɩnyɩɛ wɩaa.

AZAAYA 9:16

Nɩaa deemba nɛ laa ba sɩpaaŋ a kɛmba yeŋŋi, ba nɛ dagɛ nɩalɩŋ ba lɛl.

JƐRƖMAAYA 12:6

Ŋ naambiiriŋ, ŋ dɩa nɩaa tɩtɩa nɛ paala joŋuŋ yallɛ. Ba chaasa chɩŋ ŋ lɛ nɛ. Sɩ́ ba laa dii, arɩ ba sɩ bʋl wʋzɔŋŋɔɔ a tɩgɛ ŋ lɛ ma kala.

JƐRƖMAAYA 6:28

Ba kala ŋaa nyu-duo tɩmma nɛ a vɩa mɩ niiŋ, a gɔllɔ chichei nɩaa yɩrɩŋ. Ba wɩaa dolie nagɛ kɔlɩɩŋ arɩ hɔɔŋ nɛ, ba kala wʋŋaalaa lɔrɔ.

JƐRƖMAAYA 9:8

Ba niiree nagɛ to-hɛmɩŋ sɩ kɛŋ huoŋ nɛ, a nyɩnyɩɛ wɩaa. Ba yie kɛŋ ba niiree bʋl wʋzɔŋŋɔɔ a pɩpɩ dɔŋɔ, ama wʋbɔŋŋɔɔ nɛ hɛ ba tʋɔŋ lɛ ba kaa gbɛrɛ dɔŋɔ.

ƐZƖKƖƐL 22:9

Ŋ lɛ nɛ wʋnyɩɛraa hɛ, a nyɩɛ wɩaa pɩ nɩaa ba kpʋkpʋba. Ŋ lɛ nɛ nɩaa didii vʋɩyaa kʋdiilee peeliŋ nyuŋ, a ŋɩŋaa wʋlɩɩlɩŋ.

LEVI DOHO NƖAA 19:16

Má sɩ́ gɔllɔ chichei ma dɔnsʋŋ tɩŋŋaa yɩrɩŋ. Má sɩ́ ma naambiiriŋ joŋo hɛ wɩaa lɛ. Mɩ nɛ ma TƖƖNA.

MALAKAƖ 2:10

Ma bɩ jɩŋ arɩ la kala nyɩmma ŋaa kʋbala nɛɛ? Wɩɩ-bala-la nɛ ta la kala. Bɛɛ nɛ saa tɩɩ la gʋgʋrɛ dɔŋɔ a chichei nii-la sɩ hɛ Wɩa arɩ la naabalɩmaba pɛgɛ?

Matiu 10:17

Má kɛŋ ma tɩtɩa woruŋ nɩbɔŋŋɔɔ deemba teeŋ. Ba jaŋ kɛmma kaa mʋ nɩalɩŋ sɩ yie hilime vʋvʋʋrɛ wɩaa teeŋ dɩ ba dii ma sarɩya. Ba jaŋ vɩɩrɛma Wɩɩchʋɔlɛ dɩɩsɩŋ lɛ.

Matiu 10:21

Naambiiriŋ jaŋ kɛŋ dɔŋɔ a kaa mʋ pa dɩ ba kpʋ. Nyɩmmaba ma jaŋ ŋaa ŋɩɩ ba biiriŋ lɛ. Biiriŋ ma jaŋ ŋaa ŋɩɩ a kɛsɛ ba nyɩmmaba arɩ ba naamba a kaa mʋ pa dɩ ba kpʋ.

Luuk 21:16

Ma nyɩmmaba arɩ ma naambiiriŋ arɩ ma doho nɩaa arɩ ma nandɔnsʋŋ paala jaŋ jomma hɛ ma dʋndɔŋŋɔɔ nɩsɩŋ lɛ. Ba jaŋ kpʋ ma dɔnsʋŋ.

1 Tɛsalonaaka Nɩaa 4:6

Bɩra, nʋʋkala sɩ́ wɩɩ ŋaa chei ʋ dɔŋɔ tɩɩna a tɩgɛ ʋ haala lɛ. La chaasa bʋla pɩma nɛ faafaa kala a kpʋrɩsɛ ma dɩgɩlaa arɩ Wɩa jaŋ dɔgɩsɛ nɩalɩŋ sɩ ŋaa disiŋ wɩaa.