JƐRƖMAAYA 9:25 - WƖA TENIŊ

²⁵ La TƖƖNA bɩra sɩ, “Tapʋlaa ka kɔ nɛ, mɩ sɩ jaŋ dɔgɩsɛ nɩalɩŋ kala sɩ keri ba penee dʋndʋŋ, aŋ bɩ ba tʋɔŋ pʋlla.

JƐRƖMAAYA 9:25 ပူးပေါင်းရင်းမြစ်များ

JƐRƖMAAYA 25:23

nɩalɩŋ sɩ hɛ Dedaŋ, Tɛma, Bus arɩ nɩalɩŋ kala sɩ hɛ dɩ-boloo,

JƐRƖMAAYA 4:4

Má joŋ ma tɩtɩa hɛ mɩ-na ma TƖƖNA nɩsɩŋ lɛ. Má Juda arɩ Jerusalɛm nɩaa, má pʋllɛ ma tʋɔŋ, dɩ ŋɩɩ dee, mɩ baanɩŋ jaŋ sii ma nyuŋ a nagɛ nyiniŋ a diima a tɩŋ wʋbɔmɔ-la ma sɩ ŋaa wɩaa. Dɩ nyiŋ-la nɩɩ diima, nʋʋkala bɩ jaŋ wuo dɩsʋ.

JƐRƖMAAYA 49:32

Ba jaŋ yuo laa ba bʋntaŋŋaba, a yuo laa ba nɛ-daŋ-la ma. Mɩ jaŋ kɛŋ ba nɩalɩŋ sɩ hɛ dɩ-boloo pɩsa hɛ lee-kala, ba nɩalɩŋ sɩ kɛ ba nyu-pʋnaa ba kui, aŋ leŋ dɩ wʋlɔrʋŋ lɩɩ sɛmɛ na-kala a kʋ jʋʋba. Mɩ-na ma TƖƖNA nɛ bʋla.

ƐZƖKƖƐL 28:10

Ŋ jaŋ sʋʋ a nagɛ disiŋ tɩɩna tintee-wogusuŋ nɩaa sɩ bɩ Wɩa ka to nɩsɩŋ lɛ. Mɩ-na ma TƖƖNA Wɩɩjarɩbakɔ nɛ bʋla.”

ƐZƖKƖƐL 31:18

Tɩa-la nɛ ŋaa Ijipiti tinteeŋ kuoro arɩ ʋ nɩaa kala. Tɩɩsɩ-la kala fa sɩ hɛ Ɛdɩŋ lɛ kʋŋ bɩ waa a kɛŋ yɩrɩŋ magʋ. Ama lɛɛlɛ, a nagɛ Ɛdɩŋ tɩɩsɩ-la sɩ sʋʋ ŋɩɩ, ʋ ma jaŋ sʋʋ a mʋ lɛlɛɛ-jaŋ a pɛ nɩalɩŋ sɩ bɩ Wɩa ka to ba sɩ kpʋa laalɩŋ lɛ. Mɩ-na ma TƖƖNA Wɩɩjarɩbakɔ nɛ bʋla.”

ƐZƖKƖƐL 44:7

Ma kɛŋ nɩwogusuŋ sɩ bɩ mɩ ka to nɛ, a bɩ ba penee ma kere kʋ jʋʋ mɩ dɩɩ-bal-la a joŋ disiniŋ hɛ ʋ lɛ, bʋa-la lɛ ma sɩ yie joŋ pʋsʋŋ nʋʋŋ arɩ chalɩŋ sɩ ŋaa mɩ kʋdiilee a ŋaa Wɩɩsʋlʋŋ pɩmɛ. Ma chei nii-la sɩ hɛ mɩ dɩ ma pɛgɛ nɛ, a tɩŋ wʋkɩsɩa-la kala ma sɩ ŋaa wɩaa.

LEVI DOHO NƖAA 19:27

Má pʋpɔ má sɩ́ ma nyusuŋ sɛsɩŋ kɛ, a sɩ́ ma tɔŋŋɔɔ ma kɛ.

LEVI DOHO NƖAA 26:41

ŋɩɩ leŋ mɩ yaraa hosi ba lɛ, mɩ kiriba hɛ ba dʋndɔŋŋɔɔ tinteyee lɛ, dɩ ba nɛ leŋ ba babii-ballɩŋ aŋ kɛŋ ba tɩtɩa muuri a na hɛɛ-la sɩ maga dɩ ba na, a tɩŋ ba wʋbɔmɔ-la wɩaa,

AMƆS 3:2

Ʋ sɩ, “Tinteye-la kala sɩ hɛ dʋnɩa lɛ, ma dʋndʋŋa nɛ mɩ lɩɩsɛ. Ŋɩɩ wɩaa nɛ tɩɩ mɩ jaŋ dɔgɩsɛma a tɩŋ ma wʋbɔŋŋɔɔ wɩaa.

Rom Tɩŋŋaa 2:28

Ŋ yaraa wʋŋaalaa dee bɩ ŋaa ŋ ŋaa Juu tɩɩna. Ŋ sɩ keri ŋ nammɩa ma ta dee bɩ tɩɩ.

Rom Tɩŋŋaa 2:29

Ama nɩɩ-la sɩ ŋaa Juu-tɩtɩɩ, ʋ tʋɔŋ wʋŋaalaa lɛ nɛ tɩɩ ʋ ŋaa Juu tɩɩna. Nɩɩ-la sɩ kɛŋ tʋɔpʋla, ʋ nɛ nɩɩ-la sɩ keri ʋ peniŋ. Wɩa Dɩŋ-zɔmʋŋ nɛ jaŋ wuo ŋaa ŋɩɩ pɩŋ, ŋ sɩ keri ŋ yaraa nammɩa ta dee. Wɩa nɛ jaŋ bɛsɛ ʋ tɩɩna lɛ, nuhuobiiŋ dee bɩ jaŋ bɛsɛ ʋ lɛ.

1 SAMƲƐL 14:6

Jonataŋ bɩra bʋla pɩ ʋ bapʋɔsɩ-bie-la sɩɩ kori ʋ laalɩyuori kɩaa, “Kɔ dɩ la chol a mʋ Fɩlɩsɩtɩa tɩmma-la sɩ bɩ la Wɩa ka to leriŋ. Kapo La TƖƖNA jaŋ pɛ la lɛ. Wɩɩkala bɩ jaŋ wuo pɔ dɩ La TƖƖNA sɩ́ la laa ta, dɩ la yʋga koo dɩ la bɩ yʋgɛ.”

1 SAMƲƐL 17:26

Devit pɩɛsɛ laalɩyuoro-la dɔnsʋŋ sɩ chɩna kpagʋ, “Ma sɩ bɛɛ nɛ ba jaŋ ŋaa pɩ nɩɩ-la sɩ jaŋ kpʋ Fɩlɩsɩtɩa tɩŋŋaa baala deeŋ a lɩɩsɛ Iziral tɩŋŋaa hɩɩsɩŋ lɛ? Kʋbɛɛ nɛ ka Fɩlɩsɩtɩa tɩɩna deeŋ sɩ bɩ Wɩa ka to, aa tʋʋsɛ Wɩa-la sɩ weye laalɩyuoroo joŋŋoo?”