JƐRƖMAAYA 9:24 - WƖA TENIŊ

²⁴ Ama, leŋ dɩ nʋʋkala nɩɩ ŋmoo ʋ bɔyɛ, ʋ ŋmoo ʋ bɔyɛ a mʋ tɩgɛ wɩɩŋ deeŋ nɛ: Arɩ ʋ jɩŋ mɩ wɩaa sɩaa nɛ, a jɩmmɛ dɩ mɩ nɛ ŋaa ʋ TƖƖNA. Nɩɩ-la sɩ cho nɩaa a kɛŋ wʋtɩtɩɩ arɩ tʋɔpʋla a ŋɩŋaa wɩaa tinteeŋ lɛ, wɩaa deemba nɩɩ tɔrɛ mɩ tʋɔŋ. Mɩ-na ma TƖƖNA nɛ bʋla.”

JƐRƖMAAYA 9:24 ပူးပေါင်းရင်းမြစ်များ

WƖA YƖƖLAA 20:7

Nɩaa dɔnsʋŋ joŋ ba yɩɛlaa hɛ ba laalɩyuori janɩŋ torukoba arɩ ba janɩŋ doluŋ lɛ nɛ, ama la-na joŋ la yɩɛlaa kala hɛ La Tɩɩna Wɩa lɛ nɛ.

WƖA YƖƖLAA 34:2

Mɩ jaŋ dɛnnʋ a tɩŋ wɩɩ-la ʋ sɩ ŋaa wɩaa, a leŋ nɩalɩŋ kala sɩɩ na hɛɛŋ nɩɩ, dɩ ba tʋɔŋ tɔrɛ.

WƖA YƖƖLAA 34:3

Má pɛ mɩ lɛ dɩ la dɛnnɛ La Tɩɩna, má leŋ la gbaara yɩrɛ ʋ yɩrɩ-balɩŋ.

WƖA YƖƖLAA 44:8

Wɩa, ŋ nɛ la kaa ŋmoo bɔyɛ bʋa kala lɛ, la jaŋ dɛnnɩŋ a kaa mʋ wuu.

WƖA YƖƖLAA 44:9

Ama lɛɛlɛ ŋ vɩala ta nɛ a kɛnla muuri, ŋ bɩra bɩ la laalɩyuoroo sɩpaaŋ laa a kɛnla mʋmʋ laalɩŋ.

WƖA YƖƖLAA 51:1

Wɩa, ŋ chonuŋ sɩ bɩ dɛrɛ wɩaa, mɩɩ sʋlʋŋ, fá mɩ nenige. Ŋŋ fá nɩaa nenige kɩŋkɛŋ nɛ. Mɩɩ sʋlʋŋ, joŋ mɩ wʋbɔmɔ-la chɛmɛ.

WƖA YƖƖLAA 91:14

Wɩa sɩ, “Nɩalɩŋ kala sɩ chomi, mɩ jaŋ laaba ta, mɩ jaŋ chu tɔ ba lɛ a tɩŋ ba sɩ jɩmmɛ wɩaa.

WƖA YƖƖLAA 99:4

Kuoro kɛŋ doluŋ, ʋ cho wʋtɩtɩɩ nɛ. Ŋ leŋe wʋtɩtɩɩ chaasa chɩŋ nɛ kpaŋkpaŋ Iziral tinteeŋ kala lɛ, a ŋaa wɩɩ-la sɩ maga arɩ wʋtɩtɩɩ.

AZAAYA 20:5

Nɩalɩŋ kala sɩ joŋ ba yɩɛlaa Kus lɛ, aŋ bibigisi Ijipiti lɛ, fawʋllʋŋ jaŋ kɛmba, dɩ hɩɩsɩŋ diiba.

AZAAYA 41:16

Ma jaŋ ŋmooba villi, dɩ pel-duoŋ paaba viiri. Ma tʋɔŋ jaŋ tɔrɛ mɩ-na ma TƖƖNA sɩ ŋaa Iziral tɩŋŋaa Wɩa sɩ bɩ disiniŋ kɛnɛ nyuŋ a chʋɔlɛmɛ.

AZAAYA 45:25

La TƖƖNA jaŋ leŋ dɩ Jekɔb doho nɩaa kala ŋaa tʋɔpʋl tɩmma dɩ ba yɩrɩŋ yɩrɛ.

AZAAYA 61:8

La TƖƖNA sɩ, “Mɩ-na ma TƖƖNA cho wʋtɩtɩɩ nɛ woruŋ, aŋ bɛrɛ gaarɩŋ arɩ wʋbɔŋŋɔɔ ŋaanɩŋ. Mɩ jaŋ tiŋ mɩ nɩaa arɩ tʋɔpʋla aŋ bil nii-la sɩ bɩ dɛrɛ mɩ dɩ ba pɛgɛ.

JƐRƖMAAYA 22:16

Ʋ fa chɩna gbɛrɛ summoo arɩ nɩalɩŋ sɩ bɩ ba tɩtɩa lɛ wuo pɛ nɛ, wɩaa vɛŋ woruŋ a pʋ. Ŋɩɩ nɩa sɩ jaŋ ŋaa a dagɛ arɩ ʋ jɩmmɛ nɛ ŋɩɩ. Mɩ-na ma TƖƖNA nɛ bʋla.

JƐRƖMAAYA 4:2

aŋ kɛŋ wʋtɩtɩɩ, a ŋɩŋaa wɩaa ba bʋa lɛ arɩ tʋɔpʋla a ŋmɩɛsɛ mɩ-na ma TƖƖNA sɩ weye, ŋɩɩ na, tinteyee nɩaa jaŋ chɩchɛ dɩ mɩ pɛ ba ma lɛ, dɩ nɩaa kala jʋjʋɔsɛ mɩ teeŋ.”

MƖKA 6:8

Aɩ, Wɩa dagɛla wɩɩ-la sɩ zɔmɔ nɛ. Wʋbɛɛ nɛ La TƖƖNA chɩchɛ dɩ la ŋaa? Ʋʋ chɛ dɩ la kɛŋ wʋtɩtɩɩ a ŋɩŋaa wɩaa, a cho nɩaa, a muuri la tɩtɩa a tuto ʋ wombiiŋ.

MƖKA 7:18

Wɩa, nʋʋkala tuo a nagɩŋ, ŋ nɛ nɩɩ-la sɩ joŋ ŋ nɩalɩŋ sɩ ka a bɩ sʋba wʋcheelee arɩ ba wʋbɔŋŋɔɔ a chɛba. Ŋ bɩ baanɩŋ na didieni, ŋ cho nɩaa nenige fanɩŋ nɛ.

Matiu 11:27

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma sɩ naga. Nʋʋkala bɩra bɩ ʋ jɩŋ, see nɩalɩŋ mɩ sɩ cho dɩ mɩ daga pa.”

Luuk 10:22

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma ma sɩ naga. Nʋʋkala bɩra bɩ ʋ jɩŋ, see nɩalɩŋ dʋndʋŋa mɩ sɩ cho dɩ mɩ daga.”

Jɔɔŋ 17:3

Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ.

Rom Tɩŋŋaa 5:11

Ŋɩɩ ma dʋndʋŋa dee, laa jʋɔsʋ nɛ a tɩŋ Wɩa sɩ to La Tɩɩna Yesu Kirisito lɛ a leŋ la ŋaa sɩma.

1 Kɔrɩntɩ Nɩaa 1:31

Wɩa teniŋ tʋɔŋ ba sɩ, “Dɩ nʋʋkala nɩɩ bigisi ʋ tɩtɩa lɛ, ʋ maga dɩ ʋ bigisi a mʋ tɩgɛ wɩɩ-la La Tɩɩna sɩ ŋaa lɛ nɛ.”

2 Kɔrɩntɩ Nɩaa 10:17

Wɩa teniŋ tʋɔŋ ba sɩ, “Dɩ nʋʋkala nɩɩ bigisi ʋ tɩtɩa lɛ, ʋ maga dɩ ʋ bigisi a mʋ tɩgɛ wɩɩ-la La Tɩɩna sɩ ŋaa lɛ nɛ.”

2 Kɔrɩntɩ Nɩaa 4:6

Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.

Galiisia Nɩaa 6:14

Ama mɩ-na, mɩ jaŋ bigisi mɩ tɩtɩa lɛ arɩ La Tɩɩna Yesu Kirisito sɩ sʋʋ daagɛsɛ-la nyuŋ dʋndʋŋa wɩaa. A tɩŋ ʋ sɩ sʋʋ ŋɩɩ, dʋnɩa wɩaa nagɛ wʋsʋʋnɩ nɛ mɩ teeŋ, mɩ ma nagɛ nɩsʋʋ dʋnɩa wɩaa teeŋ.

Fɩlɩpa Nɩaa 3:3

La nɛ paala chaasa ŋaa nɩalɩŋ sɩ sɛnɛ keri ba penee, bɛɛ wɩaa la-na to Wɩa Dɩŋ-zɔmʋŋ niiŋ lɛ nɛ aa chʋɔlɛ Wɩa. Ŋɩɩ wɩaa, laa jʋɔsɛ Kirisito Yesu teeŋ nɛ. La-na bɩ la yɩɛlaa joŋo hɛ yaraa wʋŋaalaa lɛ.

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.

1 SAMƲƐL 15:22

Samʋɛl pɩɛsɛ, “Wʋbɛɛ nɛ La TƖƖNA chɩchɛ, kʋnyɩgaa Wɩɩsʋlʋŋ koo ba sɩ kpʋ pʋsʋŋ a sʋl Wɩɩsʋlʋŋ koo nʋʋ sɩ to ʋ niiŋ lɛ nɛ? Dɩ ŋ nɛ to ʋ niiŋ ʋ nɛ kpɩa ŋ sɩ kpʋ pie-belliŋ sɩ zɔmɔ a nyɩga ŋaa Wɩɩsʋlʋŋ pʋ.