JƐRƖMAAYA 9:23 - WƖA TENIŊ

²³ Wɩɩ-la La TƖƖNA bɩra sɩ bʋla nɛ ŋ-la: “Wʋjɩnna bɩ maga dɩ ʋ kɛŋ ʋ wʋjɩmɩŋ ŋmoo bɔyɛ. Nɩduoŋ ma bɩ maga ʋ kɛŋ ʋ doluŋ ŋmoo bɔyɛ. Kɩaa tɩɩna ma bɩ maga dɩ ʋ kɛŋ ʋ kɩaa ŋmoo bɔyɛ.

JƐRƖMAAYA 9:23 ပူးပေါင်းရင်းမြစ်များ

JOB 32:13

Má sɩ́ bʋl arɩ ma na wʋjɩmɩŋ nɛ, má leŋ dɩ Wɩa nɛ bʋl arɩ Job kɩaa bɩ sɩŋ, nuhuobiine dee.

JOB 41:15

Ʋ yaraa puruŋ kpalɩba nɛ, a chaasa jʋʋ dɔŋɔ woruŋ.

WƖA YƖƖLAA 33:5

La Tɩɩna cho tʋɔpʋla arɩ wʋtɩtɩɩ nɛ. Ʋ chono-la sɩ bɩ dɛrɛ su dʋnɩa sɛmɛ kala nɛ.

WƖA YƖƖLAA 34:3

Má pɛ mɩ lɛ dɩ la dɛnnɛ La Tɩɩna, má leŋ la gbaara yɩrɛ ʋ yɩrɩ-balɩŋ.

WƖA YƖƖLAA 44:9

Ama lɛɛlɛ ŋ vɩala ta nɛ a kɛnla muuri, ŋ bɩra bɩ la laalɩyuoroo sɩpaaŋ laa a kɛnla mʋmʋ laalɩŋ.

WƖA YƖƖLAA 62:10

Má sɩ́ dol-la ma sɩɩ dii nɩaa lɛ kaa ŋmoo bɔyɛ, koo a kɛŋ gaarɩ-kɩaa dɩdagɛ ma tɩtɩa. Dɩ ma dʋa nɛ paala pʋŋa yʋgɛ ma, má sɩ́ ma yɩɛlaa joŋo hɛ ba lɛ.

NAMAGABA 11:4

Dʋa ŋaa pɛɩ nɛ tapʋlɩɩ-la La Tɩɩna sɩ jaŋ na baanɩŋ, ama tʋɔpʋla-na jaŋ laaŋ ta sʋʋŋ lɛ.

NAMAGABA 21:30

Ŋ cho ŋ kɛŋ wʋjɩmɩŋ koo ŋ jɩŋ wɩaa sɩaa koo a bɩbɩɩnɛ wɩaa woruŋ ɛɛ kala, ŋɩɩ bɩ jaŋ wuo leŋ dɩ ŋ chɩŋ La Tɩɩna sɩpaaŋ.

NAMAGABA 3:5

Laa La Tɩɩna dii arɩ ŋ tʋɔŋ kala, aŋ sɩ́ ŋ tɩtɩa tʋɔbɩɩnaa lɛ to.

TƖƖCHA 2:19

Nʋʋkala bɩ jaŋ jɩŋ dɩ nɩɩ-la sɩ jaŋ tɩgɛ mɩ lɛ ŋaa wʋjɩnnʋ koo nɩyaarɩ. Ka ʋ nɛ jaŋ dii kɩalɩŋ kala mɩ sɩ kɛŋ mɩ wʋjɩmɩŋ faasa tɩma na dʋnɩa lɛ. Wɩɩŋ deeŋ ma bɩ bʋbʋɔ kɛnɛ.

TƖƖCHA 9:11

Wɩɩ dɔŋ ma nɛ mɩ bɩra na dʋnɩa lɛ: Naachɛ-lɩmɩŋ tɩɩna dee bɩ fá didii, nɩduoŋ ma dee bɩ laalɩŋ yuo didii. Wʋjɩnna dee bɩ kʋdiilee na didii bʋa-kala, nɩɩ-la sɩ jɩŋ wɩaa sɩaa ma dee bɩ dʋa ka kɛŋ. Nɩalɩŋ sɩ kɛŋ jɩma yie bɩ lere-la sɩ maga dɩ ba jomba hɛ ka na, ama nyu-sɩmɩŋ ka puu nʋʋkala nɛ.

AZAAYA 10:8

Ʋ bigisi ʋ tɩtɩa lɛ nɛ a bʋl, ‘Mɩ laalɩyuori-hɩasɩŋ kala ŋaa kuoroo nɛ.

AZAAYA 20:5

Nɩalɩŋ kala sɩ joŋ ba yɩɛlaa Kus lɛ, aŋ bibigisi Ijipiti lɛ, fawʋllʋŋ jaŋ kɛmba, dɩ hɩɩsɩŋ diiba.

AZAAYA 47:10

Ŋ joŋ ŋ yɩɛlaa hɛ wʋbɔŋŋɔɔ ŋaanɩŋ lɛ nɛ aŋ bʋl, ‘Nʋʋkala bɩ mɩɩ na.’ Ŋ wʋjɩmɩŋ arɩ ŋ kʋjɩma leŋe ŋ yeŋŋi nɛ. Ŋ sɩ ŋ dʋndʋŋa nɛ hɛ nɩmɛ. Kʋŋ dɔŋ bɩra tuo a magɩŋ.

AZAAYA 5:21

Wɩɩŋ puu ma nɩalɩŋ sɩ bɩɩna dɩ ba kɛŋ wʋjɩmɩŋ nɛ, a na ba tɩtɩa arɩ ba nɛ ŋaa wʋjɩnnaa.

JƐRƖMAAYA 31:34

Nʋʋkala bɩra bɩ jaŋ dagɛ ʋ dɔŋɔ tɩɩna koo ʋ naambii ŋɩɩ ʋ sɩ jaŋ ŋaa a jɩmmɛ, bɛɛ wɩaa ba kala jaŋ jɩmmɛ, a chɩŋ nɩbiisiŋ lɛ a kaa jɩl nɩbalaa. Mɩ jaŋ joŋ ba wʋbɔŋŋɔɔ chɛba. Mɩ bɩra bɩ jaŋ liliisi ba wʋbɔŋŋɔɔ wɩaa. Mɩ-na ma Tɩɩna nɛ bʋla.”

JƐRƖMAAYA 48:14

Ɛɛ nɛ ma jaŋ wuo bʋl: La ŋaa bayuoroo nɛ, a jɩŋ laalɩŋ yuonuŋ woruŋ.

JƐRƖMAAYA 48:7

Mʋab, ŋ sɩ joŋ ŋ yɩɛlaa hɛ ŋ wʋŋaalaa arɩ ŋ sɩ kɛŋ kɩaa lɛ ŋɩɩ, ba jaŋ yuo kɛŋ ŋ ma, a joŋ vene-la ba sɩɩ yɩrɛ Chɛmɔs mʋ yoŋ-baga, ʋ dɩ nɩalɩŋ sɩɩ kpaarʋ arɩ ʋ tɩntɩnnɩ-hɩasɩŋ.

JƐRƖMAAYA 49:4

Bɛɛ nɛ tɩɩ ma bibigisi ma doluŋ lɛ? Ma doluŋ ka dɛrɛ nɛ. Ma ŋaa nɩa sɩ bɩ wʋtɩtɩɩ kɛnɛ nɛ. Ma joŋ ma yɩɛlaa hɛ ma kɩaa lɛ nɛ aŋ bʋl, ‘Kʋbɛɛ nɛ jaŋ wuo yuola?’

ƐZƖKƖƐL 29:9

Ijipiti tinteeŋ jaŋ pɩŋ hoi. Ŋɩɩ nɛ ba jaŋ jɩŋ arɩ mɩ nɛ ba TƖƖNA. A tɩŋ ŋ fa sɩ sɩ, ‘Naayɩl fuo-la ŋaa mɩ kʋa nɛ, mɩ-na nɛ luo.’

ƐZƖKƖƐL 7:19

Ba jaŋ joŋ ba hɔpʋla yuo ta womporunuŋ lɛ, ba sɛlɩmɛ jaŋ ŋaa kʋŋ sɩ kɛŋ disiniŋ a pɩba. Ba sɛlɩmɛ arɩ ba hɔpʋla bɩ jaŋ wuo laaba ta tapʋlɩɩ-la La TƖƖNA sɩ jaŋ na baanɩŋ ba nyuŋ. Kɩalɩŋ bɩ jaŋ leŋ dɩ ba vɔgɛ, ba nɛ fa leŋe ba ŋaa wʋbɔmʋŋ.

DANƖƐL 3:15

Lɛɛlɛ dɩ ma nɛ nɩa dɩ ba ŋmʋʋ nyile, ŋmʋlʋŋ, a du cheŋ, kɔnɛ arɩ gɔgʋ kɩaa, dɩ ma nɛ jaŋ tuu kpirimi a chʋɔlɛ kʋ-la mɩ sɩ leŋe ba kɛŋ sɛlɩmɛ ŋaa bil, ʋ chaasa ŋaa wʋzɔŋ nɛ. Ama dɩ ma nɛ vɩa dɩ ma chʋɔlʋ, ba jaŋ guu jomma yuo hɛ nyiŋ-balɩŋ tʋɔŋ. Ka dɩ mɩ na vene-la sɩ jaŋ wuo laama ta mɩ nɩsɩŋ lɛ.”

DANƖƐL 4:37

Lɛɛlɛ mɩ-na Nebukadineza ka dɛnnɛ Wɩa sɩ ŋaa kuoro a hɛ ʋ jaŋ lɛ a yɩyɩrɛ ʋ yɩrɩŋ, bɛɛ wɩaa ʋ ŋaa wɩɩkala ʋ bʋa lɛ nɛ, ʋ wʋŋaalaa kɛŋ wʋtɩtɩɩ. Nɩalɩŋ sɩɩ bigisi ba tɩtɩa lɛ, ʋ yie kɛmba muuri nɛ.

MƖKA 6:8

Aɩ, Wɩa dagɛla wɩɩ-la sɩ zɔmɔ nɛ. Wʋbɛɛ nɛ La TƖƖNA chɩchɛ dɩ la ŋaa? Ʋʋ chɛ dɩ la kɛŋ wʋtɩtɩɩ a ŋɩŋaa wɩaa, a cho nɩaa, a muuri la tɩtɩa a tuto ʋ wombiiŋ.

ZEFANAAYA 1:18

Tapʋlɩɩ-la mɩ-na ba TƖƖNA sɩ jaŋ na baanɩŋ, ba warɩpʋla koo ba sɛlɩmɛ bɩ jaŋ wuo laaba ta. Mɩ yarɩ-bieri baanɩŋ jaŋ nagɛ nyiniŋ a joŋ dʋnɩa kala dii, bɛɛ wɩaa mɩ jaŋ leŋ dɩ nʋʋkala sɩ hɛ dʋnɩa lɛ guu sʋʋ.”

Maak 10:24

Ʋ bʋl ŋɩɩ, ʋ harɩ-tooro-la hirigi. Ʋ saa mɩɩra bʋla pɩba, “Mɩ biiri, ʋ ŋaa wʋduo nɛ arɩ nɩalɩŋ sɩ kɛŋ kɩaa sɩ jaŋ wuo jʋʋ Wɩa kuorii-la tʋɔŋ.

Rom Tɩŋŋaa 1:22

Ba bɩɩna ba kɛŋ wʋjɩmɩŋ nɛ, ama ba yaara nɛ.

1 Kɔrɩntɩ Nɩaa 1:31

Wɩa teniŋ tʋɔŋ ba sɩ, “Dɩ nʋʋkala nɩɩ bigisi ʋ tɩtɩa lɛ, ʋ maga dɩ ʋ bigisi a mʋ tɩgɛ wɩɩ-la La Tɩɩna sɩ ŋaa lɛ nɛ.”

MOSIS BƖRA WULLI WƖA WOMBIIŊ 8:17

Ʋ maga dɩ má jɩŋ nɛ arɩ dʋa-la kala ma sɩ na, ma tɩtɩa doluŋ lɛ dee ma naba.

Fɩlɩpa Nɩaa 3:10

Wɩɩ-la kala mɩ sɩɩ chɛ nɛ ŋ-la: dɩ mɩ jɩŋ Yesu Kirisito, a wuo jɩŋ dol-la sɩ chɩsʋ sʋʋŋ lɛ, a wuo na hɛɛ-la doho ʋ sɩ na, a sʋʋ ŋɩɩ ʋ sɩ sʋba.

Fɩlɩpa Nɩaa 3:8

Mɩ sɩ kʋ jɩŋ mɩ Tɩɩna Yesu Kirisito, mɩ na arɩ mɩ tele nɛ wɩaa deemba lɛ. Mɩ chaasa jɩŋ arɩ ʋ nɛ kɛŋ nyʋʋrʋŋ a kɩɩ wɩaa deemba kala mɩ fa sɩɩ to. A tɩŋ Yesu wɩaa mɩ joŋ wɩɩkala yuo ta nɛ. Mɩ na arɩ ba kala nagɛ nɩsʋrʋŋ nɛ. Mɩ ŋaa ŋɩɩ dɩ mɩ wuo na nyʋʋrʋŋ nɛ Kirisito teeŋ, aŋ pɛ kɛŋ ʋ tʋɔpʋla-la,

1 Timoti 6:10

Dɩ nɩaa nɛ cho moribiee, ba jaŋ wuo ŋaa wʋbɔŋ na-kala. Nɩaa dɔnsʋŋ joŋ ŋɩɩ ba sɩ laa Wɩa dii ta nɛ a tɩŋ ba sɩ cho moribiee wɩaa, ŋɩɩ leŋ tʋɔ-cheeŋ kɩŋkɛŋ jʋʋ.

1 SAMƲƐL 17:42

Fɩlɩsɩtɩa tɩɩna-la sɩ na Devit dɩ ʋ ŋaa bapʋɔsɩ-fɩaŋ zɔŋ-bie, ʋ bee gʋʋnʋ.