JƐRƖMAAYA 9:18 - WƖA TENIŊ

¹⁸ Leŋ dɩ ba ŋaa lɩma kɔ a kʋ yel hagɔgʋŋ pɩla, a mʋ yi bʋa-la lɛ la sɩaa sɩ jaŋ pɩpɛllɛ arɩ sɩlɩɩrɩŋ, dɩ la sɩaa kala ŋaa lɩɩ.

JƐRƖMAAYA 9:18 ပူးပေါင်းရင်းမြစ်များ

WƖA YƖƖLAA 119:136

Dɩ nɩaa nɛ vɩa dɩ ba to wombii-la ŋ sɩ bile dɩ la tuto, ŋɩɩ yie leŋ mɩ yel nɛ, mɩ sɩaa kala fo sɩlɩɩrɩŋ.

AZAAYA 22:4

Ŋɩɩ nɛ mɩ bʋl, “Má mʋ aŋ lemmi, dɩ mɩ chaasa yel. Má sɩ́ mɩ bɔyɛ nyagʋ a mʋ tɩgɛ mɩ nɩalɩŋ ba sɩ kpʋa wɩaa.”

JƐRƖMAAYA 13:17

Ama dɩ ma nɛ bɩ jegile nɩɩ, mɩ jaŋ lʋara yel a tɩŋ ma babii-ballɩŋ wɩaa. Mɩ jaŋ chaasa yel woruŋ, dɩ mɩ sɩaa pɩpɛllɛ sɩlɩɩrɩŋ, bɛɛ wɩaa ba jaŋ yuo kɛsɛ La TƖƖNA nɩaa kaa viiri.

JƐRƖMAAYA 14:17

Ʋ fa bɩra bʋla pɩmɛ nɛ dɩ mɩ bʋl wɩɩŋ deeŋ pɩba: “Mɩ sɩaa ka pɛllɛ sɩlɩɩrɩŋ tɩtaŋɩŋ arɩ wɩɩhɛyɛ kala nɛ a bɩ kɛrɛ, bɛɛ wɩaa mɩ nɩaa chaasa bolimi nɛ a nɩna hɛɛŋ woruŋ.

JƐRƖMAAYA 3:24

A chɩŋ la hambiriŋ kala lɛ a kaa kɔ, vʋɩyaa sɩ ŋaa hɩɩsɩ kɩaa dii la naabalɩmaba lɔlʋŋ kala a ta nɛ: ba piesee, nɛsɩŋ, ba hambolibiisiŋ arɩ hantolibiisiŋ.

JƐRƖMAAYA 3:25

Má leŋ la yaara kɛŋ la hɩɩsɩŋ pɩŋ, a leŋ la hɩɩsɩŋ diila. La ŋaa wʋbɔŋ nɛ La TƖƖNA Wɩa lɛ, la dɩ la naabalɩmaba kala. A chɩŋ la hambiiriŋ lɛ a kaa kɔ jɩnɩŋ, la bɩ La TƖƖNA Wɩa niiŋ to.”

JƐRƖMAAYA 4:20

Wʋlɔrʋnʋ-la lɩa aŋ ka pɩpɩ dɔŋɔ nɛ. Tintee-la kala pɩŋ jikpeeniŋ nɛ. Ba guu chei mɩ lɛŋŋɛɛ nɛ, a kɩɛsɛ ba patɩɩsamba kala muno muno.

JƐRƖMAAYA 6:26

La Tɩɩna sɩ, “Mɩ nɩaa, má paa tʋɔ-chei gɛnnɩŋ laalɛ a bilimi tʋɔrʋŋ lɛ. Má chaasa yel, yel-haaŋ a nagɛ nʋʋ sɩ kɛŋ ʋ bii-bala ʋ sʋʋ. Ʋ bɩ jaŋ dieni ka dɩ nɩɩ-la sɩɩ chei leriŋ guu kɔ ma lɛ, a yuola.

JƐRƖMAAYA 7:29

Jerusalɛm tɩmma, má kɛ ma nyu-pʋnaa a yuo ta, aŋ jɩl dundol kpʋlaa nyuŋ a ta jembiee a yiyel, bɛɛ wɩaa mɩ-na ma TƖƖNA baanɩŋ sii doho deeŋ nɩaa nyuŋ nɛ, mɩ vɩaba ta.

JƐRƖMAAYA 9:1

Mɩ fa cho dɩ mɩ nyuŋ nagɛ lɩɩ-bul-sɩɩŋ nɛ dɩ mɩ sɩaa ma fa bubul sɩlɩɩrɩŋ. Mɩ fa jaŋ yel tɩtaŋɩŋ arɩ wɩɩhɛyɛ kala a tɩŋ ba sɩ kpʋ mɩ nɩaa wɩaa.

JƐRƖMAAYA 9:10

Ŋɩɩ nɛ mɩ bʋl, “Mɩ jaŋ yele pɩ peelee aŋ ta jembiiŋ tɩgɛ ba pʋsʋŋ dɩ-diilee lɛ. Ba pɩna nɛ hoi, nʋʋkala bɩ nɩmɛ ka vɛŋ, ŋ bɩra bɩ nɛsɩŋ yele ka nɩɩ nɩmɛ. Diibiisiŋ kala file lɛl nɛ, bagɩlaa ma fá viiri.”

JƐRƖMAAYA 9:20

Ou, haalaa, lɛɛlɛ má jegile nɩɩ La TƖƖNA wɩaa. Má suri ma dɩgɩlaa a nɩɩ ʋ niiŋ wɩaa. Má dagɛ ma toloo ŋɩɩ ba sɩɩ yel, má dagɛ dɔŋɔ hagɔgʋŋ.

JEMBIEE 1:2

Ʋ chaasa yel nɛ tɩtaŋɩŋ, ʋ chaŋkpaŋŋaa kala ŋaa sɩlɩɩrɩŋ. Ʋ hɩɩlaa kala tʋɔŋ nʋʋkala tuo dɩ ʋ nyagɛ ʋ bɔyɛ. Ʋ tanlɔsʋŋ kala joŋu yallɛ nɛ, ba mɩɩra ŋaa ʋ dʋndɔmɔ nɛ.

JEMBIEE 2:11

Mɩ yele, mɩ sɩaa bɩra bɩ na, mɩ tʋɔŋ kala chei. Mɩ kala nɛ bɛsɩmɛ arɩ tʋɔ-cheeŋ a tɩŋ ba sɩ chei mɩ nɩaa wɩaa. Hambiisiŋ arɩ bii-mulluŋ yiege nɛ a pɩŋ tabal-la womporunuŋ lɛ.

JEMBIEE 2:13

Jerusalɛm nɩaa, wʋbɛɛ nɛ mɩ jaŋ wuo bʋla pɩma? Bɛɛ kʋŋ nɛ mɩ jaŋ kɛmma kaa magɩsɛ? Ɛɛ nɛ mɩ jaŋ ŋaa nyagɛ ma bɔyɛ dɩ ma tʋɔŋ pɩŋ dɩ-bala? Ma naawɩɩlɩŋ luŋie a nagɛ mʋga nɛ. Kʋbɛɛ nɛ jaŋ wuo vaarɛma?

JEMBIEE 2:18

Jerusalɛm, leŋ dɩ ŋ kɛrɩsɩŋ ŋmoo niiŋ a pɩ la TƖƖNA a nagɛ nɩaa sɩɩ yel. Leŋ dɩ ma sɩlɩɩrɩŋ pɛllɛ a nagɛ fuoŋ wɩɩhɛyɛ arɩ tɩtaŋɩŋ kala. Má sɩ́ wiesu, a sɩ́ leŋe dɩ ma sɩaa ma wiesi.

JEMBIEE 3:48

Ba chei mɩ nɩaa nɛ, ŋɩɩ nɛ tɩɩ sɩlɩɩrɩŋ pɩpɛllɛ mɩ sɩaa lɛ a nagɛ fuoŋ.

AMƆS 5:16

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Ma jaŋ nɩɩ dɩ baa ŋmoo niiŋ womporunuŋ arɩ bilii kala lɛ. Ba jaŋ paala yɩrɛ paaraa dɩ ba kʋ pɛ gɔgɔɔ lɛ dɩ ba yel kɩŋkɛŋ.

Luuk 19:41

Yesu sɩɩ mʋ ŋɩɩ, ʋ kʋ kpagɛ Jerusalɛm a na taŋ-la. Ʋ yel a tɩŋ taŋ-la nɩaa wɩaa aŋ bʋl,