JƐRƖMAAYA 9:15 - WƖA TENIŊ

¹⁵ Ŋɩɩ wɩaa, wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Má bee na, mɩ jaŋ leŋ dɩ nɩaa deemba dii kʋdii haarɩŋ, a nyʋa lɩɩŋ ba sɩ hɛ bɩɛlɩŋ.

JƐRƖMAAYA 9:15 ပူးပေါင်းရင်းမြစ်များ

WƖA YƖƖLAA 60:3

Ŋ leŋe ŋ nɩaa na hɛɛŋ kɩŋkɛŋ nɛ. La kala bugo nɛ a gɩgɛrɛ a nagɛ nɩaa sɩ nyʋa sɩnɩŋ bugi.

WƖA YƖƖLAA 69:21

Ba joŋ daalusuŋ hɛ mɩ kʋdiilee lɛ nɛ a pɩmɛ, a ŋaa sɩnɩŋ sɩ nyala a pɩmɛ dɩ mɩ nyʋa.

WƖA YƖƖLAA 75:8

La Tɩɩna baanɩŋ sie nɛ a nagɛ sɩ-duoŋ sɩ su nyʋnyʋala ʋ kori. Ʋ wansa pɩ nɩbɔŋŋɔɔ kala sɩ hɛ dʋnɩa lɛ, ba nyʋa ʋ kala fɩɩp.

WƖA YƖƖLAA 80:5

Ŋ leŋe tʋɔ-cheeŋ nɛ ŋaa ba kʋdiilee, sɩlɩɩrɩŋ ma ŋaa ba lɩɩ-nyʋalʋŋ.

AZAAYA 2:17

Nuhuobiine dagɛ ŋ-tɩtɩɩ arɩ ʋ babii-ballɩŋ kala jaŋ dɛrɛ. La TƖƖNA yɩrɩŋ dʋndʋŋa nɛ jaŋ yɩyɩrɛ.

AZAAYA 2:22

Má sɩ́ ma yɩɛlaa joŋo hɛ nuhuobiine lɛ. Ʋ bɩ jaŋ dieni aŋ sʋʋ. Ʋ bɩ dol kala kɛnɛ.

JƐRƖMAAYA 23:15

Ŋɩɩ wɩaa, wɩɩ-la La TƖƖNA doluŋ kala Tɩɩna bɩra sɩ bʋla tɩgɛ ʋ wʋlaabʋlla-la lɛ nɛ ŋ-la: “Mɩ jaŋ leŋ dɩ ba dii kʋdii haarɩŋ, aŋ nyʋa lɩɩŋ ba sɩ hɛ bɩɛlɩŋ, bɛɛ wɩaa, mɩ wʋlaabʋlla-la nɛ leŋe wʋbɔŋŋɔɔ ŋaanɩŋ pʋrɩgɛ tintee-la kala lɛ.

JƐRƖMAAYA 24:10

Mɩ jaŋ joŋ laalɩŋ, losuŋ arɩ nyanyalɩɩ a hɛ ba lɛ, a cheiba ŋɩɩ halɩɩ dɩ ba dɛrɛ tintee-la mɩ sɩ joŋo pɩ ba dɩ ba naabalɩmaba lɛ.”

JƐRƖMAAYA 25:15

Wɩɩ-la La TƖƖNA, Iziral tɩŋŋaa Wɩa sɩ bʋla pɩmɛ nɛ ŋ-la: “Laa mɩ baanɩŋ sɩ nagɛ girep nɛnɛɛ sɩnɩŋ sɩ dolie a su nyʋnyʋala mɩ nɩsɩŋ lɛ, a kaa mʋ a leŋ dɩ tinteye-la kala nɩaa teeŋ mɩ sɩ tɩmɩŋ nyʋa.

JƐRƖMAAYA 44:27

Mɩ bene a chɩchɛ wombiiŋ nɛ dɩ mɩ ŋaaba wʋbɔŋ, wʋzɔŋ dee. Juu tɩmma-la sɩ hɛ Ijipiti lɛ jaŋ sʋʋ laalɩŋ lɛ, koo losuŋ kpʋba, dɩ ba kala dɛrɛ.

JƐRƖMAAYA 49:37

Mɩ jaŋ leŋ dɩ fawʋllʋŋ kɛŋ Ɛlam nɩaa ba dʋndɔŋŋɔɔ sɩpaaŋ, nɩalɩŋ sɩɩ chɛ ba lɩɩsɛ ba mɩɩsɩŋ. Mɩ jaŋ chaasa na baanɩŋ a kɛŋ wʋlɔrʋŋ kʋ hɛ ba lɛ. Mɩ jaŋ joŋ laalɩŋ kire to ba harɩŋ, see dɩ mɩ dɛrɛ ba kala. Mɩ-na ma TƖƖNA nɛ bʋla.

JƐRƖMAAYA 8:14

Ŋɩɩ nɛ Juda nɩaa pɩɛsɛ dɔŋɔ, “Bɛɛ nɛ tɩɩ la ha hɔŋ daha? Má kʋ hɛ dɔŋɔ! Má leŋ dɩ la fá mʋ tabala-la ba sɩ saa kɛrɩsɩŋ golli a sʋʋ nɩmɛ. La TƖƖNA Wɩa ka chɛ dɩ ʋ kpʋla nɛ a joŋ bɩɛlɩŋ hɛ lɩɩŋ lɛ dɩ la nyʋa, a tɩŋ la sɩ ŋaa wʋbɔŋŋɔɔ ʋ lɛ wɩaa.

JEMBIEE 3:15

Ʋ leŋe mɩ na hɛɛŋ a nagɛ nɩa sɩ nyʋa susuŋ sɩ hɛyɛ nɛ.

JEMBIEE 3:19

Mɩ sɩ liise yi ŋɩɩ mɩ sɩ na hɛɛŋ a gɔllɔ baarɛ lɛ, ʋ nagɛ susuŋ sɩ hɛyɛ nɛ mɩ teeŋ.

ƐZƖKƖƐL 5:12

Nyanyalaa arɩ losuŋ jaŋ kpʋ nɩalɩŋ dɔnsʋŋ sɩ hɛ ŋ lɛ, ba jaŋ kpʋ dɔnsʋŋ ma laalɩŋ lɛ taŋ-la harɩŋ, ka mɩ kɛŋ ba dɔnsʋŋ ma pɩsɛ lee-kala, aŋ kire to ba harɩŋ arɩ laalɩŋ.

ƐZƖKƖƐL 5:2

Dɩ tapʋlɩa-la ŋ sɩ golli tabal-la a yuyuo nɛ kʋ dɛrɛ, joŋ pʋna-la sɛmɛ dɔŋɔ nyɩgɛ tabal-la tʋɔŋ. Joŋ pʋna-la sɛmɛ dɔŋɔ ma a kɛŋ tokobii-la ta kikeri aŋ gugolli tabal-la. Joŋ sɛmɛ dɔŋɔ ma yuo dɩ peliŋ kaa jaasɛ. Mɩ jaŋ leŋ dɩ laalɩŋ kire to ba harɩŋ.

MOSIS BƖRA WULLI WƖA WOMBIIŊ 28:36

La TƖƖNA jaŋ kiri ma dɩ ma kuoro kala a mʋ hɛ tintee-wogo lɛ ma dɩ ma nyɩmmaba ha sɩ bɩ jɩŋ. Nɩmɛ ma jaŋ kpaarɛ vesiŋ ba sɩ kɛŋ daasɩŋ arɩ tabɩaa a ŋaa.

MOSIS BƖRA WULLI WƖA WOMBIIŊ 29:18

Má hɛ doluŋ aŋ pɔ dɩ baal koo haal koo nyɩŋ-nʋʋ koo doho nʋʋ sɩ hɛ ma tʋɔŋ jɩnɩŋ sɩ́ ʋ harɩŋ joŋo yɩa la TƖƖNA Wɩa, aŋ mʋ kpʋkpaarɛ tinteye-la kʋŋ vesiŋ. Má pɔ dɩ ma doho nʋʋkala sɩ́ wʋbɔŋ-la ŋaa sɩ jaŋ cheima.

Jɔɔŋ Wʋnaalaa 8:11

Chɛnwʋl-la yɩrɩŋ nɛ kʋhaaŋ. Ʋ sɩ hɛyɛ ŋɩɩ, lɩɩ-la tʋɔŋ ʋ sɩ tele ma hɛɩ. Lɩɩ-la sɩ hɛyɛ ŋɩɩ, nɩ-daŋ-la sɩ nyʋa lɩɩ-haa-la, ba sʋʋ.