JƐRƖMAAYA 9:14 - WƖA TENIŊ

¹⁴ Ama ba mɩɩra to ba nyuduoŋ harɩŋ nɛ. Ba fa to vene-la ba sɩɩ yɩrɛ Baal nɛ, arɩ ba nyɩmmaba fa sɩ dagɛba ŋɩɩ.

JƐRƖMAAYA 9:14 ပူးပေါင်းရင်းမြစ်များ

WƖAA DƖ-SUOMUŊ 6:5

La TƖƖNA na ŋɩɩ nuhuobiine tʋɔŋ sɩ hɛyɛ dʋnɩa tʋɔŋ, ʋ tʋɔbɩɩnaa ma kala lɔrɛ bʋa na-kala.

JOB 9:18

Ʋ bɩ jaŋ leŋ dɩ mɩ na wiese mʋa ma, ama ʋ jaŋ leŋ dɩ mɩ hɛɛŋ faasa yʋgɛ.

JƐRƖMAAYA 11:8

Ama ba bɩ jegile nɩɩ, aŋ vɩa dɩ ba tomi, ba mɩɩra to ba nyuduoŋ arɩ tʋɔbɩɩŋ bɔŋŋɔɔ harɩŋ nɛ. Ŋɩɩ nɛ mɩ joŋ ŋmɩaŋ-la kala sɩ hɛ nii-la sɩ hɛ mɩ dɩ ba pɛgɛ a hɛ ba lɛ. Nii-la mɩ fa sɩ sɩ ba to ka ba bɩ to.’ ”

JƐRƖMAAYA 13:10

Nɩbɔŋŋɔɔ deemba sɩ vɩa dɩ ba jegile nɩɩ mɩ wɩaa, nɩalɩŋ sɩɩ to ba nyuduoŋ harɩŋ, a kire tuto vʋɩyaa harɩŋ a tɩma pɩpɩba a kpʋkpaarɛba jaŋ nagɛ tɩŋgɛnnɛ deeŋ. Ba jaŋ chei a chaasa ŋaa nɩpɛɩba.

JƐRƖMAAYA 16:12

Ama ma nɛ paala ŋaa wʋbɔŋŋɔɔ a kɩɩ ma naabalɩmaba-la. Ma kʋŋkala kɛŋ nyuduoŋ nɛ a to ʋ tʋɔbɔmʋŋ harɩŋ, aŋ vɩa dɩ ʋ sɛɩ mɩ niiŋ.

JƐRƖMAAYA 2:23

Ɛɛ nɛ saa ma jaŋ wuo bʋl, ‘La bɩ disiniŋ ŋaa chei la tɩtɩa, la bɩ vene-la ba sɩɩ yɩrɛ Baal kpaara?’ Má beŋ wɩalɩŋ ma sɩ ŋaa fuonaaŋ lɛ. Má kɛŋ wɩalɩŋ ma sɩ ŋaa bɩɩna na. Ma nagɛ bʋntaŋŋɩ-nɩɩŋ sɩ gɔllɔ fá a chɩchɛ belliŋ dɩ ba jɩlʋ nɛ.

JƐRƖMAAYA 2:8

Wɩɩsʋllɩ sɩpaalaaraa bɩ pɩɛsaa chɛmɛ, a bʋl, ‘Nɩɩ nɛ La TƖƖNA hɛ?’ Nɩalɩŋ sɩ maga dɩ ba dagɛ nɩaa wombii-la mɩ sɩ bile dɩ ba tuto, bɩ mɩ jɩŋ. Sɩpaalaaraa ma vɩa mɩ niiŋ nɛ. Mɩ wʋlaabʋllaa ma mɩɩra bʋbʋl wɩaa vene-la ba sɩɩ yɩrɛ Baal yɩrɩŋ lɛ, aa to vʋɩyaa sɩ ŋaa kʋpɛɩba.

JƐRƖMAAYA 23:15

Ŋɩɩ wɩaa, wɩɩ-la La TƖƖNA doluŋ kala Tɩɩna bɩra sɩ bʋla tɩgɛ ʋ wʋlaabʋlla-la lɛ nɛ ŋ-la: “Mɩ jaŋ leŋ dɩ ba dii kʋdii haarɩŋ, aŋ nyʋa lɩɩŋ ba sɩ hɛ bɩɛlɩŋ, bɛɛ wɩaa, mɩ wʋlaabʋlla-la nɛ leŋe wʋbɔŋŋɔɔ ŋaanɩŋ pʋrɩgɛ tintee-la kala lɛ.

JƐRƖMAAYA 23:27

Ba bɩɩna ba sɩ bʋl duosoo wɩaa pɩpɩ dɔŋɔ ŋɩɩ jaŋ leŋ dɩ mɩ nɩaa yʋ mɩ wɩaa, arɩ ba naabalɩmaba sɩ kpaarɛ vene-la ba sɩɩ yɩrɛ Baal a yʋ mɩ wɩaa ŋɩɩ.

JƐRƖMAAYA 3:17

Bʋa-la lɛ ba jaŋ yɩrɛ Jerusalɛm La Tɩɩna kuoru kpasa. Ŋɩɩ nɛ tinteyee nɩaa kala jaŋ kɔ Jerusalɛm a zil mɩ-na ma TƖƖNA. Ba bɩra bɩ jaŋ tuto ba nyuduoŋ arɩ ba tʋɔbɔmʋŋ harɩŋ.

JƐRƖMAAYA 44:17

La jaŋ sɛnɛ ŋaa wɩalɩŋ kala la sɩ sɩ la jaŋ ŋaa. La jaŋ nyɩgɛ kʋsʋɔrʋsʋŋ a pɩ wɩa-nyuŋ veŋ ha-kuoru-la aŋ wansɛ kʋnyʋalaa ma a pʋ, a nagɛ la dɩ la naabalɩmaba, la kuoroo arɩ la tɩntɩnnɩ-hɩasɩŋ fa sɩ ŋaa ŋɩɩ Juda tasɩŋ arɩ Jerusalɛm womporunuŋ lɛ. Bʋa-la lɛ, la fa kɛŋ kʋdiilee nɛ woruŋ a kɛŋ kɩaa, wɩɩkala bɩ laa walɩmɛ.

JƐRƖMAAYA 7:24

Ama ba fa bɩ jegile nɩɩ koo a kaa tɩŋ. Ba fa mɩɩra to ba nyuduoŋ arɩ ba tʋɔbɩɩŋ bɔŋŋɔɔ harɩŋ nɛ. Ba fa mɩɩra mʋ harɩŋ nɛ, ba bɩ sɩpaaŋ mʋa.

JƐRƖMAAYA 8:14

Ŋɩɩ nɛ Juda nɩaa pɩɛsɛ dɔŋɔ, “Bɛɛ nɛ tɩɩ la ha hɔŋ daha? Má kʋ hɛ dɔŋɔ! Má leŋ dɩ la fá mʋ tabala-la ba sɩ saa kɛrɩsɩŋ golli a sʋʋ nɩmɛ. La TƖƖNA Wɩa ka chɛ dɩ ʋ kpʋla nɛ a joŋ bɩɛlɩŋ hɛ lɩɩŋ lɛ dɩ la nyʋa, a tɩŋ la sɩ ŋaa wʋbɔŋŋɔɔ ʋ lɛ wɩaa.

JEMBIEE 3:15

Ʋ leŋe mɩ na hɛɛŋ a nagɛ nɩa sɩ nyʋa susuŋ sɩ hɛyɛ nɛ.

AMƆS 2:4

Wɩɩ-la La Tɩɩna sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Juda nɩaa a tɩŋ ba wʋbɔŋ dandaŋ-la wɩaa. Ba vɩa wɩalɩŋ mɩ-na ba TƖƖNA sɩ dagɛba nɛ, ba bɩ mɩ niiŋ sɛyɛ. Ba leŋe wʋnyɩɛrɩ vesi-la ba naabalɩmaba fa sɩɩ kpaarʋ kɛmba yeŋŋi nɛ.

Galiisia Nɩaa 1:14

La Juu tɩŋŋaa Wɩɩ-chʋɔlʋŋ wombiiŋ lɛ, mɩ nɛ fa jɩŋ wɩaa kɩɩ mɩ dɔnsʋŋ tɩŋŋaa jesiŋ kala. Mɩ fa joŋ mɩ nyuŋ kala a hɛ la naabarɩŋ wombiiŋ lɛ nɛ.

Ɛfɛsɩs Nɩaa 2:3

La ma kala fa nagɛ ba nɛ a tuto la tʋɔtɔrɛ wʋŋaalaa harɩŋ a ŋɩŋaa wʋlɔrʋnʋŋ, a bɩbɩɩnɛ wʋbɔŋŋɔɔ. La fa sɩɩ ŋaa wɩaa deemba, Wɩa fa na baanɩŋ nɛ la nyuŋ, arɩ ʋ fa sɩ na baanɩŋ nɩalɩŋ nyuŋ ŋɩɩ.

1 Pɩɩta 1:18

Ma kala jɩma arɩ Yesu Kirisito tiŋ ma chɩmɩŋ nɛ, a lɩɩsɛma wʋpɛɩba-la ma naabalɩmaba fa sɩ joŋo dagɛma, ma ŋɩŋaa lɛ. Ʋ bɩ naga arɩ kɩalɩŋ sɩɩ chei a nagɛ sɛlɩmɛ koo hɔɔ-pʋla nɛ ʋ joŋo time laama.