JƐRƖMAAYA 9:12 - WƖA TENIŊ

¹² Ŋɩɩ nɛ mɩ pɩɛsɛ La Tɩɩna, “Kʋbɛɛ nɛ hɛ nɩmɛ a kɛŋ wʋjɩmɩŋ a maga dɩ ʋ wuo jɩŋ wɩɩŋ deeŋ sɩaa? Kʋbɛɛ nɛ La TƖƖNA hɛ sɩ jaŋ wuo dagɛ wɩɩ-la bʋbʋɔŋ? Bɛɛ nɛ tɩɩ tintee-la chei a pɩŋ jikpeeŋ a nagɛ tintee-hɩlɩŋ, nʋʋkala bɩ nɩmɛ wuo to bɩbal?”

JƐRƖMAAYA 9:12 ပူးပေါင်းရင်းမြစ်များ

WƖA YƖƖLAA 107:34

Ʋ nɛ leŋe tintee-la sɩma lɩɩ, bɛɛ wɩaa nɩalɩŋ sɩ hɔŋ nɩmɛ faa ŋaa wʋbɔŋŋɔɔ nɛ.

WƖA YƖƖLAA 107:43

Nʋʋ na-kala sɩ jɩŋ wɩaa, ʋ tɩɩna joŋ wɩaa deemba hɛ ʋ tʋɔŋ lɛ, a kɛŋ La Tɩɩna chono-la sɩ bɩ dɛrɛ wɩaa bɩbɩɩnɛ.

AZAAYA 42:23

Ma kʋbɛɛ nɛ jaŋ jegili wɩɩŋ deeŋ koo a jaŋ fɩɛlɛ ʋ sɩaa a jegile nɩɩ, a chɩŋ lɛɛlɛ a kaa mʋ?

JƐRƖMAAYA 23:10

Tintee-la kala nɛ suo arɩ hachɔrʋmɔɔ, bɛɛ wɩaa ŋmɩaŋ dii nɩalɩŋ nɛ, tintee-la kala hɩl. Yaŋ-la sɩ hɛ tintee-hɩlɩŋ lɛ kala nɛ hɩla. Wɩa wʋlaabʋlla-la ka to nɩbɔŋ wombiee nɛ, a dɩdagɛ ba doluŋ ŋɩɩ sɩ bɩ maga.

JƐRƖMAAYA 23:16

Wɩɩ-la mɩ-na ma TƖƖNA doluŋ kala Tɩɩna sɩ bʋla nɛ ŋ-la: Má sɩ́ nɩalɩŋ sɩ nyɩɛ wɩaa arɩ ba ŋaa mɩ wʋlaabʋllaa a bʋl wɩalɩŋ pɩpɩma teeŋ jegilu. Ba leŋe ma kɛŋ yɩɛlaa sɩ bɩ jaŋ kʋ ŋaa wʋtɩtɩɩ nɛ. Ba yie bʋl wɩalɩŋ ba tɩtɩa sɩ bɩɩna nɛ a pɩpɩma, mɩ-na ma TƖƖNA dee bɩ wɩalɩŋ bʋla.

JƐRƖMAAYA 23:22

Ama dɩ ba nɛ fa jɩŋ mɩ tʋɔbɩɩnaa, ba fa jaŋ heele bʋl mɩ wɩaa a pɩ mɩ nɩaa, dɩ ba bɩrɩma lɩɩ ba wombii bɔmɔ-la arɩ wʋbɔmɔ-la ba sɩɩ ŋaa lɛ.

JƐRƖMAAYA 23:28

Leŋ dɩ wʋnyɩɛrɩ wʋlaabʋlla-la sɩ kɛŋ duosoo wɩaa ba bʋbʋl, ama nɩalɩŋ ma sɩ kɛŋ mɩ wɩaa, ba bʋlba arɩ wʋtɩtɩɩ. Sekeliŋ arɩ mɩɩ-biiŋ bɩ dɔŋɔ maga, La TƖƖNA nɛ bʋla.

JƐRƖMAAYA 9:20

Ou, haalaa, lɛɛlɛ má jegile nɩɩ La TƖƖNA wɩaa. Má suri ma dɩgɩlaa a nɩɩ ʋ niiŋ wɩaa. Má dagɛ ma toloo ŋɩɩ ba sɩɩ yel, má dagɛ dɔŋɔ hagɔgʋŋ.

ƐZƖKƖƐL 14:23

Dɩ ma nɛ na ba mɛlɛ arɩ wɩalɩŋ ba sɩɩ ŋaa, ma tʋɔŋ jaŋ pɩŋ dɩ-bala dɩ ma jɩŋ arɩ wɩalɩŋ mɩ fa sɩ joŋo ŋaa ba lɛ kɛŋ bʋbʋɔŋ nɛ. Mɩ-na ma TƖƖNA Wɩɩjarɩbakɔ nɛ bʋla.”

HOSIA 14:9

Nɩɩ-la kala sɩ kɛŋ wʋjɩmɩŋ, ʋ jaŋ jɩŋ wɩaa deemba. Nɩɩ-la sɩɩ jɩŋ wɩaa sɩaa, ʋ jaŋ jɩŋ ba bʋbʋɔŋ. La TƖƖNA wombiee ŋaa wʋtɩtɩɩ wombiee nɛ, tʋɔpʋl tɩŋŋaa vɩvɛŋ ba lɛ, ama nɩalɩŋ sɩ vɩaba gɛrɛ titel nɛ.

HOSIA 4:10

Ba jaŋ dii kɩaa aŋ bɩ vɔgɛ. Ba jaŋ joŋ ba tɩtɩa hɛ wʋlɩɩlɩŋ ŋaanɩŋ lɛ, ama ba bɩ jaŋ pʋŋ, bɛɛ wɩaa ba vɩa dɩ ba joŋ ba tɩtɩa pɩ mɩ-na ba TƖƖNA nɛ aŋ joŋ ba tɩtɩa pɩ

JOWƐL 1:11

Paaraa, má leŋ dɩ ma tʋɔŋ chei, má ŋmoo niiŋ, ma girep tɩɩ-paaraa. Má leŋ dɩ ma tʋɔŋ chei mɩaa arɩ nyonso wɩaa, bɛɛ wɩaa ba chei bagɩsɩŋ kɩalɩŋ ma sɩ jaŋ kʋŋ nɛ.

ZEFANAAYA 3:6

La TƖƖNA sɩ, “Mɩ kpʋ tinteyee nɩaa nɛ a ŋmoo ba dɩɩ-duoruŋ lo. Mɩ leŋe ba womporunuŋ pɩŋ hoi nɛ, nʋʋkala bɩ ba ka to. Mɩ chei ba tabalaa nɛ, nʋʋkala bɩ ka nɩmɛ, nɩbala ma bɩ ka.

Matiu 24:15

Ma jaŋ na kʋ-la sɩ kɛŋ disiniŋ aa chei leriŋ, kʋ-la wɩaa Wɩa wʋlaabʋlla Danɩɛl fa sɩ bʋla. Ba jaŋ joŋ kʋ-la bil Wɩa dɩa lɛ, lee-la sɩ bɩ disiniŋ kɛnɛ (lee-la nɩɩ-la sɩ kɛŋ disiniŋ sɩ bɩ maga dɩ ʋ mʋ). Ma nɩalɩŋ sɩ karɩmɛ wɩaa deemba, ma jaŋ jɩŋ ba bʋbʋɔŋ.

MOSIS BƖRA WULLI WƖA WOMBIIŊ 32:29

Dɩ ba nɛ fa kɛŋ wʋjɩmɩŋ, a jɩŋ wɩaa deemba bʋbʋɔŋ, ba fa jaŋ wuo jɩŋ ŋɩɩ ba dɩdɛrɩŋ sɩ jaŋ nagɛ.

Jɔɔŋ Wʋnaalaa 1:3

Nɩalɩŋ sɩ karɩmɛ wɩaa deemba nɩaa nɩɩ arɩ nɩalɩŋ sɩ jegile nɩɩ wɩaa deemba a laa hɛ ba tʋɔŋ lɛ a tutoba, Wɩa jaŋ pɛ ba lɛ, bɛɛ wɩaa bʋa-la wɩaa deemba sɩ jaŋ ŋaa kpaga nɛ.