JƐRƖMAAYA 9:11 - WƖA TENIŊ

¹¹ La TƖƖNA sɩ, “Mɩ jaŋ leŋ dɩ Jerusalɛm pɩŋ jikpeeŋ, a ŋaa jolluŋ dɩjʋʋlʋŋ. Mɩ jaŋ leŋ dɩ Juda tasɩŋ pɩŋ hoi, dɩ nʋʋkala sɩ́ wuo hɔŋ lee-la.”

JƐRƖMAAYA 9:11 ပူးပေါင်းရင်းမြစ်များ

NƐHƖMAAYA 4:2

a bʋl ʋ dɩ nɩalɩŋ sɩɩ tɩŋ arɩ Samarɩa laalɩyuori hɩasɩŋ sɩpaaŋ, “Bɛɛ kɩaa wɩaa nɛ Juu tɩŋŋaa nɩpʋgʋnʋŋ deemba ŋɩŋaa ŋɩɩ? Ba jaŋ wuo wasa saa ba jebii-la a kpʋ pʋsʋŋ a ŋaa Wɩɩ-sʋlaa? Ba bɩɩna ba jaŋ wuo saaʋ dɛrɛ tapʋl bala koo? Ba bɩɩna ba jaŋ wuo kuusi tabɩa-la arɩ nyiniŋ sɩ diiba ma kala koo?”

WƖA YƖƖLAA 107:43

Nʋʋ na-kala sɩ jɩŋ wɩaa, ʋ tɩɩna joŋ wɩaa deemba hɛ ʋ tʋɔŋ lɛ, a kɛŋ La Tɩɩna chono-la sɩ bɩ dɛrɛ wɩaa bɩbɩɩnɛ.

WƖA YƖƖLAA 44:19

Ka ŋ kirila ta la ŋaa nɩpɛɩba a guoli baga kɩaa tʋɔŋ a hɛ birimiŋ lim lɛ.

WƖA YƖƖLAA 79:1

Wɩa, vʋɩ-kpaaraa kʋ yuo laa ŋ tinteeŋ nɛ, a ŋaa disiniŋ hɛ ŋ dɩɩ-bal-la sɩ bɩ disiniŋ kɛnɛ lɛ, a leŋ Jerusalɛm kala pɩŋ jikpeeŋ.

AZAAYA 13:22

Babɩlɔŋ kuori-dɩɩ-zɔmɔ-la jaŋ ŋaa kpeyee dɩjʋʋlaa, dɩ jolluŋ nɩnɩɩ sɩma nɩmɛ. Ba jaŋ huoso su lee-la kala. Babɩlɔŋ cheyiŋ tapʋlaa chese nɛ, ba bɩ jaŋ kɛŋ ʋ tapʋlaa lɛrɛ mʋ sɩpaaŋ.

AZAAYA 25:2

Ŋ nɛ leŋe tabal-la pɩŋ jikpeeŋ, tasɩ-la ba sɩ saa kɛrɩsɩŋ a golli pɩŋ hoi nɛ. Taduoru-la nɩwogusuŋ sɩ saa bɩra tuo, nʋʋkala ma bɩ jaŋ wuo wasa paa saa.

AZAAYA 34:13

Sɔsʋŋ arɩ chɛyɛɛ jaŋ nyʋ tɔ ba kuori-dɩɩsɩŋ arɩ ba jebie-la sɩ leŋie, dɩ jolluŋ arɩ hajaaŋkuŋkumba jʋjʋʋ.

AZAAYA 44:26

Mɩ nɛ leŋe wɩalɩŋ mɩ tɩntɩnna arɩ mɩ tɩndaaraa sɩ bʋla kʋ ŋaa wʋtɩtɩɩba. Mɩ bʋla arɩ nɩaa jaŋ bɩra hɔŋ Jerusalɛm lɛ, ka ba wasa saa Juda tasɩ-la ma sɩ pɩŋ jikpeeŋ.

JƐRƖMAAYA 1:15

Mɩɩ chɛ mɩ yɩrɛ wɩɩpɔsʋŋ nagʋa dɩɩrɩŋ tinteeŋ nɩaa nɛ. Ba kuoroo jaŋ kɔ a bil ba kuoru kpasɩnɩŋ Jerusalɛm boi-baalaa niiŋ. Ba jaŋ golli ma kɛrɛsɩŋ chu a yuo Juda tasɩŋ kala. Mɩ-na ma TƖƖNA nɛ bʋla.

JƐRƖMAAYA 10:22

Má jegile nɩɩ goŋ-la ba sɩ ŋaa kʋkɔ. Yuo-bal nɛ sii wɩɩpɔsʋŋ nagʋa tinteeŋ a kʋkɔ. Ʋ jaŋ ŋaa dɩ Juda tinteeŋ tasɩŋ pɩŋ hoi, a bɩrɩmɛ jolluŋ dɩjʋʋlʋŋ.

JƐRƖMAAYA 16:10

Dɩ ŋ nɛ bʋl wɩaa deemba kala pɩ nɩaa deemba dɩ ba pɩɛsɩŋ, ‘Bɛɛ nɛ tɩɩ La TƖƖNA bʋl wʋlɔrʋŋ deeŋ a tɩgɛ la lɛ? Wʋbɛɛ nɛ la chei? Wʋbɔŋ bɛɛ nɛ la ŋaa La TƖƖNA Wɩa lɛ?’

JƐRƖMAAYA 25:11

Tintee-la kala jaŋ pɩŋ jikpeeŋ a ŋaa hoi. Ma dɩ tinteye-la nɩaa jaŋ tɩma pɩ Babɩlɔŋ kuoro jɩsɩŋ mahɩŋ batori arɩ fii.

JƐRƖMAAYA 25:18

Ba nɛ: Jerusalɛm arɩ Juda tasɩŋ dɔnsʋŋ kala, ba kuoroo arɩ ba tɩntɩnnɩ-hɩasɩŋ, dɩ ʋ jaŋ cheiba dɩ ba ŋaa mɔmɩa dɩ nɩaa sisieri ba lɛ, dɩ nɩaa naba dɩ fawʋllʋŋ kɛmba dɩ ba hihirigi, aŋ kɛŋ ba yɩrɩŋ ŋmɩɛsa hɩhɛ nɩaa lɛ, arɩ ba sɩ nagɛ ŋɩɩ jɩnɩmba,

JƐRƖMAAYA 26:18

“Mɩka sɩ lɩɩ taŋ-la ba sɩɩ yɩrɛ Mɔrɛsɛf fa bʋl wɩaa Wɩa doluŋ lɛ nɛ bʋa-la lɛ Hezikaaya sɩ ŋaa Juda tinteeŋ kuoro. Ʋ fa bʋla pɩ Juda nɩaa kala: Wɩɩ-la La TƖƖNA doluŋ kala Tɩɩna sɩ bʋla nɛ ŋ-la, ‘Ba jaŋ pɛrɛ Zaayɔŋ a nagɛ baga. Jerusalɛm jaŋ pɩŋ jikpeeŋ a nagɛ pupuluŋ. Wɩa dɩɩ-bal-la sɩ chɩŋ dundolo-la nyuŋ jaŋ lugi a nagɛ duuŋ.’

JƐRƖMAAYA 26:9

Bɛɛ nɛ tɩɩ ŋ bʋl wɩaa La TƖƖNA yɩrɩŋ lɛ, arɩ Wɩa dɩɩ-balɩŋ deeŋ jaŋ nagɛ Sɩlɔ, dɩ ba vɩa tabalɩŋ deeŋ ma ta dɩ ʋ pɩŋ hoi?” Ŋɩɩ nɛ nɩalɩŋ kala kʋ golli Jɛrɩmaaya La TƖƖNA dɩɩ-bal-la lɛ.

JƐRƖMAAYA 34:22

Mɩ-na ma TƖƖNA nɛ bʋla, mɩ jaŋ pa wombiiŋ, a kɛmba mɩɩra kɔ tabalɩŋ deeŋ. Ba jaŋ yuo laaʋ a nyɩgʋ dɩ ʋ dii tel. Mɩ jaŋ leŋ dɩ Juda tasɩŋ chei a pɩŋ, dɩ nʋʋkala sɩ́ wuo hɔŋ nɩmɛ.”

JƐRƖMAAYA 4:27

Wɩɩ-la mɩ-na ma TƖƖNA sɩ bʋla nɛ ŋ-la: “Tintee-la kala jaŋ pɩŋ jikpeeŋ, ama, mɩ ta bɩ jaŋ chei ʋ kala gbelem gbelem.

JƐRƖMAAYA 44:2

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: “Ma na wʋlɔrʋ-la sɩ bɩ bana kɛnɛ mɩ sɩ kaa kʋ hɛ Jerusalɛm arɩ Juda tasɩŋ kala lɛ nɛ. Jɩnɩŋ tasɩ-la kala cheye nɛ a pɩŋ hoi

JƐRƖMAAYA 49:33

Hazɔ jaŋ bɩrɩmɛ jolluŋ dɩjʋʋlʋŋ. Ʋ jaŋ pɩŋ hoi a kaa mʋ wuu. Nʋʋkala bɩ jaŋ hɛ nɩmɛ, nʋʋkala bɩ jaŋ jʋjʋʋ nɩmɛ.”

JƐRƖMAAYA 50:3

Tinteeŋ nɩaa jaŋ lɩɩ wɩɩpɔsʋŋ nagʋa dɩɩrɩŋ a kʋ yuou, a leŋ dɩ ʋ tinteeŋ pɩŋ hoi. Nʋʋkala bɩ jaŋ hɛ nɩmɛ. Nuhuobiinee arɩ pʋsʋŋ jaŋ fá viiri.”

JƐRƖMAAYA 51:37

Babɩlɔŋ jaŋ pɩŋ jikpeeŋ a nagɛ pupuluŋ, a bɩrɩmɛ jolluŋ dɩjʋʋlʋŋ, a kɛŋ fawʋllʋŋ dɩ nɩaa sisieri ʋ lɛ. Nʋʋkala bɩ jaŋ hɛ nɩmɛ.

JƐRƖMAAYA 8:22

Naawɩɩlaa nʋʋŋ tuo Gɩlɩad lɛɛ? Daalusuŋ tɩɩna kala tuoo? Bɛɛ nɛ saa tɩɩ mɩ nɩaa naawɩɩlaa bɩ fɩɛlɛ?

JEMBIEE 1:4

Zaayɔŋ wombiee ka yel nɛ, bɛɛ wɩaa nʋʋkala bɩ ba to kʋkɔ ʋ gbielee leriŋ. Ʋ boi-baalaa kala pɩŋ hoi nɛ. Wɩɩsʋllɩ sɩpaalaaraa huhuuni, hatolie-la sɩ hɛ ʋ lɛ tʋɔŋ faasa chei nɛ, Zaayɔŋ kala ŋaa hɛɩ.

JEMBIEE 2:2

La TƖƖNA bɩ ba nenige fá aŋ chei lere-la kala Iziral tɩŋŋaa sɩɩ jʋʋ. Ʋ sɩ na baanɩŋ, ʋ yigi ʋ yigi Juda nɩaa dɩ-duoruŋ lo nɛ. Ʋ kɛŋ ba tinteeŋ arɩ ba sɩpaalaaraa muuri nɛ, a leŋ ba dii hɩɩsɩŋ.

JEMBIEE 3:47

La dʋndɔŋŋɔɔ cheila nɛ, ka la jaŋ pɩŋ jikpeeŋ. La tuu buotuonuŋ nɛ, fawʋllʋŋ faasa jʋʋla.”

LEVI DOHO NƖAA 26:32

Mɩ jaŋ leŋ dɩ ma tinteeŋ pɩŋ jikpeeŋ dɩ ʋ ŋaa wʋkpuŋkpere a pɩ ma dʋndɔmɔ-la sɩ hɛ lee-la.

MƖKA 1:6

Ŋɩɩ wɩaa La TƖƖNA sɩ, “Mɩ jaŋ leŋ dɩ Samarɩa pɩŋ jikpeeŋ a ŋaa pʋlʋŋ-jaala, lee ba sɩ jaŋ bil girep tɩɩsɩŋ baga. Mɩ jaŋ paa ʋ tabɩa-la sɩ tele daŋ dɔŋɔ tuu fuonaaŋ aŋ ka dɩ ʋ gentine nyɩɩsɛ.

MƖKA 3:12

A tɩŋ ma wɩaa, ba jaŋ pɛrɛ Zaayɔŋ a nagɛ baga. Jerusalɛm jaŋ pɩŋ jikpeeŋ a nagɛ pupuluŋ. Wɩa dɩɩ-bal-la sɩ chɩŋ dundolo-la nyuŋ jaŋ lugi a nagɛ duuŋ.

MƖKA 6:16

bɛɛ wɩaa ma to kuoro Omiri naabʋɔsʋŋ nɛ, a ŋaa wɩalɩŋ kala kuoro Ahab dɩa nɩaa sɩ ŋaa. Ma to ba naabarɩŋ wʋŋaalaa nɛ. Ŋɩɩ wɩaa mɩ jaŋ cheima, a leŋ dɩ nɩaa kɛmma ŋmoo gbɛɛŋ. Tinteyee nɩaa jaŋ mɔmma.”

MOSIS BƖRA WULLI WƖA WOMBIIŊ 29:23

Tintee-la kala jaŋ nagɛ yɩsɩŋ arɩ jiribiiŋ, ba bɩ kʋŋ wuo duu nɩmɛ. Kʋŋkala bɩ jaŋ wuo nyʋ nɩmɛ. Ʋ jaŋ nagɛ Sodom, Gomora, Adɩma arɩ Zeboyim tasɩ-la La TƖƖNA fa sɩ faasa na baanɩŋ a chei.

Jɔɔŋ Wʋnaalaa 18:2

Ŋɩɩ nɛ ʋ faasa suri ʋ yikoro a bʋl, “Babɩlɔŋ tele, Babɩlɔŋ tabal-la tele. Ʋ lɛɛlɛ bɩrɩmɛ jɩŋ-bɔŋŋɔɔ arɩ diibiisiŋ sɩ kɛŋ disiniŋ arɩ kɩalɩŋ ba sɩɩ kɩɩsʋ kala dɩjʋʋlʋŋ nɛ.