JƐRƖMAAYA 9:10 - WƖA TENIŊ

¹⁰ Ŋɩɩ nɛ mɩ bʋl, “Mɩ jaŋ yele pɩ peelee aŋ ta jembiiŋ tɩgɛ ba pʋsʋŋ dɩ-diilee lɛ. Ba pɩna nɛ hoi, nʋʋkala bɩ nɩmɛ ka vɛŋ, ŋ bɩra bɩ nɛsɩŋ yele ka nɩɩ nɩmɛ. Diibiisiŋ kala file lɛl nɛ, bagɩlaa ma fá viiri.”

JƐRƖMAAYA 9:10 ပူးပေါင်းရင်းမြစ်များ

AZAAYA 41:15

Mɩ jaŋ leŋ dɩ ma nagɛ kʋ-la ba sɩ kaa ŋmoo kɩaa, ʋ nyɩlaa ŋaa kʋfalɩa a yʋgɛ a kɛŋ niiŋ. Ma jaŋ yɛrɛ peelee arɩ dundolluŋ a nɔmba dɩ ba pugisi a nagɛ mɩɩ-jɔrʋŋ.

AZAAYA 49:19

Ŋ tinteeŋ fa wuolo nɛ a pɩŋ jikpeeŋ, ama lɛɛlɛ ʋ jaŋ ŋaa kʋbie ŋ teeŋ a tɩŋ nɩalɩŋ sɩɩ kɔ dɩ ba hɔŋ nɩmɛ wɩaa. Nɩalɩŋ sɩ yigiŋ lo jaŋ leŋiŋ aŋ mʋ dɩ-bolii.

JƐRƖMAAYA 12:10

Sɩpaalaaraa yʋga a jaŋ chei mɩ girep tɩɩsɩŋ baga a nʋɔsɛ mɩ tinteeŋ kpal. Ba jaŋ ŋaa dɩ mɩ tintee-la sɩ sɩma mɩɩra bɩrɩmɛ kʋŋkʋlʋŋ a pɩŋ hoi.

JƐRƖMAAYA 12:11

Ba jaŋ ŋaa dɩ ʋ lɩɩ, a hɩla pɩŋ hoi mɩ sɩpaaŋ. Tintee-la kala jaŋ pɩŋ kʋŋkʋlʋŋ bɛɛ wɩaa nʋʋkala tuo dɩ ʋ beŋ ʋ nyuŋ.

JƐRƖMAAYA 12:4

Ɛɛ nɛ la tinteeŋ chɛ dɩ ʋ hɩla diene magɛ, dɩ yaŋ-la sɩ hɛ ʋ lee-kala hɩl? Nɩalɩŋ sɩ hɛ tintee-la lɛ sɩ bɔmɔ wɩaa nɛ tɩɩ pʋsʋŋ, baga kɩaa arɩ zaaraa kala sʋʋ. Ama nɩalɩŋ sɩ, “Ʋ bɩ wɩalɩŋ la sɩɩ ŋaa ka na.”

JƐRƖMAAYA 14:6

Bʋrʋmba chɩŋ dundol kpʋlaa nyuŋ nɛ a huhuosi a nagɛ jolluŋ. Ba sɩaa bɩra bɩ na, bɛɛ wɩaa yaŋ tuo.”

JƐRƖMAAYA 2:15

Ma dʋndɔŋŋɔɔ ŋaa goŋ nɛ ma nyuŋ a nagɛ naachigee sɩ yele, ba chei ma tinteeŋ nɛ. Ma tasɩŋ kala nɛ nyiniŋ dii, ba lɩɩ vɩa ta.

JƐRƖMAAYA 2:6

Ba bɩ pɩɛsa chɛmɛ a bʋl, ‘Nɩɩ nɛ La TƖƖNA hɛ?’ Nɩɩ-la sɩ laala ta Ijipiti tɩŋŋaa nɩsɩŋ lɛ a kɛnla lɩɩ, a vɛŋ tintee-hɩlɩŋ tʋɔŋ. Tintee-la fa ŋaa tintee-hɩlɩɩ nɛ, a kɛŋ buotuonuŋ sɩ luŋie. Duonuŋ bɩ nɩmɛ ka nɩɩ, lee-la sɩ bire, nʋʋkala bɩ nɩmɛ ka vɛŋ. Nʋʋkala ma bɩ lee-la hɔnɔ.

JƐRƖMAAYA 23:10

Tintee-la kala nɛ suo arɩ hachɔrʋmɔɔ, bɛɛ wɩaa ŋmɩaŋ dii nɩalɩŋ nɛ, tintee-la kala hɩl. Yaŋ-la sɩ hɛ tintee-hɩlɩŋ lɛ kala nɛ hɩla. Wɩa wʋlaabʋlla-la ka to nɩbɔŋ wombiee nɛ, a dɩdagɛ ba doluŋ ŋɩɩ sɩ bɩ maga.

JƐRƖMAAYA 50:3

Tinteeŋ nɩaa jaŋ lɩɩ wɩɩpɔsʋŋ nagʋa dɩɩrɩŋ a kʋ yuou, a leŋ dɩ ʋ tinteeŋ pɩŋ hoi. Nʋʋkala bɩ jaŋ hɛ nɩmɛ. Nuhuobiinee arɩ pʋsʋŋ jaŋ fá viiri.”

JƐRƖMAAYA 7:29

Jerusalɛm tɩmma, má kɛ ma nyu-pʋnaa a yuo ta, aŋ jɩl dundol kpʋlaa nyuŋ a ta jembiee a yiyel, bɛɛ wɩaa mɩ-na ma TƖƖNA baanɩŋ sii doho deeŋ nɩaa nyuŋ nɛ, mɩ vɩaba ta.

JƐRƖMAAYA 8:18

Jɛrɩmaaya bʋl, “Mɩ tʋɔŋ cheye yʋgɛ nɛ, nʋʋ bɩ mɩ bɔyɛ wuo nyagɛ, mɩ daagaa chaasa viisi nɛ.

JEMBIEE 1:16

Ŋɩɩ nɛ tɩɩ mɩ yel, mɩ sɩaa kala pɩpɛllɛ sɩlɩɩrɩŋ. Nʋʋkala bɩ kpaga dɩ ʋ nyagɛ mɩ bɔyɛ, nʋʋ ma tuo dɩ ʋ ŋaa dɩ mɩ tʋɔŋ pɩŋ dɩ-bala. Mɩ biiriŋ bɩra bɩ kʋŋ kɛnɛ, bɛɛ wɩaa mɩ dʋndɔŋŋɔɔ yuo diiba nɛ.”

JEMBIEE 2:11

Mɩ yele, mɩ sɩaa bɩra bɩ na, mɩ tʋɔŋ kala chei. Mɩ kala nɛ bɛsɩmɛ arɩ tʋɔ-cheeŋ a tɩŋ ba sɩ chei mɩ nɩaa wɩaa. Hambiisiŋ arɩ bii-mulluŋ yiege nɛ a pɩŋ tabal-la womporunuŋ lɛ.

JEMBIEE 5:18

Zaayɔŋ pɩŋ jikpeeŋ nɛ a ŋaa hoi jolluŋ jʋʋ aŋ lɩlɩɩ.

ƐZƖKƖƐL 14:15

Koo dɩ baga kʋbɔŋŋɔɔ nɛ mɩ leŋ ba jʋʋ tintee-la a kpʋ nɩaa, ka dɩ ʋ pɩŋ hoi nʋʋkala bɩ nɩmɛ wuo to bɩbal a tɩŋ baga kʋbɔmɔ-la wɩaa.

ƐZƖKƖƐL 27:2

“Nuhuobiiŋ, ta jembiiŋ a tɩgɛ taŋ-la ba sɩɩ yɩrɛ Taaya lɛ,

ƐZƖKƖƐL 29:11

Nuhuobiiŋ koo pʋna kala naaŋ bɩ jaŋ to lee-la bal. Nʋʋkala bɩ jaŋ hɔŋ nɩmɛ a kaa mʋ yi jɩsɩŋ mahɩŋ balɩa.

ƐZƖKƖƐL 33:28

Mɩ jaŋ leŋ dɩ ma tinteeŋ kala pɩŋ jikpeeŋ a ŋaa hoi. Dol-la ma sɩ kaa bibigisi ma tɩtɩa lɛ jaŋ dɛrɛ. Iziral peelee ma jaŋ pɩŋ hoi, nʋʋkala bɩra bɩ jaŋ to ba nyuŋ bal.

ƐZƖKƖƐL 6:6

Ma tasɩŋ kala jaŋ pɩŋ jikpeeniŋ, dɩ ma vesiŋ dɩ-kpaaraa kala tele pɩŋ, dɩ ma tɔŋŋɔɔ arɩ ma vʋɩyaa korunuŋ kala yɛrɛ pɩŋ muno muno. Ma kʋsʋɔrʋsʋŋ korunuŋ jaŋ pɩsɛ, dɩ kʋŋkala ma sɩ ŋaa lɛl.

HOSIA 4:3

Ŋɩɩ wɩaa nɛ tɩɩ tintee-la nɩaa yel, a kala jɩjagɛ. Baga kɩaa arɩ diibiisiŋ sɩɩ zaarɛ wɩa-nyuŋ arɩ chenfille-la kala sɩ hɛ mʋgʋ-balɩŋ tʋɔŋ ma sʋsʋʋ.

JOWƐL 1:13

Wɩɩsʋllɩ sɩpaalaaraa, má laalɛ tʋɔ-chei gɛnnɩŋ a yel, má ŋmoo niiŋ, ma nɩalɩŋ sɩɩ tɩŋ Wɩɩsʋlʋŋ koru-la lɛ. Má kɔ, a laalɛ tʋɔ-chei gɛnnɩŋ tɩtaŋɩŋ kala, ma nɩalɩŋ sɩɩ tɩŋ La TƖƖNA sɩpaaŋ, bɛɛ wɩaa, mɩaa Wɩɩsʋlʋŋ arɩ kʋnyʋalaa Wɩɩsʋlʋŋ kɩaa bɩra tuo Wɩa dɩɩ-balɩŋ lɛ.

JOWƐL 1:19

La TƖƖNA, ŋ nɛ mɩɩ yɩrɛ, bɛɛ wɩaa nyiniŋ dii pʋsʋŋ dɩ-diilee kala nɛ, nyiŋgeliŋ lieri tɩɩsɩŋ kala.

AMƆS 5:1

Ma Iziral tɩmma, má jegile nɩɩ jembii-la mɩ-na Amɔs sɩ ta a tɩgɛ ma lɛ:

AMƆS 5:16

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Ma jaŋ nɩɩ dɩ baa ŋmoo niiŋ womporunuŋ arɩ bilii kala lɛ. Ba jaŋ paala yɩrɛ paaraa dɩ ba kʋ pɛ gɔgɔɔ lɛ dɩ ba yel kɩŋkɛŋ.

MƖKA 2:4

Tapʋlɩɩ-la nɩaa jaŋ sieri ma lɛ, ba jaŋ yɩɩ nisusu yɩɩlɩŋ deeŋ a sieri ma lɛ, ‘La wɩaa chaasa chei nɛ, ba kɛŋ mɩ nɩaa kɩaa kpaa nɛ. La TƖƖNA kaa laa mɩ teeŋ nɛ, a joŋ la bagɩsɩŋ a pɩ nɩalɩŋ sɩ yuo diila.’ ”

MƖKA 3:12

A tɩŋ ma wɩaa, ba jaŋ pɛrɛ Zaayɔŋ a nagɛ baga. Jerusalɛm jaŋ pɩŋ jikpeeŋ a nagɛ pupuluŋ. Wɩa dɩɩ-bal-la sɩ chɩŋ dundolo-la nyuŋ jaŋ lugi a nagɛ duuŋ.