JƐRƖMAAYA 8:6 - WƖA TENIŊ

⁶ Mɩ-na chaasa jegili ba teeŋ nɛ woruŋ, ama ba bɩ wɩaa ka bʋl ba bʋɔsʋŋ lɛ. Nʋʋkala bɩ bɩrɩma lɩɩ ʋ wʋbɔŋŋɔɔ ŋaanɩŋ lɛ, a pɩɛsɛ, ‘Wʋbɛɛ nɛ mɩ ŋaa?’ Nʋʋkala ka ŋaa wɩɩ-la ʋ sɩ cho nɛ, a nagɛ jaaba sɩ tʋɔra mʋmʋ laalɩŋ.

JƐRƖMAAYA 8:6 ပူးပေါင်းရင်းမြစ်များ

JOB 10:2

Mɩ jaŋ bʋla pɩ Wɩa: Sɩ́ cheeriŋ joŋo pɩmɛ, dagɛmɛ wɩɩ-la mɩ sɩ ŋaa chei.

JOB 34:31

Dɩ nuhuobiiŋ nɛ bʋl ŋ-la a pɩ Wɩa: ‘Mɩ cheye nɛ, mɩ bɩra bɩ jaŋ ŋaa wɩɩ chei.

JOB 34:32

Dagɛmɛ wɩɩ-la mɩ sɩ bɩ na, dɩ mɩ nɛ ŋaa wʋbɔŋ, mɩ bɩra bɩ jaŋ ŋaa.’

WƖA YƖƖLAA 14:2

La Tɩɩna hɛ ʋ jaŋ lɛ nɛ aŋ beŋ dɩ ʋ na wʋjɩnnʋ hɛ tinteeŋ lɛ a ŋaa wɩaa chɩchɛ dɩ ʋ jɩmʋ.

AZAAYA 30:18

La TƖƖNA ka gbɛrɛ nɛ dɩ ʋ dagɛma ʋ zile, ʋ jaŋ fá ma nenige. La TƖƖNA Wɩa kɛŋ wʋtɩtɩɩ nɛ woruŋ, ʋ jaŋ pɛ nɩalɩŋ kala sɩɩ gbɛrʋ lɛ.

AZAAYA 57:17

Ma wʋbɔŋŋɔɔ arɩ ma tʋɔ-luŋuŋ wɩaa nɛ tɩɩ mɩ fa na baanɩŋ ma nyuŋ a dɔgɩsɛma, aŋ joŋ harɩŋ yɩama. Ka ma ha kɛŋ nyu-duo a tuto ma tʋɔtɔrɛ wombiee.

AZAAYA 59:16

Ʋ sɩ na dɩ nʋʋ tuo, wɩɩ-la kperu, nʋʋ sɩ tuo dɩ ʋ pɛ nɩalɩŋ ba sɩɩ dɔgɩsʋ lɛ. Ŋɩɩ nɛ ʋ kɛŋ ʋ tɩtɩa doluŋ a laaba ta, ʋ tʋɔpʋla lɛ nɛ ʋ ŋaa ŋɩɩ pɩba.

JƐRƖMAAYA 23:25

Mɩ nɩa dɩ nɩalɩŋ sɩ nyɩɛ bʋbʋl wɩaa mɩ yɩrɩŋ lɛ sɩ, ‘Mɩ duoso nɛ! Mɩ duoso nɛ.’

JƐRƖMAAYA 3:5

Ŋ jaŋ na baanɩŋ la nyuŋ bʋa na-kalaa? Ŋ baanɩŋ jaŋ sii la nyuŋ a kaa mʋ wuu?’ Ŋ-la nɛ ma yie bʋl wɩaa, ama ma yie ŋaa wʋbɔŋ na-kala ma sɩ jaŋ wuo ŋaa nɛ.”

JƐRƖMAAYA 5:1

La Tɩna sɩ, “Joŋ Jerusalɛm womporunuŋ kala gɔllɛ, beŋ ba kala lɛ fii a gollo bala na, nyilimi ba dɩ-hɔnɔɔ kala. Dɩ ŋ nɛ na nɩbala ma sɩɩ ŋaa wɩaa ba bʋa lɛ a chɩchɛ wʋtɩtɩɩ, mɩ jaŋ joŋo chɛ tabal-la nɩaa.

ƐZƖKƖƐL 18:28

Dɩ ʋ nɛ bee na arɩ wɩalɩŋ ʋ sɩɩ ŋaa ba bʋa lɛ dee, a leŋ wʋbɔmɔ-la ŋaanɩŋ, ʋ bɩ jaŋ sʋʋ, ʋ jaŋ kɛŋ mɩɩsɩŋ.

ƐZƖKƖƐL 22:30

Mɩ beŋ ba tʋɔŋ a chɩchɛ nʋʋ sɩ jaŋ saa jeeŋ a chɩŋ mɩ sɩpaaŋ wuol-la sɩ hɛ mɩ dɩ ba pɛgɛ lɛ, a pɔ tintee-la dɩ mɩ sɩ́ ʋ chei, ama mɩ bɩ nʋʋ na.

DANƖƐL 9:11

Iziral tɩŋŋaa kala chei wombii-la ŋ sɩ bile dɩ ba tuto nɛ a joŋ harɩŋ yɩaŋ a vɩa dɩ ba to ŋ niiŋ. Ŋɩɩ wɩaa kalɩbɩna-la arɩ ŋmɩaŋ-la ŋ-na Wɩa tɩntɩnna Mosis sɩ ŋmʋnsa bil ŋ wombiiŋ teniŋ tʋɔŋ mɩɩra wurisila nɛ, bɛɛ wɩaa la ŋaa wʋbɔŋ nɛ ŋ teeŋ.

MƖKA 7:2

Nɩalɩŋ sɩɩ fá Wɩa tintee-la lɛ lɛlɛ nɛ, nʋʋkala tuo a ŋɩŋaa wɩaa ba bʋa lɛ. Nʋʋkala hu a gbɩgbɛrɛ nɩaa nɛ dɩ ʋ kpʋ. Nʋʋkala ka bagɩlɛ ʋ naambie nɛ.

ZEFANAAYA 3:7

Mɩ fa bɩɩna mɩ nɩaa jaŋ fámɛ, a sɛɩ mɩ dagɩŋ, dɩ mɩ bɩra sɩ́ ba taŋ chei a dɔgɩsɛba. Ama ba haa ŋaa wʋbɔmɔ-la ba fa sɩɩ ŋaa nɛ.”

HAGAƖ 1:5

Wɩɩ-la La TƖƖNA doluŋ kala Tɩɩna bɩra sɩ bʋla nɛ ŋ-la, “Má fɩɛlɛ ma sɩaa a kɛŋ ma wʋŋaalaa bɩɩna na.

HAGAƖ 1:7

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Má fɩɛlɛ ma sɩaa a kɛŋ ma wʋŋaalaa bɩɩna na.

MALAKAƖ 3:16

Ŋɩɩ nɛ nɩalɩŋ kala sɩɩ fá La TƖƖNA bʋl wɩaa dɔŋɔba teeŋ, La TƖƖNA jegile nɩɩ, aŋ leŋ ba ŋmʋnsɛ nɩalɩŋ kala sɩɩ fáʋ a zizilu yɩraa hɛ teniŋ tʋɔŋ dɩ ʋ liliisi ba wɩaa.

2 Pɩɩta 3:9

Nɩaa dɔnsʋŋ bɩɩna arɩ Wɩa fɩɛla nɛ arɩ wɩalɩŋ ʋ sɩ sɩ ʋ jaŋ ŋaa lɛ. Ʋ bɩ fɩɛlɛ, ama ʋ kɛŋ kenyiri nɛ a tɩŋ ma wɩaa, bɛɛ wɩaa ʋ bɩ chɛ dɩ ma kʋŋkala lɛl. Ʋʋ chɛ dɩ nʋʋkala bɩrɩma lɩɩ ʋ wʋbɔŋŋɔɔ lɛ nɛ.

Jɔɔŋ Wʋnaalaa 9:20

Dʋnɩa nɩkaana-la nyanyal bɔŋŋɔɔ deemba sɩ bɩ kpʋa, ba ma ha bɩ bɩrɩma lɩɩ ba wʋbɔŋŋɔɔ ŋaanɩŋ lɛ. Ba haa to Sɩtaanɩ nɛ a kpʋkpaarɛ vʋɩyaa. Sɛlɩmɛ arɩ hɔɔŋ arɩ kɔlɩɩŋ nɛ ba kaa mɛ vʋɩya-la dɔnsʋŋ, dɔnsʋŋ ma ŋaa tabɩaa, dɔnsʋŋ ma ŋaa tɩɩsɩŋ. Vʋɩya-la bɩ na, ba bɩ wɩaa maa nɩɩ, ba bɩra bɩ wuo vɩvɛŋ ma.