Ba bʋla pɩ nɩalɩŋ sɩ yie na wɩaa arɩ duosoo tʋɔŋ, “Ma bɩra sɩ́ wɩaa na arɩ duosoo tʋɔŋ.” Ba bɩra bʋla pɩ Wɩa wʋlaabʋllaa ma, “Má sɩ́ la wɩɩ-la sɩ maga dɩ la ŋaa dagʋ, má bʋl wɩalɩŋ la sɩ cho nɛ a pɩpɩla, dɩ ba ŋaa wʋnyɩɛrɩ ma. Má leŋ dɩ la tuto wɩalɩŋ la sɩɩ chɛ.
Ŋ jaŋ na baanɩŋ la nyuŋ bʋa na-kalaa? Ŋ baanɩŋ jaŋ sii la nyuŋ a kaa mʋ wuu?’ Ŋ-la nɛ ma yie bʋl wɩaa, ama ma yie ŋaa wʋbɔŋ na-kala ma sɩ jaŋ wuo ŋaa nɛ.”
La TƖƖNA, wʋtɩtɩɩ dee ŋ chɩchɛ dɩ ŋ naa? Ŋ ŋmooba nɛ, ama ʋ bɩ ba lɛ wɩa. Ŋ wʋrɩgɛba nɛ, ama ba bɩ ŋ dagɩŋ sɛyɛ. Ba leŋe ba nyuŋ dol nɛ a kɩɩ tabɩɩŋ, aŋ vɩa dɩ ba bɩrɩma lɩɩ ba wʋbɔŋŋɔɔ ŋaanɩŋ lɛ.
Iziral tɩŋŋaa kala chei wombii-la ŋ sɩ bile dɩ ba tuto nɛ a joŋ harɩŋ yɩaŋ a vɩa dɩ ba to ŋ niiŋ. Ŋɩɩ wɩaa kalɩbɩna-la arɩ ŋmɩaŋ-la ŋ-na Wɩa tɩntɩnna Mosis sɩ ŋmʋnsa bil ŋ wombiiŋ teniŋ tʋɔŋ mɩɩra wurisila nɛ, bɛɛ wɩaa la ŋaa wʋbɔŋ nɛ ŋ teeŋ.
Bʋa deeŋ lɛ ba ŋaa wʋbɔŋŋɔɔ kɩŋkɛŋ kɩŋkɛŋ ba kɛŋ ba hɔpʋla nɛ a libi tɔŋŋɔɔ a pɩ ba tɩtɩa. Ba jɩma libiba nɛ woruŋ ba nagɛ nɛ-biisiŋ, gɔgɔɔ nɛ libi kɩalɩŋ kala. Ŋɩɩ nɛ aŋ bʋl, “Maa kpaarɛ kɩalɩŋ la sɩ libe a guguori kɩalɩŋ la sɩ libe ba nagɛ nɛ-bie.”