JƐRƖMAAYA 8:19 - WƖA TENIŊ

¹⁹ Jegile nɩɩ mɩ nɩaa nii-ŋmobo tintee-bolii-la lɛ. La TƖƖNA tuo Zaayɔŋ lɛɛ? Ʋ kuoru-balɩŋ bɩra tuoo?” La TƖƖNA pɩɛsɛ “Bɛɛ nɛ tɩɩ ba kɛŋ kɩalɩŋ ba sɩ mɛ ŋaa mɩ baanɩŋ sii, ba vʋɩ-pɛɩba-la ba sɩ kaa lɩɩ tawogusuŋ?”

JƐRƖMAAYA 8:19 ပူးပေါင်းရင်းမြစ်များ

WƖA YƖƖLAA 135:21

Má dɛnnɛ La Tɩɩna Zaayɔŋ lɛ, má dɛnnʋ ʋ jaŋ Jerusalɛm lɛ. Má dɛnnɛ La Tɩɩna.

WƖA YƖƖLAA 137:1

Bʋa-la lɛ la sɩ hɔŋ Babɩlɔŋ fuonu-la sɛmɛ, nɩmɛ nɛ la liisi Zaayɔŋ wɩaa a yel woruŋ.

WƖA YƖƖLAA 146:10

La Tɩɩna nɛ kuoro a kaa mʋ wuu. Zaayɔŋ nɩaa, ma Wɩa nɛ kuoro a kaa mʋ wuu. Má dɛnnɛ La Tɩɩna.

WƖA YƖƖLAA 149:2

Iziral tɩmma, má jʋjʋɔsɛ Nɩɩ-la sɩ ŋaa ma lɛ. Zaayɔŋ nɩaa, má leŋ dɩ ma tʋɔŋ tɔrɛ ma Kuoro nyuŋ.

WƖA YƖƖLAA 31:6

Mɩ bɛrɛ nɩalɩŋ sɩɩ to vʋɩyaa sɩ ŋaa kʋpɛɩba nɛ, ama mɩ-na laaŋ dii nɛ La Tɩɩna.

AZAAYA 1:4

Aa, ma tinteeŋ deeŋ nɩaa ŋaa wʋbɔŋ ŋaara nɛ, ma cheeriŋ yʋga ma nyuŋ lɛ, ma ŋaa wʋbɔŋ ŋaara nɛ, a didii gɩrɩma. Ma vɩa ma TƖƖNA, Iziral tɩŋŋaa Wɩa sɩ bɩ disiniŋ kɛnɛ nɛ a joŋ harɩŋ yɩaʋ.

AZAAYA 12:6

Nɩalɩŋ sɩ hɛ Jerusalɛm lɛ, má faasa yɩɩ yɩɩlaa arɩ tʋɔtɔrʋŋ, bɛɛ wɩaa Iziral tɩŋŋaa Wɩɩ-balɩŋ sɩ bɩ disiniŋ kɛnɛ hɛ ma tʋɔŋ nɛ.”

AZAAYA 13:5

Ba lɩɩ tinteyee sɩ bolie nɛ, ba lɩɩ dʋnɩa dɩdɛrɩŋ nɛ. Mɩ-na ma TƖƖNA baanɩŋ chaasa sii nɛ, mɩ kori mɩ laalɩyuori kɩaa kʋkɔ dɩ mɩ chei tintee-la kala nɛ.

AZAAYA 33:22

La TƖƖNA nɛ ŋaa la sarɩya diire, ʋ nɛ ŋaa Nɩɩ-la sɩ dagɛla wombiee la tuto. La TƖƖNA nɛ la kuoro, ʋ jaŋ laala ta.

AZAAYA 39:3

Ŋɩɩ nɛ Azaaya, Wɩa wʋlaabʋllʋ-la kɔ kuoro Hezikaaya teeŋ a pɩɛsʋ, “Nɩɩ nɛ nɩalɩŋ sɩ kɔ ŋ teeŋ lɩɩ? Wʋbɛɛ nɛ ba kʋ bʋl?” Ŋɩɩ nɛ Hezikaaya sɩ, “Ba lɩɩ dɩ-bolii nɛ, Babɩlɔŋ nɛ ba lɩɩ.”

AZAAYA 52:1

Jerusalɛm nɩaa, má sii, má sii chɩŋ, a kɛŋ doluŋ. Zaayɔŋ taŋ-la sɩ bɩ disiniŋ kɛnɛ nɩaa, má paa ma gɛrɩ-zɔŋŋɔɔ laalɛ. Nɩalɩŋ sɩ kɛŋ disiniŋ bɩra bɩ jaŋ kʋ jʋʋ ma taŋ-la.

JƐRƖMAAYA 10:15

Ba bɩ bʋbʋɔ kala kɛnɛ. Ba ŋaa kɩaa sɩ kɛŋ mɔmʋŋ nɛ. Dɩ ba sarɩya diiniŋ tapʋlʋŋ nɛ yie, ba jaŋ cheiba.

JƐRƖMAAYA 14:19

Ŋ vɩa Juda nɩaa ta biri biri nɛɛ? Ŋ bɛrɛ Jerusalɛm nɩaa nɛɛ? Bɛɛ nɛ tɩɩ ŋ bolimi la ŋɩɩ kɩŋkɛŋ, dɩ ba sɩ́ wuo vaarɛla? La faa yɩɛlɛ dɩ la hɔŋ arɩ fɩɛlɩŋ nɛ, ama la bɩ ŋɩɩ na. Bʋa-la sɩ maga dɩ la duoro lɩɩ wɩaa lɛ, fawʋllʋŋ nɛ mɩɩra faasa kɛnla.

JƐRƖMAAYA 14:9

Bɛɛ nɛ tɩɩ ŋ nagɛ nʋʋ ba sɩ ŋaa wɩaa a dɩ ʋ lɛ a nagɛ laalɩyuori wajɩa sɩ bɩ doluŋ kɛnɛ dɩ ʋ laa nɩaa ta? La TƖƖNA, ŋ hɛ la tʋɔŋ nɛ, la ŋaa ŋ nɩaa nɛ, sɩ́ la vɩa ta.

JƐRƖMAAYA 2:5

Wɩɩ-la La TƖƖNA sɩ bʋla nɛ ŋ-la, “Wʋbɛɛ nɛ mɩ ŋaa chei ma naabalɩmaba, ba vɩamɛ a leŋ la pɛgɛ bol? Ba to vʋɩyaa sɩ ŋaa kʋpɛɩba harɩŋ nɛ a ma kʋ ŋaa nɩpɛɩba.

JƐRƖMAAYA 27:10

Nɩaa deemba nyɩɛ wɩaa nɛ pɩma sɩ jaŋ leŋ ba lɩɩsɛma ma tinteeŋ lɛ dɩ ma mʋ hɛ dɩ-bolii. Mɩ jaŋ kirima ta dɩ ma sʋʋ.

JƐRƖMAAYA 31:6

Tapʋlɩɩ dɔŋ jaŋ kɔ, nɩalɩŋ sɩ pɔ leriŋ a bibeŋ jaŋ faasa yɩrɛ Efirem dundolluŋ nyuŋ a bʋl, ‘Má kɔ dɩ la mʋ Zaayɔŋ, La TƖƖNA Wɩa teeŋ.’ ”

JƐRƖMAAYA 32:30

Iziral tɩŋŋaa arɩ Juda nɩaa hambiiriŋ kala lɛ a kaa kɔ ŋ-la, ba bɩ wʋzɔŋ kala ŋaa mɩ sɩɩŋ lɛ, see wʋbɔŋ. Wʋtɩtɩɩ, Iziral tɩŋŋaa bɩ wʋzɔŋ kala ŋaa, ba mɩɩra kɛŋ vesi-la ba tɩtɩa sɩ ŋaa nɛ a leŋ mɩ baanɩŋ sii. Mɩ-na ma TƖƖNA nɛ bʋla.

JƐRƖMAAYA 7:19

Mɩ-na baanɩŋ lɛ dee ba didii. Ba tɩtɩa nɛ ba dʋdɔgɩsɛ, a hɩhɩɩsɛ ba tɩtɩa ma. Mɩ-na ma TƖƖNA nɛ bʋla.

JƐRƖMAAYA 8:20

Jɛrɩmaaya bɩra bʋl, “Baga kɩaa ŋaanɩŋ bala nɛ, lɩmbaŋa dɛrɛ nɛ, ka nʋʋkala bɩ la laata.

JƐRƖMAAYA 9:16

Mɩ jaŋ kɛmba pɩsa hɛ tinteyee lɛ ba dɩ ba nyɩmmaba kʋŋkala ha sɩ bɩ jɩŋ. Mɩ jaŋ kire to ba harɩŋ arɩ tokobiiŋ see dɩ mɩ kpʋba.”

ƐZƖKƖƐL 48:35

Kɛrɛ-la sɩ golli tabal-la chu, ʋ duomuŋ kala jaŋ ŋaa naakieliŋ bʋɩ nibi, a chɩŋ bʋa-la lɛ a kaa mʋ tabal-la yɩrɩŋ jaŋ ŋaa ‘LA TƖƖNA HƐ DƖMƐ.’ ”

JOWƐL 2:32

Nɩɩ-la kala sɩ jaŋ yɩrɛ mɩ-na ma TƖƖNA yɩrɩŋ, mɩ jaŋ laaʋ ta, bɛɛ wɩaa, Zaayɔŋ peel-la arɩ Jerusalɛm lɛ laatanɩŋ jaŋ hɛ nɩmɛ, arɩ mɩ-na ma TƖƖNA sɩ bʋl ŋɩɩ. Ba nɛ ŋaa nɩkaana-la mɩ-na ma TƖƖNA sɩ lɩɩsa.

OBADAAYA 1:17

Ama Zaayɔŋ peel-la nyuŋ nɛ laatanɩŋ jaŋ hɛ, ʋ jaŋ ŋaa lee sɩ bɩ disiniŋ kɛnɛ, dɩ Jekɔb doho nɩaa tɩɩ ʋ dʋa kala.

MƖKA 4:9

Bɛɛ nɛ tɩɩ ma faasaa ŋmoo niiŋ, ma bɩ kuoro kɛnɛɛ? Nɩɩ-la sɩɩ dagɛma lɛlɛ nɛ, ka ma nɩna hɛɛŋ a nagɛ haala sɩɩ chɛ dɩ ʋ lʋl ʋ luoru wʋwɩɩ?

ZEFANAAYA 3:15

La TƖƖNA leŋ ma dɔgʋsʋŋ nɛ, ʋ kiri ma dʋndɔŋŋɔɔ ba mɩɩrɛ nɛ. La TƖƖNA, Iziral tɩŋŋaa Kuoru-balɩŋ hɛ ma teeŋ nɛ, ma bɩra bɩ jaŋ fɩfá wʋwalɩmɩɩ kala.

ZƐKARƖYA 2:9

Mɩ jaŋ sɛnɛ lɩɩsɛ mɩ nɩsɩŋ liesiba, dɩ ba tɩtɩa yosuŋ yuo diiba a paa ba kɩaa. Ŋɩɩ lɛ nɛ ma jaŋ jɩŋ arɩ La TƖƖNA doluŋ kala Tɩɩna nɛ tɩmmɛ.”

Tɩntɩŋŋaa 14:15

“Nandɔmba, bɛɛ nɛ tɩɩ maa ŋaa ŋ-la? La ma ŋaa nuhuobiinee nɛ a nagɛ ma. La kɔ dɩ la bʋl La Tɩɩna Yesu wʋzɔmɔ-la nɛ a pɩma, dɩ ma wuo leŋ ma vʋɩyaa sɩ ŋaa kʋpɛɩba aŋ bɩrɩma to Wɩa sɩ weye. Ʋ nɛ ŋaa wɩa-nyuŋ, arɩ tinteeŋ, mʋgʋ-balaa arɩ fuonuŋ, arɩ kʋŋkala sɩ hɛ ba lɛ.

MOSIS BƖRA WULLI WƖA WOMBIIŊ 31:17

Dɩ ŋɩɩ nɛ kʋ ŋaa, mɩ baanɩŋ jaŋ sii ba nyuŋ dɩ mɩ vɩaba, a joŋ harɩŋ yɩaba dɩ ba chei. Wʋlɔrʋnʋŋ arɩ wʋwalɩmaa jaŋ jʋʋba. Bʋa-la lɛ ba jaŋ bʋl, ‘La Wɩa sɩ tuo la teeŋ nɛ tɩɩ wʋlɔrʋnʋŋ deemba kala ŋɩŋaa la lɛ ŋɩɩ.’

Jɔɔŋ Wʋnaalaa 2:1

Ŋmʋŋsɛ wɩaa deemba a pɩpɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Ɛfɛsʋs lɛ. Mɩ-na nɩɩ-la sɩ kori chɛnwʋla-la balɩpɛ mɩ nadiiŋ nɩsɩŋ lɛ a vɩvɛŋ chaaŋ daasɩ-la balɩpɛ tʋɔŋ, mɩ nɛ tɩŋ tɩndaarɩŋ deeŋ.