JƐRƖMAAYA 8:15 - WƖA TENIŊ

¹⁵ La faa yɩɛlʋ arɩ la jaŋ hɔŋ arɩ fɩɛlɩŋ nɛ, ama la bɩ ŋɩɩ na. Bʋa-la sɩ maga dɩ la duoro lɩɩ wɩaa lɛ, fawʋllʋŋ mɩɩra jʋʋla yʋgɛ nɛ.

JƐRƖMAAYA 8:15 ပူးပေါင်းရင်းမြစ်များ

JOB 30:26

Ama mɩ sɩ yɩɛla chɩchɛ wʋzɔmʋŋ, wʋbɔmʋŋ nɛ mɩ mɩɩra na. Mɩ sɩ bee chɩchɛ pʋlʋmʋŋ, birimiŋ nɛ mɩ mɩɩra nɩna.

JƐRƖMAAYA 12:12

Laalɩyuoro-la sɩɩ chei leriŋ jaŋ kʋ waala tɔ dundollu-la kala sɩ hɛ tintee-hɩlɩŋ lɛ, mɩ-na ma TƖƖNA tokobiiŋ jaŋ chɩŋ tintee-la sɛmɛ dɔŋɔ, a kpʋ nɩaa deeŋ deeŋ a mʋ yi sɛmɛ dɔŋɔ. Nʋʋkala bɩ jaŋ wiesi.

JƐRƖMAAYA 14:19

Ŋ vɩa Juda nɩaa ta biri biri nɛɛ? Ŋ bɛrɛ Jerusalɛm nɩaa nɛɛ? Bɛɛ nɛ tɩɩ ŋ bolimi la ŋɩɩ kɩŋkɛŋ, dɩ ba sɩ́ wuo vaarɛla? La faa yɩɛlɛ dɩ la hɔŋ arɩ fɩɛlɩŋ nɛ, ama la bɩ ŋɩɩ na. Bʋa-la sɩ maga dɩ la duoro lɩɩ wɩaa lɛ, fawʋllʋŋ nɛ mɩɩra faasa kɛnla.

JƐRƖMAAYA 4:10

Ŋɩɩ nɛ mɩ bʋl, “Aa, La TƖƖNA Wɩɩjarɩbakɔ, ŋ chaasa nyɩsɛ nɩaa deemba arɩ Jerusalɛm nɩaa kala nɛ ŋ fa sɩ sɩ, ‘Má jaŋ hɔŋ arɩ fɩɛlɩŋ,’ ka tokobiiŋ pɛsɛ ba yikorusuŋ lɛ.”

JƐRƖMAAYA 6:25

Má pɔ ma sɩ́ pɔkɔŋ nyuŋ jɩl a sɩ́ wombiee ma lɛ vɛŋ, bɛɛ wɩaa la dʋndɔmɔ-la kori tokobiee nɛ, fawʋllʋŋ hɛ lee-kala.

JƐRƖMAAYA 8:11

Ba yie kɛŋ sɛntɛrɩŋ nɛ a chɛsɛ mɩ nɩaa naawɩɩlaa a nagɛ ba firise nɛ. Ba yie bʋl, ‘Fɩɛlɩŋ hɛ nɩmɛ, Fɩɛlɩŋ hɛ nɩmɛ, aŋ ka fɩɛlɩŋ tuo.’

ƐZƖKƖƐL 7:25

Dɩ fawʋllʋŋ nɛ chaasa jʋʋba, ba jaŋ chɩchɛ dɩ ba hɔŋ arɩ fɩɛlɩŋ, ama ba bɩ jaŋ na.

MƖKA 1:12

Ma nɩalɩŋ sɩ hɛ taŋ-la ba sɩɩ yɩrɛ Marɔf lɛ, hɛɛŋ jʋʋma nɛ. Maa chɛ nʋʋ nɛ dɩ ʋ lɩɩsɛma hɛɛ-la lɛ. La TƖƖNA nɛ joŋ wʋlɔrʋnʋŋ hɛ ma lɛ, wɩalɩŋ paala kpagɛ Jerusalɛm ma boi-baalɩŋ nɛ.

1 Tɛsalonaaka Nɩaa 5:3

Bʋa-la lɛ nɩaa sɩ jaŋ bɩɩnɛ arɩ leriŋ fɩɛla nɛ wɩɩkala tuo, cheeriŋ jaŋ guu jʋʋba. Nʋʋkala bɩ jaŋ wuo fá lɛl. Ʋ jaŋ nagɛ arɩ haala sɩ kɛŋ luoruŋ, ʋ luoruŋ sii a wʋwɩɩ ʋ lɛ dɩ ʋ lʋl.