JƐRƖMAAYA 8:13 - WƖA TENIŊ

¹³ Mɩ jaŋ leŋ dɩ ba kʋpɛrɛɛ birigi. Girep tɩɩsɩŋ bɩ jaŋ kɛŋ nɛŋ kala. Tutogo ma bɩ jaŋ nɛŋ tutogi-nambɩlaa, ba pɩpaarɩŋ jaŋ yuori. Kɩalɩŋ kala mɩ sɩ joŋo pɩba, mɩ jaŋ laaba ba teeŋ. Mɩ-na ma TƖƖNA nɛ bʋla.”

JƐRƖMAAYA 8:13 ပူးပေါင်းရင်းမြစ်များ

AZAAYA 5:10

Tɩɩnɛnɛɛ baga jaŋ yi eekaba fii, ama tɩɩnɛnɛ-la kala sɩ jaŋ bɩɩ nɩmɛ sɩnɩŋ jaŋ ŋaa lonnuŋ banɛsɛ. Dɩ ba nɛ joŋ mɩɩ-doho bɔtɔ a duu, ba jaŋ kʋŋ kuokuo gbansɩŋ banɛsɛ.”

JƐRƖMAAYA 14:12

Arɩ ba sɩɩ vɔɔ niiŋ ma kala, mɩ bɩ jaŋ jegile nɩɩ ba yele. Ba ŋaa kʋnyɩgaa Wɩɩsʋlʋŋ arɩ mɩaa Wɩɩsʋlʋŋ pɩpɩmɛ ma nɛ, ama mɩ bɩ jaŋ laaba. Mɩ jaŋ mɩɩra joŋ laalɩŋ, losuŋ arɩ nyanyalɩŋ a hɛ ba lɛ dɩ ba sʋʋ.”

JƐRƖMAAYA 14:15

Ŋɩɩ wɩaa, wɩɩ-la mɩ-na ma TƖƖNA sɩ bʋla tɩgɛ nɩalɩŋ sɩɩ bʋl wɩaa mɩ yɩrɩŋ lɛ nɛ ŋ-la: Mɩ dee bɩ ba hɛ, ka ba bʋbʋl, ‘Laalɩŋ koo losuŋ bɩ jaŋ jʋʋ tinteeŋ deeŋ.’ Laalɩŋ jaŋ kpʋ wʋlaabʋllaa deemba tɩtɩa, dɩ losuŋ ma kɛŋ dɔnsʋŋ dɩ ba sʋʋ.

JƐRƖMAAYA 17:8

Ʋ jaŋ nagɛ tɩa ba sɩ chɔnsɔ a kpagɛ lɩɩŋ, ʋ naapoloo tɛllɛ mʋ jʋʋ fuoŋ. Ʋ bɩ lɩmɩŋ ka fá. Ʋ pɩpaarɩŋ yie biri nɛ bʋa na-kala lɛ. Ʋ-na sɩpaa tuo, dɩ hɩlɩŋ nɛ chɩna ma, ʋ yie nɩnɛŋ bʋa na-kala lɛ nɛ.

JƐRƖMAAYA 5:17

Ba jaŋ chei ma kʋpɛrɛɛ arɩ ma kʋdiilee. Ba jaŋ kpʋ ma hambolibiisiŋ arɩ ma hantolibiisiŋ. Ba jaŋ kpʋ ma piesee arɩ ma nɛsɩŋ kala. Ba jaŋ keri ma girep tɩɩsɩŋ arɩ ma tutogusuŋ ta. Ba jaŋ kɛŋ ba tokobiee a chei ma tabala-la ma sɩ saa kɛrɩsɩŋ golli a joŋ ma yɩɛlaa hɛ.”

JƐRƖMAAYA 7:20

Ŋɩɩ wɩaa, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ na baanɩŋ ba nyuŋ kɩŋkɛŋ nɛ, mɩ jaŋ joŋ mɩ baaŋ-la sɩ faasa sii fɩɩsɛ Juda nɩaa lɛ, ba pʋsʋŋ arɩ ba tɩɩsɩŋ arɩ ba kʋpɛrɛɛ lɛ. Mɩ baaŋ-la jaŋ nagɛ nyiŋ-la sɩ bɩ dɩsɛ a diiba.

ƐZƖKƖƐL 22:31

Ŋɩɩ wɩaa mɩ baanɩŋ jaŋ sii ba nyuŋ, mɩ baanɩŋ jaŋ nagɛ nyiniŋ a jomba dii. Wɩalɩŋ kala ba sɩ ŋaa jaŋ gʋra nyʋa ba nyuŋ lɛ. Mɩ-na ma TƖƖNA Wɩɩjarɩbakɔ nɛ bʋla.”

HOSIA 2:12

Mɩ jaŋ chei ʋ girep nɛnɛɛ bagɩsɩŋ arɩ ʋ tutogusuŋ, kɩalɩŋ ʋ sɩ sɩ ʋ hɩɩlaba joŋo timu. Mɩ jaŋ leŋ dɩ ba lugo kɛŋ dɔŋɔ woruŋ a nagɛ tiiŋ, dɩ baga kɩaa joŋo dii.

JOWƐL 1:7

Ba chei mɩ girep tɩɩsɩŋ nɛ a gbegisi mɩ tutogusuŋ. Ba fɩsɛ ba harɩŋ puruŋ nɛ a joŋo yuo ta, ka ba naakelee kala pʋlla chɩŋ.

LEVI DOHO NƖAA 26:20

Ma jaŋ tɩŋ pɛɩ, ma baga kɩaa bɩ jaŋ wasɛ, ma tɩɩnɛnɛɛ ma bɩ jaŋ nɛŋ.

HABAKU 3:17

Arɩ tutogusuŋ sɩ bɩ fɩɩla ma kala, girep tɩɩsɩŋ ma bɩ nɛnɛ, olif tɩɩsɩŋ ma bɩ nɛnɛ, bagɩsɩŋ bɩ kʋdiilii kala kɛnɛ, piesee ma tuo pie-dɩa lɛ, nɛsɩŋ ma tuo nɛ-dɩa lɛ,

HAGAƖ 1:11

Mɩ leŋe hɩlɩŋ chɩŋ ma bagɩsɩŋ arɩ peelee lɛ nɛ, mɩaa, tɩɩnɛnɛɛ sɩnɩŋ arɩ olif nʋʋŋ nyaa tinteeŋ lɛ. Hɩl-la chei nuhuobiinee arɩ pʋsʋŋ kala nɛ arɩ tɩntɩmɩɩ kala ma sɩɩ tɩŋ.”

HAGAƖ 2:17

Mɩ joŋ saga arɩ dayalɩbɩŋ arɩ duoŋ-tabɩaa a hɛ ma kʋduuloo lɛ a leŋ ba chei, ka ma ha bɩ bɩrɩma kɔ mɩ teeŋ a tomi. Mɩ-na ma TƖƖNA nɛ bʋla.

MALAKAƖ 3:11

Mɩ bɩ jaŋ leŋ dɩ diiree chei ma baga kɩaa, ma girep tɩɩsɩŋ jaŋ chaasa nɛŋ woruŋ.

Matiu 21:19

Ʋ na tutogo dɩ ʋ chɩŋ ʋ sɩpaaŋ wombiiŋ niiŋ. Ʋ mʋ yi tutogo-la bʋbʋɔŋ a wʋla beŋ dɩ nɛnɛɛ tuo, see pɩpaarɩŋ. Ŋɩɩ nɛ ʋ bʋl tɩa-la lɛ, “A lɩɩ jɩnɩŋ a kaa mʋmʋ, ŋ bɩra bɩ jaŋ nɛŋ.” Tɩa-la guu sʋʋ.

Jeems 1:11

bɛɛ wɩaa, wɩa yie pɔsɛ, leriŋ faasa lɩŋ, wulumuŋ ŋaa yaŋ-la hɩl ʋ fɩɩlaa yuori. Ʋ zɔmʋŋ lɛl. Nɩɩ-la sɩ kɛŋ kɩaa ma nagɛ ŋɩɩ nɛ. Ʋ ha jaŋ tɩtɩŋ ʋ tɩntɩŋŋaa aŋ sʋʋ kagɛ.