JƐRƖMAAYA 8:12 - WƖA TENIŊ

¹² Wʋkɩsɩa-la ba sɩɩ ŋaa, hɩɩsɩŋ kɛmba nɛɛ? Aɩ, ba paala bɩ hɩɩsɩŋ ka fá. Ba paala bɩ jɩŋ ŋɩɩ ba sɩ jaŋ kɛŋ sɩaa chei. Ŋɩɩ wɩaa ba jaŋ sʋʋ, a pɛ nɩalɩŋ sɩ sʋba lɛ. Mɩ jaŋ dɔgɩsɛba a kɛmba muuri. Mɩ-na ma TƖƖNA nɛ bʋla.

JƐRƖMAAYA 8:12 ပူးပေါင်းရင်းမြစ်များ

WƖAA DƖ-SUOMUŊ 19:34

Ʋ taŋ sɩ pʋla, ŋɩɩ nɛ tol-hɩaŋ-la bʋla pɩ ʋ ŋaana arɩ ʋ dɩ ʋ nyɩmma dɩa pɛ bɔsɔ nɛ. Ʋ sɩ, “Leŋ dɩ la bɩra pʋ sɩnɩŋ jɩnɩŋ tɩtaŋɩŋ dɩ ʋ nyʋa bugi dɩ ŋ ma jʋʋ dɩ ŋ dɩ ʋ pɩŋ. Ŋɩɩ lɛ nɛ la jaŋ to ʋ lɛ a lʋl biiriŋ dɩ la doho sɩ́ dɛrʋ.”

WƖA YƖƖLAA 52:1

Nɩbal, bɛɛ nɛ tɩɩ ŋ bibigisi ŋ wʋbɔŋŋɔɔ lɛ? Bɛɛ nɛ tɩɩ ŋ bibigisi ŋ tɩtɩa lɛ tapʋlɩɩ kala aŋ bɩ jɩŋ dɩ ŋ ŋaa nʋʋ sɩ dii hɩɩsɩŋ nɛ Wɩa sɩpaaŋ?

WƖA YƖƖLAA 52:7

“Má bee na nɩɩ-la sɩ bɩ Wɩa joŋo ʋ ŋaa ʋ dɩ-duoŋ aŋ joŋ ʋ yɩɛlaa hɛ ʋ dʋa lɛ, a kɛŋ doluŋ a chichei ʋ dɔnsʋŋ tɩŋŋaa.”

AZAAYA 24:2

Wɩɩsʋllɩ sɩpaalaaraa, arɩ nʋʋkala, yosuŋ arɩ nɩalɩŋ sɩ tɩɩ ba tɩtɩa, haalaa arɩ ba ketiee, nɩalɩŋ sɩɩ yallɛ kɩaa arɩ nɩalɩŋ sɩɩ yɔɔ, nɩalɩŋ sɩ joŋ kɩaa chɩchɩŋ nɩaa arɩ chɩŋ-diiree, kɩaa tɩŋŋaa arɩ summoo, ba kala lɛ nɛ wɩɩŋ deeŋ jaŋ ŋaa.

AZAAYA 3:9

Dɩ ŋ nɛ beŋ ba sɩaa lɛ, ŋ jaŋ jɩŋ arɩ ba ŋaa wʋbɔŋ ŋaara nɛ. Ba yie ŋaa wʋbɔmʋŋ pʋlʋmʋŋ tʋɔŋ a nagɛ Sodom tɩŋŋaa fa sɩɩ ŋaa ŋɩɩ nɛ, ba bɩ kaa fɩfaa. Ba jaŋ na hɛɛŋ, ba tɩtɩa nɛ lɛrɛ wʋlɔrʋŋ deeŋ kʋʋ hɛ ba tɩtɩa lɛ.

JƐRƖMAAYA 10:15

Ba bɩ bʋbʋɔ kala kɛnɛ. Ba ŋaa kɩaa sɩ kɛŋ mɔmʋŋ nɛ. Dɩ ba sarɩya diiniŋ tapʋlʋŋ nɛ yie, ba jaŋ cheiba.

JƐRƖMAAYA 14:15

Ŋɩɩ wɩaa, wɩɩ-la mɩ-na ma TƖƖNA sɩ bʋla tɩgɛ nɩalɩŋ sɩɩ bʋl wɩaa mɩ yɩrɩŋ lɛ nɛ ŋ-la: Mɩ dee bɩ ba hɛ, ka ba bʋbʋl, ‘Laalɩŋ koo losuŋ bɩ jaŋ jʋʋ tinteeŋ deeŋ.’ Laalɩŋ jaŋ kpʋ wʋlaabʋllaa deemba tɩtɩa, dɩ losuŋ ma kɛŋ dɔnsʋŋ dɩ ba sʋʋ.

JƐRƖMAAYA 23:12

Ŋɩɩ wɩaa, ba wombiiŋ jaŋ sɩsɩɛrɛ, mɩ jaŋ kiriba hɛ birimiŋ lɛ, dɩ ba tel nɩmɛ. Mɩ jaŋ kɛŋ wʋlɔrʋŋ kʋ hɛ ba lɛ jɩna-la lɛ mɩ sɩ jaŋ dɔgɩsɛba. Mɩ-na ma TƖƖNA nɛ bʋla.

JƐRƖMAAYA 3:3

Ŋɩɩ nɛ tɩɩ mɩ kɛrɛ duonuŋ ŋɩɩ, a pɔ dɩ duoŋ-puso sɩ́ nɩɩ. Ama ma paala nagɛ hachɔrʋŋ nɛ, a bɩ hɩɩsɩŋ ka fá.

JƐRƖMAAYA 44:10

Arɩ jɩnɩŋ kala ba ha bɩ ba tɩtɩa kaa muuri koo a zilmi, koo a to wombii-la mɩ sɩ bile dɩ ba tuto, arɩ mɩ wʋdagaa mɩ sɩ bile pɩ ma dɩ ma naabalɩmaba.

JƐRƖMAAYA 6:15

Wʋkɩsɩa-la ba sɩɩ ŋaa, hɩɩsɩŋ kɛmba nɛɛ? Aɩ, ba paala bɩ hɩɩsɩŋ ka fá. Ba paala bɩ jɩŋ ŋɩɩ ba sɩ jaŋ kɛŋ sɩaa chei. Ŋɩɩ wɩaa ba jaŋ sʋʋ, a pɛ nɩalɩŋ sɩ sʋba lɛ. Mɩ jaŋ dɔgɩsɛba a kɛmba muuri. Mɩ-na ma TƖƖNA nɛ bʋla.”

JƐRƖMAAYA 6:21

Ŋɩɩ wɩaa, wɩɩ-la La TƖƖNA bɩra sɩ bʋla nɛ ŋ-la: “Mɩ jaŋ joŋ baŋkɛŋ wɩaa kɛrɛ nɩaa deemba. Bii-lʋllaa arɩ ba biiriŋ jaŋ gɛrɛba tel. Pɛ-jʋʋraa arɩ ba nandɔnsʋŋ ma jaŋ sʋʋ.”

ƐZƖKƖƐL 23:18

Ʋ fa sɩ joŋ hachɔrʋŋ wɩalɩŋ chʋŋ ʋ nyuŋ lɛ ŋɩɩ, nɩaa kala jɩŋ ʋ bʋbʋɔŋ. Mɩ mɩɩsɩŋ fɩɩ mɩ joŋ harɩŋ yɩaʋ a nagɛ mɩ fa sɩ joŋ harɩŋ yɩa ʋ malɩma ŋɩɩ.

HOSIA 5:9

Efirem jaŋ pɩŋ hoi tapʋlɩɩ-la ba sɩ jaŋ dɔgɩsɛ nɩaa. Iziral doho doho tʋɔŋ, wɩɩ-la mɩ sɩ bʋla sɛnɛ jaŋ ŋaa.

ZEFANAAYA 3:5

La TƖƖNA ŋaa tʋɔpʋl Tɩɩna nɛ a hɛ tabal-la lɛ, ʋ bɩ wʋbɔŋ kala ka ŋaa. Tapʋlɩɩ na-kala ʋ yie dagɛ ŋɩɩ ʋ sɩ kɛŋ wʋtɩtɩɩ nɛ, ʋ bɩ giri, ka nɩalɩŋ sɩ kɛŋ tʋɔbɔmʋŋ ha bɩ hɩɩsɩŋ jɩŋ.

MOSIS BƖRA WULLI WƖA WOMBIIŊ 32:35

Mɩ jaŋ laa yuo pɩma a tiŋ ma chɩmɩŋ bʋa-la lɛ sɩ maga. Bʋa kʋbala jaŋ yi dɩ ba sɩɛrɛ. Bʋa-la lɛ wʋlɔrʋnʋŋ sɩ jaŋ ŋaa ba lɛ kpagɛ nɛ, ba sʋʋŋ yie nɛ.”

Fɩlɩpa Nɩaa 3:19

Ba dɩdɛrɩŋ, ba jaŋ jʋʋ Wɩa nyiniŋ. Ba tʋɔtɔrɛ wʋŋaalaa lɛ nɛ baa to. Ba sɩɩŋ yie fɩɛsɛ hɩɩsɩ wɩaa lɛ nɛ. Ba yie bɩbɩɩnɛ dʋnɩa kɩaa dʋndʋŋa wɩaa nɛ.