JƐRƖMAAYA 8:11 - WƖA TENIŊ

¹¹ Ba yie kɛŋ sɛntɛrɩŋ nɛ a chɛsɛ mɩ nɩaa naawɩɩlaa a nagɛ ba firise nɛ. Ba yie bʋl, ‘Fɩɛlɩŋ hɛ nɩmɛ, Fɩɛlɩŋ hɛ nɩmɛ, aŋ ka fɩɛlɩŋ tuo.’

JƐRƖMAAYA 8:11 ပူးပေါင်းရင်းမြစ်များ

1 KUOROO 22:13

Nɩɩ-la ba sɩ tɩma dɩ ʋ yɩrɛ Mɩkaaya bʋla pʋ, “Na, Wɩa wʋlaabʋlla-la bʋl wʋbala nɛ. Ba sɩ, ‘Kuoro jaŋ yuo dii.’ Dɩ ŋ nɛ mʋa, ŋ ma chɩŋ ba kʋa lɛ a bʋl ŋɩɩ tɩtɩa.”

1 KUOROO 22:6

Ŋɩɩ nɛ Ahab yɩrɛ wʋnyɩɛrɩ Wɩa wʋlaabʋllaa zɔɔ-banɛsɛ a pɩɛsɛba, “Mɩ mʋ yuo Ramɔf Gɩlɩad koo mɩ sɩ́ mʋ?” Ba bʋl, “Mʋ yuou, La TƖƖNA jaŋ joŋu hɛ ŋ nɩsɩŋ lɛ.”

JƐRƖMAAYA 14:13

Ama mɩ sɩ, “Ah, La TƖƖNA Wɩɩjarɩbakɔ, ŋ wʋlaabʋllaa vɛnɛ bʋla pɩpɩba nɛ arɩ ŋ sɩ, ‘Laalɩŋ bɩ jaŋ jʋʋma koo dɩ losuŋ jʋʋma dɩ ma na hɛɛŋ. Wʋtɩtɩɩ, mɩ jaŋ leŋ dɩ ma hɔŋ tinteeŋ deeŋ lɛ arɩ fɩɛlɩŋ a kaa mʋmʋ wuu.’ ”

JƐRƖMAAYA 23:17

Ba yie bʋla pɩpɩ nɩalɩŋ sɩ bɩ mɩ kaa tɩtɩŋ, ‘La TƖƖNA sɩ: Má jaŋ hɔŋ arɩ fɩɛlɩŋ.’ Ba yie bʋla pɩ nɩalɩŋ ma kala sɩɩ to ba nyuduoŋ harɩŋ, ‘Wʋbɔŋ kala bɩ jaŋ ŋaa ma lɛ.’

JƐRƖMAAYA 6:14

Ba yie kɛŋ sɛntɛrɩŋ nɛ a chɛsɛ mɩ nɩaa naawɩɩlaa a nagɛ ba firise nɛ. Ba yie bʋl, ‘Fɩɛlɩŋ hɛ nɩmɛ, fɩɛlɩŋ hɛ nɩmɛ,’ ka fɩɛlɩŋ paala tuo.

JƐRƖMAAYA 8:15

La faa yɩɛlʋ arɩ la jaŋ hɔŋ arɩ fɩɛlɩŋ nɛ, ama la bɩ ŋɩɩ na. Bʋa-la sɩ maga dɩ la duoro lɩɩ wɩaa lɛ, fawʋllʋŋ mɩɩra jʋʋla yʋgɛ nɛ.

JEMBIEE 2:14

Wɩalɩŋ ma Wɩa wʋlaabʋllaa sɩ na arɩ duosoo tʋɔŋ, ŋaa wʋnyɩɛrɩŋ nɛ a bɩ bʋbʋɔ kala kɛnɛ. Ba bɩ leŋe ma jɩŋ dɩ ma ŋaa wʋbɔŋŋɔɔ, dɩ ŋɩɩ fa leŋ dɩ ma sɩ́ yoŋ-baga mʋ. Wɩalɩŋ ba sɩ bʋla pɩma ŋaa wʋnyɩɛrɩŋ nɛ a kɛmma yeŋŋi.

ƐZƖKƖƐL 13:22

Ma nyɩɛ wɩaa a ŋaa tʋɔpʋl tɩmma-la mɩ sɩ bɩ chɛ mɩ leŋ dɩ ba tʋɔŋ chei, nandaasɩŋ yʋɔrɛ nɛ, aŋ leŋ nɩbɔŋŋɔɔ nyuŋ nyaasɛ dɩ ba sɩ bɩrɩma lɩɩ ba wʋbɔŋŋɔɔ lɛ a laa ba mɩɩsɩŋ.

MƖKA 2:11

Dɩ wʋnyɩɛrʋ nɛ fa kʋ nyɩsɛma a bʋl, ‘Mɩ jaŋ bʋl wɩaa Wɩa doluŋ lɛ arɩ girep nɛnɛɛ sɩnɩŋ arɩ sɩ-duoruŋ jaŋ pʋrɩgɛ,’ wʋlaabʋlla deeŋ doho nɛ ma nɩaa deemba chɩchɛ.”

1 Tɛsalonaaka Nɩaa 5:3

Bʋa-la lɛ nɩaa sɩ jaŋ bɩɩnɛ arɩ leriŋ fɩɛla nɛ wɩɩkala tuo, cheeriŋ jaŋ guu jʋʋba. Nʋʋkala bɩ jaŋ wuo fá lɛl. Ʋ jaŋ nagɛ arɩ haala sɩ kɛŋ luoruŋ, ʋ luoruŋ sii a wʋwɩɩ ʋ lɛ dɩ ʋ lʋl.