JƐRƖMAAYA 7:34 - WƖA TENIŊ

³⁴ Mɩ jaŋ leŋ dɩ tʋɔtɔrɛ goŋ-la ha-falaa arɩ ba balaba sɩɩ ŋaa dɛrɛ Juda tasɩŋ arɩ Jerusalɛm womporunuŋ lɛ, bɛɛ wɩaa ba tinteeŋ jaŋ pɩŋ hoi.”

JƐRƖMAAYA 7:34 ပူးပေါင်းရင်းမြစ်များ

JOB 3:7

A leŋ dɩ tɩtaŋ-la birigi, dɩ tʋɔtɔrʋ kala tuo ʋ lɛ.

WƖA YƖƖLAA 78:63

Bapʋɔsɩ-biisiŋ kala nɛ ba fa kpʋ laalɩŋ lɛ, aŋ ka hatoloo bɩ baalaa na dɩ ba jaa.

AZAAYA 1:7

Maa beŋ nɛ ka nɩwogusuŋ kʋ yuo dii ma tabalaa a nyɩgɛ ma dɩɩsɩŋ, nʋhʋɔraa dii ma bagɩsɩŋ nɛ, ka ma tinteeŋ pɩŋ jikpeeŋ.

AZAAYA 3:26

Jerusalɛm kala jaŋ ŋaa yele dɩ ba tɩta jembiee. Ʋ jaŋ wuoli a nagɛ summo sɩ hɔnɔ a bɩ kʋŋkala kɛnɛ.

AZAAYA 6:11

Ŋɩɩ nɛ mɩ pɩɛsɛ, “La TƖƖNA ɛɛ nɛ ŋɩɩ jaŋ diene magɛ?” Ʋ bʋl, “See dɩ ba tabalaa cheye a pɩŋ jikpeeŋ, dɩ nɩaa tuo ba lɛ dɩ ba dɩɩsɩŋ kala wuoli, dɩ ba bagɩsɩŋ ma kala pɩŋ kʋŋkʋlʋŋ.

JƐRƖMAAYA 16:9

Wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Ŋ mɩɩsɩŋ lɛ, ŋ sɩɩŋ jaŋ na dɩ mɩ leŋe dɩ tʋɔtɔrɛ goŋ-la ba sɩɩ ŋaa kala dɛrɛ, dɩ ha-falaa arɩ ba balaba goŋ ma dɛrɛ leriŋ deeŋ.

JƐRƖMAAYA 22:6

Wɩɩ-la La TƖƖNA sɩ bʋla tɩgɛ Juda kuoro dɩa lɛ nɛ ŋ-la: “Arɩ ŋ sɩ zɔmɔ nagɛ Gɩlɩad tinteeŋ ma kala mɩ teeŋ, a nagɛ Lɛbanɔŋ peelee, mɩ jaŋ leŋ dɩ ŋ nagɛ tintee-hɩlɩŋ, a nagɛ tasɩ-la nɩaa sɩ́ bɩ jʋʋ.

JƐRƖMAAYA 25:10

Mɩ jaŋ leŋ dɩ tʋɔtɔrɛ goŋ-la ba sɩɩ ŋaa dɛrɛ, dɩ goŋ-la ha-falaa arɩ ba balaba ma sɩɩ ŋaa dɛrɛ. Nɔmʋŋ ma bɩra bɩ jaŋ dɔŋ, ba bɩ jaŋ nyɩgɛ chaanaa ma nɩmɛ.

JƐRƖMAAYA 27:17

Má sɩ́ ba teeŋ jegilu. Má tɩma pɩ Babɩlɔŋ kuoro, ŋɩɩ nɛ ma jaŋ kɛŋ mɩɩsɩŋ. Bɛɛ nɛ tɩɩ tabalɩŋ deeŋ jaŋ pɩŋ ji-kpee?

JƐRƖMAAYA 33:10

Wɩɩ-la La TƖƖNA sɩ bʋla nɛ ŋ-la: “Ma bʋla a mʋ tɩgɛ leriŋ deeŋ lɛ, ‘Ʋ pɩŋ hoi nɛ, nɩaa arɩ pʋsʋŋ tuo.’ Arɩ ŋɩɩ kala, Juda tasɩŋ arɩ Jerusalɛm womporunu-la sɩ pɩŋ pɛɩ ŋɩɩ, nɩaa koo pʋsʋŋ tuo ba lɛ, nɩaa jaŋ bɩra nɩɩ

JƐRƖMAAYA 33:11

tʋɔtɔrɛ goŋ nɩmɛ. Ha-falaa arɩ ba balaba jaŋ bɩra ŋaa goŋ, dɩ nɩalɩŋ ma sɩ kɛŋ Wɩɩsʋlʋŋ kɩaa kɔ mɩ-na ma TƖƖNA dɩa dɩ ba lɔllɛmɛ bʋl, ‘Má lɔllɛ La TƖƖNA doluŋ kala Tɩɩna, bɛɛ wɩaa ʋ wɩaa zɔmɔ ʋ chonuŋ bɩ dɛrɛ.’ Mɩ jaŋ leŋ dɩ tinteeŋ deeŋ bɩra kɛŋ dʋa arɩ ʋ fa sɩ nagɛ ŋɩɩ. Mɩ-na ma TƖƖNA nɛ bʋla.”

JƐRƖMAAYA 4:26

Mɩ sɩ bene, tintee-la fa sɩ sɩma mɩɩra bɩrɩmɛ tintee-hɩlɩɩ nɛ. Ʋ tasɩŋ kala pɩŋ jikpeeniŋ nɛ, a tɩŋ la TƖƖNA sɩ na baanɩŋ kɩŋkɛŋ wɩaa.

JƐRƖMAAYA 4:27

Wɩɩ-la mɩ-na ma TƖƖNA sɩ bʋla nɛ ŋ-la: “Tintee-la kala jaŋ pɩŋ jikpeeŋ, ama, mɩ ta bɩ jaŋ chei ʋ kala gbelem gbelem.

JƐRƖMAAYA 44:6

Ŋɩɩ wɩaa, mɩ chaasa na baanɩŋ ba nyuŋ, a chei Juda tasɩŋ arɩ Jerusalɛm womporunuŋ, a leŋ ba cheye pɩŋ hoi arɩ ŋɩɩ ba sɩ naga jɩnɩmba.

JEMBIEE 5:14

Nɩhɩasɩŋ bɩra bɩ tabalɩŋ boi-baalɩŋ lɛ wuo hɔŋ, bapʋɔsaa leŋ yɩɩlaa yɩɩnɩŋ.

ƐZƖKƖƐL 26:13

Mɩ jaŋ leŋ dɩ ŋ yɩɩlaa yɩɩnɩŋ dɛrɛ, nʋʋ bɩra bɩ jaŋ nɩɩ dɩ ŋ du cheŋ a yɩyɩɩ yɩɩlaa.

ƐZƖKƖƐL 7:11

Doluŋ diiniŋ paala pʋrɩgɛ nɛ a nagɛ toŋguluŋ sɩ je dɩ ʋ dɔgɩsɛ nɩbɔŋŋɔɔ. Nɩalɩŋ kʋŋkala bɩ jaŋ ka, nɩ-daŋ-la, ba dʋa arɩ ba kʋŋkala ma sɩ kɛŋ yuŋuŋ.

HOSIA 2:11

Mɩ jaŋ giri gbieli dosunu-la kala ʋ sɩɩ gbielu ta: jɩna jɩna gbiele, chɛŋ-falɩŋ gbiele, chɛ-wiesii-la arɩ gbiele-la dɔnsʋŋ kala.

HOSIA 2:13

Mɩ jaŋ dɔgʋsʋ a tɩŋ tapʋlɩa-la ʋ sɩ nyɩgɛ kʋsʋɔrʋsʋŋ a pɩ vene-la ba sɩɩ yɩrɛ Baal. Ʋ fa kpɩɛrɛ ʋ tɩtɩa nɛ a joŋ nenii-pɩraa arɩ banzɔlɔba hɛ a kire to ʋ hɩɩlaba harɩŋ aŋ yʋ mɩ wɩaa. Mɩ-na ma TƖƖNA nɛ bʋla.

LEVI DOHO NƖAA 26:33

Mɩ jaŋ leŋ dɩ laalɩŋ kirima dɩ ma fá a pɩsa jʋʋ tintee-wogusuŋ, ka ma tinteeŋ arɩ ma tasɩŋ pɩŋ jikpeeŋ.

MƖKA 7:13

Dʋnɩa sɛmɛ-la sɩ ka jaŋ pɩŋ hoi a tɩŋ wʋbɔmɔ-la nɩalɩŋ sɩ hɛ ʋ lɛ sɩɩ ŋaa wɩaa.

Jɔɔŋ Wʋnaalaa 18:23

Chaanaa ma bɩra bɩ jaŋ chaanɛ ʋ tʋɔŋ. Baalaa arɩ haalaa bɩra bɩ jaŋ jaa dɔŋɔ ʋ lɛ. Babɩlɔŋ bayalaa nɛ fa ŋaa nɩbalaa dʋnɩa deeŋ lɛ. Ʋ kɛŋ ʋ chichiribi wɩaa a nyɩsɛ dʋnɩa nɩaa kala.