JƐRƖMAAYA 7:31 - WƖA TENIŊ

³¹ Ba bil vene-la ba sɩɩ yɩrɛ Tɔfɛf dɩ-kpaarɩŋ nɛ Bɛŋ Hɩnɔm fuonaaŋ lɛ, dɩ ba kɛsɛ ba hambolibiisiŋ arɩ ba hantolibiisiŋ a nyɩnyɩgɛ. Wɩɩ mɩ sɩ bɩ ba daga, ŋɩɩ paala bɩ mɩ tʋɔbɩɩnaa kɔ.”

JƐRƖMAAYA 7:31 ပူးပေါင်းရင်းမြစ်များ

2 KUOROO 17:17

Ba yie kɛsɛ ba hambolibiisiŋ arɩ ba toloo kpʋ a nyɩga pɩpɩ vesiŋ, a vʋvʋgɛ, a joŋ ba tɩtɩa kala hɛ wʋbɔŋŋɔɔ ŋaanɩŋ lɛ La TƖƖNA teeŋ, a leŋ ʋ baanɩŋ sii.

2 KUOROO 23:10

Josaaya fa bɩra chei vesiŋ dɩ-kpaara-la ba sɩɩ yɩrɛ Tɔfɛf a hɛ Bɛŋ Hɩnɔm fuonaaŋ lɛ, dɩ nɩaa bɩra sɩ́ ba biiriŋ kaa mʋ kpʋ a nyɩga pɩ vene-la ba sɩɩ yɩrɛ Mɔlɛk.

2 KUOROO 23:20

Josaaya fa kpʋ veŋ-kpaara-la kala ba veŋ-kpaarɛ korunu-la nyuŋ nɛ, a nyɩgɛ nuhuobiine haŋgbelee korunu-la kʋŋkala nyuŋ, aŋ mɩɩra mʋ Jerusalɛm.

2 IZIRAL TƖŊŊAA NAABARƖŊ 28:3

Ʋ fa kpʋ pʋsʋŋ a nyɩgɛ nɛ Bɛŋ Hɩnɔm fuonaaŋ lɛ, a paala kɛŋ ʋ tɩtɩa hambolibiisiŋ kpʋ a nyɩga pɩ vesiŋ a ŋaa wɩalɩŋ sɩɩ kɩsʋ La TƖƖNA teeŋ. Wɩalɩŋ tɩtɩa nɛ tinteye-la nɩaa fa ŋɩŋaa tintee-la lɛ, La TƖƖNA kiriba ta ka Iziral tɩŋŋaa kʋ hɔŋ.

2 IZIRAL TƖŊŊAA NAABARƖŊ 33:6

Ʋ kɛŋ ʋ tɩtɩa hambolibiisiŋ mʋ Hɩnɔm Fuonaaŋ a kpʋ nɛ a nyɩga pɩ vesiŋ. Ʋ faa vʋgʋ nɛ, a ŋɩŋaa chichiribi wɩaa arɩ hɩl wɩaa, a yɩyɩrɛ kantɔŋŋɔɔ arɩ lɛlɛɛ. Ʋ fa ŋaa wʋbɔŋŋɔɔ yʋgɛ nɛ woruŋ a leŋ La TƖƖNA baanɩŋ chaasa sii ʋ nyuŋ.

AZAAYA 30:33

Ba gɩrɛ daasɩŋ nɛ lee-la ba sɩɩ yɩrɛ Tɔfɛf lɛ faafaa kala a gbɩgbɛrɛ Asiiria kuoro. Ba leŋe nyiŋ-la bʋa luŋ nɛ aŋ jal ma, nyiniŋ arɩ daasɩŋ yʋga nɛ a hɛ nɩmɛ. La TƖƖNA wiese jaŋ nagɛ juribiiŋ sɩ chol nyiŋgeliŋ a jomba dii.

AZAAYA 57:5

Ma yie ŋɩŋaa bachɔrʋŋ arɩ hachɔrʋŋ wɩaa nɛ tɩɩ-lugunuŋ tʋɔŋ, aŋ kɛsɛ ma biiriŋ ma a kpʋkpaarɛ vʋɩyaa lɩɩ-libisiŋ tʋɔŋ arɩ bʋ-kuloo nyuŋ.

JƐRƖMAAYA 19:2

dɩ ma mʋ Bɛŋ-Hɩnɔm fuonaaŋ sɩ kpagɛ kanchelliŋ boi-baalɩŋ. Dɩ ma nɛ mʋ nɩmɛ, bʋl wɩalɩŋ mɩ sɩ jaŋ bʋla pɩŋ.

JƐRƖMAAYA 2:23

Ɛɛ nɛ saa ma jaŋ wuo bʋl, ‘La bɩ disiniŋ ŋaa chei la tɩtɩa, la bɩ vene-la ba sɩɩ yɩrɛ Baal kpaara?’ Má beŋ wɩalɩŋ ma sɩ ŋaa fuonaaŋ lɛ. Má kɛŋ wɩalɩŋ ma sɩ ŋaa bɩɩna na. Ma nagɛ bʋntaŋŋɩ-nɩɩŋ sɩ gɔllɔ fá a chɩchɛ belliŋ dɩ ba jɩlʋ nɛ.

JƐRƖMAAYA 32:34

Ba joŋ ba tɔŋŋɔɔ mɩ sɩɩ kɩsʋ nɛ a bil mɩ dɩɩ-bal-la mɩ yɩrɩŋ sɩ hɛ lɛ, a ŋaa ʋ kɛŋ disiniŋ.

JƐRƖMAAYA 32:35

Ba saa vesiŋ dɩ-kpaaraa nɛ Bɛŋ Hɩnɔm fuonaaŋ lɛ a pɩ vene-la ba sɩɩ yɩrɛ Baal dɩ ba kɛsɛ ba hambolibiisiŋ arɩ ba hantolibiisiŋ a kpaarɛ vene-la ba sɩɩ yɩrɛ Mɔlɛk. Wɩɩ mɩ sɩ bɩ ba daga, ŋɩɩ paala bɩ mɩ tʋɔbɩɩnaa ma kɔ arɩ ba jaŋ ŋaa wʋkɩsɩŋ deeŋ a leŋ dɩ Juda ŋaa wʋbɔŋ.

ƐZƖKƖƐL 16:20

Ŋ joŋ ŋ hambolibiisi-la arɩ hantolibiisi-la ŋ sɩ lʋla pɩmɛ a kpaarɛ tɔŋŋɔɔ nɛ. Hachɔrʋŋ wɩalɩŋ ŋ sɩ ŋaa bɩ magaa?

ƐZƖKƖƐL 20:26

Mɩ leŋe ba kɛsɛ ba hambolibii bumbumba fa sɩ maga dɩ ba joŋo pɩmɛ nɛ a kpʋ nyɩga pɩ vesiŋ a chei ba tɩtɩa. Mɩ fa ŋaa ŋɩɩ dɩ mɩ joŋ fawʋllʋŋ kɩŋkɛŋ nɛ hɛ ba lɛ dɩ ba jɩŋ arɩ mɩ nɛ ba TƖƖNA.’

ƐZƖKƖƐL 20:31

Dɩ ma nɛ kɛsɛ ma hambolibii bumbumba fa sɩ maga dɩ ma joŋo pɩmɛ, a kpʋ a nyɩga pɩpɩ vesiŋ, ʋ ŋɩɩ kala ŋaa disiniŋ nɛ ma ŋaa hɩhɛ ma tɩtɩa lɛ a kaa kɔ arɩ jɩnɩŋ. Iziral tɩmma, ʋ maga dɩ mɩ leŋ ma pɩɛsɛmɛ na wɩɩ nɛɛ? Mɩ-na ma TƖƖNA Wɩɩjarɩbakɔ ŋmɩɛsa, mɩ bɩ jaŋ leŋ dɩ ma pɩɛsɛmɛ na wɩɩkala.’

LEVI DOHO NƖAA 18:21

Má pʋpɔ ma sɩ́ ma bii kaa pa dɩ ba kaa kpaarɛ vene-la ba sɩɩ yɩrɛ Mɔlɛk, a hɛ ma Wɩa hɩɩsɩŋ. Mɩ nɛ ŋaa ma TƖƖNA.

MƖKA 6:7

La TƖƖNA tʋɔŋ jaŋ tɔrɛ pie-belliŋ bʋɩba nyuŋ koo nʋʋŋ sɩ su fuonuŋ bʋɩ fiiba a pɩpɛllɛ nyuŋ? Mɩ joŋ mɩ hambolibii bumbuŋ, mɩ tɩtɩa bii-lʋlʋŋ a ŋaa Wɩɩsʋlʋŋ pʋ a tɩŋ mɩ wʋbɔŋŋɔɔ wɩaa?

MOSIS BƖRA WULLI WƖA WOMBIIŊ 12:31

Má bɩ maga dɩ má zil ma TƖƖNA Wɩa ŋɩɩ nɩalɩŋ sɩɩ zil ba vesiŋ. Dɩ ba nɩɩ kpaarɛ ba vesiŋ, ba yie ŋaa wɩalɩŋ sɩ bɩ bana kɛnɛ a kɩkɩsɛ nɛ La TƖƖNA teeŋ. Ba yie wuo joŋ ba biiriŋ a nyɩga pɩ ba vesiŋ.

MOSIS BƖRA WULLI WƖA WOMBIIŊ 17:3

a zizil wɩa-nyuŋ kʋŋ, wɩɩpɔsʋŋ, chɛnɛ, koo chɛnwʋlaa, arɩ vesiŋ dɔnsʋŋ La TƖƖNA sɩ bɩ ŋɩɩ daga,

MOSIS BƖRA WULLI WƖA WOMBIIŊ 18:10

Ma pɔ má sɩ́ ma bii-kala, baal koo haal kaa kpʋ a nyɩgɛ koruŋ nyuŋ a pɩ vene kala. Má sɩ́ vʋgʋ, a sɩ́ chichiribi wɩaa ŋaa, hɩllɩŋ,

JOSUA 15:8

Tintee-la bʋa nɛ ha jɩla to Bɛŋ Hɩnɔm fuonaaŋ a joŋ ŋɩɩ a mʋ to Jebus tɩŋŋaa tabal-la (ʋ nɛ ha baa yɩrɛ Jerusalɛm) a joŋ ŋɩɩ a mʋ jɩl dundolo nyuŋ sɩ hɛ Hɩnɔm fuonaa-la wɩɩjʋʋlʋŋ dɩɩrɩŋ, a bɩra hɛ Refem fuonaaŋ wɩɩpɔsʋŋ nagʋa dɩdɛrɩŋ.