JƐRƖMAAYA 7:29 - WƖA TENIŊ

²⁹ Jerusalɛm tɩmma, má kɛ ma nyu-pʋnaa a yuo ta, aŋ jɩl dundol kpʋlaa nyuŋ a ta jembiee a yiyel, bɛɛ wɩaa mɩ-na ma TƖƖNA baanɩŋ sii doho deeŋ nɩaa nyuŋ nɛ, mɩ vɩaba ta.

JƐRƖMAAYA 7:29 ပူးပေါင်းရင်းမြစ်များ

2 KUOROO 17:20

Ŋɩɩ nɛ La TƖƖNA vɩa Iziral tɩŋŋaa kala ta, aŋ dɔgɩsɛba a leŋ ba dʋndɔŋŋɔɔ sɩ kɛŋ tʋɔhɛɛŋ kɛsɛba a kaa viiri.

JOB 1:20

Job sɩ nɩɩ wɩaa deemba kala, ʋ sii kɛŋ ʋ gɛnnɩŋ kɩɛsɛ aŋ fʋŋ ʋ nyuŋ aa dagɛ tʋɔ-cheeŋ. Ŋɩɩ nɛ ʋ tuu tele chu tinteeŋ a chʋɔlɛ Wɩa

AZAAYA 22:12

La TƖƖNA doluŋ kala Tɩɩna yɩrɛma nɛ tapʋlɩɩ-la dɩ ma ŋmoo niiŋ a yiyel a fʋŋ ma nyusuŋ aŋ laalɛ tʋɔ-chei gɛnnɩŋ.

JƐRƖMAAYA 12:7

Mɩ jaŋ vɩa mɩ nɩaa Iziral tɩŋŋaa ta, Mɩ jaŋ vɩa mɩ nɩtɩɩlaa ta. Mɩ jaŋ joŋ mɩ nɩchooloo hɛ ba dʋndɔŋŋɔɔ nɩsɩŋ lɛ.

JƐRƖMAAYA 14:19

Ŋ vɩa Juda nɩaa ta biri biri nɛɛ? Ŋ bɛrɛ Jerusalɛm nɩaa nɛɛ? Bɛɛ nɛ tɩɩ ŋ bolimi la ŋɩɩ kɩŋkɛŋ, dɩ ba sɩ́ wuo vaarɛla? La faa yɩɛlɛ dɩ la hɔŋ arɩ fɩɛlɩŋ nɛ, ama la bɩ ŋɩɩ na. Bʋa-la sɩ maga dɩ la duoro lɩɩ wɩaa lɛ, fawʋllʋŋ nɛ mɩɩra faasa kɛnla.

JƐRƖMAAYA 16:6

Nɩbalaa arɩ nɩbiisiŋ kala jaŋ sʋʋ tinteeŋ deeŋ lɛ. Ba bɩ jaŋ hugiba koo a yel ba yosuŋ. Nʋʋkala bɩ jaŋ tɩŋ ba wɩaa a kpɛrɛ ʋ tɩtɩa koo a fʋŋ ʋ nyuŋ.

JƐRƖMAAYA 3:2

Má beŋ dundol kpʋlaa nyuŋ na, lee hɛ nɩmɛ ma sɩ bɩ wʋchɔrʋmɔɔ ŋaa? Ma yie hɔŋ wombiiŋ sɛmɛ nɛ a gbɩgbɛrɛ ma hɩɩlaba. Ma nagɛ nɩaa sɩ gɔllɔɔ baarɛ tintee-hɩlɩŋ lɛ nɛ. Ma ŋaa wʋchɔrʋmɔɔ arɩ tʋɔhɛɩ wɩaa a leŋ tintee-la kɛŋ disiniŋ nɛ.

JƐRƖMAAYA 3:21

Nɩaa nɩɩ yel dundol kpʋlaa nyuŋ, Iziral tɩŋŋaa nɩɩ yel ŋɩɩ aŋ sʋsʋl dɩ mɩ joŋo chɛba, bɛɛ wɩaa ba yʋ mɩ-na ba TƖƖNA Wɩa wɩaa nɛ a vɩa mɩ wombiiŋ.

JƐRƖMAAYA 47:5

Gaza nɩaa jaŋ fʋŋ ba nyusuŋ aa dagɛ tʋɔ-cheeŋ. Asɩkɛlɔŋ nɩaa jaŋ ŋaa ba niiŋ chɩm. Fɩlɩsɩtɩa nɩkaanaa, ɛɛ nɛ maa chɛ ma yele diene magɛ?

JƐRƖMAAYA 48:37

Ba fʋŋ ba nyusuŋ kala nɛ, a fʋŋ ba tɔŋŋɔɔ ma kala. Ba kpɛrɛ ba nɩsaa nɛ aŋ vɔɔ tʋɔ-chei gɛnnɩŋ.

JƐRƖMAAYA 6:30

Ba kɛmba yɩyɩrɛ hɔpʋla ba sɩ vɩa ta nɛ, bɛɛ wɩaa mɩ-na ma Tɩɩna vɩaba ta nɛ.”

JƐRƖMAAYA 9:10

Ŋɩɩ nɛ mɩ bʋl, “Mɩ jaŋ yele pɩ peelee aŋ ta jembiiŋ tɩgɛ ba pʋsʋŋ dɩ-diilee lɛ. Ba pɩna nɛ hoi, nʋʋkala bɩ nɩmɛ ka vɛŋ, ŋ bɩra bɩ nɛsɩŋ yele ka nɩɩ nɩmɛ. Diibiisiŋ kala file lɛl nɛ, bagɩlaa ma fá viiri.”

JƐRƖMAAYA 9:16

Mɩ jaŋ kɛmba pɩsa hɛ tinteyee lɛ ba dɩ ba nyɩmmaba kʋŋkala ha sɩ bɩ jɩŋ. Mɩ jaŋ kire to ba harɩŋ arɩ tokobiiŋ see dɩ mɩ kpʋba.”

JEMBIEE 5:22

see dɩ ŋ paala chaasa vɩala, a na baanɩŋ la nyuŋ a kieli.

ƐZƖKƖƐL 19:1

Ta jembiiŋ a pɩ Iziral sɩpaalaaraa balɩa

ƐZƖKƖƐL 28:12

“Nuhuobiiŋ, ta jembiiŋ a mʋ tɩgɛ Taaya kuoro lɛ: Bʋla pʋ wɩɩ-la mɩ-na ma TƖƖNA Wɩɩjarɩbakɔ sɩɩ bʋl nɛ ŋ-la: Ŋ fa bɩ wʋcheeli kala kɛnɛ, nʋʋkala bibeŋ ŋ lɛ, a kɛŋ wʋjɩmɩŋ, a zɔŋ ma woruŋ.

AMƆS 5:1

Ma Iziral tɩmma, má jegile nɩɩ jembii-la mɩ-na Amɔs sɩ ta a tɩgɛ ma lɛ:

MƖKA 1:16

Juda tɩmma, má fʋŋ nyu-kpelliŋ aŋ yel ma bii-chooloo lɛ. Má kɛŋ nyu-kpelliŋ a nagɛ duuŋ, bɛɛ wɩaa ba jaŋ kɛsɛ ma biiriŋ mʋ yoŋ-baga.

Matiu 12:39

Ŋɩɩ nɛ Yesu bʋl, “Jɩnɩŋ nɩaa ŋaa nɩbɔmɔ nɛ, ba bɩ Wɩa ka fá. Ma sɩ dɩ mɩ ŋaa wʋmagɩlɩŋ. Aɩ, mɩ bɩ ŋaa. Wʋmagɩlɩŋ ma sɩɩ chɛ, ma bɩ jaŋ wuo naʋ, see wʋmagɩl-la Wɩa fa sɩ ŋaa a tɩgɛ Jona lɛ.

Matiu 16:4

Jɩnɩŋ nɩaa ŋaa nɩbɔmɔ nɛ, ba bɩ Wɩa ka fá. Ma sɩ dɩ mɩ ŋaa wʋmagɩlɩŋ. Aɩ, mɩ bɩ ŋaa. Wʋmagɩl-la ma sɩɩ chɛ, ma bɩ jaŋ wuo naʋ, see Wɩa fa sɩ ŋaa wɩɩ-la a tɩgɛ Jona lɛ.” Ŋɩɩ nɛ Yesu lemba aŋ viiri.

Matiu 23:36

Wʋtɩtɩɩ nɛ mɩ bʋlaa pɩma, dɔgʋsʋnɔ-la Wɩa sɩ jaŋ dɔgɩsɛ nɩkpʋʋraa deemba, ʋ jaŋ joŋo dɔgɩsɛ jɩnɩŋ nɩaa.

Matiu 3:7

Jɔɔŋ na Farisii tɩŋŋaa arɩ Saduusi tɩŋŋaa dɩ ba yʋga a kʋkɔ ʋ teeŋ dɩ ʋ foba Wɩɩchʋɔlɛ lɩɩŋ. Ʋ bʋla pɩba, “Ma nɩaa deemba wʋŋaalaa nagɛ dɩŋŋaa nɛ. Ma bɩɩna ma jaŋ wuo fá lɛl chɛɛ-la Wɩa sɩ jaŋ dii nʋʋkala sarɩyaa?

Tɩntɩŋŋaa 2:40

Pɩɩta sɩ bʋl ŋɩɩ, ʋ sʋlba a paala chaasa bʋl wɩaa dɔnsʋŋ yʋgɛ a bʋl, “Má lɩɩsɛ ma tɩtɩa nɩbɔŋŋɔɔ deemba tʋɔŋ.”

MOSIS BƖRA WULLI WƖA WOMBIIŊ 32:5

Ama ma Iziral tɩŋŋaa bɩ wʋtɩtɩɩ kɛnɛ Wɩa teeŋ, ma bɩra bɩ maga dɩ ma ŋaa ʋ biiriŋ, ma ŋaa nɩa sɩɩ pillu nɛ, ma bɩ dɩ-bala chɩna.