JƐRƖMAAYA 7:28 - WƖA TENIŊ

²⁸ Ŋɩɩ wɩaa bʋla pɩba, ‘Tintee-la nɩaa sɩ vɩa dɩ ba to mɩ-na ba TƖƖNA Wɩa niiŋ, a bɩ sɛyɛ dɩ mɩ kɛmba tʋra kɩɩ nɛ ŋɩɩ. Wʋtɩtɩɩ lɛlɛ nɛ, ʋ lɛl ba niiree lɛ nɛ.’ ”

JƐRƖMAAYA 7:28 ပူးပေါင်းရင်းမြစ်များ

WƖA YƖƖLAA 12:2

Nʋʋkala ka nyɩɛ wɩaa nɛ ʋ naambie teeŋ, a kɛŋ nii-sɩma nyɩnyɩsɛ dɔŋɔ.

WƖA YƖƖLAA 50:17

Ma bɛrɛ wɩalɩŋ mɩ sɩ daga dɩ ma ŋɩŋaa nɛ, aŋ joŋ harɩŋ yɩa mɩ niiŋ wɩaa.

NAMAGABA 1:7

Dɩ ŋ nɩɩ to La Tɩɩna niiŋ a zizilu, wʋjɩmɩŋ dɩ-suomuŋ nɛ ŋɩɩ. Ama nɩyaaraa bɩ wʋjɩmɩŋ cho a bɩ sɛɩ dɩ ba dagɛba.

AZAAYA 30:9

Ba ŋaa nɩa sɩ vɩa wɩalɩŋ La TƖƖNA sɩ daga nɛ. Ba ŋaa wʋnyɩɛraa nɛ. Ba bɩ chɛ dɩ ba jegile nɩɩ wɩalɩŋ ʋ sɩɩ dagɛba.

JƐRƖMAAYA 11:10

Ba mɩɩra ŋɩŋaa wʋbɔmɔ-la ba naabalɩmaba-la fa sɩ vɩa dɩ ba jegile nɩɩ mɩ niiŋ wɩaa aŋ ŋaa nɛ. Ba to vʋɩyaa nɛ a kpaarɛba. Juda arɩ Jerusalɛm nɩaa kala chei nii-la mɩ fa sɩ bile mɩ dɩ ba naabalɩmaba pɛgɛ nɛ.

JƐRƖMAAYA 17:23

Ama ba fa bɩ jegile nɩɩ a kaa tɩŋ. Ba fa kɛŋ nyuduoŋ nɛ a bɩ chɛ ba jegile nɩɩ koo a sɛɩ dagɩŋ.

JƐRƖMAAYA 2:30

Mɩ fa dɔgɩsɛ ma nɩaa nɛ a chɩchɛ dɩ mɩ kɛmba tʋra kɩɩ nɛ, ama ŋɩɩ ŋaa pɛɩ nɛ. Ba fa bɩ mɩ teeŋ jegile nɩɩ, aŋ kpʋ ma Wɩa wʋlaabʋllaa a nagɛ naachigiŋ sɩ hoso a kpʋ nɩaa.

JƐRƖMAAYA 32:33

Ba joŋ harɩŋ nɛ yɩamɛ, ba sɩpaaŋ tuo mɩ lɛ. Mɩ sɩ dagɛba bʋlɩa bʋlɩa ma kala, ba bɩ jegile nɩɩ, koo a sɛɩ dɩ mɩ kɛmba tʋra kɩɩ.

JƐRƖMAAYA 5:1

La Tɩna sɩ, “Joŋ Jerusalɛm womporunuŋ kala gɔllɛ, beŋ ba kala lɛ fii a gollo bala na, nyilimi ba dɩ-hɔnɔɔ kala. Dɩ ŋ nɛ na nɩbala ma sɩɩ ŋaa wɩaa ba bʋa lɛ a chɩchɛ wʋtɩtɩɩ, mɩ jaŋ joŋo chɛ tabal-la nɩaa.

JƐRƖMAAYA 5:3

La TƖƖNA, wʋtɩtɩɩ dee ŋ chɩchɛ dɩ ŋ naa? Ŋ ŋmooba nɛ, ama ʋ bɩ ba lɛ wɩa. Ŋ wʋrɩgɛba nɛ, ama ba bɩ ŋ dagɩŋ sɛyɛ. Ba leŋe ba nyuŋ dol nɛ a kɩɩ tabɩɩŋ, aŋ vɩa dɩ ba bɩrɩma lɩɩ ba wʋbɔŋŋɔɔ ŋaanɩŋ lɛ.

JƐRƖMAAYA 6:17

Mɩ fa lɩɩsɛ nɩaa nɛ dɩ ba pɔma aŋ bʋl, ‘Má jegile nɩɩ banyile-la ba sɩ ŋmʋa aa kɛŋ ma tɩtɩa.’ Ama ma sɩ, ‘La bɩ jaŋ jegile nɩɩ.’

JƐRƖMAAYA 6:28

Ba kala ŋaa nyu-duo tɩmma nɛ a vɩa mɩ niiŋ, a gɔllɔ chichei nɩaa yɩrɩŋ. Ba wɩaa dolie nagɛ kɔlɩɩŋ arɩ hɔɔŋ nɛ, ba kala wʋŋaalaa lɔrɔ.

JƐRƖMAAYA 6:8

Jerusalɛm tɩmma, má jegile nɩɩ ŋɩɩ mɩ sɩɩ chagɩlɛma, dɩ ŋɩɩ dee, mɩ jaŋ lɩɩ ma harɩŋ, a leŋ dɩ ma tinteeŋ pɩŋ hoi dɩ nʋʋkala sɩ́ wuo hɔŋ nɩmɛ.”

HOSIA 4:1

Iziral tɩmma, má nɩɩ wɩɩ-la La TƖƖNA sɩ bʋla, La TƖƖNA kɛŋ wɩɩ nɛ a kʋkɔ dɩ ʋ hɛ ma nɩalɩŋ sɩ hɛ tintee-la lɛ. Ʋ sɩ, “Ma bɩ wʋtɩtɩɩ kɛnɛ, a bɩ dɔŋɔ cho. Tintee-la lɛ, ma bɩ jɩŋ arɩ mɩ nɛ Wɩa.

ZEFANAAYA 3:2

Ʋ bɩ nʋʋkala niiŋ ka nɩɩ. Ʋ bɩ sɛyɛ ba dɩdagʋ. Ʋ bɩ La TƖƖNA laa dii. Ʋ bɩ sɛyɛ a mʋ kpɩkpagɛ ʋ Wɩa.

ZEFANAAYA 3:7

Mɩ fa bɩɩna mɩ nɩaa jaŋ fámɛ, a sɛɩ mɩ dagɩŋ, dɩ mɩ bɩra sɩ́ ba taŋ chei a dɔgɩsɛba. Ama ba haa ŋaa wʋbɔmɔ-la ba fa sɩɩ ŋaa nɛ.”