JƐRƖMAAYA 7:21 - WƖA TENIŊ

²¹ Wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa bɩra sɩ bʋla nɛ ŋ-la: Má joŋ ma kʋnyɩgaa Wɩɩsʋlʋŋ kɩaa arɩ Wɩɩsʋlʋŋ pʋsʋ-la dɔnsʋŋ ma sɩ kpʋa nammɩa pɛ dɔŋɔ a tɩtɩa chɩchaŋ.

JƐRƖMAAYA 7:21 ပူးပေါင်းရင်းမြစ်များ

WƖA YƖƖLAA 50:8

Ʋ bɩ naga mɩ joŋ cheeriŋ pɩpɩma a tɩgɛ pʋsʋ-la ma sɩ yie kpʋ a ŋaa Wɩɩsʋlʋŋ pɩmɛ nɛ, koo kʋnyɩgaa Wɩɩsʋlɩɩ-la ma sɩ yie kaa kɔ mɩ sɩpaaŋ wɩaa nɛ.

AZAAYA 43:23

Ma bɩ piesee kaa kʋ ŋaa kʋnyɩgaa Wɩɩsʋlʋŋ pɩmɛ. Ma bɩ pʋsʋŋ kpʋ a ŋaa Wɩɩsʋlʋŋ a zilmi. Mɩ bɩ ma fʋga dɩ ma kɛŋ mɩaa Wɩɩsʋlʋŋ kɔ, koo a walɩmɛ ma a tɩŋ kʋsʋɔrʋsʋŋ sʋɔra sɩ sɩma wɩaa.

JƐRƖMAAYA 14:12

Arɩ ba sɩɩ vɔɔ niiŋ ma kala, mɩ bɩ jaŋ jegile nɩɩ ba yele. Ba ŋaa kʋnyɩgaa Wɩɩsʋlʋŋ arɩ mɩaa Wɩɩsʋlʋŋ pɩpɩmɛ ma nɛ, ama mɩ bɩ jaŋ laaba. Mɩ jaŋ mɩɩra joŋ laalɩŋ, losuŋ arɩ nyanyalɩŋ a hɛ ba lɛ dɩ ba sʋʋ.”

JƐRƖMAAYA 6:20

Kʋsʋɔrʋsʋ-la ba sɩ kaa lɩɩ taŋ-la ba sɩɩ yɩrɛ Sɩɩba arɩ tegisi-la dɔnsʋŋ sʋɔra sɩ sɩma ba kaa lɩɩ tintee-la sɩ bolie kʋʋ pɩmɛ, ba bɩ bʋbʋɔ kala kɛnɛ mɩ teeŋ. Mɩ bɩ ma kʋnyɩgaa Wɩɩsʋlʋŋ kɩaa ka laa. Mɩ tʋɔŋ bɩ pʋsʋ-la ma sɩ yie kpʋ pɩmɛ nyuŋ ka tɔrɛ.”

ƐZƖKƖƐL 33:25

Ŋɩɩ wɩaa, bʋl wɩɩ-la mɩ-na ma TƖƖNA Wɩɩjarɩbakɔ sɩ bʋla a pɩba: Ma yie chɩchaŋ nammɩa arɩ chalɩŋ nɛ, a kpʋkpaarɛ vʋɩyaa, a kpʋkpʋ nɩaa ma. Bɛɛ nɛ saa tɩɩ ma bɩɩnɛ tintee-la maga dɩ ʋ ŋaa ma kʋŋ nɛ?

HOSIA 8:13

Ba yie kpʋ pʋsʋŋ a ŋaa Wɩɩsʋlʋŋ pɩmɛ, aŋ joŋ nammɩa-la chaŋ, ama mɩ-na ba TƖƖNA tʋɔŋ bɩ ba Wɩɩsʋlʋŋ-la nyuŋ tɔrɔ. Lɛɛlɛ mɩ jaŋ liise yi ba nɩbɔŋ wɩalɩŋ lɛ a dɔgɩsɛba a tɩŋ ba wʋbɔŋŋɔɔ wɩaa. Ba jaŋ mɩɩra mʋ Ijipiti tinteeŋ.

MOSIS BƖRA WULLI WƖA WOMBIIŊ 12:27

Má kɛŋ ma kʋnyɩgaa Wɩɩsʋlʋŋ pʋna nammɩa arɩ ʋ chalɩŋ kaa mʋ ma TƖƖNA Wɩa koru-la teeŋ. Ma Wɩɩsʋlʋŋ pʋsʋŋ kala chalɩŋ maga dɩ má joŋo bɩsa wurisi La TƖƖNA koru-la nɛ. Ama, ma jaŋ wuo chaŋ ba nammɩa-na.