JƐRƖMAAYA 7:20 - WƖA TENIŊ

²⁰ Ŋɩɩ wɩaa, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ na baanɩŋ ba nyuŋ kɩŋkɛŋ nɛ, mɩ jaŋ joŋ mɩ baaŋ-la sɩ faasa sii fɩɩsɛ Juda nɩaa lɛ, ba pʋsʋŋ arɩ ba tɩɩsɩŋ arɩ ba kʋpɛrɛɛ lɛ. Mɩ baaŋ-la jaŋ nagɛ nyiŋ-la sɩ bɩ dɩsɛ a diiba.

JƐRƖMAAYA 7:20 ပူးပေါင်းရင်းမြစ်များ

2 KUOROO 22:17

bɛɛ wɩaa ba vɩamɛ nɛ aŋ nyɩgɛ kʋsʋɔrʋsʋŋ pɩpɩ vesiŋ, a leŋ mɩ baanɩŋ sii tɔmɔ-la ba tɩtɩa sɩ mɛ lɛ. Mɩ baanɩŋ chaasa sii ba nyuŋ nɛ, ʋ bɩ jaŋ fɩɛlɛ.’

AZAAYA 10:17

Iziral tɩŋŋaa Wɩa sɩ ŋaa ba pʋlʋmʋŋ jaŋ nagɛ nyiniŋ. Ba Wɩa sɩ bɩ disiniŋ kɛnɛ jaŋ nagɛ nyiŋgeliŋ, ʋ jaŋ joŋ tapʋl-bala a dii Asiiria tɩmma-la sɩ nagɛ yakʋɔŋ arɩ sɔsʋŋ sɩ lugo.

AZAAYA 42:25

Ŋɩɩ nɛ ʋ na baanɩŋ woruŋ ba nyuŋ, laalɩŋ jʋʋba. Ʋ baaŋ-la nagɛ nyiniŋ nɛ a joŋ Iziral tɩŋŋaa kala dii, ka ba ha bɩ wɩɩ-la bʋbʋɔŋ jɩŋ. Nyiŋ-la diiba ŋɩɩ ma nɛ, ka ba ha vɩa dɩ ba joŋ wɩɩ-la a hɛ ba nyuŋ lɛ.

AZAAYA 66:24

Dɩ ba nɛ lɩɩ dɩ-jalɩŋ, ba jaŋ na nɩalɩŋ kala sɩ vɩa mɩ niiŋ dɩ ba sʋʋ pɩŋ pɩŋ. Nanchʋɔla-la sɩɩ diiba bɩ jaŋ sʋʋ. Nyiŋ-la ma sɩ diiba bɩ jaŋ kɔ dɩ ʋ dɩsa. Ba kʋsʋʋnʋŋ jaŋ lɔrɛ a pɩ nuhuobiinee kala.”

JƐRƖMAAYA 11:16

Mɩ-na ma TƖƖNA faa yɩrɛma olif tɩa sɩ kɛŋ pɩpaarɩŋ nɛ, a kɛŋ nɛnɛɛ sɩ faasa zɔŋ. Ama mɩ jaŋ leŋ dɩ pel-duoŋ dɔmɔ sɩ nagɛ taŋ sɩ dɔmɔ lu ʋ nyuŋ, a bori ʋ naakelee, dɩ nyiniŋ diiu.

JƐRƖMAAYA 12:4

Ɛɛ nɛ la tinteeŋ chɛ dɩ ʋ hɩla diene magɛ, dɩ yaŋ-la sɩ hɛ ʋ lee-kala hɩl? Nɩalɩŋ sɩ hɛ tintee-la lɛ sɩ bɔmɔ wɩaa nɛ tɩɩ pʋsʋŋ, baga kɩaa arɩ zaaraa kala sʋʋ. Ama nɩalɩŋ sɩ, “Ʋ bɩ wɩalɩŋ la sɩɩ ŋaa ka na.”

JƐRƖMAAYA 14:16

Nɩalɩŋ ma ba sɩ nyɩɛ wɩalɩŋ pɩpa, jaŋ sʋʋ laalɩŋ lɛ, dɩ losuŋ ma kɛŋ ba dɔnsʋŋ dɩ ba sʋʋ, dɩ ba paaba yuo ta Jerusalɛm womporunuŋ lɛ. Nʋʋkala jaŋ tuo dɩ ʋ hugi ba dɩ ba haalaa, ba hambolibiisiŋ arɩ ba hantolibiisiŋ. Mɩ jaŋ joŋ hɛɛ-la sɩ maga dɩ ba na a hɛ ba lɛ.”

JƐRƖMAAYA 17:27

Ama dɩ ma nɛ bɩ mɩ niiŋ to a joŋ chɛ-wiesii-la dɩ ʋ ŋaa tapʋl-zɔŋ, aŋ chʋŋ kɩaa to boi-baala-la kʋʋ jʋʋ Jerusalɛm chɛ-wiesii-la chɛɛŋ, ŋɩɩ-na mɩ jaŋ chol nyiniŋ nʋʋ sɩ bɩ jaŋ wuo dɩsɛ a hɛ Jerusalɛm boi-baala-la lɛ dɩ ʋ dii Jerusalɛm dɩɩ-duoruŋ kala.”

JƐRƖMAAYA 17:4

A tɩŋ ma tɩtɩa cheeriŋ wɩaa, dʋa-la mɩ sɩ joŋo pɩma jaŋ lɛl ma nɩsɩŋ lɛ. Mɩ jaŋ leŋ dɩ ma ŋaa ma dʋndɔŋŋɔɔ yosi, tintee-la ma sɩ bɩ jɩŋ lɛ. Ma leŋe mɩ baanɩŋ faasa sii ma nyuŋ nɛ, ʋ saa bɩ jaŋ fɩɛlɛ.”

JƐRƖMAAYA 18:23

La TƖƖNA, ŋ jɩŋ ŋɩɩ kala ba sɩ vʋʋra dɩ ba kpʋmɛ nɛ. Sɩ́ ba wʋbɔŋŋɔɔ joŋo chɛba, sɩ́ ŋ sɩaa lɩɩsɛ ba wʋbɔŋŋɔɔ lɛ. Leŋ dɩ ba tele bilimi ŋ sɩpaaŋ. Na baanɩŋ a dɔgɩsɛba.

JƐRƖMAAYA 21:12

Devit doho nɩaa, wɩɩ-la mɩ-na ma TƖƖNA sɩ bʋla nɛ ŋ-la: Má to wʋtɩtɩɩ tapʋlɩɩ na-kala. Má lorigo laa nɩɩ-la ba sɩ nyaga bil ta, nɩɩ-la sɩɩ gʋrʋ nɩsɩŋ lɛ. Dɩ ŋɩɩ dee, mɩ baanɩŋ jaŋ pusi a nagɛ nyiniŋ, a tɩŋ wʋbɔmɔ-la ma sɩ ŋaa wɩaa. Nʋʋkala tuo sɩ jaŋ leŋ dɩ mɩ baaŋ-la fɩɛlɛ.

JƐRƖMAAYA 42:18

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘A nagɛ mɩ sɩ na baanɩŋ a dɔgɩsɛ nɩalɩŋ sɩ hɛ Jerusalɛm lɛ ŋɩɩ, ŋɩɩ tɩtɩa nɛ mɩ jaŋ na baanɩŋ a ŋaa ma lɛ, dɩ ma nɛ mʋ Ijipiti tinteeŋ. Mɩ jaŋ leŋ dɩ ma kɛŋ nyɛsɩŋ nɩaa sɩaa lɛ. Nɩaa jaŋ sisieri ma lɛ, a kɛŋ ma yɩrɩŋ ŋmɩɛsa hɩhɛ nɩaa lɛ, a joŋ cheeriŋ pɩpɩma. Ma bɩra bɩ jaŋ kɔ dɩ ma na leriŋ deeŋ.’

JƐRƖMAAYA 44:6

Ŋɩɩ wɩaa, mɩ chaasa na baanɩŋ ba nyuŋ, a chei Juda tasɩŋ arɩ Jerusalɛm womporunuŋ, a leŋ ba cheye pɩŋ hoi arɩ ŋɩɩ ba sɩ naga jɩnɩmba.

JƐRƖMAAYA 6:11

La TƖƖNA, baaŋ-la ŋ sɩ na ba nyuŋ chaasa tʋgʋmɛ nɛ. Mɩ bɩ jaŋ wuo nyagʋ bil. Ŋɩɩ nɛ La TƖƖNA bʋla pɩmɛ, “Joŋ ŋ baaŋ-la fɩɩsɛ ba biiriŋ sɩ hɛ womporuŋ lɛ, arɩ bapʋɔsɩa-la sɩ hilime. Sɩ́ baalaa arɩ ba haalaa ma lɩɩsa ta. Sɩ́ nɩalɩŋ sɩ faasa hɩɛsɛ ma lɩɩsa ta.

JƐRƖMAAYA 6:12

Ba dɩɩsɩŋ jaŋ mɩɩra ŋaa ba dʋndɔŋŋɔɔ kɩaa, a pɛ ba bagɩsɩŋ arɩ ba haalaa lɛ. Mɩ jaŋ dɔgɩsɛ nɩalɩŋ sɩ hɛ tintee-la lɛ.” La TƖƖNA nɛ bʋla.

JƐRƖMAAYA 8:13

Mɩ jaŋ leŋ dɩ ba kʋpɛrɛɛ birigi. Girep tɩɩsɩŋ bɩ jaŋ kɛŋ nɛŋ kala. Tutogo ma bɩ jaŋ nɛŋ tutogi-nambɩlaa, ba pɩpaarɩŋ jaŋ yuori. Kɩalɩŋ kala mɩ sɩ joŋo pɩba, mɩ jaŋ laaba ba teeŋ. Mɩ-na ma TƖƖNA nɛ bʋla.”

JEMBIEE 4:11

La TƖƖNA chaasa na baanɩŋ nɛ, ʋ baanɩŋ chaasa sii nɛ ʋ pɔsɛ. Ʋ fuuni nyiniŋ hɛ Zaayɔŋ lɛ nɛ, ʋ joŋ ʋ kala kɔlɩmɛ a tuu yi gentine.

ƐZƖKƖƐL 22:22

A nagɛ ba sɩ yie joŋ hɔpʋla hɛ nyiniŋ lɛ ʋ ŋmɩɛrɛ ŋɩɩ, ŋɩɩ tɩtɩa nɛ ma ma jaŋ ŋmɩɛrɛ Jerusalɛm lɛ. Ŋɩɩ nɛ ma jaŋ jɩŋ arɩ mɩ nɛ ma TƖƖNA sɩ na baanɩŋ ma nyuŋ.”

ƐZƖKƖƐL 7:12

Bʋa-la yie nɛ, tapʋlɩɩ-la kɔ nɛ. Nɩalɩŋ sɩ yɔɔ kɩaa, má sɩ́ leŋe dɩ ma tʋɔŋ tɔrɛ, nɩalɩŋ ma sɩɩ yallɛ kɩaa, má ma sɩ́ leŋe dɩ ma tʋɔŋ chei, bɛɛ wɩaa Wɩa baanɩŋ sii ma kala nyuŋ nɛ.

ƐZƖKƖƐL 7:14

Ba ŋmʋʋ banyile nɛ a nyɩgɩlɛ, ama nʋʋkala bɩ jaŋ mʋ laalɩŋ, bɛɛ wɩaa mɩ na baanɩŋ nɛ nɩ-daŋ-la kala nyuŋ.

DANƖƐL 9:11

Iziral tɩŋŋaa kala chei wombii-la ŋ sɩ bile dɩ ba tuto nɛ a joŋ harɩŋ yɩaŋ a vɩa dɩ ba to ŋ niiŋ. Ŋɩɩ wɩaa kalɩbɩna-la arɩ ŋmɩaŋ-la ŋ-na Wɩa tɩntɩnna Mosis sɩ ŋmʋnsa bil ŋ wombiiŋ teniŋ tʋɔŋ mɩɩra wurisila nɛ, bɛɛ wɩaa la ŋaa wʋbɔŋ nɛ ŋ teeŋ.

LEVI DOHO NƖAA 26:28

mɩ baanɩŋ jaŋ sii ma nyuŋ dɩ mɩ dɔgɩsɛ ma a kɩɩ ŋɩɩ naansɩɩŋ bʋlɩpɛ, a tɩŋ ma wʋbɔmɔ-la wɩaa.

NAHUM 1:6

Kʋbɛɛ nɛ jaŋ wuo chɩŋ ʋ sɩpaaŋ dɩ ʋ baanɩŋ nɛ sie? Kʋbɛɛ nɛ jaŋ wuo waa, dɩ ʋ baanɩŋ nɛ hoso? Ʋ baanɩŋ yie pusi a nagɛ nyiniŋ nɛ, bʋsʋŋ yɩyɛrɛ ʋ sɩpaaŋ.

ZEFANAAYA 1:2

La TƖƖNA sɩ, “Mɩ jaŋ tii paa kʋŋkala sɩ hɛ dʋnɩa lɛ.

ZEFANAAYA 1:3

Mɩ jaŋ tii paa nuhuobiinee arɩ pʋsʋŋ, diibiisiŋ arɩ chenfilee sɩ hɛ mʋgʋ-balɩŋ tʋɔŋ. Nɩbɔŋŋɔɔ jaŋ daŋ dɔŋɔ lɛ a sii chʋɔrɛ, dɩ mɩ nɛ kpʋ dʋnɩa nɩaa kala.” La TƖƖNA nɛ bʋla.

ZƐKARƖYA 7:12

Ba leŋe ba tʋɔŋ dol nɛ a nagɛ tabɩɩ-naŋkpachɩla a bɩ chɛ ba jegile nɩɩ wombie-la mɩ-na ba TƖƖNA sɩ bile dɩ ba tuto koo wɩalɩŋ mɩ-na ba TƖƖNA doluŋ kala Tɩɩna sɩ to mɩ Dɩma lɛ a bʋla pɩ mɩ wʋlaabʋlla-la sɩ laa sɩpaaŋ kɔ. Ŋɩɩ nɛ mɩ-na ba TƖƖNA doluŋ kala Tɩɩna faasa na baanɩŋ ba nyuŋ.

MALAKAƖ 4:1

La TƖƖNA doluŋ kala Tɩɩna sɩ, “Tapʋlɩɩ jaŋ yi dɩ nɩalɩŋ sɩɩ bigisi ba tɩtɩa lɛ arɩ wʋbɔŋ ŋaaraa kala dii nyiniŋ a nagɛ sekelee. Ba kʋŋkala bɩ jaŋ ka.

Matiu 3:12

Ʋ jaŋ kori ʋ mɩɩ-chaarɩ gbaŋa, dɩ ʋ ŋmoo ʋ mɩaa kala dɛrɛ, ʋ jaŋ kɛŋ gbaŋa-la a kaa chaarɛ a lɩɩsɛ mɩɩ-biiŋ a hɛ ʋ vire lɛ aŋ joŋ jɔrʋŋ a hɛ nyiniŋ lɛ. Nyiŋ-la bɩ jaŋ dɩsɛ.”

Jɔɔŋ Wʋnaalaa 14:10

Wɩa jaŋ na baanɩŋ kɩŋkɛŋ ʋ tɩɩna nyuŋ. Wɩa jaŋ faasa na baanɩŋ ʋ nyuŋ a dɔgɩsʋ woruŋ dɩ ʋ na hɛɛŋ a nagɛ nɩa sɩ nyʋa sɩ-duoŋ a bugi. Ba jaŋ joŋ jiribiiŋ nyiniŋ a dɔgɩsɛ tɩɩna. Ba jaŋ ŋaa ŋɩɩ Wɩa tɩndaara-la sɩ bɩ disiniŋ kɛnɛ arɩ Pie-bie-la sɩpaaŋ.